URA TIN AYRA 30
30
1Hu li ma Rasel wi ana ndaɗ ka vuɗ gooɗi ni, huruɗ mbuɗ li yowmusna eg wayaɗta. Ndaɗ di Yakob ana, «Ҥan gorra, kaɗi ni an miɗa.» 2Yakob hurum ɓeŋ eg Rasel, daɗ ana, «Anni Lona a doorok bay vuɗta su?» 3Ndaɗ dam ana, «Goora sununda, Bila, wanna aŋ buu u ndaɗu, ndaɗ vuɗ gorra, asi hin mbuɗ ni a goryonu.» 4Rasel ɦal goroɗta sunuɗta maŋ Yakob a cara. Nam buu u ndaɗu. 5Bila vi wiina, vuɗ go njufna maŋ Yakob. 6Rasel di ana, «Lona mbuɗun ɗegee wa, nam humun cen manda wa. Nam ɦan go njufna.» Kay ndaɗta, ndaɗ tinim sem ana Dan. 7Bila, goora sun Rasella, hoŋ vi wiina olo, vuɗ go njufna a mbara maŋ Yakob. 8Rasel di ana, «An duu u wayanda ni u saɓak Lona, an su kaɗ wa.» Ndaɗ tin sem goo namma ana Neftali.
9Lea wi ana ndaɗ ka vuɗ oloɗi, ni ɦal goora sunuɗta, Zilpa, maŋ Yakob a cara. 10Zilpa, goora sunda vi Lea, vuɗ go njufna maŋ Yakob. 11Lea di ana, «Tan don wa,» ndaɗ tinim sem ana Gad. 12Zilpa, goora sunda vi Lea, hoŋ vuɗ go njufna maŋ Yakob olo. 13Lea di ana, «An furi cocoo, kay gorɓiina hin yan ana furira.» Ndaɗ tinim sem ana Aser.
14Hu til ma feɗ wa blena, Ruben tuɗ ŋgoo bagiya, vek mandargorna#30.14 mandargorna (Mandragorna) ni va tina ko baŋgawna na, hu cokira vi Yakobpa suuna saa ana va namma njun u suuna a vuɗ gorra. aya, mba ɦam maŋ sum Lea. Rasel di Lea ana, «Ҥan ay u mandargor ma vi gorokŋana nde.» 15Lea hoŋ daɗ ana, «Ni kayra ndak ɓaɗan njufun kira, min a yowon mandargor ma vi goronna ki lay su?» Rasel daɗ ana, «Nam buu karam njeŋge u ndak kay mandargor ma vi gorokŋana ɗaŋ.» 16Fiɗigi Yakob ay hu senena kal ay vo may ni, Lea kal ay ki ŋgafam vogom dam ana, «Aŋ mbay buu ni varanu. Kay an gusuŋ ki u mandargor ma vi goronnana.» Yakob buu u ndaɗ hu njeŋge ndaɗta.
17Lona hum cenda vi Lea, ndaɗ vi wiina vuɗ go njuf ma vadlna maŋ Yakob. 18Lea di ana, «Lona ɦan warak manna wa kay an ɦal goora sununda maŋ njufunu,» ndaɗ tinim sem ana Issakar. 19Lea vi wiina olo, vuɗ go njufna ma karkiyana maŋ Yakob. 20Lea di ana, «Lona ɦan ɦalla jivira wa, ndaɗta ni njufun hin kak varan may ɗaŋ, kay an vuɗum gor njufiina karkiya.» Ndaɗ tinim sem ana Zabulon. 21Ndaɗ hin vuɗ go tamara may, tiniɗ seɗ ana Dina. 22Lona saa kay Rasel humuɗ cen maɗta, mbuɗuɗ cara vuɗta. 23Ndaɗ vi wiina, vuɗ go njufna di ana, «Lona tlan zolona ki kan wa.» 24Ndaɗ tinim sem ana Yosef, hin di ana ko Yawe ɦan goo ma daŋ hu dew.
Yakob mbuɗ sa ɦizina
25Ŋgoo vuɗta Rasel vuɗ Yoseffa ni, Yakob di Laban ana, «Hinin an hoŋ vo kay mbassanu. 26Hinin an tuɗ boyogon vo u goryonu, an laŋ sunda ni kasiya, sunda an laɗ varaŋga aŋ waɗ ki u taŋga may nige.» 27Laban dam ana, «Hinin an fi jivira fokoŋ na fige, an wi ana Yawe paɗ vunum ki kanni uŋ aŋu. 28Ŋgaan warak maŋŋa kiyo, an hin ɦaŋŋa.» 29Yakob dam ana, «Aŋ wi sun mayra an laŋgara, yoori maŋŋa zul coco ni unɗi su? 30Tlesuu an mba fasi koŋ jewna ni ew, tle asina zul koŋ coconi unɗi su? Yawe paɗ vunum ki kaŋŋi unu. An hin li sunda kay ziinni saɓa mayge.» 31Laban joɓom ana, «An ɦaŋŋi mege?» Yakob dam ana, «Aŋ ɦan va tuɗi. Lini aŋ min a li u dlara an daŋgara ni, an min a taraŋ yoori maŋsina tu olo. 32An hin poy karam duk yoori maŋsina ki halaŋ. Vaa gor timigii suu tasi jarina ki kay tasiya, suu ndunduɓukŋa u suu tasi warna, u ɦuguni suu tasi jarina, suu ndunduɓukŋa, hin li halaŋŋi a warak manna. 33Gasi manda hin tak taɗ ki vini hu li ma aŋ mba wan warak mannana. Yoori suu tasi ka jaari u ndunduɓukina duk ɦugunina u timigii suu warna lay maa paɗ kon wa ni kulna.» 34Laban di ana, «Jiviya, ko dla ndaɗta li ko aŋ dira na.»
35Hu buu namma gaw ni, Laban vaa ŋgekgi suu tasi jaari u suu ndunduɓukŋa ki kay tasi zeɗ, u dogoni ɦuni suu jarina u suu ndunduɓukŋa ki kay tasi zeɗ lay. Suu tasi duk haɓagina u timigiina halaŋ ɦasi ki maŋ goryomu. 36Nam sunusi ha ki day eg Yakob li buuna hindi kay tuɗta. Yakob hin ka taa u yoori suu hiŋŋa vi Laban may.
37Yakob ka tokolora ŋgolomba gugunina zeɗ zeɗ hindi toosi tasi ki haɓi. 38Nam cuk tokolo suu tasi ndalina ga fun bulla fok yoorina hu li ma asi mba ci yona huna, hu li ma asi mba ci yona na ni un tasiya. 39Yoori suu un tasi kay tokolora hu li nammana suu tamagina vuɗ gorra ni jari may, ndunduɓuk may, suu ndalina may.
40Yakob ɓorow ii gor timigiina kiyo, suu tasi jarina u suu ndunduɓukŋa suu ay duk suu vi Labanna nam cukusi ki duk mamsina. Ni ko ndaɗta na, nam ɓorow ii yoori mamsina ki u suu vi Labanna. 41Hu li ma timigii suu ɗoorina ka un tasiya ni, Yakob cukusi tokolora fokosi hu bulla duk yona gaw, kay asi un tasi tok na ni eg tokolora. 42Timigii suu iɗina ni nam ka cukusi tokolora fokosiɗi, kay ndaɗta asina ni suu vi Labanna, suu ɗoorina ni suu vi Yakobma may. 43Yakob mbuɗ bege cocoo, yoori suu gorina kom cocoo, suu sunda njufiina u boyogina kom cocoo, jamballa u korra kom coco lay.
Currently Selected:
URA TIN AYRA 30: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
URA TIN AYRA 30
30
1Hu li ma Rasel wi ana ndaɗ ka vuɗ gooɗi ni, huruɗ mbuɗ li yowmusna eg wayaɗta. Ndaɗ di Yakob ana, «Ҥan gorra, kaɗi ni an miɗa.» 2Yakob hurum ɓeŋ eg Rasel, daɗ ana, «Anni Lona a doorok bay vuɗta su?» 3Ndaɗ dam ana, «Goora sununda, Bila, wanna aŋ buu u ndaɗu, ndaɗ vuɗ gorra, asi hin mbuɗ ni a goryonu.» 4Rasel ɦal goroɗta sunuɗta maŋ Yakob a cara. Nam buu u ndaɗu. 5Bila vi wiina, vuɗ go njufna maŋ Yakob. 6Rasel di ana, «Lona mbuɗun ɗegee wa, nam humun cen manda wa. Nam ɦan go njufna.» Kay ndaɗta, ndaɗ tinim sem ana Dan. 7Bila, goora sun Rasella, hoŋ vi wiina olo, vuɗ go njufna a mbara maŋ Yakob. 8Rasel di ana, «An duu u wayanda ni u saɓak Lona, an su kaɗ wa.» Ndaɗ tin sem goo namma ana Neftali.
9Lea wi ana ndaɗ ka vuɗ oloɗi, ni ɦal goora sunuɗta, Zilpa, maŋ Yakob a cara. 10Zilpa, goora sunda vi Lea, vuɗ go njufna maŋ Yakob. 11Lea di ana, «Tan don wa,» ndaɗ tinim sem ana Gad. 12Zilpa, goora sunda vi Lea, hoŋ vuɗ go njufna maŋ Yakob olo. 13Lea di ana, «An furi cocoo, kay gorɓiina hin yan ana furira.» Ndaɗ tinim sem ana Aser.
14Hu til ma feɗ wa blena, Ruben tuɗ ŋgoo bagiya, vek mandargorna#30.14 mandargorna (Mandragorna) ni va tina ko baŋgawna na, hu cokira vi Yakobpa suuna saa ana va namma njun u suuna a vuɗ gorra. aya, mba ɦam maŋ sum Lea. Rasel di Lea ana, «Ҥan ay u mandargor ma vi gorokŋana nde.» 15Lea hoŋ daɗ ana, «Ni kayra ndak ɓaɗan njufun kira, min a yowon mandargor ma vi goronna ki lay su?» Rasel daɗ ana, «Nam buu karam njeŋge u ndak kay mandargor ma vi gorokŋana ɗaŋ.» 16Fiɗigi Yakob ay hu senena kal ay vo may ni, Lea kal ay ki ŋgafam vogom dam ana, «Aŋ mbay buu ni varanu. Kay an gusuŋ ki u mandargor ma vi goronnana.» Yakob buu u ndaɗ hu njeŋge ndaɗta.
17Lona hum cenda vi Lea, ndaɗ vi wiina vuɗ go njuf ma vadlna maŋ Yakob. 18Lea di ana, «Lona ɦan warak manna wa kay an ɦal goora sununda maŋ njufunu,» ndaɗ tinim sem ana Issakar. 19Lea vi wiina olo, vuɗ go njufna ma karkiyana maŋ Yakob. 20Lea di ana, «Lona ɦan ɦalla jivira wa, ndaɗta ni njufun hin kak varan may ɗaŋ, kay an vuɗum gor njufiina karkiya.» Ndaɗ tinim sem ana Zabulon. 21Ndaɗ hin vuɗ go tamara may, tiniɗ seɗ ana Dina. 22Lona saa kay Rasel humuɗ cen maɗta, mbuɗuɗ cara vuɗta. 23Ndaɗ vi wiina, vuɗ go njufna di ana, «Lona tlan zolona ki kan wa.» 24Ndaɗ tinim sem ana Yosef, hin di ana ko Yawe ɦan goo ma daŋ hu dew.
Yakob mbuɗ sa ɦizina
25Ŋgoo vuɗta Rasel vuɗ Yoseffa ni, Yakob di Laban ana, «Hinin an hoŋ vo kay mbassanu. 26Hinin an tuɗ boyogon vo u goryonu, an laŋ sunda ni kasiya, sunda an laɗ varaŋga aŋ waɗ ki u taŋga may nige.» 27Laban dam ana, «Hinin an fi jivira fokoŋ na fige, an wi ana Yawe paɗ vunum ki kanni uŋ aŋu. 28Ŋgaan warak maŋŋa kiyo, an hin ɦaŋŋa.» 29Yakob dam ana, «Aŋ wi sun mayra an laŋgara, yoori maŋŋa zul coco ni unɗi su? 30Tlesuu an mba fasi koŋ jewna ni ew, tle asina zul koŋ coconi unɗi su? Yawe paɗ vunum ki kaŋŋi unu. An hin li sunda kay ziinni saɓa mayge.» 31Laban joɓom ana, «An ɦaŋŋi mege?» Yakob dam ana, «Aŋ ɦan va tuɗi. Lini aŋ min a li u dlara an daŋgara ni, an min a taraŋ yoori maŋsina tu olo. 32An hin poy karam duk yoori maŋsina ki halaŋ. Vaa gor timigii suu tasi jarina ki kay tasiya, suu ndunduɓukŋa u suu tasi warna, u ɦuguni suu tasi jarina, suu ndunduɓukŋa, hin li halaŋŋi a warak manna. 33Gasi manda hin tak taɗ ki vini hu li ma aŋ mba wan warak mannana. Yoori suu tasi ka jaari u ndunduɓukina duk ɦugunina u timigii suu warna lay maa paɗ kon wa ni kulna.» 34Laban di ana, «Jiviya, ko dla ndaɗta li ko aŋ dira na.»
35Hu buu namma gaw ni, Laban vaa ŋgekgi suu tasi jaari u suu ndunduɓukŋa ki kay tasi zeɗ, u dogoni ɦuni suu jarina u suu ndunduɓukŋa ki kay tasi zeɗ lay. Suu tasi duk haɓagina u timigiina halaŋ ɦasi ki maŋ goryomu. 36Nam sunusi ha ki day eg Yakob li buuna hindi kay tuɗta. Yakob hin ka taa u yoori suu hiŋŋa vi Laban may.
37Yakob ka tokolora ŋgolomba gugunina zeɗ zeɗ hindi toosi tasi ki haɓi. 38Nam cuk tokolo suu tasi ndalina ga fun bulla fok yoorina hu li ma asi mba ci yona huna, hu li ma asi mba ci yona na ni un tasiya. 39Yoori suu un tasi kay tokolora hu li nammana suu tamagina vuɗ gorra ni jari may, ndunduɓuk may, suu ndalina may.
40Yakob ɓorow ii gor timigiina kiyo, suu tasi jarina u suu ndunduɓukŋa suu ay duk suu vi Labanna nam cukusi ki duk mamsina. Ni ko ndaɗta na, nam ɓorow ii yoori mamsina ki u suu vi Labanna. 41Hu li ma timigii suu ɗoorina ka un tasiya ni, Yakob cukusi tokolora fokosi hu bulla duk yona gaw, kay asi un tasi tok na ni eg tokolora. 42Timigii suu iɗina ni nam ka cukusi tokolora fokosiɗi, kay ndaɗta asina ni suu vi Labanna, suu ɗoorina ni suu vi Yakobma may. 43Yakob mbuɗ bege cocoo, yoori suu gorina kom cocoo, suu sunda njufiina u boyogina kom cocoo, jamballa u korra kom coco lay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.