Kulawa 16
16
Mwenyezimungu akwanza kuwesusira luziki kulawa binguni
1Jumula ya wanu waIziraeli piya wakilawa Elimu, wakifika langa ra Sini, kati ya Elimu na mwango wa Sinayi. Epo iri suku ya kumi na ntanu mwezi wapiri tangu pawalawire inti ya Miswiri. 2Jumula ya waIziraeli ire piya wakiwadugúda Musa na Aruna palanga pare, 3wakamba: “Fadari tinafwa mmakono mwa Mola inti ya Miswiri nokure katikiinshi vikitizunguríza viyungu vya nyama, tikírya mpaka kutosheka. Fala sambi epa kutijísa eri langa-ri, júmula-yi piya upate kutulaya njala!”
4Ikisa Mola ndi pamwámbire Musa: “Onani! Núkwisusirani mikate yakulawa binguni kamba nvula. Daima-zi wanu wálawa kupita wakilokóta luziki ra kila suku. Kwa eyi namuna-yi níwayerera niwone kamba wáfulata shariya zangu au awafulata. 5Falakini suku ya sita, pawátengeze cakuriturira, wálokota luziki ra kurya suku mbiri.”
6Basi Musa na Aruna wakiwambíra waIziraeli ware piya: “Jironi mukwijiwa kweli-kwelini kuwa Mola ndi akulavireni inti ya Miswiri. 7Tena subuu múwona utukufu wa Mola, konta kasikira kunduguda kamukindugúda-ko. Ofwe ndi wanani wakutiduguda?” 8Ikisa tena Musa akamba: “Mola jironi akupani nyama murye, tena subuu akupani cakurya cakwikuta. Kweli-kwelini novyo ndi pamusaka kwijiwa kuwa Mola kasikira dugudugu zenu zamurishuku naye-zo. Ofwe ndi wanani wakutiduguda? Amutidugude ofwe-pa, ila mundúguda Mola!”
9Ikisa Musa akimwambira Aruna, akamba: “Wambire piya jumula ya waIziraeli-wo javi: ‘Kusanyikani mbere ya Mola, kamana kasikira kuduguda kwenu.’ ” 10Aruna paakipakanira nawo jumula ya waIziraeli, wanu ware wakingíra kunang'aniza langa rire. We! Nuru ya utukufu wa Mola íkiwoneka vú muwingu. 11Mola akimwambíra Musa: 12“Omi nisikira dugudugu ya waIziraeli. Wambire javi: ‘Jironi mukurya nyama, na subuu mukurya cakurya mpaka mukwikuta. Epo ndi pamusaka kwijiwa kuwa omi niwa Mola, Nlungu wenu.’ ”
13Jironi wakíja manambiri wengi wawenye, wakifiníka mangisha a waIziraeli are. Tena subuu ukivúnja mmande ukifiníka nanyenje ya mangisha piya. 14Wakati wawisíre mmande ure, palanga pare víkibaki vinu vitoto-vitoto pansi pare vyakulanda mamba, vyepepe kamba jelu yakugwa. 15WaIziraeli pawawawonire vinu vire, washanga wakingira kudairiyana watupu-watupu: “Eci kinani?”#16:15 Masemo a “Eci kinani?” kiebraniya, rikituriwa kuwa ndi zina ra nocire cakurya ca “manã” cire. Kamana awakijiwa kinu cawenye. Musa akiwajibu: “Eri ndi luziki rakupereni Mola murye. 16Ezi ndi ámuri za Mola: Kila munu alokote kadiri yake, kiyasi ca kukidiri kurya kumariza. Alokote pishi mmoja yakuwatosha wanu wari muema mwake.”
17Basi, wanu wa Iziraeli wakitenda vyawambiriwe novire. Wengine wakilokota vingi-vingi, wengine wakilokota aba. 18Falakini pawakilokotera nvyombo mure, pawapimire mpishi wawonéra kuwa âlokote vingi aviremire, wala âlokote aba onse avipunguke. Kila mmoja kalokota kiyasi cake cakukidiri kurya. 19Musa akiwambira wanu: “Asiwepo asáka kuremeza manã mpaka suku nyengine subuu.” 20Falakini wanu wengine awansikirize Musa. Walaza mpaka suku nyengine subuu, basi vikingíra mivunyo fó, vikánza kunuwã caputu. Na Musa ire akiwakimwira. 21Basi subuu anta subuu, kila mmoja akilokóta kiyasi cakujuzi kurya. Fala juwa rikikorera, vikisulúka.
22Suku ya sita, waIziraeli wakilokota mafungu mawiri-mawiri, pishi mbiri-mbiri kwa kila munu. Walongozi ware wakikusanyika wakuka ka Musa wakimwambira. 23Iye akiwajíbu: “Eco ndi caamurire Mola: ‘Makeso suku yakupumula, sabadu takatifu mbere ya Mola. Camusaka koca nforunu conse, ocani, na camusaka kwipika conse, ipikani. Piya visaka kubaki vyonse tulani pambari, muriturire makeshamungu subuu.’ ” 24Basi wakitenda novire, cakurya cengine wakiriturira mpaka subuu yake, kamba vyaambire Musa. Subuu yake wakiwona kuwa aacingire nvunyo wala acikinuwã caputu. 25Basi Musa akiwambira: “Cakurya cibakire-co, iryani rero, kamana eyi ndi sabadu takatifu mbere ya Mola. Panja-po rero amulokota. 26Múlokota suku ya sita, fala suku ya saba ndi sabadu (suku ya kupumula), eyo suku-yo awepo manã.”
27Novyo-sívyo, suku ya saba wálawa wanu wengine kuka wakalókote, fala awasingane anta aba. 28Mola akimwambira Musa: “Mukatála kutimiza ámuri na shariya zangu mpaka rini? 29Fikirini sana-sana kuwa omi Mola nukupani suku ya sabadu, suku moja ya kupumula. Ndi ntamana, suku ya sita nukuperekerani cakurya ca suku mbiri. Suku ya saba, kila mmoja ekare pake, asiwepo aláwa.” 30Basi, kwa javyo wanu wakipumula suku ya saba.
31Nocire cakurya cire waIziraeli wakita zina ra “manã”. Álandana kamba ntama mwelupa, ákinowa kamba nkate wakutendiwa na ansali. 32Musa akamba: “Mola kaamuru javi: kuwa atongoreriwe manã pishi mbiri, ipate mbere-ko vining'ini vyetu vya kila tarehe waje wawone cakurya caatipére Mola kurya nlanga paatilávire inti ya Miswiri.” 33Basi Musa akimwambira Aruna: “Utware combo kimoja, utaye manã pishi#16:33 “Pishi” ndi kipimo cakuringana na kilu ntanu. moja na uture mbere ya Mola, ipate vining'ini vyetu vya kila tarehe waje wawone.” 34Kamba Mola vyamwamúrire Musa, Aruna akitenda novire. Akitúla vilavye ushahidi. 35Muda wa myaka arubaini, waIziraeli cakurya cawo cíkiwa manã mpaka paawafikire inti yawakijuzi kuka kwikala. Wakirya manã mpaka paawafikire mpaka wa Kanaa. 36(Fungu ra manã ra kila munu pishi moja. Mida kipimo cakwitiwa “efa” nkiebraniya cíkitika pishi kumi.)
Currently Selected:
Kulawa 16: wmwBI
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Kulawa 16
16
Mwenyezimungu akwanza kuwesusira luziki kulawa binguni
1Jumula ya wanu waIziraeli piya wakilawa Elimu, wakifika langa ra Sini, kati ya Elimu na mwango wa Sinayi. Epo iri suku ya kumi na ntanu mwezi wapiri tangu pawalawire inti ya Miswiri. 2Jumula ya waIziraeli ire piya wakiwadugúda Musa na Aruna palanga pare, 3wakamba: “Fadari tinafwa mmakono mwa Mola inti ya Miswiri nokure katikiinshi vikitizunguríza viyungu vya nyama, tikírya mpaka kutosheka. Fala sambi epa kutijísa eri langa-ri, júmula-yi piya upate kutulaya njala!”
4Ikisa Mola ndi pamwámbire Musa: “Onani! Núkwisusirani mikate yakulawa binguni kamba nvula. Daima-zi wanu wálawa kupita wakilokóta luziki ra kila suku. Kwa eyi namuna-yi níwayerera niwone kamba wáfulata shariya zangu au awafulata. 5Falakini suku ya sita, pawátengeze cakuriturira, wálokota luziki ra kurya suku mbiri.”
6Basi Musa na Aruna wakiwambíra waIziraeli ware piya: “Jironi mukwijiwa kweli-kwelini kuwa Mola ndi akulavireni inti ya Miswiri. 7Tena subuu múwona utukufu wa Mola, konta kasikira kunduguda kamukindugúda-ko. Ofwe ndi wanani wakutiduguda?” 8Ikisa tena Musa akamba: “Mola jironi akupani nyama murye, tena subuu akupani cakurya cakwikuta. Kweli-kwelini novyo ndi pamusaka kwijiwa kuwa Mola kasikira dugudugu zenu zamurishuku naye-zo. Ofwe ndi wanani wakutiduguda? Amutidugude ofwe-pa, ila mundúguda Mola!”
9Ikisa Musa akimwambira Aruna, akamba: “Wambire piya jumula ya waIziraeli-wo javi: ‘Kusanyikani mbere ya Mola, kamana kasikira kuduguda kwenu.’ ” 10Aruna paakipakanira nawo jumula ya waIziraeli, wanu ware wakingíra kunang'aniza langa rire. We! Nuru ya utukufu wa Mola íkiwoneka vú muwingu. 11Mola akimwambíra Musa: 12“Omi nisikira dugudugu ya waIziraeli. Wambire javi: ‘Jironi mukurya nyama, na subuu mukurya cakurya mpaka mukwikuta. Epo ndi pamusaka kwijiwa kuwa omi niwa Mola, Nlungu wenu.’ ”
13Jironi wakíja manambiri wengi wawenye, wakifiníka mangisha a waIziraeli are. Tena subuu ukivúnja mmande ukifiníka nanyenje ya mangisha piya. 14Wakati wawisíre mmande ure, palanga pare víkibaki vinu vitoto-vitoto pansi pare vyakulanda mamba, vyepepe kamba jelu yakugwa. 15WaIziraeli pawawawonire vinu vire, washanga wakingira kudairiyana watupu-watupu: “Eci kinani?”#16:15 Masemo a “Eci kinani?” kiebraniya, rikituriwa kuwa ndi zina ra nocire cakurya ca “manã” cire. Kamana awakijiwa kinu cawenye. Musa akiwajibu: “Eri ndi luziki rakupereni Mola murye. 16Ezi ndi ámuri za Mola: Kila munu alokote kadiri yake, kiyasi ca kukidiri kurya kumariza. Alokote pishi mmoja yakuwatosha wanu wari muema mwake.”
17Basi, wanu wa Iziraeli wakitenda vyawambiriwe novire. Wengine wakilokota vingi-vingi, wengine wakilokota aba. 18Falakini pawakilokotera nvyombo mure, pawapimire mpishi wawonéra kuwa âlokote vingi aviremire, wala âlokote aba onse avipunguke. Kila mmoja kalokota kiyasi cake cakukidiri kurya. 19Musa akiwambira wanu: “Asiwepo asáka kuremeza manã mpaka suku nyengine subuu.” 20Falakini wanu wengine awansikirize Musa. Walaza mpaka suku nyengine subuu, basi vikingíra mivunyo fó, vikánza kunuwã caputu. Na Musa ire akiwakimwira. 21Basi subuu anta subuu, kila mmoja akilokóta kiyasi cakujuzi kurya. Fala juwa rikikorera, vikisulúka.
22Suku ya sita, waIziraeli wakilokota mafungu mawiri-mawiri, pishi mbiri-mbiri kwa kila munu. Walongozi ware wakikusanyika wakuka ka Musa wakimwambira. 23Iye akiwajíbu: “Eco ndi caamurire Mola: ‘Makeso suku yakupumula, sabadu takatifu mbere ya Mola. Camusaka koca nforunu conse, ocani, na camusaka kwipika conse, ipikani. Piya visaka kubaki vyonse tulani pambari, muriturire makeshamungu subuu.’ ” 24Basi wakitenda novire, cakurya cengine wakiriturira mpaka subuu yake, kamba vyaambire Musa. Subuu yake wakiwona kuwa aacingire nvunyo wala acikinuwã caputu. 25Basi Musa akiwambira: “Cakurya cibakire-co, iryani rero, kamana eyi ndi sabadu takatifu mbere ya Mola. Panja-po rero amulokota. 26Múlokota suku ya sita, fala suku ya saba ndi sabadu (suku ya kupumula), eyo suku-yo awepo manã.”
27Novyo-sívyo, suku ya saba wálawa wanu wengine kuka wakalókote, fala awasingane anta aba. 28Mola akimwambira Musa: “Mukatála kutimiza ámuri na shariya zangu mpaka rini? 29Fikirini sana-sana kuwa omi Mola nukupani suku ya sabadu, suku moja ya kupumula. Ndi ntamana, suku ya sita nukuperekerani cakurya ca suku mbiri. Suku ya saba, kila mmoja ekare pake, asiwepo aláwa.” 30Basi, kwa javyo wanu wakipumula suku ya saba.
31Nocire cakurya cire waIziraeli wakita zina ra “manã”. Álandana kamba ntama mwelupa, ákinowa kamba nkate wakutendiwa na ansali. 32Musa akamba: “Mola kaamuru javi: kuwa atongoreriwe manã pishi mbiri, ipate mbere-ko vining'ini vyetu vya kila tarehe waje wawone cakurya caatipére Mola kurya nlanga paatilávire inti ya Miswiri.” 33Basi Musa akimwambira Aruna: “Utware combo kimoja, utaye manã pishi#16:33 “Pishi” ndi kipimo cakuringana na kilu ntanu. moja na uture mbere ya Mola, ipate vining'ini vyetu vya kila tarehe waje wawone.” 34Kamba Mola vyamwamúrire Musa, Aruna akitenda novire. Akitúla vilavye ushahidi. 35Muda wa myaka arubaini, waIziraeli cakurya cawo cíkiwa manã mpaka paawafikire inti yawakijuzi kuka kwikala. Wakirya manã mpaka paawafikire mpaka wa Kanaa. 36(Fungu ra manã ra kila munu pishi moja. Mida kipimo cakwitiwa “efa” nkiebraniya cíkitika pishi kumi.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.