Daa 24
24
Nɔwɛɛlɛa Izaakiɛ
1Ablahaũ zikũ̀, à kà zã̀, mɛ́ Dii ɛfãaikɛ̀ɛ̀ yãpii guu. 2Ɔ̃ a ò a zɔblenaɔ gbɛ̃zɔ̃ɔ pɔ dɛ a pɔpii yãgɔ̃gɔ̃na ũɛ: Ɔsɔlɔ ma gbala taau, 3mí tó ǹ lɛgbɛ̃ ń Dii musu ń zĩlɛo Lua tɔ́o, kɛ́ ńyɔ̃ Kanaa busu pɔ má kuu nɔ sɛ ma nɛɛo. 4Gɛ́ ma bɛ busuu ma daɛɔ guu, ní nɔsɛ ma nɛɛ we. 5Ɔ̃ aà zɔblenapi aà là à mɛ̀: Tó nɔɛpi i we bɔ̀ tɛmazi à sùmanɔ busuɛ beeu sɔ̃o bɛ? Má gɛ́ ń n nɛo busu pɔ n bɔu yã? 6Ablahaũ òɛ̀: Laaika! Nsu gɛ́ ń ma nɛo weo. 7Dii Lua Musude ma bɔ ma mae bɛ ma daɛɔ busuu, ɔ̃ à yã'òmɛɛ, à lɛgbɛ̃̀, à mɛ̀ á busuɛ bee kpa ma buiɔwaɛ. Aapi mɛ́ a a malaika zĩ aà dɔaanɛ. Wekĩi ɔ̃ ńyɔ̃ nɔsɛu ma nɛɛ. 8Tó nɔɛpi i we bɔ̀ tɛnzio, ńyɔ̃ bɔ lɛ́ pɔ má tò ń gbɛ̃̀ guuɛ. Nsu gɛ́ we ń ma nɛoo fa! 9Ɔ̃ aà zɔblenapi a ɔ sɔ̀lɔ a dii gbala taau, à lɛgbɛ̃̀ɛ yãpi musu.
10Zɔblenapi a dii yiongoɔ sɛ̀ mɛn kwi ń a dii aizɛɛ bui piio, ɔ̃ à fɛ̀lɛ gɛ̀ Nakɔɔ bɛ wɛ̃lɛu Sili Mɛsɔpɔtami busuu. 11Kɛ́ à kà we, a tò yiongoɔ kãmabò lɔ̀ɔ saɛ wɛ̃nkpɛ. Kɛ́ oosi kɛ̀, gɔɔ pɔ nɔɛɔ ì bɔlɛ itɔi, 12ɔ̃ à wabikɛ̀ Luawa à mɛ̀: Dii, ma dii Ablahaũ Lua, gbɛ̃kɛkɛ ma diiɛ. To ma tá kɛ na oosia. 13Gwa, má zɛa lɔ̀ɔ saɛ kɛ. Tó wɛ̃lɛ wɛ̃ndiaɔ bɔ̀lɛ itɔi, 14wɛ̃ndia pɔ má òɛ̀ aà a lo pila à idãmɛɛ mà mi, tó a òmɛɛ mà mi, í kpa ma yiongoɔwa lɔ, má dɔ̃ kɛ́ n gbɛ̃kɛkɛ̀ ma diiɛ, nɔɛ pɔ ń dìlɛ n zɔblena Izaaki pɔ ũn we.
15I yãpi o a làao, ɔ̃ Bɛtuɛ nɛ Lɛbɛka bɔ̀ ń loo dia a gãu. Bɛtuɛá Ablahaũ vĩi Nakɔɔ nɛ pɔ a ì ń a na Milikaoɛ. 16Nɔ kɛfɛnaɛ, mɛ́ a lɛso, gɔ̃ɛe i wulɛaanɔ yãao. À mɔ̀ lɔ̀ɔi, à itɔ̀ lo pai, ɔ̃ à ɛ̀a lɛ́ tá. 17Ɔ̃ zɔblenapi baalɛ̀ gɛ̀ guzɔ̃̀ɛ̀ à mɛ̀: Ma gba í mà mi, baa yɔɔ. 18Nɔɛpi mɛ̀: Mi Baa! Ɔ̃ à a lo pìla gɔ̃̀ɔ, à ikpàwà, a mì. 19Kɛ́ à ikpàwà a mì a làa à mɛ̀: Má tɔ́ n yiongoɔnɛ lɔ, aa mi e aa kã́. 20Ɔ̃ à a lo í kà pɔɔ imibɔu gɔ̃̀ɔ, à ɛ̀a baalɛ̀ gɛ̀ itɔi lɔ̀ɔi, ɔ̃ à itɔ̀ yiongoɔnɛ pii. 21Ɔ̃ gɔ̃ɛpi zɛ̀, àlɛ aà gwa soee, kɛ́ à e dɔ̃ tó Dii a to a tá kɛ na, ge a kɛ nao. 22Kɛ́ yiongoɔ imì aa làa, ɔ̃ gɔ̃ɛpi vua tãana maa dà nɔpiɛ a níu, à vua zã'ɔana dàɛ̀ mɛn pla. Tãanapi gbia kà galaũ sɔo, zã'ɔanapiɔ sɔ̃ galaũ basɔobasɔo. 23Ɔ̃ à aà là à mɛ̀: Omɛɛ, dé nɛn n ũi? Wá ikĩi e n mae bɛa? 24Ɔ̃ a wèwà à mɛ̀: Bɛtuɛ nɛn ma ũ, Milika ń Nakɔɔo tɔũna. 25Sɛ̃ ń tàaao di wá bɛɛ, mɛ́ ikĩi ku lɔ. 26Ɔ̃ gɔ̃ɛpi mipɛ̀lɛ à kùlɛ Diiɛ à mɛ̀: 27Wà Dii ma dii Ablahaũ Lua saaukpa, kɛ́ i gi gbɛ̃kɛ ń naaio yãkɛiɛ̀o yãi. Mapi sɔ̃, Dii dɔ̀aamɛɛ ma dii daɛɔ bɛ.
28Ɔ̃ wɛ̃ndiapi baalɛ̀ gɛ̀ yãpi dàu a sìu a bɛdeɔnɛ. 29Lɛbɛka dãɔ vĩ, wì mɛɛ̀ Labã. À bɔ̀ wɛ̃nkpɛ ń bao, à gɛ̀ gɔ̃ɛpi lè lɔɔ'ɛa, 30asa a è a dãe tãana ń zãɔ daa, mɛ́ à yã pɔ gɔ̃ɛpi òɛ̀ mà. Kɛ́ à gɛ̀, à aà lè ń yiongoɔ lɔɔ'ɛa, 31à mɛ̀: Mɔ, n gbɛ̃́ pɔ Dii baaadàngu! Bɔyãi ń zɛa wɛ̃nkpɛi? Ma kpɛ kɛ̀kɛnɛ ń yiongoɔ dɔdɔkĩio. 32Gɔ̃ɛpi gɛ̃̀ ua, ɔ̃ Labã yiongoɔ aso pòlo à sɛ̃la niɛ ń tàaao kpàmá, à ikpà gɔ̃ɛpiwa, ɔ̃ à gbapìpiò ń a gbɛ̃́ɔ mpii.
33Wà blɛ dìlɛɛ̀, ɔ̃ à mɛ̀: Má pɔble gĩ́ao e mà yã pɔ ma mɔò o. Ɔ̃ Labã mɛ̀: O. 34Ɔ̃ à mɛ̀: Ablahaũ zɔblenan ma ũ. 35Dii ɛfãaikɛ̀ ma diiɛ maamaaɛ, ɔ̃ à gɔ̃̀ ɔde ũ. À aà gbà sãɔ ń zuɔ ń ãnusuo ń vuao ń zɔgɔ̃ɛɔ ń zɔnɔɛɔ ń yiongoɔ ń zaa'ĩnaɔ. 36Ma diipi na Sala nɛ'ì gɔ̃ɛ ũ a zikũ guu, ɔ̃ ma dii pɔ pɔ a vĩ kpà nɛpiwa pii. 37Ma dii tò ma lɛgbɛ̃̀, asa à mɛ̀ masu Kanaa busu pɔ a kuu nɔ sɛ a nɛɛo. 38À mɛ̀ mà gɛ́ a de bɛ a bui guu, mí nɔsɛ a nɛɛ we. 39Ɔ̃ ma a dii là ma mɛ̀, tó nɔɛpi i we bɔ̀ tɛmazio sɔ̃ bɛ? 40A wèa à mɛ̀, Dii pɔ a tɛaazi, ɔ̃mɛ a a malaika zĩ aà gɛ́ zɛimɛɛ, kɛ́ ma tá e kɛ na, mí nɔsɛ a nɛɛ a de bɛ daɛɔ guu. 41À mɛ̀ tó ma gɛ a buiɔ kĩi, tó wi weio, ma bɔ lɛ́ pɔ má gbɛ̃̀ɛ̀ guun we.
42Kɛ́ ma ka lɔ̀ɔi gbã ma mɛ̀: Dii, ma dii Ablahaũ Lua, tó n wei, to ma tá kɛ na. 43Má ku lɔɔ'ɛa. Wɛ̃ndia pɔ mɔ̀ itɔi, mɛ́ má òɛ̀ aà ma gba í yɔɔ mà mi, 44tó a ò mà mi, í tɔ ma yiongoɔnɛ lɔ, má dɔ̃ kɛ́ wɛ̃ndia pɔ ń dìlɛ à kɛ ma dii nɛ pɔ ũn we. 45E màɔ yãpi o ma nɔ̀sɛ guu màɔ laa, ɔ̃ Lɛbɛka bɔ̀ ń loo dia a gãu, à mɔ̀ lɔɔ'ɛa à itɔ̀. Ɔ̃ má òɛ̀ aà ma gba í mà mi. 46À a lo pìla gɔ̃̀ɔ, à mɛ̀ mà mi, í kpa ma yiongoɔwa lɔ. Má mì ɔ̃ a kpà ma yiongoɔwa. 47Ɔ̃ ma aà là, dé nɛn aà ũi? À mɛ̀ Bɛtuɛ nɛn a ũ, Milika ń Nakɔɔo tɔũna. Ɔ̃ ma tãanadàɛ̀ a níu, ma zãɔ dàɛ̀ a ɔwa. 48Ɔ̃ ma mipɛ̀lɛ ma kulɛ Dii ma dii Ablahaũ Luaɛ, ma aà saaukpà, asa à dɔ̀aa à zɛpòomɛɛ, kɛ́ mà a dii vĩi tɔũna sɛ aà nɛɛ. 49Tiasa tó á we à gbɛ̃kɛ ń naaio yãkɛ ma diiɛ, à omɛɛ. Tó i wei sɔ̃o, à omɛɛ, mí gɛ́ gupãlei.
50Labã ń Bɛtuɛo wèwà aa mɛ̀: Yãpi bɔ̀ Dii kĩiɛ, wá yãe oa vĩo, a maa ge a vãi. 51Lɛbɛka kɛ, ǹ aà sɛ ǹ taò, i gɔ̃ n dii nɛ na ũ lá Dii òwa. 52Kɛ́ Ablahaũ zɔblenapi à ń yãmà, à wùlɛ Diiɛ tɔɔlɛ. 53Ɔ̃ à nɔamblebɔ pɔ wa kɛ̀ ń ãnusuo ń vuaoɔ ń pɔkasaɔ bɔ̀lɛ a kpà Lɛbɛkawa. À aà dãɔ ń aà dao gbà pɔ ɔdeɔ lɔ. 54Ɔ̃ aapi ń gbɛ̃́ pɔ kuaanɔɔ pɔblè, aa imì, ɔ̃ aa ì we.
Kɛ́ aa fɛ̀lɛ kɔɔ à mɛ̀: À ma gbaɛ mà ta ma diiwa. 55Nɔ dãɔ ń aà dao mɛ̀: To nɛpi gɔ̃wanɔ baa gɔɔ kwi, í gbasa tá. 56Ɔ̃ gɔ̃ɛpi ònɛ́: Lá Dii ma tá kɛ̀ na kɛ́wa, ásu ma dɔdɔo. À ma gbaɛ mà ta ma diiwa. 57Ɔ̃ aa mɛ̀: Wà nɛpi sisi wà aà la. 58Ɔ̃ aa Lɛbɛka sìsi aa aà là aa mɛ̀: Ńyɔ̃ ta ń gbɛ̃́pioa? Ɔ̃ Lɛbɛka mɛ̀: Má tá. 59Ɔ̃ aa Lɛbɛka gbàɛ ń nɔɛ pɔ à aà gwà za aà nɛgɔɔo, aalɛ tá ń Ablahaũ zɔblenao ń aà gbɛ̃́ɔ. 60Aa samaa'ò Lɛbɛkaɛ aa mɛ̀:
Nɛ, ńyɔ̃ gɔ̃ gbɛ̃ɔn ɔaasɔsɔo lɛɛ ũma'ũmaɔ dazi ũ,
n buiɔ aaɔ iko vĩ ń zangudeɔwa.
61Ɔ̃ Lɛbɛka fɛ̀lɛ ń a zɔnɔɛɔ, aa kà yiongoɔ kpɛ, aa bɔ̀ tɛ gɔ̃ɛpizi, ɔ̃ à tàńnɔ.
62Amɔle Izaaki sù ń lɔ̀ɔ pɔ wì mɛ Luabɛ̃ɛpɔima'eo, à zɔ̃̀lɛ Nɛgɛvɛ busuu. 63À bɔ̀ gɛ̀ laasookɛi sɛ̃u oosi, ɔ̃ kɛ́ à wɛzù, a è yiongoɔ lɛ́ mɔ́. 64Lɛbɛka wɛzù, à Izaaki è sɔ̃, ɔ̃ à pìla a yiongo kpɛ kpakpa, 65à zɔblenapi là à mɛ̀: Dén gɔ̃ɛ pɔ bɛ sɛ̃u àlɛ mɔ́ daiwálɛ kee ũi? Ɔ̃ zɔblenapi wèwà à mɛ̀: Ma diiɛ. Ɔ̃ Lɛbɛka a pɔlɔgãu sɛ̀ a kù a wɛ́a. 66Kɛ́ aa kà Izaaki kĩi, zɔblenapi yã pɔ a kɛ̀ sɛ̀lɛ a sìuɛ̀ pii. 67Izaaki gɛ̃̀ ń Lɛbɛkao a da Sala zwãakpɛu, ɔ̃ à aà sɛ̀, à gɔ̃̀ aà nɔ ũ. A yeaazi, ɔ̃ aà nɔ̀sɛ nìni a da gaa gbɛa.
Currently Selected:
Daa 24: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
