Daa 25

Ablahaũ nɛ́ pãleↄ

1Ablahaũ nↄ pãle sɛ̀ lↄ, aà tↄ́n Kɛtula. 2Nɛ́ pↄ́ a ìaànↄↄ tↄ́n kɛ: Zimana, Yosã, Mɛdã, Madiã, Isebaki, Sua. 3Yosã mɛ́ Seba ń Dedão ì. Dedã buiↄn Asuliↄ ń Lɛtusiↄ ń Lɛumiↄ ũ. 4Madiã nɛgↄ̃ɛↄ tↄ́n kɛ: Efa, Efɛɛ, Anↄki, Abida, Ɛlɛdaa. Ampii Kɛtula buiↄnɛ.

5Ablahaũ a àizɛɛ kpà Izaakiwa píi, 6ↄ̃ à gbadà a nↄ pↄ́ i mɛ́sɛdilɛnɛ́o nɛ́ↄnɛ, à ń gbáɛ gukpɛ oi e àↄ gɛ́ gai, kɛ́ aasu wàↄ kú ń Izaakioo.

Ablahaũ gaa

7Ablahaũ kɛ̀ wɛ̃̀ baswaaↄ̃kwi ń sↄoo, 8ↄ̃ à gà. À zikũ̀ táotao, ↄ̃ à gbàsa zù a gbɛ̃́ↄ guu. 9Aà nɛ́ↄ Izaaki ń Isimaɛlao aà vĩ̀ Mapela gbɛ̀'ɛ guu, Mamale gukpɛ, bua pↄ́ dɛ Iti bui Zohaa nɛ́ Ɛfↄ̃nↄ pↄ́ ũ yãa, 10ↄ̃ Ablahaũpi lù Itiↄwa.#25.10 Daa 23.17 Wekĩi ↄ̃ wà aà vĩ̀u ń a na Salao. 11Ablahaũ gaa gbɛa Lua báaadà aà nɛ́ Izaakigu. A zↄ̃lɛa Luabɛ̃ɛpↄima'e lↄ̀ↄ saɛ.

Isimaɛla buiↄ

12Ablahaũ nɛ́ Isimaɛla buiↄ yã́n kɛ: Sala zↄnↄɛ Hagaa, Egipi nↄɛ ↄ̃ à nɛ́pi ìaànↄ. 13Aà nɛgↄ̃ɛↄ tↄ́n kɛ an iawa. Aà nɛgↄ̃ɛ sɛ̃́ia tↄ́n Nɛbaio. Aà dãunaↄ tↄ́n kɛ: Kedaa, Adibɛɛli, Mibisã, 14Misima, Duma, Masa, 15Adada, Tema, Yetuu, Nafisi, Kedema. 16Isimaɛla nɛgↄ̃ɛↄ tↄ́n we. An baade a tↄkpà a wɛ̃́lɛɛ ge a bòoɛ. Aamɛ bui kuɛplaↄ dezi káauↄ ũ.

17Isimaɛla kɛ̀ wɛ̃̀ basopla àaↄ̃sai, ↄ̃ à gà à zù a gbɛ̃́ↄ guu. 18Aà buiↄ zↄ̃̀lɛ za Avila e à gɛ̀ pɛ̀ò Suluwa Egipi bùsu lɛ́i taa Asili bùsu oi. Aali kↄ̃ tɛ́ sí ń Ablahaũ bui kĩniↄo.

Esau ń Yakↄbuo ia

19Ablahaũ nɛ́ Izaaki buiↄ yã́n kɛ: Ablahaũ Izaaki ì. 20Kɛ́ Izaaki kà wɛ̃̀ bla ↄ̃ à Labã dãe Lɛbɛka sɛ̀. Ɔ̃mɛ Sili bùsu gbɛ̃́ Bɛtuɛ pↄ́ bↄ̀ Mɛsↄpↄtami bùsuu nɛ́ ũ. 21Izaaki wabikɛ̀ Diiwa a naɛ, asa fĩiɛ, ↄ̃ Dii sìaànↄ, aà napi nↄsì. 22Sìaↄ lɛ́ dɛ̃ɛka aà gbɛɛu, ↄ̃ à mɛ̀: Bↄ́yãi yã́ bee taa ma lei? Ɔ̃ à gɛ̀ Dii lai. 23Dii òɛ̀:

Bui mɛ̀n pla ku n nɛasakpɛu,

gbɛ̃ↄn pla pↄ́ kú n gbɛɛupiↄ aa kɛ̃kↄ̃wa.

Bui mɛ̀ndo gbãa aↄ dɛ adola,

a pↄ́ bↄ̀ káau a gↄ̃ nɛ́ ũ gbɛ̃́ zã́ɛ.#25.23 Lom 9.12 Buipiↄ kĩ́i sìa ia guu, nɛ́ pↄ́ bↄ̀ káau ↄ̃mɛ ìↄ gbɛ̃zↄ̃ↄ ũ.

24Kɛ́ aà nɛ'igↄↄ kà, à sìaↄ ì gↄ̃ɛↄ ũ. 25Kɛ́ gbɛ̃́ káau lɛ́ bↄ, à bↄ̀ tɛ̃́ndↄ̃ↄ̃dↄ̃ↄ̃. Aà mɛkã kà ula ũ, ↄ̃ wà tↄkpàɛ̀ Esau.#25.25 Bee mɛ̀ kãde. 26Bee gbɛa kɛ́ nɛ́ plaade lɛ́ bↄ, à dↄ̀ Esau gbatoewa, ↄ̃ wà tↄkpàɛ̀ Yakↄbu.#25.26 Bee mɛ̀ gbatoekũna ge kↄ̃nikɛnɛde. Izaaki wɛ̃̀ bàaↄ̃deu ↄ̃ à nɛ́piↄ ì.

27Nɛ́piↄ zↄ̃ↄkũ̀. Esau kɛ̀ toensa pↄ́ lí kɛ̃́ sɛ̃̀awao ũ. Yakↄbu sↄ̃ bɛgwanaɛ. 28Izaaki ye Esauzi, kɛ́ a lɛ́'u vĩ yã́i. Lɛbɛka sↄ̃ a ye Yakↄbuzi.

29Zĩewa Yakↄbu lɛ́ dokuu, ↄ̃ Esau sù ń sɛ̃̀ao, nↄana lɛ́ aà dɛ. 30Ɔ̃ a ò Yakↄbuɛ: N yã́ na! To mà blɛ tɛ̃a bee e ble, asa nↄana lɛ́ ma dɛɛ. A yã́ mɛ́ tò wà tↄkpà Esauɛ Ɛdↄũ.#25.30 Bee mɛ̀ tɛ̃a. 31Yakↄbu mɛ̀: Ǹ n yoakɛzɛ#25.31 Nɛgↄ̃ɛ sɛ̃́ia mɛ́ gbɛ̃zↄ̃ↄ ũ, ↄ̃mɛ ì túbisɛ dɛńla. kpaa gĩa. 32Ɔ̃ Esau mɛ̀: Ma ka gaaɛ, bↄ́ ma yoakɛzɛ a kɛmɛɛi? 33Ɔ̃ Yakↄbu òɛ̀: Mɛ ń sì ń Luao gĩa. Ɔ̃ à mɛ̀ á sì ń Luao, a a yoakɛzɛ kpàwàɛ.#25.33 Ɛbɛ 12.16 34Ɔ̃ Yakↄbu pɛ̃ɛ ń bláa dopio kpàwà. A blè à imì, ↄ̃ à fɛ̀lɛ bↄ̀. Beewa Esau a yoakɛzɛ dìlɛ pã.

Currently Selected:

Daa 25: BBL2010

Highlight

Copy

Want to have your highlights saved across all your devices? Sign up or sign in

Learn More About Bòó Bibeli Luayãtaala

Popular Bible Verses from
Daa 25

Videos for Daa 25

Genesis 12-50

The Bible Project

Genesis Part 2

The Bible Project

Daa 25

Popular Bible Verses from
Daa 25

Videos for Daa 25

Genesis 12-50

Genesis Part 2

Bible:

Boko

Version: Bòó Bibeli Luayãtaala - BBL2010

Daa 25

Daa 25

Popular Bible Verses from Daa 25

Videos for Daa 25

Genesis 12-50

Genesis Part 2

Bible:

Boko

Version: Bòó Bibeli Luayãtaala - BBL2010

Daa 25

Popular Bible Verses from
Daa 25