Luk Lápi bɔɔlɛ
Lápi bɔɔlɛ
Luku Yesu baona lápi kɛ̃̀ lá Maaku kɛ̃̀waɛ.
Zãa Da'ilɛna yã'oa guu, a ye gbɛ̃́ɔ sɔu àɔ maà wàɔ wɛdɔ Mɛsiziɛ (3.1-20).
Yesu da'ilɛkɛa ń aà yɔ̃ao (3.21–4.13).
Yesu zĩkɛa Galile busuu, gu pɔ à waasokɛ̀u ɔ̃ à gyãeɔ gbã̀gbã (4.14–9.50).
Yesu wɛ̃lɛgɛa bɔa za Galile e taa Yelusalɛũ (9.51–19.28).
Yã pɔ Yesu kɛ̀ Yelusalɛũɔ (19.29–21.38).
Yesu taasikɛa ń aà gaao (22–23).
Lápi midɛkĩi Yesu bɔ̀ gau ɔ̃ à bɔ̀ à mɔ̀ a iwaeɔwa Ɛmausi zɛ́u e àɔ gɛ́ tai luabɛ (24).
Luku Yesu ń Zãa Da'ilɛnao ia yã bɔɔlɛkɛ̀ gĩ́aɛ (1–2). Wekĩi a ò lá malaika bɔ̀ à mɔ̀ Yesu da Maliamawa ń Zãa Da'ilɛna da Ɛlizabɛtio ń lá sãdãnaɔ mɔ̀ kùlɛ Yesuɛo, lá Maliama ń Zakalio Dii saaukpà mɛ́ Simɛɔ Lua Musude tɔbɔ̀. Yãpiɔ guu Luku yã gbiaɔ ò kɔ a Yesu seeladekɛkɛa guu: Yesu luakɛ ń aà dɛa Isaili zalala ũo ń lá aà mɔa dũniau dɛ yãzɔ̃ɔ ũ gbɛ̃piiɛo. Luku ɔlɔ̀wɛ̃ɛ lɔ lá Lua ye nɔsɛdoũdeɔzi ń gbɛ̃́ pɔ wà pãkpàńziɔ ń nɔɛɔ ń taasideɔ ń nibɔɔ. Lua Nisĩna yã ku we lɔ ń pɔna pɔ Yesu baona ì inɛ́o ń Lua taasilɛao ń wabikɛawào.
Luku yã pɔ Maaku i kɛ̃oɔ kɛ̃̀ dasi. A keeɔn kɛ: Sãmali gbɛ̃maa yã, ɔde sɔũ yã, nɛ pɔ sã̀sã yã, ɔde ń Lazaao yã. Luku Isailiɔ fɛlɛkaayã bɔɔlɛkɛ̀wɛ̃ɛ wasawasaɛ. Baona lápi kyokɛa guu baade a fɔ̃ gbɛ̃pii Suabana yã dɔ̃.
Currently Selected:
Luk Lápi bɔɔlɛ: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.