یارادیلیش 17
17
ختنه، عهدئن علامتی
1اَبرام دوخسان دوقّوز یاشیندا اولاندا رب اونا گؤرونوب ددی: «قادئری-موطلق تاری منم. منئم حوضورومدا یاشا و قوصورسوز اول. 2عهدئمی اؤزومله سنئن آراندا قویاجاغام و نسلئنی لاپ چوخالداجاغام.» 3اَبرام اوزو اوسته دوشدو. تاری اونونلا دانیشیب ددی: 4«منه گلئنجه، باخ، سنئنله باغلادیغیم عهد بودور؛ سن بئر چوخ مئلّتئن آتاسی اولاجاقسان. 5داها سنه اَبرام دیئلمَیه‌جک، بو گوندن آدین ائبراهئم #17:5 «اَبرام» - عئبرانی دئلئنده ”عئزّتلی آتا“، ائبراهئم-”چوخلارین آتاسی“. اولاجاق، چونکی سنی چوخلو مئلّتئن آتاسی ادهجیم. 6سنی چوخ ثمره‌لی ادهجیم، سندن مئلّتلر تؤره‌ده‌جیم و نسلئندن پادشاهلار چیخاجاقلار. 7اؤزومله سنئن و سندن سونراکی نسلئنئن آراسیندا ابدی عهدئمی برقرار ادهجیم. من سنئن و سندن سونراکی نسلئنئن تاریسی اولاجاغام. 8بوتون کَنَعان تورپاغینی کی، اوندا قرئب کئمی یاشاییرسان، سنه و سندن سونراکی نسلئنه مولک اولاراق همئشه‌لئک وره‌جیم و اونلارین تاریسی اولاجاغام.»
9سونرا تاری ائبراهئمه ددی: «سنه گلئنجه، سن و سندن سونراکی اؤولادلارین، نسئللر بویو عهدئمه باغلی قالاجاقسینیز. 10بودور منئم عهدئم کی، سنئنله و سندن سونراکی نسلئنله باغلاییرام و سئز اونو ساخلایاجاقسینیز، قوی آرانیزدا اولان بوتون اِرکَکلر ختنه اولونسون. 11ختنه اَتئنئزی کسئب آتین؛ بو منئمله سئزئن آرانیزدا اولان عهدئن علامتی اولاجاق. 12سئزه دوغولموش هر اِرکَک اوشاق، بوتون نسئللرده، سکّئزئنجی گون ختنه اولونار، هم ده سئزئن اِوئنئزده دوغولان بئر نؤکر یا دا سئزدن اولمایان و پوللا ساتین آلینان نؤکر کی، سنئن نسلئندن دیئل. 13اِوئنئزده دوغولموش و یا ساتین آلینمیش هر اِرکَک نؤکر گرک ختنه اولونسون. بله‌جه منئم عهدئمئن علامتی ابدی اولاراق بدنئنئزده اولاجاقدیر. 14لاکئن ختنه اَتی کسئلمه‌مئش هر اِرکَک، خالقینین آراسیندان قووولاجاق، چونکی او آدام عهدئمی سیندیریب.»
15تاری گئنه ائبراهئمه ددی: «آروادین سارایا آرتیق سارای دمیه‌جکسن. بوندان سونرا اونون آدی سارا #17:15 «سارا» - عئبرانی دئلئنده «شاهزاده» اولاجاق. 16اونا برکت وره‌جیم و اوندان دوغرودان دا سنه بئر اوغول عطا ادهجیم. سونرا اونا برکت وره‌جیم و او، مئلّتلرئن آناسی اولاجاق و خالقلارین پادشاهلاری اوندان دوغولاجاقدیر.» 17ائبراهئم اوزو اوسته دوشدو و گولوب اوره‌یئنده ددی: «مگر یوز یاشلی آدامین اوغلو اولا بئلر؟ مگر دوخسان یاشیندا اولان سارا دوغاجاق؟» 18سونرا ائبراهئم تارییا ددی: «کاشکی ائسماعئل سنئن حوضوروندا مقبول یاشاسایدی!» 19تاری دا ددی: «خیر، آروادین سارا سنه بئر اوغول دوغاجاق و آدینی ائسحاق#17:19 «ائسحاق» - عئبرانی دئلئنده یعنی «گولور» قویاجاقسان. اونونلا و اوندان سونراکی نسلی ائله عهدئمی ابدی اولاراق برقرار ادهجیم. 20ائسماعئله گلئنجه، اونون حاقّیندا ددئیئن سؤزلری ده اشئتدئم. باخ، اونا برکت وره‌جیم، اونو ثمره‌لی ادهجیم، نسلئنی لاپ چوخالداجاغام. او، اون ائکی ریئسئن آتاسی اولاجاقدیر. اوندان بؤیوک بئر مئلّت تؤره‌ده‌جیم. 21لاکئن عهدئمی ائسحاقلا برقرار ادهجیم کی، گلن ائل بو واخت سارا اونو سنه دوغاجاق.» 22تاری صؤحبتئنی ائبراهئمله بئتئرئب اوندان یوخاری چکئلدی.
23ائبراهئم اوغلو ائسماعئلی، اِوئنده دوغولان بوتون نؤکرلری، ساتین آلدیغی هر کسی - اؤز اِوئنده هر اِرکَک آدامی گؤتوروب، همئن گون تارینین اونا ددئیی کئمی ختنه اَتلرئنی کسدی. 24ختنه اَتی کسئلن واخت ائبراهئم دوخسان دوقّوز یاشیندا ائدی. 25اوغلو ائسماعئل ده ختنه اَتی کسئلن واخت اون اوچ یاشیندا ائدی. 26ائبراهئم اوغلو ائسماعئلله بئرلئکده همئن گون ختنه اولوندو. 27اونونلا بئرلئکده اِوده‌کی بوتون کئشئلر، اِوئنده دوغولان و یاد اِللردن ساتین آلینمیش هر کس ختنه اولوندو.
Currently Selected:
یارادیلیش 17: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
