EXODO 5
5
Linma ra di Moises tan Aaron ed Ari na Egipto
1Insan di Moises tan Aaron linma rad ari na Egipto tan kuanda, Say Katawan a Dios na Israel kuanto, Abuloyan mo ya onlad kalawakan iray totook, pian makapansilibra ray pista a pamagalang dad siak.
2Inmebat so ari, Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.
3Inmebat ira di Moises tan Aaron, Say Dios na saray Hebreo et impatnag toy sikaton dili ed sikami. Abuloyan mo kami pan onlad kalawakan na taloran agew, ta mangibagat kamid man ed Katawan a Dios mi. No ag mi ya sumpalen a ganggan to, ompatey kamid salot o bakal ya ipadalan to.
4Inkuan na ari ed kindi Moises tan Aaron, Antoy labay yon ibaga diad pamatonda yo ed saray totoon mankimey? Papawil yon mankimey ira man ya aripen! 5Dakerakel kayo lan Israelita nen saray Egipsio. Natan balet, labay yo ran patondaen ed saray kimey da!
6Diad saman met lamlamang ya agew, ingganggan na ari iray opisyal ya Egipsio tan saray kapatas ya Israelita: 7Itonda yo lay pangiter yod saray totoo na dayami ya ikanad panggaway laryo. Ibaki yo ra, ta sikara lan diliy mananap na dayami. 8Ag yo babawasan so gendat a bilang na saray laryon gagawaen da. Mangingiras ira, kanyan lawas dan kekerewen ya abuloyan ko ran mangibagat ed Dios da! 9Itdan yo ray ambebelat a kimey; ag yo ra pampapainawaen, pian anggapoy panaon dan ondengel ed saray salitan tila-tila.
10Pinmaway ira may opisyal tan saramay kapatas ya Israelita tan linma rad saray Israelita. Inkuandad saray Israelita, Imbaga na ari ya ag to kayo la itdan na dayamin ikana yo. 11Ingganggan to a sikayo lan dili so ompaway a mangalay dayami ed inerman a pasen a pakalmoan yo. Balet ag yo babawasan so gendat a bilang na laryo a gagawaen yon inagew-agew. 12Kanyan saray Israelita linma ra ed intiron dalin na Egipto a nanaanap na dayami. 13Pinipilit na saramay opisyal iray Israelita a manggaway laryon singa karakel na laryon ginagawa ra nen iitdan da ni ray dayami. 14Binabakbak na saramay opisyal iray kapatas ya Israelita ya impasen dan makaoley ed kimey. Et tinepet da, Akin et kulang nen samay gendat a gagawaen yo so ginawa yo natan?
15Insan saramay opisyal linma rad ari, ta nandalem ira. Inkuanda, Akin et onyay gagawaen mod sikami, Kagalang ya Ari? 16Ag kami nanaitdan na dayami, balet gagangganen da kami nin manggaway laryo. Insan natan leleweten da kami. Saray totoom so nanlapulapwan ed sayan nagagawa.
17Inmebat so ari, Mangingiras kayo! Mangingiras kayon talaga! Kampega lan kekerewen yon abuloyan ta kayon onla a mangibagat ed Katawan. 18Pawil kayo lad kimey yo! Anggapoy dayamin niiter ed sikayo, balet nepeg a manggawa kayoy singa karakel na gendat a gagawaen yon laryo. 19Saramay kapatas abirbir dan mairap so kipapasen da nen niganggan iran manggaway singa karakel na gendat a gagawaen dan laryo.
20Nen ompapawil la ran nanlapud ari, nabet da ra di Moises tan Aaron a manaalagar ed sikara. 21Inkuandad kindi Moises tan Aaron, Sankanengneng na Katawan yan ginawa yo. Andi-saew a dusaen to kayo, lapud sikayoy makasengeg na pamobosul ed sikami na ari tan saray opisyal to. Initdan yo ray baraan dan mamatey ed sikami.
Nanriklamod Katawan si Moises
22Insan sinmingger lamet ed Katawan si Moises tan kuanto, Katawan, akin et papairapen mo ray totoo? Akin et imbaki mo ak dia? 23Nanlapu lad samay insalitaan ta kad ari, pinapairap to met la ra. Et anggapoy ginawam a pangyagel ed sikara!
Currently Selected:
EXODO 5: PnPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
EXODO 5
5
Linma ra di Moises tan Aaron ed Ari na Egipto
1Insan di Moises tan Aaron linma rad ari na Egipto tan kuanda, Say Katawan a Dios na Israel kuanto, Abuloyan mo ya onlad kalawakan iray totook, pian makapansilibra ray pista a pamagalang dad siak.
2Inmebat so ari, Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.
3Inmebat ira di Moises tan Aaron, Say Dios na saray Hebreo et impatnag toy sikaton dili ed sikami. Abuloyan mo kami pan onlad kalawakan na taloran agew, ta mangibagat kamid man ed Katawan a Dios mi. No ag mi ya sumpalen a ganggan to, ompatey kamid salot o bakal ya ipadalan to.
4Inkuan na ari ed kindi Moises tan Aaron, Antoy labay yon ibaga diad pamatonda yo ed saray totoon mankimey? Papawil yon mankimey ira man ya aripen! 5Dakerakel kayo lan Israelita nen saray Egipsio. Natan balet, labay yo ran patondaen ed saray kimey da!
6Diad saman met lamlamang ya agew, ingganggan na ari iray opisyal ya Egipsio tan saray kapatas ya Israelita: 7Itonda yo lay pangiter yod saray totoo na dayami ya ikanad panggaway laryo. Ibaki yo ra, ta sikara lan diliy mananap na dayami. 8Ag yo babawasan so gendat a bilang na saray laryon gagawaen da. Mangingiras ira, kanyan lawas dan kekerewen ya abuloyan ko ran mangibagat ed Dios da! 9Itdan yo ray ambebelat a kimey; ag yo ra pampapainawaen, pian anggapoy panaon dan ondengel ed saray salitan tila-tila.
10Pinmaway ira may opisyal tan saramay kapatas ya Israelita tan linma rad saray Israelita. Inkuandad saray Israelita, Imbaga na ari ya ag to kayo la itdan na dayamin ikana yo. 11Ingganggan to a sikayo lan dili so ompaway a mangalay dayami ed inerman a pasen a pakalmoan yo. Balet ag yo babawasan so gendat a bilang na laryo a gagawaen yon inagew-agew. 12Kanyan saray Israelita linma ra ed intiron dalin na Egipto a nanaanap na dayami. 13Pinipilit na saramay opisyal iray Israelita a manggaway laryon singa karakel na laryon ginagawa ra nen iitdan da ni ray dayami. 14Binabakbak na saramay opisyal iray kapatas ya Israelita ya impasen dan makaoley ed kimey. Et tinepet da, Akin et kulang nen samay gendat a gagawaen yo so ginawa yo natan?
15Insan saramay opisyal linma rad ari, ta nandalem ira. Inkuanda, Akin et onyay gagawaen mod sikami, Kagalang ya Ari? 16Ag kami nanaitdan na dayami, balet gagangganen da kami nin manggaway laryo. Insan natan leleweten da kami. Saray totoom so nanlapulapwan ed sayan nagagawa.
17Inmebat so ari, Mangingiras kayo! Mangingiras kayon talaga! Kampega lan kekerewen yon abuloyan ta kayon onla a mangibagat ed Katawan. 18Pawil kayo lad kimey yo! Anggapoy dayamin niiter ed sikayo, balet nepeg a manggawa kayoy singa karakel na gendat a gagawaen yon laryo. 19Saramay kapatas abirbir dan mairap so kipapasen da nen niganggan iran manggaway singa karakel na gendat a gagawaen dan laryo.
20Nen ompapawil la ran nanlapud ari, nabet da ra di Moises tan Aaron a manaalagar ed sikara. 21Inkuandad kindi Moises tan Aaron, Sankanengneng na Katawan yan ginawa yo. Andi-saew a dusaen to kayo, lapud sikayoy makasengeg na pamobosul ed sikami na ari tan saray opisyal to. Initdan yo ray baraan dan mamatey ed sikami.
Nanriklamod Katawan si Moises
22Insan sinmingger lamet ed Katawan si Moises tan kuanto, Katawan, akin et papairapen mo ray totoo? Akin et imbaki mo ak dia? 23Nanlapu lad samay insalitaan ta kad ari, pinapairap to met la ra. Et anggapoy ginawam a pangyagel ed sikara!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983