EXODO 6
6
1Insan say Katawan kuantod kinen Moises, Nanengneng mo natan no antoy gawaen kod ari. Pasooten ko ya abuloyan ton ontaynan iray totook. Diad tuay tua, piliten ko a dagdagen to ran taynan day bansa to.
Tinawag na Dios si Moises
2Akisalitay Dios ed kinen Moises tan kuanto, Siak so Katawan. 3Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh. #6:3 YAHWEH: Nengneng yoy Gen. 2:4. 4Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man. 5Natan nadngel koy panngesnges na saray Israelita ya aaripenen na saray Egipsio, tan anunotan koy impisipanan ko. 6Kanyan ibagam ed saray Israelita a sayay kuankod sikara, Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo. 7Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio. 8Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan. 9Imbaga ya nen Moises ed saray Israelita, balet ag ira dinmengel ed sikato, ta nakalan iray ilalo lapud kakairapan dad pakakaaripen ed sikara.
10Insan say Katawan kuantod kinen Moises, 11Laka, ta ibagam ed ari na Egipto a nepeg ton abuloyan a taynan na saray Israelita so dalin to.
12Balet inmebat si Moises, Panoy idengel ed siak na ari, anta ag ak dengelen na anggan saray Israelita? Makapoy ak ni met a mansalita.
13Ingganggan na Katawan si Moises tan si Aaron: Ibaga yod saray Israelita tan diad ari na Egipto ya ingganggan ta kayon mangipangulo ed saray Israelita diad panaynan dad Egipto.
Say Sengeg na Pamilya di Moises tan Aaron
14Si Ruben a pangulowan ya anak nen Jacob et apatiray lalakin anak to a di Hanoc, Fallu, Hezron, tan Carmi; sikaray sengeg na saray boleg a natatawag onung ed kangaranan da. 15Si Simeon anemiray lalakin anak to a di Jemuel, Jamin, Ohad, Jakin, Zohar, tan Saul ya anak na biin Canamsa; sikaray sengeg na saray boleg a natatawag onung ed kangaranan da. 16Si Levi taloray lalakin anak to a di Gerson, Coat, tan Merari; sikaray sengeg na saray boleg a natatawag onung ed kangaranan da. Nambilay na sanlasus tan talomplo tan pitoy taon si Levi. 17Duaran lalaki so anak nen Gerson a di Libni tan Simei, tan amayamay so kabyangay boleg da. 18Si Coat apatiray lalakin anak to a di Amram, Izar, Hebron, tan Uziel. Nambilay si Coat na sanlasus tan talomplo tan taloy taon. 19Si Merari duaray lalakin anak to a di Mali tan Musi. Sikara yay anak nen Levi tan saray kabyangay boleg da.
20Inasawa nen Amram si Jacobed ya agi nen ama to; saray anak da et di Aaron tan Moises. Nambilay si Amram na sanlasus tan talomplo tan pitoy taon. 21Si Izar taloray lalakin anak to a di Core, Nefeg, tan Zicri. 22Si Uziel taloray lalakin anak to a di Misael, Elzafan, tan Sitri.
23Si Aaron inasawa toy Eliseba ya anak nen Aminadab tan agi nen Naazon; saray anak da et di Nadab, Abiu, Eleazar, tan Itamar. 24Si Core taloray lalakin anak to a di Asir, Elcana, tan Abiasaf; sikaray sengeg na saray kabyangay boleg nen Core. 25Si Eleazar a lakin anak nen Aaron inasawa toy anak nen Futiel; say anak da et si Finees. Sikara yay pangulo na saray pamilya tan saray boleg na tribu nen Levi.
26Di Aaron tan Moises so angibagaan na Katawan, Ipangulo yon ipaway ed Egipto iray tribu na Israel. 27Sikara so totoon angibagad ari na Egipto ya ibolus to ray Israelita.
Say Katawan Ingganggan to ra di Moises tan Aaron.
28Nen akisalitay Katawan ed kinen Moises diad dalin na Egipto, 29inkuanto, siak so Katawan. Salitam ed ari na Egipto iray amin ya ibabagak ed sika.
30Balet inmebat si Moises, Amtam so kakapoyan kon mansalita. Panoy idengel na ari ed siak?
Currently Selected:
EXODO 6: PnPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
EXODO 6
6
1Insan say Katawan kuantod kinen Moises, Nanengneng mo natan no antoy gawaen kod ari. Pasooten ko ya abuloyan ton ontaynan iray totook. Diad tuay tua, piliten ko a dagdagen to ran taynan day bansa to.
Tinawag na Dios si Moises
2Akisalitay Dios ed kinen Moises tan kuanto, Siak so Katawan. 3Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh. #6:3 YAHWEH: Nengneng yoy Gen. 2:4. 4Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man. 5Natan nadngel koy panngesnges na saray Israelita ya aaripenen na saray Egipsio, tan anunotan koy impisipanan ko. 6Kanyan ibagam ed saray Israelita a sayay kuankod sikara, Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo. 7Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio. 8Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan. 9Imbaga ya nen Moises ed saray Israelita, balet ag ira dinmengel ed sikato, ta nakalan iray ilalo lapud kakairapan dad pakakaaripen ed sikara.
10Insan say Katawan kuantod kinen Moises, 11Laka, ta ibagam ed ari na Egipto a nepeg ton abuloyan a taynan na saray Israelita so dalin to.
12Balet inmebat si Moises, Panoy idengel ed siak na ari, anta ag ak dengelen na anggan saray Israelita? Makapoy ak ni met a mansalita.
13Ingganggan na Katawan si Moises tan si Aaron: Ibaga yod saray Israelita tan diad ari na Egipto ya ingganggan ta kayon mangipangulo ed saray Israelita diad panaynan dad Egipto.
Say Sengeg na Pamilya di Moises tan Aaron
14Si Ruben a pangulowan ya anak nen Jacob et apatiray lalakin anak to a di Hanoc, Fallu, Hezron, tan Carmi; sikaray sengeg na saray boleg a natatawag onung ed kangaranan da. 15Si Simeon anemiray lalakin anak to a di Jemuel, Jamin, Ohad, Jakin, Zohar, tan Saul ya anak na biin Canamsa; sikaray sengeg na saray boleg a natatawag onung ed kangaranan da. 16Si Levi taloray lalakin anak to a di Gerson, Coat, tan Merari; sikaray sengeg na saray boleg a natatawag onung ed kangaranan da. Nambilay na sanlasus tan talomplo tan pitoy taon si Levi. 17Duaran lalaki so anak nen Gerson a di Libni tan Simei, tan amayamay so kabyangay boleg da. 18Si Coat apatiray lalakin anak to a di Amram, Izar, Hebron, tan Uziel. Nambilay si Coat na sanlasus tan talomplo tan taloy taon. 19Si Merari duaray lalakin anak to a di Mali tan Musi. Sikara yay anak nen Levi tan saray kabyangay boleg da.
20Inasawa nen Amram si Jacobed ya agi nen ama to; saray anak da et di Aaron tan Moises. Nambilay si Amram na sanlasus tan talomplo tan pitoy taon. 21Si Izar taloray lalakin anak to a di Core, Nefeg, tan Zicri. 22Si Uziel taloray lalakin anak to a di Misael, Elzafan, tan Sitri.
23Si Aaron inasawa toy Eliseba ya anak nen Aminadab tan agi nen Naazon; saray anak da et di Nadab, Abiu, Eleazar, tan Itamar. 24Si Core taloray lalakin anak to a di Asir, Elcana, tan Abiasaf; sikaray sengeg na saray kabyangay boleg nen Core. 25Si Eleazar a lakin anak nen Aaron inasawa toy anak nen Futiel; say anak da et si Finees. Sikara yay pangulo na saray pamilya tan saray boleg na tribu nen Levi.
26Di Aaron tan Moises so angibagaan na Katawan, Ipangulo yon ipaway ed Egipto iray tribu na Israel. 27Sikara so totoon angibagad ari na Egipto ya ibolus to ray Israelita.
Say Katawan Ingganggan to ra di Moises tan Aaron.
28Nen akisalitay Katawan ed kinen Moises diad dalin na Egipto, 29inkuanto, siak so Katawan. Salitam ed ari na Egipto iray amin ya ibabagak ed sika.
30Balet inmebat si Moises, Amtam so kakapoyan kon mansalita. Panoy idengel na ari ed siak?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983