EXODO 7
7
1Say Katawan kuanto, Pagmaliwen ta kan singa Dios ed ari, tan si kuyam ya Aaron so pagmaliwen kon propitam a misalita ed sikato. 2Ibagam ed Aaron iray amin ya iganggan kod sika, tan ibaga tod ari ya abuloyan to ray Israelita a taynan day bansa to. 3Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto. 4Insan iter kod Egipto so ambelat a dusa tan iwanwan ko ray boleg na totook diad itaynan da. 5Naamtaan ed satan na saray Egipsio a siak so Katawan no iyatagey koy taklay ko sumpad sikara tan ipaway kod bansa ra iray Israelita. 6Sinumpal di Moises tan Aaron so ingganggan na Katawan ed sikara. 7Mantaon na walomplo si Moises tan walomplo tan talo si Aaron nen akisalita ra ed ari.
Say Manakar a Baston nen Aaron
8Say Katawan kuantod kinen Moises tan Aaron, 9No say ari et kaukolan to kayon manggaway milagro a pakabirbiran na katwaan na ibabaga yo, ibagam ed Aaron ya alaen toy baston to, insan to ibontuk ed arap na ari, et magmaliw ya oleg. 10Linma ra sirin di Moises tan Aaron ed ari tan ginawa ra so ingganggan na Katawan. Imbontuk nen Aaron so baston to ed arap na ari tan saray opisyal to, et nagmaliw ya oleg. 11Insan impaawit na ari iray makabat a totoo to tan saray mangsalamangka to, tan diad dunong dan mansalamangka ginawa ra so singa agawad baston nen Aaron. 12Imbontuk da ray baston da, et nagmaliw iran oleg. Balet samay baston nen Aaron inaakmun to ra may baston da. 13Balet nansiansian anawet so puso na ari, tan onung na imbaga na Katawan, ag dinmengel ed kindi Moises tan Aaron so ari.
Dinmalan ed Egipto iray Segsegang
Say Dala
14Insan say Katawan kuantod kinen Moises, Anawet a tuloy so puso na ari tan ag to abuloyan ya ontaynan iray totook. 15Kanyan laka, ta abet mo no kabwasan no onlad Ilog na Nilo. Awit mo may baston a nagmaliw ya oleg, tan alagar mod gilig na ilog. 16Insan mo ikuan ed ari, Say Katawan a Dios na saray Hebreo et imbaki to ak a mangibagad sika ya abuloyan mo lan onla ray totoo to, pian nigalang da ed kalawakan. Balet anggad natan ag ka a dinmengel. 17Natan, Kagalang ya Ari, say Katawan kuanto a naamtaan moy peteg ya inkasikato diad panamegle na gawaen to. Nengneng mo, ibakbak kod tapew na ilog yan baston, et magmaliw a dala so danum. 18Ompatey iray sira, tan ombangebanget so ilog tan ag nayarin inomen na saray Egipsio.
19Say Katawan kuantod kinen Moises, Ibagam ed kinen Aaron ya awiten to may baston to tan iyatagey ton ipetek ed tapew na amin ya ilog, banawang, tan amin a dipositoway danum ed Egipto. Et say danum magmaliw a dala tan nawalaan na dala so intiron dalin ya anggan diad saray kiew tan baton pananginay danum.
20Sinumpal sirin di Moises tan Aaron iray ingganggan na Katawan. Diad arap na ari tan saray opisyal to, inyatagey nen Aaron imay baston to tan imbakbak tod tapew na ilog, et nagmaliw a dala so amin a danum to. 21Inatey iray sira ed ilog, tan binmangebanget so ilog, kanyan ag makainom diman iray Egipsio. Walay dala ed amin a pasen ed Egipto. 22Insan saray managsalamangka na ari inalig da so ginawa nen Aaron lapud dunong dan mansalamangka. Kanyan anawet nin siansia so puso na ari. Onung na imbaga la na Katawan, say ari ag to ra dinengel di Moises tan Aaron. 23Pinmoliktar la laingen a pinmawil ed palasio to tan ag to insingansingan so agawa. 24Amin da ray Egipsio et nankotkot irad gilig na ilog tan dimay nanaalaan day inomen da, ta ag ira makainom ed danum na ilog.
25Linmabas so pitoran agew nanlapud samay impamakbak na Katawan ed ilog.
Currently Selected:
EXODO 7: PnPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
EXODO 7
7
1Say Katawan kuanto, Pagmaliwen ta kan singa Dios ed ari, tan si kuyam ya Aaron so pagmaliwen kon propitam a misalita ed sikato. 2Ibagam ed Aaron iray amin ya iganggan kod sika, tan ibaga tod ari ya abuloyan to ray Israelita a taynan day bansa to. 3Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto. 4Insan iter kod Egipto so ambelat a dusa tan iwanwan ko ray boleg na totook diad itaynan da. 5Naamtaan ed satan na saray Egipsio a siak so Katawan no iyatagey koy taklay ko sumpad sikara tan ipaway kod bansa ra iray Israelita. 6Sinumpal di Moises tan Aaron so ingganggan na Katawan ed sikara. 7Mantaon na walomplo si Moises tan walomplo tan talo si Aaron nen akisalita ra ed ari.
Say Manakar a Baston nen Aaron
8Say Katawan kuantod kinen Moises tan Aaron, 9No say ari et kaukolan to kayon manggaway milagro a pakabirbiran na katwaan na ibabaga yo, ibagam ed Aaron ya alaen toy baston to, insan to ibontuk ed arap na ari, et magmaliw ya oleg. 10Linma ra sirin di Moises tan Aaron ed ari tan ginawa ra so ingganggan na Katawan. Imbontuk nen Aaron so baston to ed arap na ari tan saray opisyal to, et nagmaliw ya oleg. 11Insan impaawit na ari iray makabat a totoo to tan saray mangsalamangka to, tan diad dunong dan mansalamangka ginawa ra so singa agawad baston nen Aaron. 12Imbontuk da ray baston da, et nagmaliw iran oleg. Balet samay baston nen Aaron inaakmun to ra may baston da. 13Balet nansiansian anawet so puso na ari, tan onung na imbaga na Katawan, ag dinmengel ed kindi Moises tan Aaron so ari.
Dinmalan ed Egipto iray Segsegang
Say Dala
14Insan say Katawan kuantod kinen Moises, Anawet a tuloy so puso na ari tan ag to abuloyan ya ontaynan iray totook. 15Kanyan laka, ta abet mo no kabwasan no onlad Ilog na Nilo. Awit mo may baston a nagmaliw ya oleg, tan alagar mod gilig na ilog. 16Insan mo ikuan ed ari, Say Katawan a Dios na saray Hebreo et imbaki to ak a mangibagad sika ya abuloyan mo lan onla ray totoo to, pian nigalang da ed kalawakan. Balet anggad natan ag ka a dinmengel. 17Natan, Kagalang ya Ari, say Katawan kuanto a naamtaan moy peteg ya inkasikato diad panamegle na gawaen to. Nengneng mo, ibakbak kod tapew na ilog yan baston, et magmaliw a dala so danum. 18Ompatey iray sira, tan ombangebanget so ilog tan ag nayarin inomen na saray Egipsio.
19Say Katawan kuantod kinen Moises, Ibagam ed kinen Aaron ya awiten to may baston to tan iyatagey ton ipetek ed tapew na amin ya ilog, banawang, tan amin a dipositoway danum ed Egipto. Et say danum magmaliw a dala tan nawalaan na dala so intiron dalin ya anggan diad saray kiew tan baton pananginay danum.
20Sinumpal sirin di Moises tan Aaron iray ingganggan na Katawan. Diad arap na ari tan saray opisyal to, inyatagey nen Aaron imay baston to tan imbakbak tod tapew na ilog, et nagmaliw a dala so amin a danum to. 21Inatey iray sira ed ilog, tan binmangebanget so ilog, kanyan ag makainom diman iray Egipsio. Walay dala ed amin a pasen ed Egipto. 22Insan saray managsalamangka na ari inalig da so ginawa nen Aaron lapud dunong dan mansalamangka. Kanyan anawet nin siansia so puso na ari. Onung na imbaga la na Katawan, say ari ag to ra dinengel di Moises tan Aaron. 23Pinmoliktar la laingen a pinmawil ed palasio to tan ag to insingansingan so agawa. 24Amin da ray Egipsio et nankotkot irad gilig na ilog tan dimay nanaalaan day inomen da, ta ag ira makainom ed danum na ilog.
25Linmabas so pitoran agew nanlapud samay impamakbak na Katawan ed ilog.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983