JESAJA 17
17
’n Boodskap oor Aram en Israel
1Hierdie boodskap het na my gekom oor Damaskus, hoofstad van Aram:
“Kyk, Damaskus gaan verdwyn!
Dit gaan ’n puinhoop word.
2Die dorpe van Aroër
sal verlate word.
Skape sal in die strate wei.
Hulle sal daar lĂŞ
sonder om bang te wees
dat iemand hulle opjaag.
3Die versterkte stede van Israel#17:3 Grondteks van Efraim.
sal vernietig word,
en die mag van Damaskus
sal tot ’n einde kom.
Dié wat oorbly van Aram,
sal min mag hĂŞ
soos die Israeliete,”
sĂŞ die Here, die Almagtige.
4“In daardie dag
sal Israel#17:4 Grondteks Jakob. verneder word.
Armoede sal die land oorneem.
5Israel sal so verlate wees
soos die graanvelde
in die RefaĂŻmvallei
ná die oes af is.
6Min van sy mense sal oorbly,
soos die olywe
wat in die boonste takke
van die boom
agterbly ná die oes.
Slegs twee of drie
bly in die hoogste takke agter,
vier of vyf op die punte
van die takke.”
So sĂŞ die Here,
die God van Israel.
7Dan eers sal mense weer
aan hulle Skepper dink
en respek kry
vir die Heilige Een van Israel.
8Hulle sal nie meer hulle afgode
om hulp vra of dit aanbid
wat hulle met hulle eie hande
gemaak het nie.
Hulle sal nooit weer kniel
voor hulle Asjerabeelde
of wierook brand op die altare
wat hulle gemaak het nie.
9Daardie dag
sal Israel se toevlugstede
verlate wees,
verlate soos die boswĂŞreld
wat die inwoners destyds
laat vaar het
toe die Israeliete die land
lank terug binnegeval het.
10Jy het jou rug gedraai
op die God wat jou kan red.
Jy het die Rots vergeet
by wie jy kon skuil.
Daarom,
al kry jy die beste gewasse
en plant jy ingevoerde
wingerdstokke,
11al sou jy die dag dadelik
dit wat jy geplant het,
kan laat groei,
en dit laat bot die oggend
dat jy dit plant,
sal jou opbrengs niks werd wees.
Jou enigste oes
sal siekte
en ongeneeslike smart wees!
12Kyk! Die soldate
van baie nasies
storm nader soos golwe
wat teen die kus breek.
13Al raas hulle soos branders
wat op die strand breek,
God sal hulle stilmaak.
Hulle sal wegvlug
soos kaf wegwaai
in die bergwind
of soos ’n tolbos in ’n storm dwarrel.
14Die aand nog wag Israel in angs,
maar teen sonsopkoms
is hulle vyande vernietig.
Dit is die verdiende loon
van die vyand
wat ons beroof.
Dit is die lot van dié
wat ons besittings plunder.
Currently Selected:
JESAJA 17: NLV
Highlight
Share
Copy
Want to have your highlights saved across all your devices? Sign up or sign in
2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011
