JESAJA 29
29
’n Boodskap vir Jerusalem
1“Verwoesting wag vir Ariël#29:1 Ariël klink soos die Hebreeuse woord vir vuurherd en altaar.,
Ariël, die Dawidstad.
Jaar na jaar
hou julle die feeste.
2Maar Ek bring ramp na ramp
oor jou.
Hulle sal baie oor jou huil.
Want Jerusalem
sal word soos sy naam beduie:
’n altaar vol bloed.
3Ek sal jou vyand word.
Ek sal Jerusalem omsingel
en sy mure aanval.
Ek sal beleëringswalle bou
teen die mure
en dit vernietig.
4Jou stem sal wees
soos die gefluister van ’n spook
wat uit die aarde kom,
uit die stof waar jy begrawe lĂŞ.
5“Maar skielik
sal die genadelose vyande
weggedryf word
soos kaf voor die wind.
6In ’n oomblik sal die Here
die Almagtige
teen hulle kom
met donderweer en aardbewings
en groot geraas,
met dwarrelwinde en storms
en vuur wat alles verteer.
7Al die nasies wat geveg het
teen Jerusalem,
sal soos ’n droom verdwyn!
Die vyande wat haar mure
aangeval het,
sal verdwyn soos ’n visioen
van die nag.
8Honger mense droom van kos,
maar is steeds honger
wanneer hulle wakker skrik.
Mense wat dors is,
droom van water,
maar bly dors as hulle wakker word.
Op dieselfde manier
sal jou vyande
droom dat hulle Jerusalem#29:8 Grondteks Sionsberg.
oorwin.
Maar dit sal nie gebeur nie.”
9Is julle verbaas en verstom?
Glo julle my nie?
Gaan dan maar aan
en sien niks.
Julle is dronk,
maar nie van wyn nie.
Julle struikel,
maar nie van bier nie!
10Die Here het ’n diep slaap
oor julle laat kom.
Hy het die oë toegesluit
van julle profete en sieners.
11Die openbaring
van toekomstige gebeure
is ’n verseëlde boek vir hulle.
As jy dit gee vir mense
wat kan lees,
sal hulle sĂŞ:
“Ons kan dit nie lees nie,
want die boek is verseël.”
12En as jy dit vir mense gee
wat nie kan lees nie,
sal hulle antwoord:
“Jammer, maar ons kan nie
lees nie.”
13So het die Here gesĂŞ:
“Hierdie mense sê
hulle behoort aan My.
Hulle eer My met hulle monde,
maar hulle harte
is ver van My af.
En hulle aanbidding bestaan
uit niks meer nie
as menslike opdragte en tradisies.
14Daarom gaan Ek wonders doen
onder hierdie mense.
Ek wys hulle
hoe dwaas
menslike wysheid is
en hoe die briljantste mense
niks begryp nie.”
15Verwoesting wag verseker
vir hulle wat probeer
om hulle planne vir die Here
weg te steek.
Hulle probeer om hulle dade
in die donker weg te steek
en sĂŞ:
“Die Here kan nie sien
wat ons doen nie!”
Julle sĂŞ vir julleself:
“Hy weet niks
wat aangaan nie!”
16Hoe onnosel is julle!
Hy is die Pottebakker,
en soveel groter as julle!
Julle is maar net die potte
wat Hy gemaak het!
Kan die kleipot
van die pottebakker sĂŞ:
“Hy het ons nie gemaak nie”?
Die kleipot kan tog nie
vir die pottebakker sĂŞ:
“Die pottebakker
wat my gemaak het,
weet niks!”
17Baie gou, binne ’n kort tydjie,
sal die wildernis van die Libanon
verander in ’n vrugbare veld.
En die vrugbare velde
sal ’n lowerryke bos word.
18Daardie dag sal dowe mense
hoor
hoe daar uit ’n boek gelees word,
en blinde mense
sal deur die somberheid
en donkerte kan sien.
19Nederige mense sal vol wees
van blydskap
wat van die Here af kom.
Arm mense sal bly wees
oor die Heilige van Israel.
20Die mense
wat ander geĂŻntimideer
en geteister het,
sal weg wees.
Almal wat komplotte gesmee het,
sal doodgemaak wees.
21Hulle wat onskuldiges
skuldig bevind het
met hulle valse getuienis,
sal verdwyn.
Die mense
wat met ’n bedriegspul
die reg omgedraai het
en leuens vertel het
om onskuldiges af te kraak,
sal nie meer bestaan nie.
22Dis hoekom die Here,
wat vir Abraham gered het,
vir die mense van Israel sĂŞ:
“My volk sal nie bleek word
van vrees nie.
Hulle sal nie skaam wees nie.”
23Wanneer hulle rondom hulle
die baie kinders
en seëninge sien
wat Ek hulle gegee het,
sal hulle die heiligheid erken
van die Heilige van Israel.
Hulle sal in ontsag opstaan
voor die God van Israel.
24Dan sal dié wat afgedwaal het,
die waarheid glo.
En hulle wat aanhoudend kla,
sal hulle laat leer.
Currently Selected:
JESAJA 29: NLV
Highlight
Share
Copy
Want to have your highlights saved across all your devices? Sign up or sign in
2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011
