GENESI 13
13
Aborahama o arogana le Loto
1Aborama a tloga Egipita, yena le mosadi wa gagwe, le tšohle tša gagwe, a na le Loto, a boela go la borwa. 2Mme Aborama o be a humile gagolo, a na le diruiwa, le silifera, le gauta. 3Go la borwa o tlogile a sepela, a fihla Bethele, felo fala a kilego a aga ngwako ntshe gare ga Bethele le Ai, 4felo fala ga aletare ye a e dirilego, a thoma ka gona, a rapela leina la Morena gona fao.
5Ge e le Loto, e a bego a sepela le Aborama, le yena o be a na le dihuswane, le dikgomo, le meraka ya gagwe. 6Bjale naga e be e sa ba lekane ge ba dula felo gotee, ka gobane maruo a bona e be e le a mantši, a ba šitiša go dula felo gotee. 7Mme gwa tsoga ntwa mo go badiši ba mehlape ya Aborama le badiši ba mehlape ya Loto; le gona mehleng yeo go be go agile Bakanana le Baperese mo nageng yeo.
8Ke mo Aborama a boletšego le Loto a re: A go se be le ntwa mo go nna le wena, le mo go badiši ba ka le badiši ba gago; ka gobane re bana ba motho o tee. 9Hleng naga ka moka e ahlame pele ga gago! A re aroganeng! Ge o ka rata thoko ya le letshadi, nna ke tlo ya ka go le letona; ge o ka rata thoko ya le letona, nna ke tlo ya ka go le letshadi.
10Bjale Loto a lebelela, a bona molala ka moka wa nokeng ya Jorodane, ka moka e le naga ye e nago le meetse. Mehleng yeo, Morena a sešo a senya Sodomo le Gomora, e be e etša tšhemo ya Morena bjalo ka naga ya Egipita, e goma ka Tsoare. 11Loto a ikgethela molala ka moka wa nokeng ya Jorodane, a leba thoko ya bohlabela; ya ba gona go arogana ga bona. 12Aborama a dula mo nageng ya Kanana; Loto a dula metseng ya molaleng, a hloma mešaša ya gagwe ya goma ka Sodoma. 13Batho ba Sodoma, bona e be e le ba babe, e le ba go befela Morena ka kudu.
14Mehleng yeo, Aborama a seno arogana le Loto, Morena o boletše le yena a re: Lebelela o le gona moo, o iše mahlo thoko ya leboa, le borwa, le bohlabela, le bodikela. 15Ka gobane naga ka moka ye o e bonago ke tlo e nea wena le bana ba gago ba neng le neng. 16Mme bana ba gago ke tlo ba atiša bjalo ka lerole la lefase; ba tlo ata wa go tlo balwa ke eo a kgonago go bala lerole la lefase. 17Tsoga ge o phatše naga ye ka botelele le ka bophara, ka gobane ke go nea yona. 18Mme Aborama a khuduga a yo dula sethokgweng sa Mamure se se lego motseng wa Heburone; gona moo a aga aletare ya Morena.
Currently Selected:
GENESI 13: NSO51
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.
GENESI 13
13
Aborahama o arogana le Loto
1Aborama a tloga Egipita, yena le mosadi wa gagwe, le tšohle tša gagwe, a na le Loto, a boela go la borwa. 2Mme Aborama o be a humile gagolo, a na le diruiwa, le silifera, le gauta. 3Go la borwa o tlogile a sepela, a fihla Bethele, felo fala a kilego a aga ngwako ntshe gare ga Bethele le Ai, 4felo fala ga aletare ye a e dirilego, a thoma ka gona, a rapela leina la Morena gona fao.
5Ge e le Loto, e a bego a sepela le Aborama, le yena o be a na le dihuswane, le dikgomo, le meraka ya gagwe. 6Bjale naga e be e sa ba lekane ge ba dula felo gotee, ka gobane maruo a bona e be e le a mantši, a ba šitiša go dula felo gotee. 7Mme gwa tsoga ntwa mo go badiši ba mehlape ya Aborama le badiši ba mehlape ya Loto; le gona mehleng yeo go be go agile Bakanana le Baperese mo nageng yeo.
8Ke mo Aborama a boletšego le Loto a re: A go se be le ntwa mo go nna le wena, le mo go badiši ba ka le badiši ba gago; ka gobane re bana ba motho o tee. 9Hleng naga ka moka e ahlame pele ga gago! A re aroganeng! Ge o ka rata thoko ya le letshadi, nna ke tlo ya ka go le letona; ge o ka rata thoko ya le letona, nna ke tlo ya ka go le letshadi.
10Bjale Loto a lebelela, a bona molala ka moka wa nokeng ya Jorodane, ka moka e le naga ye e nago le meetse. Mehleng yeo, Morena a sešo a senya Sodomo le Gomora, e be e etša tšhemo ya Morena bjalo ka naga ya Egipita, e goma ka Tsoare. 11Loto a ikgethela molala ka moka wa nokeng ya Jorodane, a leba thoko ya bohlabela; ya ba gona go arogana ga bona. 12Aborama a dula mo nageng ya Kanana; Loto a dula metseng ya molaleng, a hloma mešaša ya gagwe ya goma ka Sodoma. 13Batho ba Sodoma, bona e be e le ba babe, e le ba go befela Morena ka kudu.
14Mehleng yeo, Aborama a seno arogana le Loto, Morena o boletše le yena a re: Lebelela o le gona moo, o iše mahlo thoko ya leboa, le borwa, le bohlabela, le bodikela. 15Ka gobane naga ka moka ye o e bonago ke tlo e nea wena le bana ba gago ba neng le neng. 16Mme bana ba gago ke tlo ba atiša bjalo ka lerole la lefase; ba tlo ata wa go tlo balwa ke eo a kgonago go bala lerole la lefase. 17Tsoga ge o phatše naga ye ka botelele le ka bophara, ka gobane ke go nea yona. 18Mme Aborama a khuduga a yo dula sethokgweng sa Mamure se se lego motseng wa Heburone; gona moo a aga aletare ya Morena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.