GENESI 14
14
Aborahama o thopolla Loto. Melekitsedeke
1Šedi tša mehla ya Amorafele kgoši ya Sineara, le Ariogo kgoši ya Elasara, le Kedorolaomere kgoši ya Elama, le Thidala kgoši ya ditšhaba. 2Bona bao ba šwahletše Bera kgoši ya Sodoma, le Birisa kgoši ya Adema, le Semebere kgoši ya Tseboima, le kgoši ya Bela e lego motse wa Tsoare. 3Bona ba ka moka ba phuthegela moeding wa Sidima, mo go lego lewatle la letswai. 4Ba be ba feditše nywaga e lesome le nywaga e mebedi ba loba Kedorolaomere; mme ba mo hlanogela ka ngwaga wa lesome le metšo e meraro. 5Bjale ka ngwaga wa lesome le metšô e mene Kedorolaomere a tla, a na le dikgoši tšela. Ba fenya Barefai motseng wa Asiterote-Karanaima; ba fenya le Balusi motseng wa Hama, le Baemi mo moeding wa Kiryataima; 6ba fenya le Bahori dithabeng tša bona tša Seire, ba fihla Eiliparane go bapetšego le lešoka. 7Ba boa ba tla sedibeng sa Misipata, ke gona Kadese, ba fenya naga ka moka ya Baamaleke, le ya Baamoro ba ba bego ba agile Hatsatsone-Thamara.
8Ke mo kgoši ya Sodoma e tšwilego dira, le kgoši ya Gomora, le kgoši ya Tseboima, le kgoši ya Bela, e lego Tsoare; ba tla ba itlhamile ba ema moeding wa Sidima. 9Ba hlabana le Kedorolaomere kgoši ya Elama, le Thidala kgoši ya ditšhaba, le Amorafele kgoši ya Sineara, le Ariogo kgoši ya Elasara; dikgoši tše nne tša lwa le dikgoši tše tlhano. 10Gona fao moeding wa Sidima go be go na le madiba a motimmu; bjale kgoši ya Sodoma le kgoši ya Gomora ge di tšhaba tša wela madibeng ao, mašalela a tšhabela dithabeng. 11Gomme ba thopa maruo ka moka a Sodoma le a Gomora, le dijo ka moka, mme ba tloga. 12Ba thopa le Loto morwa wa ngwanabo Aborama, le maruo a gagwe; ka gobane o be a agile Sodoma; mme ba tloga.
13Gwa tla motšhabi, a di tsebiša Aborama Mohebere. Yena o be a agile sethokgweng sa Mamure Moamoro, e a bego a le ngwanabo Esikolo, le ngwanabo Anere; bona bao e be e le bagwera ba Aborama. 14Bjalo ge Aborama a ekwa gore ngwanabo o thopilwe, a ntšha bahlanka ba gagwe ba ba botegilego, ba ba tswaletšwego motseng wa gagwe, e le ba makgolo a mararo le lesome le metšo e seswai; a hlomarela bala a fihla Dane. 15A kgetha bahlanka ba gagwe ya ba dihlopha, a ba šwahlela e le bošego, a ba fenya, a ba hlomarela a goma Hoba, go bapetšego le Damaseko ka thoko ya sa ntšhogošo. 16A thopolla maruo ka moka; a thopolla le Loto ngwanabo, le maruo a gagwe le basadi, le balata.
17Bjale ge a tšwa go boa a fentše Kedorolaomere le magoši a a bego a na le yena, kgoši ya Sodoma ya tšwa ya mo gahlanetša moeding wa Sabe, moeding wa kgoši. 18Le Melekitsedeke kgoši ya Salema a tliša senkgwa le beine; yena e be e le moperisita wa Modimo yo godimodimo. 19Yena o šegofaditše Aborama a re: Aborama o šegofaditšwe ke Modimo yo godimodimo, Mohlodi wa legodimo le lefase. 20A go tumišwe Modimo yo godimodimo, e a gafetšego manaba a gago diatleng tša gago. Mme Aborama a mmegela ka sa lesome sa tšohle.
21Bjale kgoši ya Sodoma ya bolela le Aborama ya re: Nna nneele batho; wena o tšee maruo.
22Aborama a fetola a re: Ke ena ka Morena Modimo yo godimodimo, Mohlodi wa legodimo le lefase. 23Nka se ke ka tšea le lenti, le ge e le lerala la seeta, le ge e le eng le eng se e lego sa gago; gore o se tlo re: Ke humišitše Aborama. 24Ge e se tše di llwego ke masogana, le karolo ya banna bao ba ba ilego le nna, Anere le Esikolo le Mamure; bona a ba tšee karolo ya bona.
Currently Selected:
GENESI 14: NSO51
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.
GENESI 14
14
Aborahama o thopolla Loto. Melekitsedeke
1Šedi tša mehla ya Amorafele kgoši ya Sineara, le Ariogo kgoši ya Elasara, le Kedorolaomere kgoši ya Elama, le Thidala kgoši ya ditšhaba. 2Bona bao ba šwahletše Bera kgoši ya Sodoma, le Birisa kgoši ya Adema, le Semebere kgoši ya Tseboima, le kgoši ya Bela e lego motse wa Tsoare. 3Bona ba ka moka ba phuthegela moeding wa Sidima, mo go lego lewatle la letswai. 4Ba be ba feditše nywaga e lesome le nywaga e mebedi ba loba Kedorolaomere; mme ba mo hlanogela ka ngwaga wa lesome le metšo e meraro. 5Bjale ka ngwaga wa lesome le metšô e mene Kedorolaomere a tla, a na le dikgoši tšela. Ba fenya Barefai motseng wa Asiterote-Karanaima; ba fenya le Balusi motseng wa Hama, le Baemi mo moeding wa Kiryataima; 6ba fenya le Bahori dithabeng tša bona tša Seire, ba fihla Eiliparane go bapetšego le lešoka. 7Ba boa ba tla sedibeng sa Misipata, ke gona Kadese, ba fenya naga ka moka ya Baamaleke, le ya Baamoro ba ba bego ba agile Hatsatsone-Thamara.
8Ke mo kgoši ya Sodoma e tšwilego dira, le kgoši ya Gomora, le kgoši ya Tseboima, le kgoši ya Bela, e lego Tsoare; ba tla ba itlhamile ba ema moeding wa Sidima. 9Ba hlabana le Kedorolaomere kgoši ya Elama, le Thidala kgoši ya ditšhaba, le Amorafele kgoši ya Sineara, le Ariogo kgoši ya Elasara; dikgoši tše nne tša lwa le dikgoši tše tlhano. 10Gona fao moeding wa Sidima go be go na le madiba a motimmu; bjale kgoši ya Sodoma le kgoši ya Gomora ge di tšhaba tša wela madibeng ao, mašalela a tšhabela dithabeng. 11Gomme ba thopa maruo ka moka a Sodoma le a Gomora, le dijo ka moka, mme ba tloga. 12Ba thopa le Loto morwa wa ngwanabo Aborama, le maruo a gagwe; ka gobane o be a agile Sodoma; mme ba tloga.
13Gwa tla motšhabi, a di tsebiša Aborama Mohebere. Yena o be a agile sethokgweng sa Mamure Moamoro, e a bego a le ngwanabo Esikolo, le ngwanabo Anere; bona bao e be e le bagwera ba Aborama. 14Bjalo ge Aborama a ekwa gore ngwanabo o thopilwe, a ntšha bahlanka ba gagwe ba ba botegilego, ba ba tswaletšwego motseng wa gagwe, e le ba makgolo a mararo le lesome le metšo e seswai; a hlomarela bala a fihla Dane. 15A kgetha bahlanka ba gagwe ya ba dihlopha, a ba šwahlela e le bošego, a ba fenya, a ba hlomarela a goma Hoba, go bapetšego le Damaseko ka thoko ya sa ntšhogošo. 16A thopolla maruo ka moka; a thopolla le Loto ngwanabo, le maruo a gagwe le basadi, le balata.
17Bjale ge a tšwa go boa a fentše Kedorolaomere le magoši a a bego a na le yena, kgoši ya Sodoma ya tšwa ya mo gahlanetša moeding wa Sabe, moeding wa kgoši. 18Le Melekitsedeke kgoši ya Salema a tliša senkgwa le beine; yena e be e le moperisita wa Modimo yo godimodimo. 19Yena o šegofaditše Aborama a re: Aborama o šegofaditšwe ke Modimo yo godimodimo, Mohlodi wa legodimo le lefase. 20A go tumišwe Modimo yo godimodimo, e a gafetšego manaba a gago diatleng tša gago. Mme Aborama a mmegela ka sa lesome sa tšohle.
21Bjale kgoši ya Sodoma ya bolela le Aborama ya re: Nna nneele batho; wena o tšee maruo.
22Aborama a fetola a re: Ke ena ka Morena Modimo yo godimodimo, Mohlodi wa legodimo le lefase. 23Nka se ke ka tšea le lenti, le ge e le lerala la seeta, le ge e le eng le eng se e lego sa gago; gore o se tlo re: Ke humišitše Aborama. 24Ge e se tše di llwego ke masogana, le karolo ya banna bao ba ba ilego le nna, Anere le Esikolo le Mamure; bona a ba tšee karolo ya bona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.