Ñwaè' Luêk 1
1
1Bèe magòr a lòr nfè' a saŋ buu ce vi m koni a sěe mʉ. 2Buu ce wowèe a saŋ, ku ba buu ce bèe ce a m ce yɛ nè map mmir efa rkɛ̀', ce a m ba ŋgǎa fè'shi blǎa Nyʉ̀ a m suŋ wèr. 3Màsà Tìyofilòs, mɛ mɛ̀ foŋ à ka' fyɛ' buu ca wɛɛwɛ bòŋboŋ àmbò vi m ba efa rkɛ̀', a yɛ mɛnɛ yi yu bòŋboŋ foŋ nè mɛ̀ à rsaŋ buu anà yɛɛnì àmbò vi m ba, fa nè wɛ̀, 4tɛ à bo rìŋ enɛ buu ce a yɛ'ni wɛ̀ vi yu mini ghup.
5À m ba mbe nfè' ce Hɛròd à m ba ŋkʉʉ à ŋgǒŋ Jùdiyà, ŋwɛ̀ taŋshi taŋshì mò' à ba, a ce too enɛ Sàkàriyà. À m ba ŋwɛ̀ embe ŋgoo ŋgǎa taŋshi taŋshì embe ndàp Àbijà. A m ce too ŋgwa yì enɛ Ɛ̀lisabɛ̀t. Ye ye à m ba ŋwɛ̀ embe ndʉ̀' Ɛròn ce à m ba ŋwɛ̀ taŋshi taŋshì. 6Wowèe a m ce cu yɛɛnì à bsii Nyʉ̀, a ce gèe buu wɛɛwɛ ce Tata Nyʉ̀ à m làa, a bɛr mo' ka'. 7Wowèe a m tʉr boo ka' njobè' Ɛ̀lisabɛ̀t à m ba kar, wowèe a ker rʉʉ sê.
8À ka' ba à nfè' ce bèe embe ŋgoo Sàkàriyà a ce fà' mbe Ndàp Nyʉ̀, Sàkàriyà à ce gèe li rfà' àmbò ŋwɛ̀ taŋshi taŋshì nè Nyʉ̀. 9Ŋgǎa taŋshi taŋshì nè Nyʉ̀ a m saŋ mlii bèe, a lɛ njep lɛ', a cu' àmbò yàp ndèe à m ba. A ka' cù', rlii Sàkàriyà li fʉʉ enjo enɛ e niŋ mbe Ndàp Tata Nyʉ̀, too nrɛ̀ɛ nè ye. 10À ka' ba nfè' ce a ce too nrɛ̀ɛ, bèe wɛɛwɛ a tɛɛ njepmbè a ce gèe rloo. 11Sàkàriyà à ka' ba mbo wa'a, ncìndap Tata Nyʉ̀ à nyɛɛ, a tɛɛ à ŋgʉ̀' bo mà' dǐ' ntòo nrɛ̀ɛ. 12Sàkàriyà à ka' yɛ ye, mlù mi koo ye, e wɛp sê. 13Ncìndap Nyʉ̀ à laa nè ye enɛ̂, “Fa wɛp ka', Sàkàriyà, Nyʉ̀ à yu' lo rloo. Ŋgwa wǒ Ɛ̀lisabɛ̀t be bi wɛ̀ muu mbaŋrù. À be fa rlii muu anà enɛ Jǒn. 14À be kè lu'shi, yu' rbòŋ, tɛ bèe magòr a lu'shi foŋ, à nfè' ce a bi muu anà, 15njobè' e be kè ba ŋwɛ̌ ŋgòr à bsii Tata Nyʉ̀. E be kè no mrù' ka', no yuu tatap ka'. E be kè ruu nè Yʉ' Rara, kɛ' enjep rbʉ̀ yì mâ. 16E be kè gèe tɛ bèe magòr efa mʉ̀ bèe Isrɛ̀l a kʉti njeptii Tata ce e yu yàp Nyʉ̀. 17E be kè dù entombǐ nè ye nè njɛ̀ɛ yʉ' ker ba ŋger ce Àlajà à m tʉr, tɛ e bo gèe tɛ btar boo a boo wap wèe a kʉti àbee, gèe tɛ bèe ce a tèe btu a tʉr bfee àmbò bèe ce a yu yɛɛnì a tʉr, tɛ bèe Nyʉ̀ a bo tami nyor à rkoni Tatâ.” 18Sàkàriyà à laa nè ncìndap Nyʉ̀ anà enɛ̂, “Mɛ̀ rʉ̀ʉ sê, ŋgwa wà foŋ à rʉ̂ʉ. Àtà m riŋ nè kɛ enɛ yuu ce à ce làa na yi be ba mini?” 19Ncìndap Nyʉ̀ à beesì enɛ̂, “A mɛ̀ Gaberyà ce mɛ ke tɛɛ à bsii Nyʉ̀. Nyʉ̀ à tuu mɛ̀ enɛ m vʉ cep ntuu bòŋboŋ ca nè wɛ̀. 20Yuu ce mɛ̀ suŋ wɛ̀ na yi be kè gèeti à nfè' ce yi ba gèeti, geewa'a, àmbò wɛ̀ byemi ka' banɛ à be kèr làa ka' kɛ̌', ntìni du ba' mbe nfè' ce yuu ca yi be gèeti.”
21Sàkàriyà à m cu mbe Ndàp Nyʉ̀ anà tètè sê. Bèe ce a m cu ce kè' ye nà a ce tarni enɛ à koni ba kɛ lɛ. 22Sàkàriyà à ka' fʉʉ embo, a moo à rlàa nè wowèe làr, a kɛ' a ce suŋ buu nè wowèe ba nè mmbo. Wowèe a ka' yɛ wa' a ku riŋ enɛ e yɛ njɛ̀ɛ rlo mo'.
23Yì nfè' rfà' à ka' mì, e kʉtì mbe yě ndàp. 24Mnòŋ mo' vi ka' càa, Ɛ̀lisabɛ̀t à koo rbʉ̀, a cu mbe ndàp mŋwɛɛ tâ, a ker ce fʉʉ à mʉ̀ bèe ka'. 25E m làa enɛ̂, “Ŋwɛ̀ ce e gèe ca nè mɛ̀ à gèe Tatâ. E fyɛ' mɛ̀ a bur mɛ̀ rìtu ce yi m ce koo mɛ̀ à mʉ̀ bèe nà embe tù.”
26Rbʉ̌ Ɛ̀lisabɛ̀t li ka' ba mŋwɛɛ ntuunfu, Nyʉ̀ à tuu yì ncìndap ce a too enɛ Gaberyà, à rla' Nasarɛ̀t à ŋgǒŋ Galèlê. 27Ncìndap Nyʉ̀ ca à m tʉr ntuu à rcep nè muunje mò', ce ŋwɛ̀ mò' ce a m ce too enɛ Josɛ̀f à m ce niŋ gùu àgho. Josɛ̀f à m ba ŋwɛ̀ embe ndʉ̀' ŋkʉʉ Dɛvìd. A m too rlii muunje anà enɛ Mɛ̀ɛri. 28Ncìndap Nyʉ̀ anà à vʉ̂, a laa nè ye enɛ̂, “Mɛ̀ cà'ni wɛ̀! Tata yu wèe ye, à tʉr rbǒŋtu wèe Nyʉ̀!” 29Mɛ̀ɛri à ka' yu' ntuu ce ncìndap Nyʉ̀ à m cep na, bfee vi jep ye, e ce seŋ enɛ yuu ce ncìndap Nyʉ̀ à làa anà yi yu ba enɛ kɛ lɛ. 30Ncìndap Nyʉ̀ anà à laa nè ye enɛ̂, “Fa wɛp ka' Mɛ̀ɛri, njobè' à tʉr rbǒŋtu wèe Nyʉ̀. 31À be koo rbʉ̀, bi muu mbaŋrù, fa rlii enɛ Jisòs. 32Muu anà be kè ba ŋwɛ̌ ŋgòr, tɛ a too ye enɛ Muu Nyʉ̀ embe bùu. Tata Nyʉ̀ be fa kʉʉ yì ta Dɛvìd nè ye. 33E be kè sa' mbe ndʉ̀' Jakòp à nfè' wɛɛwɛ, tɛ yi kʉʉ yi mi ka'.” 34Mɛ̀ɛri à laa nè ncìndap Nyʉ̀ anà enɛ̂, “Mɛ̀ be riŋ mbaŋrùŋwɛ̀ ka'. Banɛ àtà ca yi ba wa' à njɛ̌ɛ kɛ?” 35Ncìndap Nyʉ̀ à beesì enɛ̂, “Yʉ' Rara yi be vʉ̀ mbe wɛ̌ ndù, tɛ ŋger Nyʉ̀ embe bùu yi tɛ'shi wɛ̀. Banɛ a be kè too muu nrara anà enɛ Muu Nyʉ̀. 36Yɛ̂, nfʉrǒ Ɛ̀lisabɛ̀t à koo rbʉ̀ à nfè' ce e yu nleeŋwɛ̀ sê. Ŋwɛ̀ ce a m ce too enɛ kar yu nè rbʉ̀ sè'ni à mŋwɛɛ ntuunfu. 37Ca yi yu wa' njobè' yuu mo' yi yu ce àtà yi gha' Nyʉ̀ à rgèe ka'.” 38Mɛ̀ɛri à laa enɛ̂, “A mɛ̀ ŋwɛ̀ rfà' Tatâ. Tɛ yuu ce wɛ̀ làa anà yi ku ba àmbò wɛ̀ làa.” E ka' làa wa'a, ncìndap Nyʉ̀ à ma'shì ye a dû.
39Mʉ mnòŋ mo' vi ka' càa, Mɛ̀ɛri à natì a du cɛrcɛr mbe rla' mo' ce li m ba mbe mtǔu à ŋgǒŋ Jùdiyà. 40E ka' bà', a niŋ mbe ndàp mbe Sàkàriyà, a ca'ni Ɛ̀lisabɛ̀t. 41Ɛ̀lisabɛ̀t à ka' yu' àmbò e cà'ni ye, muu enjep yě rbʉ̀ à karsì nyor. Ɛ̀lisabɛ̀t à ruusì nè Yʉ' Rara, 42a waa, a laa enɛ̂, “Wɛ̀ tʉr rbǒŋtu a caa bbyèŋge wɛɛwɛ. Nyʉ̀ à ghòni muu ce à be bi anà. 43Yi lò efa kɛ, ma yì Tata yà à ka' vʉ à rcà'ni mɛ̀? 44À ba à nfè' ce mɛ̀ ba yu' àmbò wɛ̀ cà'ni mɛ̀ nà, muu enjep mɛ̌ rbʉ̀ à karsì nyor nè rlu'shì-ŋwɛ̀. 45À yu ŋwɛ̀ rbǒŋtu njobè' wɛ̀ byemi enɛ yuu ce Tata à làa nè wɛ̀ yi be kù ba àmbò e làa.”
46Mɛ̀ɛri à laa enɛ̂,
“Ya ntee yi ce nɛ̀si Tata Nyʉ̀.
47Ya yʉ' yi ce lu'shi nè Nyʉ̀ ce e gèe mɛ̀ lûŋ,
48njobè' e kuushi mɛ̀ ce m yu yì ŋwɛ̀ rfà',
ka' m yu ŋwɛ̀ à mʉ̀ bèe ka' wa'a.
Kɛ̌' ntìni na, ŋgʉ̀ bèe wɛɛwɛ enjep ŋgòŋ a be ce too mɛ̀ enɛ ŋwɛ̀ rbǒŋtu,
49njobè' Nyʉ̀ ce e tʉr ŋger wɛɛwɛ à gèe ku' buu bbòŋboŋ nè mɛ̀.
Li rlii li yu rrara.
50E ke koosimnse nè bèe ce a ce wɛp ye
kɛ' embe ŋgʉ̀ bèe mò' du ba' mbe mò'.
51E dùŋshi yi ŋger, a da'si ŋgǎa nàatu.
52E sùusi běe bgòrgòr embe mnta', a ku'si běe bkɛ'kɛ'.
53E fa buu bbòŋboŋ nè bèe ce njè ce yaŋ wowèe, a juu ŋgǎa mbàa, wowèe a dusè mbòmmbo.
54E m lɛ̀ mi mkà'ni ce e m gèe,
a ja' Isrɛ̀l ce e m ba yì ŋwɛ̀ rfà'.
55E m gèe wa'a, a ce kuushi mkà'ni ce e m gèe nè Abràham ker ba nè yì ŋgʉ̀ bèe à nfè' sìp.”
56Mɛ̀ɛri à m cu a Ɛ̀lisabɛ̀t àmbò mŋwɛɛ btaar wa'a, a ka' kʉti fa yě là'.
57Nfè' rbi à ka' ghɛɛ, Ɛ̀lisabɛ̀t à bi muu mbaŋrù. 58Bèe ce a wowèe a m ce cu, ker ba yì bèe, a ka' yu' ku' yuu bòŋboŋ ce Tata Nyʉ̀ à m gèe nè ye na, a lu'shi a wowèe. 59Muu à ka' bà' mnòŋ waami, a vʉ à rgèe bʉ̀ muu. Bèe a m ce kwà'shi enɛ a be cu' ba yì tâ. 60Yì ma à shê, a laa enɛ̂, “A be too ye enɛ Jǒn.” 61Wowèe a laa nè ye enɛ̂, “Rìŋ wɛnɛ ŋwɛ̀ mò' embe wɛ̌ ndʉ̀' tʉr njɛ̀ɛ rlii ca ka'.” 62Wowèe a ka' làa wa'a, a de' a Sàkàriyà wèe nè mmbo, a bipshi nè ye enɛ e kòŋ à rcu' ba nda lɛ. 63Sàkàriyà à laa nè mmbo enɛ a fa ye ŋwà'. A ka' fa ye ŋwà', e saŋ mbo enɛ̂, “Li rlii li yu enɛ Jǒn.” Bèe wɛɛwɛ a bɛɛŋgèr sê. 64Nfè' à ke' tuuse ka', e ker kɛ' a ce làa, a ce yòŋshi Nyʉ̀. 65Bèe ce a wowèe a m ce cu a m wɛp sê. Bèe ce a m ba à bdì' wɛɛwɛ à rla' embe mtǔu à ŋgǒŋ Jùdiyà a m suŋ buu ca. 66Bèe wɛɛwɛ ce a m yu' vi a m ce kuushi vi, a ce làa enɛ̂, “Njɛ̀ɛ muu ca be kè ba njɛ̀ɛ muu ce kɛ?” Bo Tata Nyʉ̀ yi m ba mbe yě ndù nè mini-ŋwɛ̀.
67Sàkàriyà ce e m ba tar muu ca, à m ruu nè Yʉ' Rara, a cep ntuu Nyʉ̀ nè bèe enɛ̂,
68“Sèe ku'si Tata ce e yu Nyʉ̀ bèe Isrɛ̀l.
E m vʉ̀ a yɛ yì bèe, a tee wowèe efa ŋgɛ'.
69E fa sèe ŋwɛ̌ ŋgòr ce e be gèe tɛ bèe a lûŋ,
à ba ŋwɛ̀ embe ndʉ̀' Dɛvìd ce e yu yì ŋwɛ̀ rfà'.
70E m làa elǔuŋgòŋ ekù cùu yi ŋgǎa ncep ntuu ce a m ba brara enɛ,
71e be jà', fʉr sèe embà mmbo bèe ce a bàa sèe,
72à rdùŋshi yì ŋkoosimnse nè visèe btarkʉ,
kèr kuushi yi lě' rara
73ce e m ye a Abràham ce e yu yìsèe tarkʉ.
74E m ye lè' enɛ e be fʉr sèe embà mmbo yisèe ŋgǎa bbàa,
tɛ sèe bo fà' nè ye, ce wɛp yuu mo' ka',
75ba brara, kèr ba byɛɛnì a yě bsii, caar kè càa kweŋger.
76À ka' ba yi àmbò wɛ̀, muu wà, a be kè too wɛ̀ enɛ ŋwɛ̀ ncep ntuu Nyʉ̀ embe bùu,
njobè' à be dù entombì nè Tatâ, kupshi nduunjì nè ye.
77À be gèe tɛ yì bèe a riŋ enɛ Nyʉ̀ be fòosi yàp buu bbebep, gèe tɛ wowèe a lûŋ.
78Yìsèe Nyʉ̀ yu ŋwɛ̀ ŋkoosimnse, a boŋ ŋgèe foŋ.
E be gèe tɛ nyʉ̀ bap embe bùu saŋ mbe sěe ndù.
79E be saŋ mbendù bèe ce a cu à tʉ̀'nji, njeptii rlèŋshi rkwe nà,
tɛ e bo dùŋshi sèe nduunjì cumʉnyaŋ.”
80Muu ca à m kù' à nyòr, a ker ku' à yʉ'. E ka' kù', a ku ce cu ba à rìŋ caar a ba' à nòŋ ce yi m ba enɛ e be fʉʉ à mʉ̀ bèe Isrɛ̀l.
Currently Selected:
Ñwaè' Luêk 1: LNT
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Luêk 1
1
1Bèe magòr a lòr nfè' a saŋ buu ce vi m koni a sěe mʉ. 2Buu ce wowèe a saŋ, ku ba buu ce bèe ce a m ce yɛ nè map mmir efa rkɛ̀', ce a m ba ŋgǎa fè'shi blǎa Nyʉ̀ a m suŋ wèr. 3Màsà Tìyofilòs, mɛ mɛ̀ foŋ à ka' fyɛ' buu ca wɛɛwɛ bòŋboŋ àmbò vi m ba efa rkɛ̀', a yɛ mɛnɛ yi yu bòŋboŋ foŋ nè mɛ̀ à rsaŋ buu anà yɛɛnì àmbò vi m ba, fa nè wɛ̀, 4tɛ à bo rìŋ enɛ buu ce a yɛ'ni wɛ̀ vi yu mini ghup.
5À m ba mbe nfè' ce Hɛròd à m ba ŋkʉʉ à ŋgǒŋ Jùdiyà, ŋwɛ̀ taŋshi taŋshì mò' à ba, a ce too enɛ Sàkàriyà. À m ba ŋwɛ̀ embe ŋgoo ŋgǎa taŋshi taŋshì embe ndàp Àbijà. A m ce too ŋgwa yì enɛ Ɛ̀lisabɛ̀t. Ye ye à m ba ŋwɛ̀ embe ndʉ̀' Ɛròn ce à m ba ŋwɛ̀ taŋshi taŋshì. 6Wowèe a m ce cu yɛɛnì à bsii Nyʉ̀, a ce gèe buu wɛɛwɛ ce Tata Nyʉ̀ à m làa, a bɛr mo' ka'. 7Wowèe a m tʉr boo ka' njobè' Ɛ̀lisabɛ̀t à m ba kar, wowèe a ker rʉʉ sê.
8À ka' ba à nfè' ce bèe embe ŋgoo Sàkàriyà a ce fà' mbe Ndàp Nyʉ̀, Sàkàriyà à ce gèe li rfà' àmbò ŋwɛ̀ taŋshi taŋshì nè Nyʉ̀. 9Ŋgǎa taŋshi taŋshì nè Nyʉ̀ a m saŋ mlii bèe, a lɛ njep lɛ', a cu' àmbò yàp ndèe à m ba. A ka' cù', rlii Sàkàriyà li fʉʉ enjo enɛ e niŋ mbe Ndàp Tata Nyʉ̀, too nrɛ̀ɛ nè ye. 10À ka' ba nfè' ce a ce too nrɛ̀ɛ, bèe wɛɛwɛ a tɛɛ njepmbè a ce gèe rloo. 11Sàkàriyà à ka' ba mbo wa'a, ncìndap Tata Nyʉ̀ à nyɛɛ, a tɛɛ à ŋgʉ̀' bo mà' dǐ' ntòo nrɛ̀ɛ. 12Sàkàriyà à ka' yɛ ye, mlù mi koo ye, e wɛp sê. 13Ncìndap Nyʉ̀ à laa nè ye enɛ̂, “Fa wɛp ka', Sàkàriyà, Nyʉ̀ à yu' lo rloo. Ŋgwa wǒ Ɛ̀lisabɛ̀t be bi wɛ̀ muu mbaŋrù. À be fa rlii muu anà enɛ Jǒn. 14À be kè lu'shi, yu' rbòŋ, tɛ bèe magòr a lu'shi foŋ, à nfè' ce a bi muu anà, 15njobè' e be kè ba ŋwɛ̌ ŋgòr à bsii Tata Nyʉ̀. E be kè no mrù' ka', no yuu tatap ka'. E be kè ruu nè Yʉ' Rara, kɛ' enjep rbʉ̀ yì mâ. 16E be kè gèe tɛ bèe magòr efa mʉ̀ bèe Isrɛ̀l a kʉti njeptii Tata ce e yu yàp Nyʉ̀. 17E be kè dù entombǐ nè ye nè njɛ̀ɛ yʉ' ker ba ŋger ce Àlajà à m tʉr, tɛ e bo gèe tɛ btar boo a boo wap wèe a kʉti àbee, gèe tɛ bèe ce a tèe btu a tʉr bfee àmbò bèe ce a yu yɛɛnì a tʉr, tɛ bèe Nyʉ̀ a bo tami nyor à rkoni Tatâ.” 18Sàkàriyà à laa nè ncìndap Nyʉ̀ anà enɛ̂, “Mɛ̀ rʉ̀ʉ sê, ŋgwa wà foŋ à rʉ̂ʉ. Àtà m riŋ nè kɛ enɛ yuu ce à ce làa na yi be ba mini?” 19Ncìndap Nyʉ̀ à beesì enɛ̂, “A mɛ̀ Gaberyà ce mɛ ke tɛɛ à bsii Nyʉ̀. Nyʉ̀ à tuu mɛ̀ enɛ m vʉ cep ntuu bòŋboŋ ca nè wɛ̀. 20Yuu ce mɛ̀ suŋ wɛ̀ na yi be kè gèeti à nfè' ce yi ba gèeti, geewa'a, àmbò wɛ̀ byemi ka' banɛ à be kèr làa ka' kɛ̌', ntìni du ba' mbe nfè' ce yuu ca yi be gèeti.”
21Sàkàriyà à m cu mbe Ndàp Nyʉ̀ anà tètè sê. Bèe ce a m cu ce kè' ye nà a ce tarni enɛ à koni ba kɛ lɛ. 22Sàkàriyà à ka' fʉʉ embo, a moo à rlàa nè wowèe làr, a kɛ' a ce suŋ buu nè wowèe ba nè mmbo. Wowèe a ka' yɛ wa' a ku riŋ enɛ e yɛ njɛ̀ɛ rlo mo'.
23Yì nfè' rfà' à ka' mì, e kʉtì mbe yě ndàp. 24Mnòŋ mo' vi ka' càa, Ɛ̀lisabɛ̀t à koo rbʉ̀, a cu mbe ndàp mŋwɛɛ tâ, a ker ce fʉʉ à mʉ̀ bèe ka'. 25E m làa enɛ̂, “Ŋwɛ̀ ce e gèe ca nè mɛ̀ à gèe Tatâ. E fyɛ' mɛ̀ a bur mɛ̀ rìtu ce yi m ce koo mɛ̀ à mʉ̀ bèe nà embe tù.”
26Rbʉ̌ Ɛ̀lisabɛ̀t li ka' ba mŋwɛɛ ntuunfu, Nyʉ̀ à tuu yì ncìndap ce a too enɛ Gaberyà, à rla' Nasarɛ̀t à ŋgǒŋ Galèlê. 27Ncìndap Nyʉ̀ ca à m tʉr ntuu à rcep nè muunje mò', ce ŋwɛ̀ mò' ce a m ce too enɛ Josɛ̀f à m ce niŋ gùu àgho. Josɛ̀f à m ba ŋwɛ̀ embe ndʉ̀' ŋkʉʉ Dɛvìd. A m too rlii muunje anà enɛ Mɛ̀ɛri. 28Ncìndap Nyʉ̀ anà à vʉ̂, a laa nè ye enɛ̂, “Mɛ̀ cà'ni wɛ̀! Tata yu wèe ye, à tʉr rbǒŋtu wèe Nyʉ̀!” 29Mɛ̀ɛri à ka' yu' ntuu ce ncìndap Nyʉ̀ à m cep na, bfee vi jep ye, e ce seŋ enɛ yuu ce ncìndap Nyʉ̀ à làa anà yi yu ba enɛ kɛ lɛ. 30Ncìndap Nyʉ̀ anà à laa nè ye enɛ̂, “Fa wɛp ka' Mɛ̀ɛri, njobè' à tʉr rbǒŋtu wèe Nyʉ̀. 31À be koo rbʉ̀, bi muu mbaŋrù, fa rlii enɛ Jisòs. 32Muu anà be kè ba ŋwɛ̌ ŋgòr, tɛ a too ye enɛ Muu Nyʉ̀ embe bùu. Tata Nyʉ̀ be fa kʉʉ yì ta Dɛvìd nè ye. 33E be kè sa' mbe ndʉ̀' Jakòp à nfè' wɛɛwɛ, tɛ yi kʉʉ yi mi ka'.” 34Mɛ̀ɛri à laa nè ncìndap Nyʉ̀ anà enɛ̂, “Mɛ̀ be riŋ mbaŋrùŋwɛ̀ ka'. Banɛ àtà ca yi ba wa' à njɛ̌ɛ kɛ?” 35Ncìndap Nyʉ̀ à beesì enɛ̂, “Yʉ' Rara yi be vʉ̀ mbe wɛ̌ ndù, tɛ ŋger Nyʉ̀ embe bùu yi tɛ'shi wɛ̀. Banɛ a be kè too muu nrara anà enɛ Muu Nyʉ̀. 36Yɛ̂, nfʉrǒ Ɛ̀lisabɛ̀t à koo rbʉ̀ à nfè' ce e yu nleeŋwɛ̀ sê. Ŋwɛ̀ ce a m ce too enɛ kar yu nè rbʉ̀ sè'ni à mŋwɛɛ ntuunfu. 37Ca yi yu wa' njobè' yuu mo' yi yu ce àtà yi gha' Nyʉ̀ à rgèe ka'.” 38Mɛ̀ɛri à laa enɛ̂, “A mɛ̀ ŋwɛ̀ rfà' Tatâ. Tɛ yuu ce wɛ̀ làa anà yi ku ba àmbò wɛ̀ làa.” E ka' làa wa'a, ncìndap Nyʉ̀ à ma'shì ye a dû.
39Mʉ mnòŋ mo' vi ka' càa, Mɛ̀ɛri à natì a du cɛrcɛr mbe rla' mo' ce li m ba mbe mtǔu à ŋgǒŋ Jùdiyà. 40E ka' bà', a niŋ mbe ndàp mbe Sàkàriyà, a ca'ni Ɛ̀lisabɛ̀t. 41Ɛ̀lisabɛ̀t à ka' yu' àmbò e cà'ni ye, muu enjep yě rbʉ̀ à karsì nyor. Ɛ̀lisabɛ̀t à ruusì nè Yʉ' Rara, 42a waa, a laa enɛ̂, “Wɛ̀ tʉr rbǒŋtu a caa bbyèŋge wɛɛwɛ. Nyʉ̀ à ghòni muu ce à be bi anà. 43Yi lò efa kɛ, ma yì Tata yà à ka' vʉ à rcà'ni mɛ̀? 44À ba à nfè' ce mɛ̀ ba yu' àmbò wɛ̀ cà'ni mɛ̀ nà, muu enjep mɛ̌ rbʉ̀ à karsì nyor nè rlu'shì-ŋwɛ̀. 45À yu ŋwɛ̀ rbǒŋtu njobè' wɛ̀ byemi enɛ yuu ce Tata à làa nè wɛ̀ yi be kù ba àmbò e làa.”
46Mɛ̀ɛri à laa enɛ̂,
“Ya ntee yi ce nɛ̀si Tata Nyʉ̀.
47Ya yʉ' yi ce lu'shi nè Nyʉ̀ ce e gèe mɛ̀ lûŋ,
48njobè' e kuushi mɛ̀ ce m yu yì ŋwɛ̀ rfà',
ka' m yu ŋwɛ̀ à mʉ̀ bèe ka' wa'a.
Kɛ̌' ntìni na, ŋgʉ̀ bèe wɛɛwɛ enjep ŋgòŋ a be ce too mɛ̀ enɛ ŋwɛ̀ rbǒŋtu,
49njobè' Nyʉ̀ ce e tʉr ŋger wɛɛwɛ à gèe ku' buu bbòŋboŋ nè mɛ̀.
Li rlii li yu rrara.
50E ke koosimnse nè bèe ce a ce wɛp ye
kɛ' embe ŋgʉ̀ bèe mò' du ba' mbe mò'.
51E dùŋshi yi ŋger, a da'si ŋgǎa nàatu.
52E sùusi běe bgòrgòr embe mnta', a ku'si běe bkɛ'kɛ'.
53E fa buu bbòŋboŋ nè bèe ce njè ce yaŋ wowèe, a juu ŋgǎa mbàa, wowèe a dusè mbòmmbo.
54E m lɛ̀ mi mkà'ni ce e m gèe,
a ja' Isrɛ̀l ce e m ba yì ŋwɛ̀ rfà'.
55E m gèe wa'a, a ce kuushi mkà'ni ce e m gèe nè Abràham ker ba nè yì ŋgʉ̀ bèe à nfè' sìp.”
56Mɛ̀ɛri à m cu a Ɛ̀lisabɛ̀t àmbò mŋwɛɛ btaar wa'a, a ka' kʉti fa yě là'.
57Nfè' rbi à ka' ghɛɛ, Ɛ̀lisabɛ̀t à bi muu mbaŋrù. 58Bèe ce a wowèe a m ce cu, ker ba yì bèe, a ka' yu' ku' yuu bòŋboŋ ce Tata Nyʉ̀ à m gèe nè ye na, a lu'shi a wowèe. 59Muu à ka' bà' mnòŋ waami, a vʉ à rgèe bʉ̀ muu. Bèe a m ce kwà'shi enɛ a be cu' ba yì tâ. 60Yì ma à shê, a laa enɛ̂, “A be too ye enɛ Jǒn.” 61Wowèe a laa nè ye enɛ̂, “Rìŋ wɛnɛ ŋwɛ̀ mò' embe wɛ̌ ndʉ̀' tʉr njɛ̀ɛ rlii ca ka'.” 62Wowèe a ka' làa wa'a, a de' a Sàkàriyà wèe nè mmbo, a bipshi nè ye enɛ e kòŋ à rcu' ba nda lɛ. 63Sàkàriyà à laa nè mmbo enɛ a fa ye ŋwà'. A ka' fa ye ŋwà', e saŋ mbo enɛ̂, “Li rlii li yu enɛ Jǒn.” Bèe wɛɛwɛ a bɛɛŋgèr sê. 64Nfè' à ke' tuuse ka', e ker kɛ' a ce làa, a ce yòŋshi Nyʉ̀. 65Bèe ce a wowèe a m ce cu a m wɛp sê. Bèe ce a m ba à bdì' wɛɛwɛ à rla' embe mtǔu à ŋgǒŋ Jùdiyà a m suŋ buu ca. 66Bèe wɛɛwɛ ce a m yu' vi a m ce kuushi vi, a ce làa enɛ̂, “Njɛ̀ɛ muu ca be kè ba njɛ̀ɛ muu ce kɛ?” Bo Tata Nyʉ̀ yi m ba mbe yě ndù nè mini-ŋwɛ̀.
67Sàkàriyà ce e m ba tar muu ca, à m ruu nè Yʉ' Rara, a cep ntuu Nyʉ̀ nè bèe enɛ̂,
68“Sèe ku'si Tata ce e yu Nyʉ̀ bèe Isrɛ̀l.
E m vʉ̀ a yɛ yì bèe, a tee wowèe efa ŋgɛ'.
69E fa sèe ŋwɛ̌ ŋgòr ce e be gèe tɛ bèe a lûŋ,
à ba ŋwɛ̀ embe ndʉ̀' Dɛvìd ce e yu yì ŋwɛ̀ rfà'.
70E m làa elǔuŋgòŋ ekù cùu yi ŋgǎa ncep ntuu ce a m ba brara enɛ,
71e be jà', fʉr sèe embà mmbo bèe ce a bàa sèe,
72à rdùŋshi yì ŋkoosimnse nè visèe btarkʉ,
kèr kuushi yi lě' rara
73ce e m ye a Abràham ce e yu yìsèe tarkʉ.
74E m ye lè' enɛ e be fʉr sèe embà mmbo yisèe ŋgǎa bbàa,
tɛ sèe bo fà' nè ye, ce wɛp yuu mo' ka',
75ba brara, kèr ba byɛɛnì a yě bsii, caar kè càa kweŋger.
76À ka' ba yi àmbò wɛ̀, muu wà, a be kè too wɛ̀ enɛ ŋwɛ̀ ncep ntuu Nyʉ̀ embe bùu,
njobè' à be dù entombì nè Tatâ, kupshi nduunjì nè ye.
77À be gèe tɛ yì bèe a riŋ enɛ Nyʉ̀ be fòosi yàp buu bbebep, gèe tɛ wowèe a lûŋ.
78Yìsèe Nyʉ̀ yu ŋwɛ̀ ŋkoosimnse, a boŋ ŋgèe foŋ.
E be gèe tɛ nyʉ̀ bap embe bùu saŋ mbe sěe ndù.
79E be saŋ mbendù bèe ce a cu à tʉ̀'nji, njeptii rlèŋshi rkwe nà,
tɛ e bo dùŋshi sèe nduunjì cumʉnyaŋ.”
80Muu ca à m kù' à nyòr, a ker ku' à yʉ'. E ka' kù', a ku ce cu ba à rìŋ caar a ba' à nòŋ ce yi m ba enɛ e be fʉʉ à mʉ̀ bèe Isrɛ̀l.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.