Ñwaè' Maêk 16
16
1Nòŋ mmbomntaa Nyʉ̀ yi ka' càa, Mɛ̀ɛri e à rla' Makdalà, ba Mɛ̀ɛri ma yì Jɛ̂ms, ba Sàlomè a yuu njɛ̀ɛ mgʉr mo' tɛ a bo yo' gʉ̌ʉ ŋwɛ̀ àgho. 2À ka' ba à nòŋ entombì embe mʉ̀ ŋgàa, à nfè' nyʉ̀ à bàp e kùmbùuntii, wowèe a ce du fàdì' rshè li m ba nà. 3A ka' ce dù a ce bipshi a wǎp mʉ enɛ̂, “Ŋwɛ̀ ce e be dù biŋsi lùr embe ncùu rshè nè sèe a nda?” 4Lùr anà à m kù' sê. Wowèe a ka' vʉ̀ bà' àfo, a yɛ enɛ a ba biŋsi lùr anà embe ndù ncùu rshè wɛɛ. 5Wowèe a ka' niŋ njep rshè, a yɛ muu nsùnsù mò' àmbò e cu à ŋgʉ̀' bo mà', a yar ŋgàbʉlǎ mbʉʉ. Nyor à baŋ wowèe sê. 6Muu nsùnsù ca à laa nè wowèe enɛ̂, “Wèe fa wɛp ka', m rìŋ mɛnɛ wèe ce ròo Jisòs ce à rla' Nasarɛ̀t ce a mʉ taa ye mbe kìntaa nà. E yu mbena ka'. E fʉʉ efa rkwe. Yɛ nè, a mbe dì' a mʉ lɛ ye na. 7Banɛ wèe du suŋ ŋgǎa yɛ'ni yì buu ba Pità enɛ e dù à ŋgǒŋ Galèle entombì nè wèe. Wèe be yɛ ye àfo àmbò e m suŋ wèe nà.” 8Wowèe a saa enjep rshè a caŋ, njobè' wowèe a m ce wɛp, a ker jep foŋ. Wowèe a laa yuu nè ŋwɛ̀ ka' njobè' wowèe a m ce wɛp.
9[Jisòs à ka' fʉʉ efa rkwe à nòŋ entombì embe mʉ̀ ŋgàa, a duŋshi yì nyor entombì nè Mɛ̀ɛri e à rla' Makdalà ce e m fʉr byʉ' mnyʉ̌mkà' sàamba enjep ye nà. 10Mɛ̀ɛri à ka' yɛ ye, a du a suŋ bèe ce a m ce ba a Jisòs wèe. Wowèe a m ce cu rkwe, a ce warse. 11Wowèe a ka' yu' enɛ Mɛ̀ɛri à yɛ ye e cu ntèe nà, wowèe a byemì ka'.
12À ka' ba à nfè' embenjì, e duŋshì yì nyor nè bèe a mmbaa ce a m ce dù à rla' mo', a yɛɛti à mmìr à njɛ̌ɛ jɛɛ. 13Wowèe a kʉtì a suŋ bɛr bèe, wowèe a ker byemi ka'.
14À ka' ba à nfè' elʉ̀simbùu, e duŋshì yì nyor nè ŋgǎa yɛ'ni yì buu ce a m bɛti ncòp-mò'sir-à-rrʉ̀ʉ, à nfè' ce wowèe a m ce ye byee. E m lapni wowèe njobè' wowèe a m tèe-btu, a byemi ka'. E m lapni wowèe wa'a njobè' bèe ce a m yɛ ye a m suŋ wowèe enɛ e fʉʉ efa rkwe, wowèe a kanì.
15Jisòs à laa nè wowèe enɛ̂, “Dù nè à bto' wɛɛwɛ fe'shi Nsuŋ Mbòŋmboŋ nè ŋwɛ̀ wɛɛwɛ. 16Ŋwɛ̀ ce e ka' byemi a baptìr ye, ŋgàŋ be lùŋ. Ŋwɛ̀ ce e ka' tɛ byemi ka', banɛ ŋgàŋ be gwè mnsa'. 17Bèe ce a byemi a be gèe buu ghagha' ca. Wowèe a be fʉr byʉ' mnyʉ̌mkà' enjep bèe fa mɛ̌ rlii, làa bli bfi, 18koo mnyo nè mmbo, a ka' no nli' e gee yuu nè wowèe ka'. Wowèe a be jòo ŋgǎa byaŋ nè mmbo tɛ a ke'se.”
19Tata Jisòs à ka' làa nè wowèe wa'a, Nyʉ̀ à lor ye a du àgho mbe bùu. E ka' bà' mbo a cu à bo mà' Nyʉ̀.
20Wowèe a dû, a ce fe'shi à ŋgòŋ wɛɛwɛ. Tata à m jà' wowèe a fa wowèe ŋger à rgèe buu bghagha' tɛ bèe a bo rìŋ enɛ blàa ce wowèe a ce fè'shi vi yu mini.]
Currently Selected:
Ñwaè' Maêk 16: LNT
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Maêk 16
16
1Nòŋ mmbomntaa Nyʉ̀ yi ka' càa, Mɛ̀ɛri e à rla' Makdalà, ba Mɛ̀ɛri ma yì Jɛ̂ms, ba Sàlomè a yuu njɛ̀ɛ mgʉr mo' tɛ a bo yo' gʉ̌ʉ ŋwɛ̀ àgho. 2À ka' ba à nòŋ entombì embe mʉ̀ ŋgàa, à nfè' nyʉ̀ à bàp e kùmbùuntii, wowèe a ce du fàdì' rshè li m ba nà. 3A ka' ce dù a ce bipshi a wǎp mʉ enɛ̂, “Ŋwɛ̀ ce e be dù biŋsi lùr embe ncùu rshè nè sèe a nda?” 4Lùr anà à m kù' sê. Wowèe a ka' vʉ̀ bà' àfo, a yɛ enɛ a ba biŋsi lùr anà embe ndù ncùu rshè wɛɛ. 5Wowèe a ka' niŋ njep rshè, a yɛ muu nsùnsù mò' àmbò e cu à ŋgʉ̀' bo mà', a yar ŋgàbʉlǎ mbʉʉ. Nyor à baŋ wowèe sê. 6Muu nsùnsù ca à laa nè wowèe enɛ̂, “Wèe fa wɛp ka', m rìŋ mɛnɛ wèe ce ròo Jisòs ce à rla' Nasarɛ̀t ce a mʉ taa ye mbe kìntaa nà. E yu mbena ka'. E fʉʉ efa rkwe. Yɛ nè, a mbe dì' a mʉ lɛ ye na. 7Banɛ wèe du suŋ ŋgǎa yɛ'ni yì buu ba Pità enɛ e dù à ŋgǒŋ Galèle entombì nè wèe. Wèe be yɛ ye àfo àmbò e m suŋ wèe nà.” 8Wowèe a saa enjep rshè a caŋ, njobè' wowèe a m ce wɛp, a ker jep foŋ. Wowèe a laa yuu nè ŋwɛ̀ ka' njobè' wowèe a m ce wɛp.
9[Jisòs à ka' fʉʉ efa rkwe à nòŋ entombì embe mʉ̀ ŋgàa, a duŋshi yì nyor entombì nè Mɛ̀ɛri e à rla' Makdalà ce e m fʉr byʉ' mnyʉ̌mkà' sàamba enjep ye nà. 10Mɛ̀ɛri à ka' yɛ ye, a du a suŋ bèe ce a m ce ba a Jisòs wèe. Wowèe a m ce cu rkwe, a ce warse. 11Wowèe a ka' yu' enɛ Mɛ̀ɛri à yɛ ye e cu ntèe nà, wowèe a byemì ka'.
12À ka' ba à nfè' embenjì, e duŋshì yì nyor nè bèe a mmbaa ce a m ce dù à rla' mo', a yɛɛti à mmìr à njɛ̌ɛ jɛɛ. 13Wowèe a kʉtì a suŋ bɛr bèe, wowèe a ker byemi ka'.
14À ka' ba à nfè' elʉ̀simbùu, e duŋshì yì nyor nè ŋgǎa yɛ'ni yì buu ce a m bɛti ncòp-mò'sir-à-rrʉ̀ʉ, à nfè' ce wowèe a m ce ye byee. E m lapni wowèe njobè' wowèe a m tèe-btu, a byemi ka'. E m lapni wowèe wa'a njobè' bèe ce a m yɛ ye a m suŋ wowèe enɛ e fʉʉ efa rkwe, wowèe a kanì.
15Jisòs à laa nè wowèe enɛ̂, “Dù nè à bto' wɛɛwɛ fe'shi Nsuŋ Mbòŋmboŋ nè ŋwɛ̀ wɛɛwɛ. 16Ŋwɛ̀ ce e ka' byemi a baptìr ye, ŋgàŋ be lùŋ. Ŋwɛ̀ ce e ka' tɛ byemi ka', banɛ ŋgàŋ be gwè mnsa'. 17Bèe ce a byemi a be gèe buu ghagha' ca. Wowèe a be fʉr byʉ' mnyʉ̌mkà' enjep bèe fa mɛ̌ rlii, làa bli bfi, 18koo mnyo nè mmbo, a ka' no nli' e gee yuu nè wowèe ka'. Wowèe a be jòo ŋgǎa byaŋ nè mmbo tɛ a ke'se.”
19Tata Jisòs à ka' làa nè wowèe wa'a, Nyʉ̀ à lor ye a du àgho mbe bùu. E ka' bà' mbo a cu à bo mà' Nyʉ̀.
20Wowèe a dû, a ce fe'shi à ŋgòŋ wɛɛwɛ. Tata à m jà' wowèe a fa wowèe ŋger à rgèe buu bghagha' tɛ bèe a bo rìŋ enɛ blàa ce wowèe a ce fè'shi vi yu mini.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.