Ñwaè' Luêk 6
6
1À m ba nyʉ̀ mmbomntaa Nyʉ̀ mò', Jisòs ba ŋgǎa yɛ'ni yì buu a caa à ŋkʉ̀ msaŋ mò'. Ŋgǎa yɛ'ni yì buu a tee msaŋ anà a ce si'si mbà mmbò a ce ye. 2Bèe Farìsi mo' a laa enɛ̂, “Wèe ce gèe yuu ce ncir yi kani enɛ a fa gèe nyʉ̀ mmbomntaa Nyʉ̀ ka' njokɛ?” 3Jisòs à beesì enɛ̂, “Wèe à be be' yuu ce Dɛvìd à m gèe à nfè' ce njè à m ce yaŋ ye ker ba bèe ce a wowèe a m ba nà ka' a? 4E m dù mbe Ndàp Nyʉ̀, a lor brɛ̌d ce a m fa nè Nyʉ̀, a ye, a fa bɛr nè bèe ce a wowèe a m ba. Ncir yi byemi enɛ ŋwɛ̀ mǒ' jɛɛ ye caa efa ŋgǎa taŋshi taŋshì ka'.” 5Jisòs à m làa nè wowèe enɛ̂, “Muu Ŋwɛ̀ yu Tàr ce e tʉr mmbomntaa Nyʉ̀.”
6À ka' kèr ba nyʉ̀ mmbomntaa Nyʉ̀ mò', Jisòs à du mbe ndàp rloo, a ce yɛ'ni bèe mbo. Ŋwɛ̀ mò' à m ba mbo, li rkoo mà' li m kwe. 7Ŋgǎa ryɛ'ni mncir ba bèe Farìsi a ce fyɛ' enɛ e be gèe tɛ ŋwɛ̀ yaŋ mò' ke'se nyʉ̀ mmbomntaa Nyʉ̀ lɛ, tɛ wowèe a bo sa' ye enɛ e bʉ' ncir. 8Jisòs à ku riŋ yuu ce wowèe a m ce kwà'shi, a laa nè ŋwɛ̀ ce li rkoo li m kwe nà enɛ̂, “Nàti mbekì vʉ tɛɛ mbena.” E natì a tɛɛ mbo. 9Jisòs à laa nè wowèe enɛ̂, “M ce bip ca nè wèe. Yisèe ncir yi byemi enɛ sèe gee ba yuu bòŋboŋ nyʉ̀ mmbomntaa Nyʉ̀ kɛ̀ yuu bebep? Yi byemi enɛ sèe ja' ŋwɛ̀ jà' kɛ̀ enɛ sèe yʉ ŋwɛ̀ yʉ?” 10E ka' bipshi wa'a, a fyɛ' wowèe wɛɛwɛ a kaari a tarte, a laa nè ŋwɛ̀ yaŋ anà enɛ̂ “Mà' lo rkoo kùyɛɛ.” E gee wa'a, li rkoo li bôŋ, a kʉti àmbò li m ba. 11Rshentee li ko' wowèe sê, wowèe a kɛ' a ce sèesi njɛ̀ɛ yuu ce àde' a gee nè Jisòs.
12À m ba à mnòŋ anà, Jisòs à ko' mbe rtùu à rgèe rloo, a cu mbo, a loo nè Nyʉ̀ caar tʉ̀' à raa. 13Tʉ̀' à ka' raa, e kɛ' ŋgǎa yɛ'ni yì buu, a ce bèe ncòp-baa-à-rrʉ̀ʉ efa wǎp mʉ, a too wowèe enɛ ŋgǎa ntuu. 14Bèe anà à m ba Saimʉ̀n ce e m too enɛ Pità, ba Andrù ce e m ba nfʉr Saimʉ̀n, ba Jɛ̂ms, ba Jǒn, ba Felêp, ba Bàtòlomì, 15ba Matìyò, ba Tomâs, ba Jɛms muu Alfìyòs, ba Saimʉ̀n ce a m ce too enɛ ŋwɛ̀ ntee lùu-luu, 16ba Judàs muu Jɛ̂ms, ba Judas Ìskarìyòt ce e m lò a fyeni Jisòs nà.
17Jisòs à m sùu a wowèe embe rtùu a tɛɛ à mbo'. Ŋgǎa yɛ'ni yì buu a m ba àfo à ku' ŋgoo sê, bèe a vʉ̌ à bdì' wɛɛwɛ à ŋgǒŋ Jùdiyà, ba à rla' Jɛ̀rusalɛ̀m, ker ba à bu' mla', à mla' Tayà ba Sidòn ce mi m ba àwǎa rò. 18Wowèe a m vʉ̀ à ryu' yuu ce e m ce yɛ'ni, a ker vʉ foŋ tɛ e bo gèe wowèe a ke'se efa wap byaŋ. Bèe ce byʉ' bbebep vi m ce fa wowèe ŋgɛ' a m vʉ̀se foŋ, e gee wowèe a ke'sè. 19Bèe wɛɛwɛ a m ce ghèter à rjòo ye njobè' wowèe a m rìŋ enɛ ŋger yi m ce fʉʉ ye enje nyòr, a ce gèe bèe wɛɛwɛ ce a m jòo ye a ce kè'se.
20Jisòs à ka' nàa mmir fyɛ' ŋgǎa yɛ'ni yì buu, a laa enɛ̂,
“Mbǒŋtu mi yu nè wèe ce wèe yu ŋgǎa fùp,
njobè' kʉʉ Nyʉ̀ yu ye.
21Mbǒŋtu mi yu nè wèe ce njè ce yaŋ wèe sè'ni na,
njobè' wèe be kè ye yu'.
Mbǒŋtu mi yu nè wèe ce wèe ce warse sè'ni na,
njobè' wèe be kè vʉ̀shi.
22Mbǒŋtu mi yu nè wèe ce bèe a ka' baa wèe,
beesi njì nè wèe, cɛp wèe,
bepsi me mlii njobè' Muu Ŋwɛ̀.
23Lu'shi nè à njɛ̀ɛ nòŋ anà, nyɛshi mbekì nè rlu'shì-ŋwɛ̀ njobè' wee blà' embe bùu vi yu magòr sê. Wap btarkʉ a m ku gee buu ca nè ŋgǎa ncep ntuu Nyʉ̀ foŋ.
24Geewa'a, ndòo à co' wèe ce wèe yu ŋgǎa mbàa
njobè' wèe à yu' le rbòŋ wɛɛ.
25Ndòo à co' wèe ce wèe ce ye sè'ni na a ce yu',
njobè' njè be kè yaŋ wèe.
Ndòo à co' wèe ce wèe ce vʉ̀shi sè'ni na,
wèe be kè koosimnse ce warse.
26Ndòo à co' wèe ce bèe wɛɛwɛ a ku ce suŋ ba buu bbòŋboŋ àmbò wèe.
Wâp btarkʉ a m ku gee nè bèe ce a m ce nya' mnde' enɛ a wowèe ŋgǎa ncep ntuu Nyʉ̀ nà wa' foŋ.
27“À ka' ba yi àmbò wèe ce wèe ce yu' yuu ce m ce làa, kòŋ nè bèe ce a bàa wèe, gee buu bbòŋboŋ nè wowèe. 28Làa nè nè bèe ce a ce làa enɛ ndòo co' wèe nà enɛ Nyʉ̀ ghoni wowèe, ker loo foŋ nè bèe ce a ce fa ŋgɛ' nè wèe. 29Ŋwɛ̀ à ka' lip wɛ̀ nè bo à gè', à beesì gè' mo' nè ye foŋ tɛ e lîp. Ŋwɛ̀ à ka' koo yò kûr, à ma'shì e koo cɛ̀' yì enjep mʉ foŋ. 30Ŋwɛ̀ à ka' loo yuu ese wɛ̀, à fa ye yuu anà. Ŋwɛ̀ à ka' koo yo yuu, à fa kèr làa enɛ ŋgàŋ kʉsi nè wɛ̀ ka'. 31Banɛ wèe gee nè bèe mò' àmbò wèe ce kòŋ enɛ a gee nè wèe. 32Wèe ka' ku koŋ ba bèe ce a kòŋ wèe, a yoŋshì wèe à njɛ̌ɛ kɛ? To ŋgǎa ŋgèe buu bbebep foŋ a kòŋ bèe ce a kòŋ wowèe. 33Wèe ka' ku gee buu bbòŋboŋ ba nè bèe ce a ke gèe buu bbòŋboŋ nè wèe, a yoŋshì wèe à njɛ̌ɛ kɛ? To ŋgǎa ŋgèe buu bbebep a ke gèe wa' foŋ. 34Wèe ka' ku ce fòosi buu ba nè bèe ce wèe ce kwà'shi enɛ a be kʉsi buu anà nè wèe, a yoŋshì wèe à njɛ̌ɛ kɛ? To ŋgǎa ŋgèe buu bbebep a ke fòosi buu nè ŋgǎa ŋgèe buu bbebep, tɛ a bo fʉʉ koo yàp buu ce a m fòosi anà. 35Wèe à ba koŋ yè bèe ce a bàa wèe, gèe ŋgěe bòŋboŋ nè wowèe. Ŋwɛ̀ à ka' foosi yuu, e fa kèr ce kè' enɛ a be kʉsi nè ye ka'. Wèe ka' gee wa' banɛ wee blà' vi be ba gòr, tɛ wèe ba boo Nyʉ̀ embe bùu njobè' e ke gèe ŋgěe bòŋboŋ nè běe bbebep ker ba nè bèe ce a ke yòŋshi yap yu ŋwɛ̀ ka'. 36Koosi nè mnse nè bèe àmbò yè Ta Nyʉ̀ e ke koosi nà.
37“Wèe fa sa' bèe mo' ka', tɛ a bo sa' wèe ka'. Wèe fa bepsi bèe mo' ka', tɛ a bo bepsi wèe ka'. Wèe foosi bèe mo' tɛ a bo fòosi wèe foŋ. 38Wèe fa, tɛ a bo fa wèe foŋ. A be fè' tɛ yi ruu bòŋboŋ, a ciishi tɛ yi ruu bàati tɛ a fa njep yo bàa. Yuu ce wèe ka' fe' buu njo, ku ba yi ce a be fè' njo kʉsi nè wèe.”
39E m mà' ŋgàa nè wowèe foŋ enɛ̂, “Àde' nfèp duŋshì nfèp mò' nduunjì a? E ka' gee wa'a, wowèe bsìp a ke' gweŋger njep bè'tè a? 40Àde' ŋwɛ̀ ce a ce yɛ'ni ye, caa ŋwɛ̀ ryɛ'nì ka'. Geewa'a, a ka' yɛ'ni ŋwɛ̀ bòŋboŋ banɛ ŋgàŋ be ba àmbò ŋwɛ̀ ce e yɛ'ni ye. 41Wɛ̀ mà'shi ntaaŋguu nje rlìr nje wɛ̀, a ce fyɛ' ba ŋkʉ̀' ce ce yi yu nfʉrò nje rlìr njokɛ? 42Àde' à laa nè nfʉrò enɛ̂, ‘Nfʉrà, nàa rlir tɛ m koo wɛ̀ mʉ ŋkʉ̀' ce enjo,’ ke' yɛ ntaaŋguu ce e yu wɛ̀ nje rlìr nà ka' à njɛ̌ɛ kɛ? Wɛ̀ ce à yu ŋwɛ̀ mbo'ni, fʉr ntaaŋguu ce e yu nje rlìr njep wɛ̀ wɛɛ tɛ à bo yɛ mʉ ŋkʉ̀' ce ce yi yu nje rlìr nje nfʉrò bòŋboŋ, ka' fʉr.
43“Yi yu enɛ àde' mbàŋ ce bebep yi yʉ mbe ce ce bòŋboŋ ka', a ker ba foŋ enɛ àde' mbàŋ ce bòŋboŋ yi yʉ mbe ce ce bebep ka'. 44A ke rìŋ ce nè mbàŋ ce anà. Àde' ŋwɛ̀ kʉ rbì embe rɛp ka', kɛ̀ lèemʉ embe rgʉ̀ ka'. 45Ŋwɛ̌ mbòŋmboŋ e ke fʉr buu bbòŋboŋ efa buu bbòŋboŋ ce vi yu njep yě ntee, ŋwɛ̌ mbembep fʉr buu bbebep efa buu bbebep ce vi yu njep yě ntee. Yi yu wa'a njobè' ŋwɛ̀ e ke làa ba efa ku' buu ce vi ruu njep yě ntee.
46“Wèe ce kɛ' mɛ̀ enɛ̂ ‘Tatâ, Tatâ’, a ce gèe buu ce m ce suŋ wèe ka' njokɛ? 47Ŋwɛ̀ ce e ka' vʉ yɛ mɛ̀, yu' yuu ce m ce làa, gee yi, banɛ m be dùŋshi wèe njɛ̀ɛ ŋwɛ̀ ce ŋgàŋ yu. 48E yu àmbò ŋwɛ̀ ce e m ce bà'ri yì ndap, a tuŋ kùu yi suu bòŋboŋ sê, a tɛɛ mbendù ryɛɛ, e boo kùu ndap mbo. Rdip li ka' ruu cirshi ndap anà, a gee yuu mo' àgho ka' njobè' a m bà'ri ye yɛɛnì. 49Geewa'a, ŋwɛ̀ ce e ka' yu' yuu ce m ce làa, gee yi ka', banɛ ŋgàŋ yu àmbò ŋwɛ̀ ce e m ce bà'ri yì ndap, a tuŋ kùu ka'. Rdip li ka' ruu cìr ndap anà, e ku kɛɛŋger a gwê, a koo yuu efa gho ka'.”
Currently Selected:
Ñwaè' Luêk 6: LNT
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Luêk 6
6
1À m ba nyʉ̀ mmbomntaa Nyʉ̀ mò', Jisòs ba ŋgǎa yɛ'ni yì buu a caa à ŋkʉ̀ msaŋ mò'. Ŋgǎa yɛ'ni yì buu a tee msaŋ anà a ce si'si mbà mmbò a ce ye. 2Bèe Farìsi mo' a laa enɛ̂, “Wèe ce gèe yuu ce ncir yi kani enɛ a fa gèe nyʉ̀ mmbomntaa Nyʉ̀ ka' njokɛ?” 3Jisòs à beesì enɛ̂, “Wèe à be be' yuu ce Dɛvìd à m gèe à nfè' ce njè à m ce yaŋ ye ker ba bèe ce a wowèe a m ba nà ka' a? 4E m dù mbe Ndàp Nyʉ̀, a lor brɛ̌d ce a m fa nè Nyʉ̀, a ye, a fa bɛr nè bèe ce a wowèe a m ba. Ncir yi byemi enɛ ŋwɛ̀ mǒ' jɛɛ ye caa efa ŋgǎa taŋshi taŋshì ka'.” 5Jisòs à m làa nè wowèe enɛ̂, “Muu Ŋwɛ̀ yu Tàr ce e tʉr mmbomntaa Nyʉ̀.”
6À ka' kèr ba nyʉ̀ mmbomntaa Nyʉ̀ mò', Jisòs à du mbe ndàp rloo, a ce yɛ'ni bèe mbo. Ŋwɛ̀ mò' à m ba mbo, li rkoo mà' li m kwe. 7Ŋgǎa ryɛ'ni mncir ba bèe Farìsi a ce fyɛ' enɛ e be gèe tɛ ŋwɛ̀ yaŋ mò' ke'se nyʉ̀ mmbomntaa Nyʉ̀ lɛ, tɛ wowèe a bo sa' ye enɛ e bʉ' ncir. 8Jisòs à ku riŋ yuu ce wowèe a m ce kwà'shi, a laa nè ŋwɛ̀ ce li rkoo li m kwe nà enɛ̂, “Nàti mbekì vʉ tɛɛ mbena.” E natì a tɛɛ mbo. 9Jisòs à laa nè wowèe enɛ̂, “M ce bip ca nè wèe. Yisèe ncir yi byemi enɛ sèe gee ba yuu bòŋboŋ nyʉ̀ mmbomntaa Nyʉ̀ kɛ̀ yuu bebep? Yi byemi enɛ sèe ja' ŋwɛ̀ jà' kɛ̀ enɛ sèe yʉ ŋwɛ̀ yʉ?” 10E ka' bipshi wa'a, a fyɛ' wowèe wɛɛwɛ a kaari a tarte, a laa nè ŋwɛ̀ yaŋ anà enɛ̂ “Mà' lo rkoo kùyɛɛ.” E gee wa'a, li rkoo li bôŋ, a kʉti àmbò li m ba. 11Rshentee li ko' wowèe sê, wowèe a kɛ' a ce sèesi njɛ̀ɛ yuu ce àde' a gee nè Jisòs.
12À m ba à mnòŋ anà, Jisòs à ko' mbe rtùu à rgèe rloo, a cu mbo, a loo nè Nyʉ̀ caar tʉ̀' à raa. 13Tʉ̀' à ka' raa, e kɛ' ŋgǎa yɛ'ni yì buu, a ce bèe ncòp-baa-à-rrʉ̀ʉ efa wǎp mʉ, a too wowèe enɛ ŋgǎa ntuu. 14Bèe anà à m ba Saimʉ̀n ce e m too enɛ Pità, ba Andrù ce e m ba nfʉr Saimʉ̀n, ba Jɛ̂ms, ba Jǒn, ba Felêp, ba Bàtòlomì, 15ba Matìyò, ba Tomâs, ba Jɛms muu Alfìyòs, ba Saimʉ̀n ce a m ce too enɛ ŋwɛ̀ ntee lùu-luu, 16ba Judàs muu Jɛ̂ms, ba Judas Ìskarìyòt ce e m lò a fyeni Jisòs nà.
17Jisòs à m sùu a wowèe embe rtùu a tɛɛ à mbo'. Ŋgǎa yɛ'ni yì buu a m ba àfo à ku' ŋgoo sê, bèe a vʉ̌ à bdì' wɛɛwɛ à ŋgǒŋ Jùdiyà, ba à rla' Jɛ̀rusalɛ̀m, ker ba à bu' mla', à mla' Tayà ba Sidòn ce mi m ba àwǎa rò. 18Wowèe a m vʉ̀ à ryu' yuu ce e m ce yɛ'ni, a ker vʉ foŋ tɛ e bo gèe wowèe a ke'se efa wap byaŋ. Bèe ce byʉ' bbebep vi m ce fa wowèe ŋgɛ' a m vʉ̀se foŋ, e gee wowèe a ke'sè. 19Bèe wɛɛwɛ a m ce ghèter à rjòo ye njobè' wowèe a m rìŋ enɛ ŋger yi m ce fʉʉ ye enje nyòr, a ce gèe bèe wɛɛwɛ ce a m jòo ye a ce kè'se.
20Jisòs à ka' nàa mmir fyɛ' ŋgǎa yɛ'ni yì buu, a laa enɛ̂,
“Mbǒŋtu mi yu nè wèe ce wèe yu ŋgǎa fùp,
njobè' kʉʉ Nyʉ̀ yu ye.
21Mbǒŋtu mi yu nè wèe ce njè ce yaŋ wèe sè'ni na,
njobè' wèe be kè ye yu'.
Mbǒŋtu mi yu nè wèe ce wèe ce warse sè'ni na,
njobè' wèe be kè vʉ̀shi.
22Mbǒŋtu mi yu nè wèe ce bèe a ka' baa wèe,
beesi njì nè wèe, cɛp wèe,
bepsi me mlii njobè' Muu Ŋwɛ̀.
23Lu'shi nè à njɛ̀ɛ nòŋ anà, nyɛshi mbekì nè rlu'shì-ŋwɛ̀ njobè' wee blà' embe bùu vi yu magòr sê. Wap btarkʉ a m ku gee buu ca nè ŋgǎa ncep ntuu Nyʉ̀ foŋ.
24Geewa'a, ndòo à co' wèe ce wèe yu ŋgǎa mbàa
njobè' wèe à yu' le rbòŋ wɛɛ.
25Ndòo à co' wèe ce wèe ce ye sè'ni na a ce yu',
njobè' njè be kè yaŋ wèe.
Ndòo à co' wèe ce wèe ce vʉ̀shi sè'ni na,
wèe be kè koosimnse ce warse.
26Ndòo à co' wèe ce bèe wɛɛwɛ a ku ce suŋ ba buu bbòŋboŋ àmbò wèe.
Wâp btarkʉ a m ku gee nè bèe ce a m ce nya' mnde' enɛ a wowèe ŋgǎa ncep ntuu Nyʉ̀ nà wa' foŋ.
27“À ka' ba yi àmbò wèe ce wèe ce yu' yuu ce m ce làa, kòŋ nè bèe ce a bàa wèe, gee buu bbòŋboŋ nè wowèe. 28Làa nè nè bèe ce a ce làa enɛ ndòo co' wèe nà enɛ Nyʉ̀ ghoni wowèe, ker loo foŋ nè bèe ce a ce fa ŋgɛ' nè wèe. 29Ŋwɛ̀ à ka' lip wɛ̀ nè bo à gè', à beesì gè' mo' nè ye foŋ tɛ e lîp. Ŋwɛ̀ à ka' koo yò kûr, à ma'shì e koo cɛ̀' yì enjep mʉ foŋ. 30Ŋwɛ̀ à ka' loo yuu ese wɛ̀, à fa ye yuu anà. Ŋwɛ̀ à ka' koo yo yuu, à fa kèr làa enɛ ŋgàŋ kʉsi nè wɛ̀ ka'. 31Banɛ wèe gee nè bèe mò' àmbò wèe ce kòŋ enɛ a gee nè wèe. 32Wèe ka' ku koŋ ba bèe ce a kòŋ wèe, a yoŋshì wèe à njɛ̌ɛ kɛ? To ŋgǎa ŋgèe buu bbebep foŋ a kòŋ bèe ce a kòŋ wowèe. 33Wèe ka' ku gee buu bbòŋboŋ ba nè bèe ce a ke gèe buu bbòŋboŋ nè wèe, a yoŋshì wèe à njɛ̌ɛ kɛ? To ŋgǎa ŋgèe buu bbebep a ke gèe wa' foŋ. 34Wèe ka' ku ce fòosi buu ba nè bèe ce wèe ce kwà'shi enɛ a be kʉsi buu anà nè wèe, a yoŋshì wèe à njɛ̌ɛ kɛ? To ŋgǎa ŋgèe buu bbebep a ke fòosi buu nè ŋgǎa ŋgèe buu bbebep, tɛ a bo fʉʉ koo yàp buu ce a m fòosi anà. 35Wèe à ba koŋ yè bèe ce a bàa wèe, gèe ŋgěe bòŋboŋ nè wowèe. Ŋwɛ̀ à ka' foosi yuu, e fa kèr ce kè' enɛ a be kʉsi nè ye ka'. Wèe ka' gee wa' banɛ wee blà' vi be ba gòr, tɛ wèe ba boo Nyʉ̀ embe bùu njobè' e ke gèe ŋgěe bòŋboŋ nè běe bbebep ker ba nè bèe ce a ke yòŋshi yap yu ŋwɛ̀ ka'. 36Koosi nè mnse nè bèe àmbò yè Ta Nyʉ̀ e ke koosi nà.
37“Wèe fa sa' bèe mo' ka', tɛ a bo sa' wèe ka'. Wèe fa bepsi bèe mo' ka', tɛ a bo bepsi wèe ka'. Wèe foosi bèe mo' tɛ a bo fòosi wèe foŋ. 38Wèe fa, tɛ a bo fa wèe foŋ. A be fè' tɛ yi ruu bòŋboŋ, a ciishi tɛ yi ruu bàati tɛ a fa njep yo bàa. Yuu ce wèe ka' fe' buu njo, ku ba yi ce a be fè' njo kʉsi nè wèe.”
39E m mà' ŋgàa nè wowèe foŋ enɛ̂, “Àde' nfèp duŋshì nfèp mò' nduunjì a? E ka' gee wa'a, wowèe bsìp a ke' gweŋger njep bè'tè a? 40Àde' ŋwɛ̀ ce a ce yɛ'ni ye, caa ŋwɛ̀ ryɛ'nì ka'. Geewa'a, a ka' yɛ'ni ŋwɛ̀ bòŋboŋ banɛ ŋgàŋ be ba àmbò ŋwɛ̀ ce e yɛ'ni ye. 41Wɛ̀ mà'shi ntaaŋguu nje rlìr nje wɛ̀, a ce fyɛ' ba ŋkʉ̀' ce ce yi yu nfʉrò nje rlìr njokɛ? 42Àde' à laa nè nfʉrò enɛ̂, ‘Nfʉrà, nàa rlir tɛ m koo wɛ̀ mʉ ŋkʉ̀' ce enjo,’ ke' yɛ ntaaŋguu ce e yu wɛ̀ nje rlìr nà ka' à njɛ̌ɛ kɛ? Wɛ̀ ce à yu ŋwɛ̀ mbo'ni, fʉr ntaaŋguu ce e yu nje rlìr njep wɛ̀ wɛɛ tɛ à bo yɛ mʉ ŋkʉ̀' ce ce yi yu nje rlìr nje nfʉrò bòŋboŋ, ka' fʉr.
43“Yi yu enɛ àde' mbàŋ ce bebep yi yʉ mbe ce ce bòŋboŋ ka', a ker ba foŋ enɛ àde' mbàŋ ce bòŋboŋ yi yʉ mbe ce ce bebep ka'. 44A ke rìŋ ce nè mbàŋ ce anà. Àde' ŋwɛ̀ kʉ rbì embe rɛp ka', kɛ̀ lèemʉ embe rgʉ̀ ka'. 45Ŋwɛ̌ mbòŋmboŋ e ke fʉr buu bbòŋboŋ efa buu bbòŋboŋ ce vi yu njep yě ntee, ŋwɛ̌ mbembep fʉr buu bbebep efa buu bbebep ce vi yu njep yě ntee. Yi yu wa'a njobè' ŋwɛ̀ e ke làa ba efa ku' buu ce vi ruu njep yě ntee.
46“Wèe ce kɛ' mɛ̀ enɛ̂ ‘Tatâ, Tatâ’, a ce gèe buu ce m ce suŋ wèe ka' njokɛ? 47Ŋwɛ̀ ce e ka' vʉ yɛ mɛ̀, yu' yuu ce m ce làa, gee yi, banɛ m be dùŋshi wèe njɛ̀ɛ ŋwɛ̀ ce ŋgàŋ yu. 48E yu àmbò ŋwɛ̀ ce e m ce bà'ri yì ndap, a tuŋ kùu yi suu bòŋboŋ sê, a tɛɛ mbendù ryɛɛ, e boo kùu ndap mbo. Rdip li ka' ruu cirshi ndap anà, a gee yuu mo' àgho ka' njobè' a m bà'ri ye yɛɛnì. 49Geewa'a, ŋwɛ̀ ce e ka' yu' yuu ce m ce làa, gee yi ka', banɛ ŋgàŋ yu àmbò ŋwɛ̀ ce e m ce bà'ri yì ndap, a tuŋ kùu ka'. Rdip li ka' ruu cìr ndap anà, e ku kɛɛŋger a gwê, a koo yuu efa gho ka'.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.