Ñwaè' Luêk 7
7
1Jisòs à ka' làa buu ca nè bèe anà mìsi, a du à rla' Kàpanùm. 2Ŋwɛ̀ mò' ce e m ba tu nè bsoogɛ̀ rjèe à m ba àfo, a tʉr yì ŋwɛ̀ rfà' ce e m kòŋ sê, e ce yaŋ a tɛɛ yǐ ŋkwe. 3E ka' yu' nsuŋ àmbò Jisòs, a tuu bleebèe mo' efa mʉ̀ Jûs, enɛ a du laa nè Jisòs enɛ e vʉ gee tɛ yì ŋwɛ̀ rfà' ke'se. 4Wowèe a ka' dù yɛ Jisòs, a bu' mmbo nè ye nè mini-ŋwɛ̀ a laa enɛ̂, “Ŋwɛ̀ ca à ghɛɛte à ŋwɛ̀ ce wɛ̀ ba gèe yuu ce e làa na nè ye, 5njobè' e kòŋ yisèe to' sê, a ba'ri ndap rloo nè wèr.” 6Jisòs à du a wowèe, a ka' bà' àtʉtʉ ndap ŋwɛ̀ soogɛ̀ anà, a tarte a bèe ce e ba tuu. E m tuu wowèe enɛ a du laa nè ye enɛ̂, “Tatâ, fa fa ŋgɛ' nè yò nyor ka' njobè' mɛ̀ ghɛɛte à ŋwɛ̀ ce àde' à niŋ mbe mɛ̌ ndàp ka'. 7A mbùu ce mɛ̀ ba kwa'shi mɛnɛ mɛ̀ ghɛɛte à rvʉ̀ yɛ wɛ̀ ka'. Kù làa ba mbʉ̀ nlàa mò'sir tɛ yà ŋwɛ̀ rfà' ke'se. 8Mɛ mɛ̀ yu ŋwɛ̀ ce m ce fà' njeptii bèe ce yap nta' yi càa ya, a tʉr bsoogɛ̀ ce a yu njep mɛ̌ tìi. M ka' laa nè mò' enɛ ‘Dû’, banɛ e be dù. M ka' laa nè mò' enɛ ‘Vʉ̀’, banɛ e be vʉ̀. M ka' laa nè yà ŋwɛ̀ rfà' enɛ, ‘Gèe ca’, banɛ e be gèe yuu anà.” 9Jisòs à ka' yu' blàa ca, a bɛɛŋger sê, a karsi nyor a laa nè kʉr bèe ce a m ce dù a yě mbùu nà enɛ̂, “M ce suŋ wèe enɛ mɛ̀ be yɛ njɛ̀ɛ ŋwɛ̀ mò' ce e tʉr njɛ̀ɛ rbyemì ca ka', ka' à to' Isrɛ̀l.” 10Bèe ce a m tuu anà a ka' kʉti bà' mbe ndàp, a yɛ enɛ ŋwɛ̀ rfà' anà à kè'se wɛɛ.
11Mʉ nfè' à ka' tuuse, e natì a du à rla' mo' ce a m ce too enɛ Nɛ̂n. Ŋgǎa yɛ'ni yì buu ba ma kʉr bèe a du a wowèe. 12E ka' bà' àtʉtʉ cǔu ŋka' à rla' anà, a yɛ àmbò a byɛ̀' gʉ̌ʉ ŋwɛ̀ a ce fʉʉ àgho. Ŋwɛ̀ ce e m kwe anà à m ku ba muu mbaŋrù ce yì ma à m tʉr cà'cà'. Yì ma ca à m ba ŋgwaŋkʉŋwɛ̀. Kʉr bèe efa rla' anà ce yi m bà'ti yi m ba a ŋgwaŋkʉŋwɛ̀ anà wèe. 13Tata à ka' yɛ ye, nse yi koo ye nè ye sê, e laa enɛ̂, “Fa war ka'.” 14E ka' làa wa'a, a du a joo ŋkùp gʉ̌ʉ ŋwɛ̀ anà, bèe ce a m byɛ̀' ŋkùp anà a tɛɛ, e laa enɛ̂, “Muu nsùnsù, m ce làa nè wɛ̀ enɛ à nati mbekì.” 15Ŋwɛ̀ ce e m kwe na à natì mbekì, a kɛ' a ce làa. Jisòs à koo ye a fa nè yì mâ. 16Wowèe wɛɛwɛ a wɛp, a ku'si Nyʉ̀, a ce làa enɛ̂, “Ŋwɛ̌ ncep ntuu Nyʉ̌ ŋgòr à fʉʉ efa sěe mʉ,” a ker ce làa enɛ̂, “Nyʉ̀ à vʉ̀ à rjà' yì bèe.” 17Nsuŋ kuu yuu ce Jisòs à m gèe na à m dù à ŋgǒŋ Jùdiyà wɛɛwɛ ker ba à mla' ce mi m sìr ŋgǒŋ Jùdiyà a kaari a tarte.
18Ŋgǎa yɛ'ni buu Jǒn a m yɛ buu ca a suŋ Jǒn. E kɛ' bèe a mmbaa efa wǎp mʉ, 19a tuu wowèe enɛ wowèe a du yɛ Tatâ, bipshi nè ye enɛ̂, “A wɛ̀ ŋwɛ̀ ce yi m ba enɛ e be vʉ̀ nà kɛ̀ wèr cu ce ke' ba ŋwɛ̌ jɛɛ?” 20Wowèe a ka' vʉ̀ yɛ Jisòs, a laa nè ye enɛ̂, “Jǒn ŋwɛ̀ bàptir bèe à tuu wèr enɛ wèr vʉ yɛ wɛ̀, bipshi nè wɛ̀ enɛ a wɛ̀ ŋwɛ̀ ce yi m ba enɛ e be vʉ̀ nà kɛ̀ wèr cu ce ke' ba ŋwɛ̌ jɛɛ lɛ?” 21À m ba à nfè' anà, Jisòs à gee bèe a ke'sè efa byaŋ njɛ̀ɛ jɛɛ jɛ̀ɛ jɛɛ, a gee bèe ce a m tʉr byʉ' bbebep a ke'sè, a gee bèe ce a m fèp, a ker ce yɛ buu. 22E beesì a laa nè wowèe enɛ̂, “Kʉti nè du suŋ Jǒn buu ce wèe à yɛ a ker yu'. Bèe ce a fèp a ce yɛ buu, mntɛ̀ŋ a ce jɛ̀shi yɛɛnì, ŋgǎa msàasì a ce ke'sè, ce ba brara, mnfuŋ-tù' a ce yu' buu, bèe ce a m kweŋger a ce kʉti btèe, ŋgǎa fùp a ce suŋ Nsuŋ Mbòŋmboŋ. 23Rbǒŋtu li yu nè ŋwɛ̀ ce e ce tarni mɛ̀ tarni ka'.”
24Ŋgǎa ntuu ce Jǒn à m tuu nà a ka' dù, Jisòs à kɛ' a ce suŋ ku' kʉr bèe ca buu kuu Jǒn. E m làa enɛ̂, “Wèe à m fʉʉ a du à rìŋ ba à ryɛ kɛ? Wèe à m dù à ryɛ àmbò fu' yi ce cì' ŋke' a? 25Yi ka' tɛ ba wa' ka', banɛ wèe à m dù ba à ryɛ kɛ? Wèe à m dù à ryɛ ŋwɛ̀ ce e sùsi nyor nè bcɛ̀' yòo a? Yi yu wa' ka'. Bèe ce a ke sùsi nyor nè bcɛ̌' bbòŋboŋ, ce ye rbòŋ, a ke cu ba à nto'. 26Banɛ wèe à m fʉʉ a du ba à ryɛ kɛ sê? Wèe à m dù ba à ryɛ ŋwɛ̀ ncep ntuu Nyʉ̀ a? Ɛ̀no, m ce suŋ wèe mɛnɛ ŋwɛ̀ ce wèe à m yɛ anà càa ŋwɛ̀ ncep ntuu Nyʉ̀. 27E yu ŋwɛ̀ ce a saŋ àmbò ye mbe Ŋwǎ' Nyʉ̀ enɛ̂, ‘Yɛ̂, m be tuu yà ŋwɛ̀ ntuu tɛ e du entombì nè wɛ̀, dù kupshi nduunjì nè wɛ̀.’ 28M ce suŋ wèe mɛnɛ efa bèe wɛɛwɛ ce bbyèŋge a bi, mò' càa Jǒn ka'. Geewa'a, ŋwɛ̀ ce e yu yi mʉcàr se mbe dǐ' kʉʉ Nyʉ̀ à càa ye.”
29Bèe wɛɛwɛ, ka' nè ŋgǎa ŋkùu mbǎa bàrà'-ŋwɛ̀, a m yu' yuu ce Jisòs à m làa, a byemi enɛ Nyʉ̀ ce gèe yì buu à njǐ yɛɛnì, a byemi enɛ Jǒn baptir wowèe. 30Geewa'a, bèe Farìsi ba ŋgǎa ryɛ'ni mncir a m kani yuu ce Nyʉ̀ à m kòŋ à rgèe nè wowèe, a kani foŋ enɛ Jǒn fa bàptir wowèe ka'. 31“Banɛ àde' m be'nì bèe elùuni na ba à kɛ? Wowèe a yu àmbò kɛ? 32Wowèe a yu àmbò bghàrbèe ce a cute à ntaa, bèe a ce kɛ' bèe, bèe anà wowo a ker ce kɛ' wowèe, a ce làa enɛ̂, ‘Wèr à fyɛp mndoŋ nè wèe, wèe à bii bii ka', wèr à fa ncě rkwe, wèe à war ka'.’ 33Mɛ̀ làa wa'a njobè' Jǒn ŋwɛ̀ bàptir bèe à m vʉ̀ a ce ye yuu ka', a ce no mrù' ka', wèe à laa weenɛ nyʉ̀rkà' yu njep ye. 34Muu Ŋwɛ̀ à vʉ yi a ka' ce ye buu, ce no buu, wèe à laa weenɛ, ‘Yɛ nè, ŋwɛ̀ ca yu ŋkuŋri, a koo ŋkar a ŋgǎa ŋkùu mbǎa bàrà', ba ŋgǎa ŋgèe buu bbebep.’ 35Yi yu enɛ bfee vi ce dùŋshi nyor à njɛ̀ɛ njì ce boo ŋgǎa bfee a ce gèe yàp buu.”
36Ŋwɛ̀ Farìsi mò' à làa nè Jisòs enɛ a ye a du yeŋger. Jisòs à du a niŋ mbe ndàp mbe ŋwɛ̀ anà, a cu, tɛ a ye a bo yeŋger. 37Njeŋwɛ̀ mò' à m ba à rla' anà ce e m ba ŋwɛ̌ ŋgèe buu bbebep. E ka' yu' enɛ Jisòs ce yeŋger mbe ndàp ŋwɛ̀ Farìsi ca, a lor mʉ ntʉŋ blùr ce njɛ̀ɛ mgʉr mo' ce mi m ce rʉ̀ʉ bòŋboŋ sê, mi m ba njo, 38a vʉ a tɛɛ mbe yě njì àgee mi mkùu a ce war, mŋgoommir mi ce cɛɛcɛ mbe mkùu Jisòs, e ce siŋsi nè yi nyʉ̀'tu. E m nyò'shi mkùu Jisòs, a cu'ni mgʉr ce e m tʉr nà àgho. 39Ŋwɛ̀ Farìsi ce e m be Jisòs nà, à ka' yɛ ca, a laa nè yì nyor enɛ̂, “Ŋwɛ̀ ca à ba ba ŋwɛ̀ ncep ntuu Nyʉ̀, e ba rìŋ njɛ̀ɛ ŋwɛ̀ ce njeŋwɛ̀ ce e ce jòo ye na yu, njobè' e yu ŋwɛ̌ ŋgèe buu bbebep.” 40Jisòs à laa enɛ̂, “Saimʉ̀n, m tʉr yuu à rsuŋ wɛ̀.” E laa enɛ̂, “Suŋ là mɛ̀, ŋwɛ̀ ryɛ'nì.” 41Jisòs à laa enɛ̂, “Bèe mo' bèe a mmbaa a m tʉr rkaa a ŋwɛ̀ mò' ce e m fòosi wowèe mbàa. Mò' à m tʉr rkaa a ye à bbàa mbàa tâ, mò' à tʉr li a ye à nto'nì bàa mbàa. 42Mò' efa wowèe à m tʉr mbàa ce àde' e m ba la' rkaa anà àgho ka', yi ka' ba wa'a, ŋwɛ̀ anà à ma'shì mbàa anà nè wowèe. Banɛ ŋwɛ̀ efa bèe a mmbaa ca ce e be kòŋ ŋwɛ̀ mbàa anà gòr yu ba nda?” 43Saimʉ̀n à beesì enɛ̂, “M kwà'shi mɛnɛ yu ŋwɛ̀ ce rkaa li li m ba gòr nà.” Jisòs à laa enɛ̂, “Wɛ̀ bèesi yɛɛnì.” 44E ka' làa wa'a, a karsi nyor a ke' njeŋwɛ̀ ca, a laa nè Saimʉ̀n enɛ̂, “Wɛ̀ yɛ njeŋwɛ̀ ca a? Mɛ̀ vʉ̀ mbe wɛ̌ ndàp, wɛ̀ fa mɛ̀ mdip enɛ m su'si mkùu àgho ka', geewa'a, njeŋwɛ̀ ca à sù'si ma mkùu nè mŋgoommir, a siŋsi nè yi nyʉ̀'tu. 45Wɛ̀ ba koni mɛ̀ a baa mɛ̀ nje nyòr ka', kɛ' embe nfè' mɛ̀ ba niŋ mbe ndàp na njeŋwɛ̀ ca à be borni efa rnyò'shi mɛ̀ mkùu ka'. 46Wɛ̀ ba cu'ni mɛ̀ mgʉr mbe tù ka', e cu'nì mgʉr ce mi ce rʉ̀ʉ bòŋboŋ se à ma mkùu. 47Banɛ m ce suŋ wɛ̀ mɛnɛ ku' njɛ̀ɛ rkòŋnì ce e dùŋshi nè mɛ̀ na li ce dùŋshi enɛ a fòosi ye efa ku' buu bbebep ce e m gèe. Ŋwɛ̀ ce a fòosi yì buu bbebep mʉcàr ce dùŋshi rkòŋnì mʉcàr.” 48E ka' làa wa'a, a laa nè njeŋwɛ̀ ca enɛ̂, “Mɛ̀ fòosi wɛ̀ efa yò buu bbebep.” 49Bèe mo' ce a wowèe a m cute a ce ye byee nà, a kɛ' a ce làa a wǎp mʉ enɛ̂, “Njɛ̀ɛ ŋwɛ̀ ce e ce fòosi bèe efa yàp buu bbebep na a nda?” 50Jisòs à laa nè njeŋwɛ̀ anà enɛ̂, “Lo rbyemì li gèe wɛ̀ ke'sè, dù yo yu nè rfʉtè-ŋwɛ̀.”
Currently Selected:
Ñwaè' Luêk 7: LNT
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Luêk 7
7
1Jisòs à ka' làa buu ca nè bèe anà mìsi, a du à rla' Kàpanùm. 2Ŋwɛ̀ mò' ce e m ba tu nè bsoogɛ̀ rjèe à m ba àfo, a tʉr yì ŋwɛ̀ rfà' ce e m kòŋ sê, e ce yaŋ a tɛɛ yǐ ŋkwe. 3E ka' yu' nsuŋ àmbò Jisòs, a tuu bleebèe mo' efa mʉ̀ Jûs, enɛ a du laa nè Jisòs enɛ e vʉ gee tɛ yì ŋwɛ̀ rfà' ke'se. 4Wowèe a ka' dù yɛ Jisòs, a bu' mmbo nè ye nè mini-ŋwɛ̀ a laa enɛ̂, “Ŋwɛ̀ ca à ghɛɛte à ŋwɛ̀ ce wɛ̀ ba gèe yuu ce e làa na nè ye, 5njobè' e kòŋ yisèe to' sê, a ba'ri ndap rloo nè wèr.” 6Jisòs à du a wowèe, a ka' bà' àtʉtʉ ndap ŋwɛ̀ soogɛ̀ anà, a tarte a bèe ce e ba tuu. E m tuu wowèe enɛ a du laa nè ye enɛ̂, “Tatâ, fa fa ŋgɛ' nè yò nyor ka' njobè' mɛ̀ ghɛɛte à ŋwɛ̀ ce àde' à niŋ mbe mɛ̌ ndàp ka'. 7A mbùu ce mɛ̀ ba kwa'shi mɛnɛ mɛ̀ ghɛɛte à rvʉ̀ yɛ wɛ̀ ka'. Kù làa ba mbʉ̀ nlàa mò'sir tɛ yà ŋwɛ̀ rfà' ke'se. 8Mɛ mɛ̀ yu ŋwɛ̀ ce m ce fà' njeptii bèe ce yap nta' yi càa ya, a tʉr bsoogɛ̀ ce a yu njep mɛ̌ tìi. M ka' laa nè mò' enɛ ‘Dû’, banɛ e be dù. M ka' laa nè mò' enɛ ‘Vʉ̀’, banɛ e be vʉ̀. M ka' laa nè yà ŋwɛ̀ rfà' enɛ, ‘Gèe ca’, banɛ e be gèe yuu anà.” 9Jisòs à ka' yu' blàa ca, a bɛɛŋger sê, a karsi nyor a laa nè kʉr bèe ce a m ce dù a yě mbùu nà enɛ̂, “M ce suŋ wèe enɛ mɛ̀ be yɛ njɛ̀ɛ ŋwɛ̀ mò' ce e tʉr njɛ̀ɛ rbyemì ca ka', ka' à to' Isrɛ̀l.” 10Bèe ce a m tuu anà a ka' kʉti bà' mbe ndàp, a yɛ enɛ ŋwɛ̀ rfà' anà à kè'se wɛɛ.
11Mʉ nfè' à ka' tuuse, e natì a du à rla' mo' ce a m ce too enɛ Nɛ̂n. Ŋgǎa yɛ'ni yì buu ba ma kʉr bèe a du a wowèe. 12E ka' bà' àtʉtʉ cǔu ŋka' à rla' anà, a yɛ àmbò a byɛ̀' gʉ̌ʉ ŋwɛ̀ a ce fʉʉ àgho. Ŋwɛ̀ ce e m kwe anà à m ku ba muu mbaŋrù ce yì ma à m tʉr cà'cà'. Yì ma ca à m ba ŋgwaŋkʉŋwɛ̀. Kʉr bèe efa rla' anà ce yi m bà'ti yi m ba a ŋgwaŋkʉŋwɛ̀ anà wèe. 13Tata à ka' yɛ ye, nse yi koo ye nè ye sê, e laa enɛ̂, “Fa war ka'.” 14E ka' làa wa'a, a du a joo ŋkùp gʉ̌ʉ ŋwɛ̀ anà, bèe ce a m byɛ̀' ŋkùp anà a tɛɛ, e laa enɛ̂, “Muu nsùnsù, m ce làa nè wɛ̀ enɛ à nati mbekì.” 15Ŋwɛ̀ ce e m kwe na à natì mbekì, a kɛ' a ce làa. Jisòs à koo ye a fa nè yì mâ. 16Wowèe wɛɛwɛ a wɛp, a ku'si Nyʉ̀, a ce làa enɛ̂, “Ŋwɛ̌ ncep ntuu Nyʉ̌ ŋgòr à fʉʉ efa sěe mʉ,” a ker ce làa enɛ̂, “Nyʉ̀ à vʉ̀ à rjà' yì bèe.” 17Nsuŋ kuu yuu ce Jisòs à m gèe na à m dù à ŋgǒŋ Jùdiyà wɛɛwɛ ker ba à mla' ce mi m sìr ŋgǒŋ Jùdiyà a kaari a tarte.
18Ŋgǎa yɛ'ni buu Jǒn a m yɛ buu ca a suŋ Jǒn. E kɛ' bèe a mmbaa efa wǎp mʉ, 19a tuu wowèe enɛ wowèe a du yɛ Tatâ, bipshi nè ye enɛ̂, “A wɛ̀ ŋwɛ̀ ce yi m ba enɛ e be vʉ̀ nà kɛ̀ wèr cu ce ke' ba ŋwɛ̌ jɛɛ?” 20Wowèe a ka' vʉ̀ yɛ Jisòs, a laa nè ye enɛ̂, “Jǒn ŋwɛ̀ bàptir bèe à tuu wèr enɛ wèr vʉ yɛ wɛ̀, bipshi nè wɛ̀ enɛ a wɛ̀ ŋwɛ̀ ce yi m ba enɛ e be vʉ̀ nà kɛ̀ wèr cu ce ke' ba ŋwɛ̌ jɛɛ lɛ?” 21À m ba à nfè' anà, Jisòs à gee bèe a ke'sè efa byaŋ njɛ̀ɛ jɛɛ jɛ̀ɛ jɛɛ, a gee bèe ce a m tʉr byʉ' bbebep a ke'sè, a gee bèe ce a m fèp, a ker ce yɛ buu. 22E beesì a laa nè wowèe enɛ̂, “Kʉti nè du suŋ Jǒn buu ce wèe à yɛ a ker yu'. Bèe ce a fèp a ce yɛ buu, mntɛ̀ŋ a ce jɛ̀shi yɛɛnì, ŋgǎa msàasì a ce ke'sè, ce ba brara, mnfuŋ-tù' a ce yu' buu, bèe ce a m kweŋger a ce kʉti btèe, ŋgǎa fùp a ce suŋ Nsuŋ Mbòŋmboŋ. 23Rbǒŋtu li yu nè ŋwɛ̀ ce e ce tarni mɛ̀ tarni ka'.”
24Ŋgǎa ntuu ce Jǒn à m tuu nà a ka' dù, Jisòs à kɛ' a ce suŋ ku' kʉr bèe ca buu kuu Jǒn. E m làa enɛ̂, “Wèe à m fʉʉ a du à rìŋ ba à ryɛ kɛ? Wèe à m dù à ryɛ àmbò fu' yi ce cì' ŋke' a? 25Yi ka' tɛ ba wa' ka', banɛ wèe à m dù ba à ryɛ kɛ? Wèe à m dù à ryɛ ŋwɛ̀ ce e sùsi nyor nè bcɛ̀' yòo a? Yi yu wa' ka'. Bèe ce a ke sùsi nyor nè bcɛ̌' bbòŋboŋ, ce ye rbòŋ, a ke cu ba à nto'. 26Banɛ wèe à m fʉʉ a du ba à ryɛ kɛ sê? Wèe à m dù ba à ryɛ ŋwɛ̀ ncep ntuu Nyʉ̀ a? Ɛ̀no, m ce suŋ wèe mɛnɛ ŋwɛ̀ ce wèe à m yɛ anà càa ŋwɛ̀ ncep ntuu Nyʉ̀. 27E yu ŋwɛ̀ ce a saŋ àmbò ye mbe Ŋwǎ' Nyʉ̀ enɛ̂, ‘Yɛ̂, m be tuu yà ŋwɛ̀ ntuu tɛ e du entombì nè wɛ̀, dù kupshi nduunjì nè wɛ̀.’ 28M ce suŋ wèe mɛnɛ efa bèe wɛɛwɛ ce bbyèŋge a bi, mò' càa Jǒn ka'. Geewa'a, ŋwɛ̀ ce e yu yi mʉcàr se mbe dǐ' kʉʉ Nyʉ̀ à càa ye.”
29Bèe wɛɛwɛ, ka' nè ŋgǎa ŋkùu mbǎa bàrà'-ŋwɛ̀, a m yu' yuu ce Jisòs à m làa, a byemi enɛ Nyʉ̀ ce gèe yì buu à njǐ yɛɛnì, a byemi enɛ Jǒn baptir wowèe. 30Geewa'a, bèe Farìsi ba ŋgǎa ryɛ'ni mncir a m kani yuu ce Nyʉ̀ à m kòŋ à rgèe nè wowèe, a kani foŋ enɛ Jǒn fa bàptir wowèe ka'. 31“Banɛ àde' m be'nì bèe elùuni na ba à kɛ? Wowèe a yu àmbò kɛ? 32Wowèe a yu àmbò bghàrbèe ce a cute à ntaa, bèe a ce kɛ' bèe, bèe anà wowo a ker ce kɛ' wowèe, a ce làa enɛ̂, ‘Wèr à fyɛp mndoŋ nè wèe, wèe à bii bii ka', wèr à fa ncě rkwe, wèe à war ka'.’ 33Mɛ̀ làa wa'a njobè' Jǒn ŋwɛ̀ bàptir bèe à m vʉ̀ a ce ye yuu ka', a ce no mrù' ka', wèe à laa weenɛ nyʉ̀rkà' yu njep ye. 34Muu Ŋwɛ̀ à vʉ yi a ka' ce ye buu, ce no buu, wèe à laa weenɛ, ‘Yɛ nè, ŋwɛ̀ ca yu ŋkuŋri, a koo ŋkar a ŋgǎa ŋkùu mbǎa bàrà', ba ŋgǎa ŋgèe buu bbebep.’ 35Yi yu enɛ bfee vi ce dùŋshi nyor à njɛ̀ɛ njì ce boo ŋgǎa bfee a ce gèe yàp buu.”
36Ŋwɛ̀ Farìsi mò' à làa nè Jisòs enɛ a ye a du yeŋger. Jisòs à du a niŋ mbe ndàp mbe ŋwɛ̀ anà, a cu, tɛ a ye a bo yeŋger. 37Njeŋwɛ̀ mò' à m ba à rla' anà ce e m ba ŋwɛ̌ ŋgèe buu bbebep. E ka' yu' enɛ Jisòs ce yeŋger mbe ndàp ŋwɛ̀ Farìsi ca, a lor mʉ ntʉŋ blùr ce njɛ̀ɛ mgʉr mo' ce mi m ce rʉ̀ʉ bòŋboŋ sê, mi m ba njo, 38a vʉ a tɛɛ mbe yě njì àgee mi mkùu a ce war, mŋgoommir mi ce cɛɛcɛ mbe mkùu Jisòs, e ce siŋsi nè yi nyʉ̀'tu. E m nyò'shi mkùu Jisòs, a cu'ni mgʉr ce e m tʉr nà àgho. 39Ŋwɛ̀ Farìsi ce e m be Jisòs nà, à ka' yɛ ca, a laa nè yì nyor enɛ̂, “Ŋwɛ̀ ca à ba ba ŋwɛ̀ ncep ntuu Nyʉ̀, e ba rìŋ njɛ̀ɛ ŋwɛ̀ ce njeŋwɛ̀ ce e ce jòo ye na yu, njobè' e yu ŋwɛ̌ ŋgèe buu bbebep.” 40Jisòs à laa enɛ̂, “Saimʉ̀n, m tʉr yuu à rsuŋ wɛ̀.” E laa enɛ̂, “Suŋ là mɛ̀, ŋwɛ̀ ryɛ'nì.” 41Jisòs à laa enɛ̂, “Bèe mo' bèe a mmbaa a m tʉr rkaa a ŋwɛ̀ mò' ce e m fòosi wowèe mbàa. Mò' à m tʉr rkaa a ye à bbàa mbàa tâ, mò' à tʉr li a ye à nto'nì bàa mbàa. 42Mò' efa wowèe à m tʉr mbàa ce àde' e m ba la' rkaa anà àgho ka', yi ka' ba wa'a, ŋwɛ̀ anà à ma'shì mbàa anà nè wowèe. Banɛ ŋwɛ̀ efa bèe a mmbaa ca ce e be kòŋ ŋwɛ̀ mbàa anà gòr yu ba nda?” 43Saimʉ̀n à beesì enɛ̂, “M kwà'shi mɛnɛ yu ŋwɛ̀ ce rkaa li li m ba gòr nà.” Jisòs à laa enɛ̂, “Wɛ̀ bèesi yɛɛnì.” 44E ka' làa wa'a, a karsi nyor a ke' njeŋwɛ̀ ca, a laa nè Saimʉ̀n enɛ̂, “Wɛ̀ yɛ njeŋwɛ̀ ca a? Mɛ̀ vʉ̀ mbe wɛ̌ ndàp, wɛ̀ fa mɛ̀ mdip enɛ m su'si mkùu àgho ka', geewa'a, njeŋwɛ̀ ca à sù'si ma mkùu nè mŋgoommir, a siŋsi nè yi nyʉ̀'tu. 45Wɛ̀ ba koni mɛ̀ a baa mɛ̀ nje nyòr ka', kɛ' embe nfè' mɛ̀ ba niŋ mbe ndàp na njeŋwɛ̀ ca à be borni efa rnyò'shi mɛ̀ mkùu ka'. 46Wɛ̀ ba cu'ni mɛ̀ mgʉr mbe tù ka', e cu'nì mgʉr ce mi ce rʉ̀ʉ bòŋboŋ se à ma mkùu. 47Banɛ m ce suŋ wɛ̀ mɛnɛ ku' njɛ̀ɛ rkòŋnì ce e dùŋshi nè mɛ̀ na li ce dùŋshi enɛ a fòosi ye efa ku' buu bbebep ce e m gèe. Ŋwɛ̀ ce a fòosi yì buu bbebep mʉcàr ce dùŋshi rkòŋnì mʉcàr.” 48E ka' làa wa'a, a laa nè njeŋwɛ̀ ca enɛ̂, “Mɛ̀ fòosi wɛ̀ efa yò buu bbebep.” 49Bèe mo' ce a wowèe a m cute a ce ye byee nà, a kɛ' a ce làa a wǎp mʉ enɛ̂, “Njɛ̀ɛ ŋwɛ̀ ce e ce fòosi bèe efa yàp buu bbebep na a nda?” 50Jisòs à laa nè njeŋwɛ̀ anà enɛ̂, “Lo rbyemì li gèe wɛ̀ ke'sè, dù yo yu nè rfʉtè-ŋwɛ̀.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.