Awatokua 17
17
Paul na Silas asi na Tesalonike
1Paul na Silas ahon na ya ti agbata ti Anfipolis na ti Apolonii si ala si na Tesalonike. Kâ, mbeni da ti sambelango Nzapa ti azuife ayeke daa. 2Paul ague kâ tongana ti so lo yeke sara ka lakue. Na ya ti *alango ti wungo tere ota kue, lo na azo ni ayeke tene tënë na ndö ti Mbeti ti Nzapa; 3lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.” 4Ambeni zuife, ala na ambeni wali ti kota ndo na gba ti agreke so ayeke voro Nzapa, ala yeda na tënë ni si ala mu peko ti Paul na Silas. 5Me kota be asara azuife; ala mu ambeni godobe na tere ti ala, ala bi tomboka na li ti gba ti azo si ala bi wusuwusu na ya ti gbata ni. Ala gue na da ti Yason ti gbu Paul na Silas ti ga na ala na gbe ti azo ni. 6So ala wara Paul na Silas pepe, ala gbu Yason na ambeni ita, azo ti Christ si ague na ala na gbe ti akota zo ti gbata ni. Ala to nda ti dekongo, atene: “Azo so abi wusuwusu na ya ti dunia kue, fadeso ala si ge awe. 7Yason ayamba ala na da ti lo! Azo so kue ayeke sara ye so ake andia ti kota gbia ti Rome; ala tene, mbeni gbia nde ayeke daa, iri ti lo Jésus.” 8Atënë so abi tomboka na li ti gba ti azo ni nga na akota zo ti gbata ni. 9Akota zo ti gbata ni ahunda na Yason na amba ti lo ti futa mbeni nginza kozoni si a zi ala.
Paul na Silas asi na Bere
10Gi na bi ni, a-ita, azo ti Christ, azia Paul na Silas na lege titene ala gue na gbata ti Bere. So ala si kâ, ala gue na da ti sambelango Nzapa ti azuife. 11Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni. 12Ambeni zuife mingi ama na be. Na popo ti agreke, awali ti kota ndo na ambeni koli mingi ama nga na be. 13Me so azuife ti Tesalonike ama a tene, Paul ayeke fa nga tënë ti Nzapa na Bere, ala ga na ya ti gbata ni ti bi tomboka na li ti gba ti azo ni titene ala sara wusuwusu. 14Tongaso a-ita, azo ti Christ, azia Paul na lege hio titene lo gue na yanga ti kota ngu-ingo; me Silas na Timothée angba ti ala na Bere. 15Azo so azia Paul na lege ague na lo ngbii asi na Athènes. So ala londo ti kiri na Bere, Paul amu yanga na ala ti tene na Silas na Timothée ti gue hio ti wara ti lo.
Paul asi na Athènes
16So Paul ayeke ku Silas na Timothée na Athènes, be ti lo aso songo na bango gbata so ayanda nde nde asi singo daa. 17Na ya ti da ti sambelango Nzapa, lo yeke tene tënë na azuife nga na azo so ayeke voro Nzapa si ala yeke azo ti amara nde. Na ya ti lango oko oko, lo yeke tene nga tënë na azo so kue lo yeke wara ala na ando so azo ayeke bongbi tere ti ala daa. 18Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ. 19Ala mu lo na peko ti ala, ague na lo na gbe ti bongbi ti azo ti Areopaze si ala hunda lo: “E lingbi ti hinga fini tënë so mo yeke fa ni so? 20E hunda mo, ngbanga ti so mo yeke so mê ti e na ambeni fini tënë so e ma ya ni pepe si e ye ti hinga nda ni.” 21– Andaa azo ti Athènes na agene so ayeke lango na gbata ni, kua ti ala ayeke ti fa afini tënë wala ti ma afini tënë. – 22Tongaso Paul aluti na popo ti azo ti Areopaze ni si lo tene: “Ala azo ti Athènes, mbi baa so ala yeke azo so aye tënë ti anzapa ahon ndoni. 23Biani, so mbi yeke tambula na ya ti gbata ti ala, mbi yeke baa anzapa so ala leke si ala yeke voro ni. Mbi baa nga mbeni gbalaka so a sara mbeti daa, atene: ‘So ayeke ti mbeni nzapa so e hinga lo pepe.’ Nzoni! Ye so ala yeke voro ni si ala hinga pepe so, ni laa mbi ga ti fa ni na ala. 24 Nzapa, lo so asara dunia na aye kue ti ndö ni, lo laa lo yeke *Kota Gbia ti yayu na sese. Lo yeke lango pepe na ya ti da so azo laa asara ni. 25Lo yeke ku titene maboko ti azo laa asara ye na lo pepe, ngbanga ti so lo laa lo yeke mu fini na azo, lo laa lo yeke sara titene azo awu pupu, lo laa lo mu aye kue na azo. 26 Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala. 27Lo sara tongaso titene ala gi lo si na lege ti gingo lo tongana zo so ayeke tatara ndo, ala lingbi ti wara lo, tongana lege ayeke daa. Andaa, Nzapa ayeke yongoro pepe na e oko oko kue. 28Biani,
‘Na lege ti lo laa e yeke na fini, e yeke tambula si e yeke daa.’
“Ambeni zo ti ala so ayeke azo ti sungo mbeti na kode, atene:
‘E nga, e yeke amolenge ti lo.’ 29So e yeke amolenge ti Nzapa, e lingbi ti baa Nzapa pepe tongana anzapa so zo amu lôro, wen ti nginza wala têne si aleke na ni na lege ti ndara na kode ti lo. 30Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala. 31Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”
32So azo ni ama tënë so Paul atene na ndö ti zingongo ti akuâ, ambeni ahe lo na ngia si ambeni atene: “Mbeni lâ si e yeke kiri ti ma mo na ndö ti tënë so!” 33Tongaso Paul azia ala ahon. 34Ambeni oko oko na popo ti ala amu peko ti lo si ala ma na be. Na popo ti azo ni Denis, mbeni zo ti Areopaze ni, lo na mbeni wali so iri ti lo Damaris na ambeni zo.
Currently Selected:
Awatokua 17: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Awatokua 17
17
Paul na Silas asi na Tesalonike
1Paul na Silas ahon na ya ti agbata ti Anfipolis na ti Apolonii si ala si na Tesalonike. Kâ, mbeni da ti sambelango Nzapa ti azuife ayeke daa. 2Paul ague kâ tongana ti so lo yeke sara ka lakue. Na ya ti *alango ti wungo tere ota kue, lo na azo ni ayeke tene tënë na ndö ti Mbeti ti Nzapa; 3lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.” 4Ambeni zuife, ala na ambeni wali ti kota ndo na gba ti agreke so ayeke voro Nzapa, ala yeda na tënë ni si ala mu peko ti Paul na Silas. 5Me kota be asara azuife; ala mu ambeni godobe na tere ti ala, ala bi tomboka na li ti gba ti azo si ala bi wusuwusu na ya ti gbata ni. Ala gue na da ti Yason ti gbu Paul na Silas ti ga na ala na gbe ti azo ni. 6So ala wara Paul na Silas pepe, ala gbu Yason na ambeni ita, azo ti Christ si ague na ala na gbe ti akota zo ti gbata ni. Ala to nda ti dekongo, atene: “Azo so abi wusuwusu na ya ti dunia kue, fadeso ala si ge awe. 7Yason ayamba ala na da ti lo! Azo so kue ayeke sara ye so ake andia ti kota gbia ti Rome; ala tene, mbeni gbia nde ayeke daa, iri ti lo Jésus.” 8Atënë so abi tomboka na li ti gba ti azo ni nga na akota zo ti gbata ni. 9Akota zo ti gbata ni ahunda na Yason na amba ti lo ti futa mbeni nginza kozoni si a zi ala.
Paul na Silas asi na Bere
10Gi na bi ni, a-ita, azo ti Christ, azia Paul na Silas na lege titene ala gue na gbata ti Bere. So ala si kâ, ala gue na da ti sambelango Nzapa ti azuife. 11Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni. 12Ambeni zuife mingi ama na be. Na popo ti agreke, awali ti kota ndo na ambeni koli mingi ama nga na be. 13Me so azuife ti Tesalonike ama a tene, Paul ayeke fa nga tënë ti Nzapa na Bere, ala ga na ya ti gbata ni ti bi tomboka na li ti gba ti azo ni titene ala sara wusuwusu. 14Tongaso a-ita, azo ti Christ, azia Paul na lege hio titene lo gue na yanga ti kota ngu-ingo; me Silas na Timothée angba ti ala na Bere. 15Azo so azia Paul na lege ague na lo ngbii asi na Athènes. So ala londo ti kiri na Bere, Paul amu yanga na ala ti tene na Silas na Timothée ti gue hio ti wara ti lo.
Paul asi na Athènes
16So Paul ayeke ku Silas na Timothée na Athènes, be ti lo aso songo na bango gbata so ayanda nde nde asi singo daa. 17Na ya ti da ti sambelango Nzapa, lo yeke tene tënë na azuife nga na azo so ayeke voro Nzapa si ala yeke azo ti amara nde. Na ya ti lango oko oko, lo yeke tene nga tënë na azo so kue lo yeke wara ala na ando so azo ayeke bongbi tere ti ala daa. 18Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ. 19Ala mu lo na peko ti ala, ague na lo na gbe ti bongbi ti azo ti Areopaze si ala hunda lo: “E lingbi ti hinga fini tënë so mo yeke fa ni so? 20E hunda mo, ngbanga ti so mo yeke so mê ti e na ambeni fini tënë so e ma ya ni pepe si e ye ti hinga nda ni.” 21– Andaa azo ti Athènes na agene so ayeke lango na gbata ni, kua ti ala ayeke ti fa afini tënë wala ti ma afini tënë. – 22Tongaso Paul aluti na popo ti azo ti Areopaze ni si lo tene: “Ala azo ti Athènes, mbi baa so ala yeke azo so aye tënë ti anzapa ahon ndoni. 23Biani, so mbi yeke tambula na ya ti gbata ti ala, mbi yeke baa anzapa so ala leke si ala yeke voro ni. Mbi baa nga mbeni gbalaka so a sara mbeti daa, atene: ‘So ayeke ti mbeni nzapa so e hinga lo pepe.’ Nzoni! Ye so ala yeke voro ni si ala hinga pepe so, ni laa mbi ga ti fa ni na ala. 24 Nzapa, lo so asara dunia na aye kue ti ndö ni, lo laa lo yeke *Kota Gbia ti yayu na sese. Lo yeke lango pepe na ya ti da so azo laa asara ni. 25Lo yeke ku titene maboko ti azo laa asara ye na lo pepe, ngbanga ti so lo laa lo yeke mu fini na azo, lo laa lo yeke sara titene azo awu pupu, lo laa lo mu aye kue na azo. 26 Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala. 27Lo sara tongaso titene ala gi lo si na lege ti gingo lo tongana zo so ayeke tatara ndo, ala lingbi ti wara lo, tongana lege ayeke daa. Andaa, Nzapa ayeke yongoro pepe na e oko oko kue. 28Biani,
‘Na lege ti lo laa e yeke na fini, e yeke tambula si e yeke daa.’
“Ambeni zo ti ala so ayeke azo ti sungo mbeti na kode, atene:
‘E nga, e yeke amolenge ti lo.’ 29So e yeke amolenge ti Nzapa, e lingbi ti baa Nzapa pepe tongana anzapa so zo amu lôro, wen ti nginza wala têne si aleke na ni na lege ti ndara na kode ti lo. 30Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala. 31Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”
32So azo ni ama tënë so Paul atene na ndö ti zingongo ti akuâ, ambeni ahe lo na ngia si ambeni atene: “Mbeni lâ si e yeke kiri ti ma mo na ndö ti tënë so!” 33Tongaso Paul azia ala ahon. 34Ambeni oko oko na popo ti ala amu peko ti lo si ala ma na be. Na popo ti azo ni Denis, mbeni zo ti Areopaze ni, lo na mbeni wali so iri ti lo Damaris na ambeni zo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010