Tongo nda ti aye 38
38
Tënë ti Juda na Tamar
1Na ngoi ni so, Juda azia a-ita ti lo si lo gue na ndo ti mbeni zo ti kodro ti Adulam, so iri ti lo Hira. 2Kâ na Adulam ni, lo baa molenge-wali ti mbeni zo ti Kanaan, so iri ti lo Shua. Juda amu lo titene lo ga wali ti lo si lo na lo aduti. 3Wali ni amu ngo si adu molenge-koli. Juda adi iri ti molenge ni Er. 4Wali ni akiri amu ngo si lo du molenge-koli. Wali ni adi iri ti lo Onan. 5Lo kiri lo du mbeni molenge-koli si lo di iri ti lo Shela. Na ngoi so wali ti lo adu molenge ni so, Juda ayeke na kodro ti Kezib.
6 Juda amu wali na Er, kozo molenge ti lo. Iri ti wali ni Tamar. 7Me sarango ye ti Er, kozo molenge ti Juda, anzere na be ti *KOTA GBIA pepe si KOTA GBIA asara si lo kui. 8 Tongaso Juda atene na Onan: “Gue, mo na wali ti ita ti mo amu tere. Mo du molenge na lo titene iri ti ita ti mo angba na gigi.” 9Onan ahinga so fade molenge ni ayeke ande ti lo pepe. Nilaa tongana lo na wali ti ita ti lo ni ayeke duti, lo yeke tuku ngu ti tere ti lo na sese; tongaso si lo du molenge na iri ti ita ti lo pepe. 10Ye so lo sara so anzere na be ti KOTA GBIA pepe si KOTA GBIA asara titene lo nga lo kui. 11 Tongaso Juda atene na Tamar, wali ti molenge ti lo, atene: “Koli ti mo akui awe. Ayeke nzoni mo kiri na ndo ti babâ ti mo, mo duti kâ ngbii Shela, molenge ti mbi ti koli akono aga koli si.” Andaa lo yeke tene na be ti lo, lo tene: “Ayeke nzoni Shela akui tongana ti a-ita ti lo pepe.” Tongaso Tamar ague, aduti na ndo ti babâ ti lo.
12Aninga na pekoni, wali ti Juda, molenge ti Shua akui. Tongana Juda asara mua ni ahunzi awe, lo na mba ti lo Hira, zo ti kodro ti Adulam, ague na kodro ti Timna ti baa azo ti fango kua ti tere ti ataba ti lo. 13Azo ague, atene na Tamar, atene: “Baa, kogara ti mo ayeke gue na kodro ti Timna ti fâ kua ti tere ti ataba ti lo.” 14Tongaso Tamar azi bongo ti mua na tere ti lo; lo mu mbeni bongo, lo bi na li ti lo titene zo ahinga lo pepe. Lo gue, lo duti na yanga ti kodro ti Enaim, na tere ti lege so ague na Timna. Lo sara tongaso, ngbanga ti so lo baa Shela aga koli awe si ala mu lo na Shela ni titene lo ga wali ti lo pepe. 15So Juda abaa Tamar, lo baa ti lo atene so mbeni wali-ndumba laa, ngbanga ti so lo bi bongo na li ti lo kue. 16Juda ahinga ti lo atene so wali ti molenge ti lo pepe, lo gue na mbage ti lo na tere ti lege si lo tene na lo: “Mo ga, mbi ye ti duti na mo.” Wali ni ahunda lo, atene: “Nyen laa mo yeke mu na mbi titene mo duti na mbi?” 17Juda akiri tënë, atene: “Mbi yeke tokua ande na mo mbeni kete koli-taba na popo ti anyama ti mbi.” Wali ni atene: “Zia na mbi mbeni ye titene mbi bata ngbii mo ga na mbi kete koli-taba ni si.” 18Juda ahunda lo, atene: “Nyen laa mo ye mbi zia na mo, nyen?” Wali ni akiri tënë, atene: “Zia na mbi *ye ti kpongo na nzoroko ti mo, kamba ni kue, na keke so mo gbu na maboko ti mo so.” Juda amu ni na lo, aduti na lo si lo mu ngo. 19Wali ni alondo, lo kiri na ndo ti lo; lo zi bongo ni si lo kiri lo yu bongo ti mua ti lo.
20Juda atokua mba ti lo, zo ti kodro ti Adulam titene lo gue na kete koli-taba ni si lo mu aye ti lo so lo zia ni na ndo ti wali so. Me mba ti lo ni ague, awara wali ni pepe. 21Lo hunda azo ti kodro ni kâ, lo tene: “Wali-ndumba so ayeke duti na yanga ti kodro ti Enaim, na tere ti lege so, ayeke na ndo wa?” Azo ni akiri tënë na lo, atene: “Mbeni wali-ndumba ayeke ti lo ge pepe.” 22Lo kiri, lo wara Juda si lo tene na Juda, lo tene: “Mbi wara lo pepe. Azo ti ndo ni kâ atene na mbi atene, mbeni wali-ndumba ayeke na ndo ni so pepe.” 23Juda atene: “Zia aye ni angba na lo kâ! E ye ti ga buba na le ti azo pepe. Mbi tokua na lo kete koli-taba awe si mo wara lo pepe!”
24Nduru na nze ota na pekoni, azo atene na Juda: “Tamar, wali ti molenge ti mo asara ye ti ndumba si lo mu ngo ti ndumba ni.” Juda amu yanga, atene: “Ala gboto lo na gigi, a gbi lo na wâ.”
25So ala mu Tamar ti sigigi na lo, lo tokua ndo na kogara ti lo, atene: “Ngo so ayeke na ya ti mbi ayeke ngo ti wa ti aye so ayeke na maboko ti mbi so. Baa, ye ti kpongo na nzoroko so, na kamba ni kue na keke so ayeke ti zo wa?” 26Juda ahinga aye ni so si lo tene: “Wali so asara ye mbirimbiri ahon mbi, ngbanga ti so mbi mu lo na molenge ti mbi Shela pepe.” Juda akiri aduti na lo koli na wali pepe.
27Na ndembe ti dungo ti lo, ala baa so amolenge ti ngbo si ayeke na ya ti lo. 28Na dungo ti lo, mbeni molenge ni oko ayoro maboko ti lo na gigi. Wali so ayeke mu molenge na tere ti awali so agbu maboko ti molenge ni; lo kanga mbeni bengba kamba daa, lo tene: “Molenge so laa asigigi kozo.” 29Me molenge ni so akiri agboto maboko ti lo si ita ti lo asigigi. Tongaso wali so ayeke mu molenge na tere ti awali so atene: “Mara ti zingo lege ti nyen laa mo zi na ngangu tongaso so?” Ala di iri ti lo Peres. 30Na pekoni, ita ti lo asigigi na bengba kamba ni na maboko ti lo. Ala di iri ti lo Zera.
Currently Selected:
Tongo nda ti aye 38: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Tongo nda ti aye 38
38
Tënë ti Juda na Tamar
1Na ngoi ni so, Juda azia a-ita ti lo si lo gue na ndo ti mbeni zo ti kodro ti Adulam, so iri ti lo Hira. 2Kâ na Adulam ni, lo baa molenge-wali ti mbeni zo ti Kanaan, so iri ti lo Shua. Juda amu lo titene lo ga wali ti lo si lo na lo aduti. 3Wali ni amu ngo si adu molenge-koli. Juda adi iri ti molenge ni Er. 4Wali ni akiri amu ngo si lo du molenge-koli. Wali ni adi iri ti lo Onan. 5Lo kiri lo du mbeni molenge-koli si lo di iri ti lo Shela. Na ngoi so wali ti lo adu molenge ni so, Juda ayeke na kodro ti Kezib.
6 Juda amu wali na Er, kozo molenge ti lo. Iri ti wali ni Tamar. 7Me sarango ye ti Er, kozo molenge ti Juda, anzere na be ti *KOTA GBIA pepe si KOTA GBIA asara si lo kui. 8 Tongaso Juda atene na Onan: “Gue, mo na wali ti ita ti mo amu tere. Mo du molenge na lo titene iri ti ita ti mo angba na gigi.” 9Onan ahinga so fade molenge ni ayeke ande ti lo pepe. Nilaa tongana lo na wali ti ita ti lo ni ayeke duti, lo yeke tuku ngu ti tere ti lo na sese; tongaso si lo du molenge na iri ti ita ti lo pepe. 10Ye so lo sara so anzere na be ti KOTA GBIA pepe si KOTA GBIA asara titene lo nga lo kui. 11 Tongaso Juda atene na Tamar, wali ti molenge ti lo, atene: “Koli ti mo akui awe. Ayeke nzoni mo kiri na ndo ti babâ ti mo, mo duti kâ ngbii Shela, molenge ti mbi ti koli akono aga koli si.” Andaa lo yeke tene na be ti lo, lo tene: “Ayeke nzoni Shela akui tongana ti a-ita ti lo pepe.” Tongaso Tamar ague, aduti na ndo ti babâ ti lo.
12Aninga na pekoni, wali ti Juda, molenge ti Shua akui. Tongana Juda asara mua ni ahunzi awe, lo na mba ti lo Hira, zo ti kodro ti Adulam, ague na kodro ti Timna ti baa azo ti fango kua ti tere ti ataba ti lo. 13Azo ague, atene na Tamar, atene: “Baa, kogara ti mo ayeke gue na kodro ti Timna ti fâ kua ti tere ti ataba ti lo.” 14Tongaso Tamar azi bongo ti mua na tere ti lo; lo mu mbeni bongo, lo bi na li ti lo titene zo ahinga lo pepe. Lo gue, lo duti na yanga ti kodro ti Enaim, na tere ti lege so ague na Timna. Lo sara tongaso, ngbanga ti so lo baa Shela aga koli awe si ala mu lo na Shela ni titene lo ga wali ti lo pepe. 15So Juda abaa Tamar, lo baa ti lo atene so mbeni wali-ndumba laa, ngbanga ti so lo bi bongo na li ti lo kue. 16Juda ahinga ti lo atene so wali ti molenge ti lo pepe, lo gue na mbage ti lo na tere ti lege si lo tene na lo: “Mo ga, mbi ye ti duti na mo.” Wali ni ahunda lo, atene: “Nyen laa mo yeke mu na mbi titene mo duti na mbi?” 17Juda akiri tënë, atene: “Mbi yeke tokua ande na mo mbeni kete koli-taba na popo ti anyama ti mbi.” Wali ni atene: “Zia na mbi mbeni ye titene mbi bata ngbii mo ga na mbi kete koli-taba ni si.” 18Juda ahunda lo, atene: “Nyen laa mo ye mbi zia na mo, nyen?” Wali ni akiri tënë, atene: “Zia na mbi *ye ti kpongo na nzoroko ti mo, kamba ni kue, na keke so mo gbu na maboko ti mo so.” Juda amu ni na lo, aduti na lo si lo mu ngo. 19Wali ni alondo, lo kiri na ndo ti lo; lo zi bongo ni si lo kiri lo yu bongo ti mua ti lo.
20Juda atokua mba ti lo, zo ti kodro ti Adulam titene lo gue na kete koli-taba ni si lo mu aye ti lo so lo zia ni na ndo ti wali so. Me mba ti lo ni ague, awara wali ni pepe. 21Lo hunda azo ti kodro ni kâ, lo tene: “Wali-ndumba so ayeke duti na yanga ti kodro ti Enaim, na tere ti lege so, ayeke na ndo wa?” Azo ni akiri tënë na lo, atene: “Mbeni wali-ndumba ayeke ti lo ge pepe.” 22Lo kiri, lo wara Juda si lo tene na Juda, lo tene: “Mbi wara lo pepe. Azo ti ndo ni kâ atene na mbi atene, mbeni wali-ndumba ayeke na ndo ni so pepe.” 23Juda atene: “Zia aye ni angba na lo kâ! E ye ti ga buba na le ti azo pepe. Mbi tokua na lo kete koli-taba awe si mo wara lo pepe!”
24Nduru na nze ota na pekoni, azo atene na Juda: “Tamar, wali ti molenge ti mo asara ye ti ndumba si lo mu ngo ti ndumba ni.” Juda amu yanga, atene: “Ala gboto lo na gigi, a gbi lo na wâ.”
25So ala mu Tamar ti sigigi na lo, lo tokua ndo na kogara ti lo, atene: “Ngo so ayeke na ya ti mbi ayeke ngo ti wa ti aye so ayeke na maboko ti mbi so. Baa, ye ti kpongo na nzoroko so, na kamba ni kue na keke so ayeke ti zo wa?” 26Juda ahinga aye ni so si lo tene: “Wali so asara ye mbirimbiri ahon mbi, ngbanga ti so mbi mu lo na molenge ti mbi Shela pepe.” Juda akiri aduti na lo koli na wali pepe.
27Na ndembe ti dungo ti lo, ala baa so amolenge ti ngbo si ayeke na ya ti lo. 28Na dungo ti lo, mbeni molenge ni oko ayoro maboko ti lo na gigi. Wali so ayeke mu molenge na tere ti awali so agbu maboko ti molenge ni; lo kanga mbeni bengba kamba daa, lo tene: “Molenge so laa asigigi kozo.” 29Me molenge ni so akiri agboto maboko ti lo si ita ti lo asigigi. Tongaso wali so ayeke mu molenge na tere ti awali so atene: “Mara ti zingo lege ti nyen laa mo zi na ngangu tongaso so?” Ala di iri ti lo Peres. 30Na pekoni, ita ti lo asigigi na bengba kamba ni na maboko ti lo. Ala di iri ti lo Zera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010