တမၢၼ်ႇ ၵႂၢမ်းၼမ်း
ၵႂၢမ်းၼမ်း
ပိုၼ်းၼႃႈၵၢၼ်တမၢၼ်ႇၸဝ်ႈ၊ၼႆႉ ၵေႃႉတႅမ်ႈမၼ်းပဵၼ်မေႃယႃလုၵႃႇ၊ပဵၼ်ၵေႃႉလဵဝ်ၵၼ်တင်းၵေႃႉဢၼ်တႅမ်ႈၶၢဝ်ႇတြႃးသိူဝ်းပျေႃႇလုၵႃႇ၊ၼၼ်ႉဢေႃႈ။ ၵျၢမ်းၽိုၼ်ၼႆႉၵူၼ်းၵမ်ႈၽွင်ႈၵေႃႈဝႃႈ၊ထုၵ်ႇလီႁွင်ႉပိုၼ်းၼႃႈၵၢၼ်ဝိၺိၺ်ႇမူတ်းၸၢင်ႇၸဝ်ႈ၊ဝႃႈၼႆ၊ၵွပ်ႈပိူဝ်ႈလႆႈႁၼ်တၢင်းဢၼ်ဝိၺိၺ်ႇမူတ်းၸၢင်ႇၸဝ်ႈႁဵတ်းၵၢၼ်ၼမ်ၼႃႇၵႃႈၼႂ်းၵျၢမ်းၼႆႉဢေႃႈ။ ၵျၢမ်းၼႆႉထၢင်ႇဝႃႈ၊မေႃယႃလုၵႃႇ၊လႆႈတႅမ်ႈဝၢႆးလင်ၵျၢမ်းမတ်ႈထႄႇ၊ၵျၢမ်းမႃႇၵု၊ၵျၢမ်းလုၵႃႇ၊လႄႈ ဝၢႆးလင်ဢၼ်သြႃႇပေႃးလု၊လႆႈၶၢမ်ႇတၢင်းဢၼ်ၶုၼ်ႁေႃၶမ်းၼေႇရူဝ်း၊ဢဝ်တၢႆၼၼ်ႉဢေႃႈ။ ၵျၢမ်းပိုၼ်းၼႃႈၵၢၼ်တမၢၼ်ႇၸဝ်ႈ၊ၼႆႉ မေႃယႃလုၵႃႇ၊တႅမ်ႈမိူဝ်ႈပီၸဝ်ႈၶရိၸ်ႈ၊80 (A.D. 80) ၵႃႈတီႈဝဵင်းရူဝ်းမႃႉ၊ဢမ်ႇၼၼ်ၵႃႈတီႈသေဝဵင်းဝဵင်းၵႃႈၼႂ်းမိူင်းၵရိၵ်ႉ၊ၼၼ်ႉဢေႃႈ။
ၵျၢမ်းၼႆႉလၢတ်ႈၼႄလွင်ႈတပႄးဢၼ်ၸွမ်းလင်ၸဝ်ႈယေႇသု၊ၸဵမ်မိူဝ်ႈႁူဝ်ပိုင်းၸိူဝ်းၼၼ်ႉ၊လႆႈၶၢမ်ႇဢဝ်ဝိၺိၺ်ႇမူတ်းၸၢင်ႇၸဝ်ႈသေလႄႈႁေႃးလၢတ်ႈၶၢဝ်ႇတြႃးသိူဝ်းပျေႃႇလွင်ႈၸဝ်ႈယေႇသု၊ “ၸႃႉၸဵမ်ဝဵင်းယေႇရုသလႅမ်ႇ၊ၶဝ်ႈၵႂႃႇထိုင်ၵႃႈၼႂ်းမိူင်းယုတႃႉ၊ၵူႈတီႈၵူႈလႅၼ်တင်းမိူင်းသမႃႇရိ၊တေႃႇထိုင်လႅၼ်လိၼ်သုတ်းလိၼ်မိူင်းၼၼ်ႉဢေႃႈ၊” (1:8)။ ၽိုၼ်လိၵ်ႈၼႆႉ၊ပဵၼ်ပိုၼ်းလွင်ႈဢၼ်ၶရိၸ်ႈယၢၼ်ႇတင်းလၢႆ၊ပွင်ႁဵတ်းၵၢၼ်သႃႇသၼႃႇၵႃႈၼႂ်းၵူၼ်းမဵဝ်းၵျူး၊ၶဝ်လႄႈ ယႂ်ႇၽႄႈၸွတ်ႇတူဝ်ႈၶဝ်ႈထိုင်ၵူၼ်းၵူႈတီႈၵူႈလႅၼ်ၼႂ်းလိၼ်မိူင်းၼႆႉ လႆႈယုမ်ႇမၢတ်ႈဢေႃႈ။ သြႃႇလၵႃႇ၊ၶႂ်ႈႁႂ်ႈၵူၼ်းဢၼ်ၽတ်းဢၢၼ်ႇလိၵ်ႈၼႆႉ၊ႁုဝႃႈၶရိၸ်ႈယၢၼ်ႇပဵၼ်ၵူၼ်းဢၼ်ယႃႉၵဝ်းဢၸူဝ်းယႃႉရူဝ်းမႃႉ၊ၶဝ်ဢမ်ႇၸႂ်ႈ၊တၢင်းယုမ်ႇမၢတ်ႈၶရိၸ်ႈယၢၼ်ႇၸိုင်၊ပဵၼ်တၢင်းဢၼ်ထၢပ်ႈထႅင်ႈႁႂ်ႈၽႃႇသႃႇၵျူး၊ၶဝ်ပျေႉၸုမ်ႇမႃးၼၼ်ႉဢေႃႈ။
ၽိုၼ်လိၵ်ႈပိုၼ်းၼႃႈၵၢၼ်တမၢၼ်ႇၸဝ်ႈၼႆႉ၊ၽႄမႅင်ႇပဵၼ်သၢမ်တွၼ်ႈဝႆႉလႄႈၸၢပ်ႈသႅင်ႇၵၼ်တင်းၶၢဝ်ႇတြႃးသိူဝ်းပျေႃႇလွင်ႈၸဝ်ႈယေႇသု၊ႁေႃးလၢတ်ႈသေယဝ်ႉ၊ယႂ်ႇၽႄႈၸွတ်ႇတူဝ်ႈၵႂႃႇ၊ဢိၵ်ႇတင်းၸိူဝ်းၸဝ်ႈၼမ်ၼႃႇတႄႇတင်ႈပဵၼ်မႃးၼၼ်ႉဢေႃႈ။ ၼႂ်းသၢမ်တွၼ်ႈၼၼ်ႉ၊ (1) လွင်ႈတႄႇၸႃႉၼႃႈၵၢၼ်သႃႇသၼႃႇၶရိၸ်ႈယၢၼ်ႇၸႃႉၸဵမ်ဝဵင်းယေႇရုသလႅမ်ႇ၊ဝၢႆးသေၸဝ်ႈယေႇသု၊ၵျွၶိုၼ်ႈမိူင်းၵၢင်ႁၢဝ်ၵႂႃႇယဝ်ႉ၊ (2) ၸွတ်ႇတူဝ်ႈၵႂႃႇတၢင်ႇတီႈၼႂ်းမိူင်းပႃႇလတိၼႃႉ၊ဢိၵ်ႇတင်း (3) သိုပ်ႇၸွတ်ႇတူဝ်ႈၵႂႃႇထိုင်မိူင်းဢၼ်မီးၸွမ်းၽင်ႇပၢင်ႇလၢႆႇမေႇတိထေးရီးယၼ်း၊တေႃႇထိုင်ႁွတ်ႈဝဵင်းလူင်ရူဝ်းမႃႉ၊ပုၼ်ႉၼၼ်ႉဢေႃႈ။
ဢၼၢၵ်ႈဢထိၵ်ႈပႄႇဢၼ်ဢယေးယႂ်ႇ၊ၼႂ်းၽိုၼ်လိၵ်ႈၼႆႉ၊ပဵၼ်ၼႃႈၵၢၼ်တၼ်းၶူဝ်းဝိၺိၺ်ႇမူတ်းၸၢင်ႇၸဝ်ႈ၊ဢၼ်လူင်းမႃးၸပ်းသႂ်ႇတပႄးၸဝ်ႈတင်းလၢႆ၊ၼႂ်းဝၼ်းပဵၼ်ႇတေႇၵုၵ်ႉတေႇ၊သေယဝ်ႉ၊သိုပ်ႇပၼ်ဢဵၼ်ပၼ်ႁႅင်းၼႄသဵၼ်ႈတၢင်းတီႈၸိူဝ်းၸဝ်ႈတင်းလၢႆ၊တင်းၵူၼ်းဢၼ်ဢွၼ်ႁူဝ်တင်းလၢႆဢေႃႈ။ တြႃးၶရိၸ်ႈယၢၼ်ႇမိူဝ်ႈၵေႃႇၸႃႉၸိူဝ်းၼၼ်ႉ၊တႅမ်ႈဝႆႉၼႂ်းၵႂၢမ်းႁေႃးတြႃးလၢႆ၊တီႈၼႂ်းၽိုၼ်လိၵ်ႈပိုၼ်းၼႃႈၵၢၼ်တမၢၼ်ႇၸဝ်ႈၼႆႉလႄႈတႅမ်ႈမၢတ်ႈမၢႆဝႆႉလွင်ႈတၼ်းၶူဝ်းတြႃးၸဝ်ႈတိုၵ်းသူၼ်းၸႂ်တပႄးၸဝ်ႈတင်းလၢႆ၊ႁႂ်ႈမီးမိၵ်ႈသႁႃႇယႃႉၼႂ်းၸိူဝ်းၸဝ်ႈတင်းလၢႆၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
တၢင်းဢၼ်မႄးႁႅၼ်းပုၼ်ႈဢၼ်တၵ်းၶၢမ်ႇသၢၵ်ႈသေႇ 1:1-26
ၵ) ဢမိင်ႉတေႃႇတင်းၵတိတေႃႇၸဝ်ႈယေႇသု 1:1-14
ၶ) ၵေႃႉႁပ်ႉဢရႃႇတႅၼ်းတီႈယုတႃႉဢိသၵႃႇရေႇဢုတ်ႈ 1:15-26
တၢင်းဢၼ်ၶၢမ်ႇသၢၵ်ႈသေႇၼႂ်းဝဵင်းယေႇရုသလႅမ်ႇ 2:1-8:3
တၢင်းဢၼ်ၶၢမ်ႇသၢၵ်ႈသေႇၼႂ်းမိူင်းယုတႃႉ၊တင်းမိူင်းသမႃႇရိ 8:4-12:25
ၵၢၼ်သႃႇသၼႃႇသြႃႇပေႃးလု၊သၢင်ႈႁဵတ်း 13:1-28:31
ၵ) ၶၢဝ်းတၢင်းဢၼ်ဢွၵ်ႇႁေႃးတြႃးပွၵ်ႈတီႈၼိုင်ႈ 13:1-14:28
ၶ) ပၢင်ၵုမ်လူင်ၼႂ်းဝဵင်းယေႇရုသလႅမ်ႇ 15:1-35
င) ၶၢဝ်းတၢင်းဢၼ်ဢွၵ်ႇႁေႃးတြႃးပွၵ်ႈတီႈသွင် 15:36-18:22
ၸ) ၶၢဝ်းတၢင်းဢၼ်ဢွၵ်ႇႁေႃးတြႃးပွၵ်ႈတီႈသၢမ် 18:23-21:16
သ) သြႃႇပေႃးလု၊တူၵ်းထွင်ႇၼႂ်းဝဵင်းသၢမ်ဝဵင်း 21:17-28:31
Currently Selected:
တမၢၼ်ႇ ၵႂၢမ်းၼမ်း: SHNCL
Highlight
Share
Copy
Want to have your highlights saved across all your devices? Sign up or sign in