KO ‘EKISOTO 10
10
Ko e Fanga He‘e
1PEA na‘e folofola ‘a Sihova kia Mōsese, Hū atu kia Felo; he kuo u fakapepe‘e hono loto mo e loto ‘o ‘ene kau tamaio‘eiki, koe‘uhi ke u fai ‘a e ngaahi faka‘ilonga ni ‘i honau ‘ao: 2pea koe‘uhi ke ke ‘a‘au ‘i he telinga ‘o ho‘o fānau mo e fānau ‘a ho‘o fānau ‘a ‘eku fai tūkuingata ‘i ‘Isipite, mo e ngaahi faka‘ilonga kuo u fokotu‘u ‘i honau lotolotonga; ke mou ‘ilo ko Sihova au.
3Pea hū mai ‘a Mōsese mo ‘Ēlone kia Felo, ‘o na pehē kiate ia, Ko eni ‘a e folofola ‘a Sihova ko e ‘Otua ‘o ha‘a Hepelū, ‘E ngata ‘afē ho‘o ta‘efie fakavaivai‘i koe? Tukuange hoku kakai ke nau tauhi kiate au. 4He kapau te ke fakafisi ke tukuange hoku kakai, ko au eni te u ‘omi ‘apongipongi ‘a e he‘e ki ho tafafonua: 5pea te nau ‘ufi‘ufi ‘a e mata ‘o e fonua, pea ‘e ‘ikai lava ke sio ki he kelekele: pea te nau kai hono toe kuo hao, ‘a ia na‘e fakahaofi ma‘amoutolu mei he ‘uha maka, pea te nau keina ‘a e ‘akau kotoa pē, ‘a ia kuo tupu ma‘amoutolu ‘i he vao: 6pea te nau fakafonu ho ngaahi fale mo e ngaahi fale ‘o ho‘o kau tamaio‘eiki fuli pē, mo e ngaahi fale ‘o e kakai ‘Isipite kotoa pē; ha me‘a kuo te‘eki ke mamata ki ai ho‘o ngaahi tamai, pe ko e ngaahi tamai ‘a ho‘o ngaahi tamai, talu e ‘aho ‘o ‘enau tu‘u mai ki he kelekele ni, ‘o a‘u ki he ‘aho ko eni. Pea ne tafoki ‘o hū kitu‘a meia Felo.
7Pea fakatau folofola ‘a e kau tamaio‘eiki ‘a Felo ki he‘ene ‘Afio, ‘E ngata ‘afē ‘a e ‘iate kitautolu ‘a e siana ni mo ‘ene tauhele mai? Tukuange mu‘a ‘a e kau tangata, ke nau tauhi kia Sihova ko honau ‘Otua. Kuo te‘eki ke ke mea‘i kuo ‘auha ‘a ‘Isipite?
8Pea na‘e fakafoki mai ‘a Mōsese mo ‘Ēlone kia Felo: pea ne folofola kiate kinaua: Mo ō pē, ‘o tauhi ‘a Sihova ko homou ‘Otua.
9Ko hai mo hai ‘e ‘alu? Pea tali ‘e Mōsese, Te mau ‘alu mo ‘emau kau talavou, mo ‘emau mātu‘a, mo ‘emau fānau tangata, mo ‘emau fānau fefine, mo ‘emau fanga sipi, mo ‘emau fanga manu lalahi: he ‘oku ‘i ai ‘emau kātoanga kia Sihova.
10Pea folofola kiate kinaua, ‘E tatau ‘a e ‘iate kimoutolu ‘a Sihova pea mo ha‘aku tuku atu kimoutolu mo ho‘omou tamaiki; vakai he ko e kovi ‘oku mou sio ki ai. ‘E ‘ikai ia. 11Pe‘i ‘alu ‘a kimoutolu tangata, ‘o tauhi kia Sihova; he ko ia ia na‘a mou kole ki ai. Pea na‘e kapusi kinaua mei he ‘ao ‘o Felo.
12Pea folofola ‘a Sihova kia Mōsese, Mafao atu ho nima ki he fonua ‘o ‘Isipite ki he he‘e, ke nau ‘alu hake ki he fonua ‘o ‘Isipite, ‘o keina ‘a e mohuku kotoa ‘o e fonua, ‘a ia kotoa na‘e hao ‘i he ‘uha maka. 13Pea mafao atu ‘e Mōsese hono tokotoko ki he fonua ‘o ‘Isipite, pea na‘e fakaangi ‘e Sihova ‘a e matangi hahake ki he fonua ‘i he ‘aho kotoa ko ia mo e pō kotoa; pongipongi hake kuo ‘omi ‘e he matangi hahake ‘a e he‘e. 14Pea na‘e ‘alu hake ‘a e he‘e ki he fonua kotoa ‘o ‘Isipite, ‘o tālolo ‘i hono ngaahi feitu‘u kotoa: ko e me‘a mamafa ‘aupito; na‘e ‘ikai ha he‘e pehē ‘i mu‘a, pea ‘e ‘ikai pehē ki mui.#Fkhā 9.2-3 15He na‘a nau ‘ufi‘ufi ‘a e mata ‘o e fonua kotoa, pea na‘e fakapo‘uli ‘a e fonua; pea na‘a nau kai ‘a e mohuku kotoa ‘o e fonua, pea mo e fua kotoa ‘o e ‘akau na‘e toe mei he ‘uha maka: pea na‘e ‘ikai toe ha momo‘i me‘a mata ‘i he ‘akau pe ‘i he mohuku ‘o e vao ‘i he ngaahi feitu‘u kotoa pē ‘o ‘Isipite.
16Pea fakato‘oto‘o ‘e Felo ke ui mai ‘a Mōsese mo ‘Ēlone, ‘o ne pehē, Kuo u angahala kia Sihova ko homou ‘Otua, pea kiate kimoua. 17Ka ko eni ke mo fakamolemole mu‘a ‘a ‘eku angahala, ‘a e tā tu‘o taha ni pē, ‘o mo hūfia kia Sihova ko homo ‘Otua ke ne ‘ave meiate au ‘a e mate pē ko eni. 18Pea na‘a ne hū kitu‘a meia Felo, ‘o ne hū kia Sihova. 19Pea ne liliu ‘e Sihova ‘a e matangi ko e matangi lulunga mālohi ‘aupito, pea ne ‘ave ‘a e he‘e, ‘o laku ki he Tahi Kulokula;#10.19 Vakai ki he 13.18. na‘e ‘ikai toe ha he‘e ‘i he ngaahi feitu‘u kotoa pē ‘o ‘Isipite. 20Ka ka fakafefeka ‘e Sihova ‘a e loto ‘o Felo, pea na‘e ‘ikai te ne fie tukuange ‘a ‘Isileli.
Ko e Fakapo‘uli
21Pea folofola ‘a Sihova kia Mōsese, Mafao atu ho nima ki langi, pea ‘e hoko ha fakapo‘uli ki he fonua ‘o ‘Isipite; ‘io, ha po‘uli ‘e ala faa‘i. 22Pea mafao atu ‘e Mōsese hono nima ki langi, pea na‘e hoko ki he ngaahi feitu‘u ‘o ‘Isipite ha po‘uli ‘o e po‘uli, ‘o ‘aho tolu.#Saame 105.28; Fkhā 16.10 23Na‘e ‘ikai sio ‘a e taha ki he taha, pe tu‘u ha taha mei hono ta‘utu‘anga ‘i he ‘aho ‘e tolu: ka ko ha‘a ‘Isileli kotoa na‘e ‘i ai ha maama ‘i honau ngaahi nofo‘anga.
24Pea ui mai ‘e Felo ‘a Mōsese mo ‘Ēlone ‘o ne folofola ange, Ō, ‘o tauhi ‘a Sihova, ngata pē ‘i ho‘omou fanga sipi mo ho‘omou manu lalahi ‘e talifaki: ke mou ō foki mo ho‘omou tamaiki.
25Ka ka tali ‘e Mōsese, Ka te ke tuku mai foki ke mau ‘ave ha ngaahi feilaulau mo ha ngaahi feilaulau tutu ke mau ngaohi ma‘a Sihova ko homau ‘Otua. 26‘Io, ‘e ‘alu mo kimautolu ‘emau fanga manu foki; ‘e ‘ikai tuku ha fo‘i pesipesi; he te mau to‘o mei ai ha me‘a ke tauhi ‘aki ‘a Sihova ko homau ‘Otua; pea tala‘ehai ‘oku mau ‘ilo pe ko e hā te mau tauhi ‘aki ‘a Sihova, kae‘oua ke mau a‘u ki he potu.
27Ka na‘e fakafefeka ‘e Sihova ‘a e loto ‘o Felo, pea na‘e ‘ikai te ne fie tukuange kinautolu. 28Pea folofola ‘a Felo kiate ia, ‘Alu meiate au, tokanga kia koe ke ‘oua na‘a ke toe sio ki hoku mata; he ko e ‘aho te ke sio ai ki hoku mata te ke mate ai.
29Pea tali ‘e Mōsese, Ko ia pē kuo ke folofola ki ai, ‘e ‘ikai te u toe sio ki ho fofonga.
Currently Selected:
KO ‘EKISOTO 10: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 10
10
Ko e Fanga He‘e
1PEA na‘e folofola ‘a Sihova kia Mōsese, Hū atu kia Felo; he kuo u fakapepe‘e hono loto mo e loto ‘o ‘ene kau tamaio‘eiki, koe‘uhi ke u fai ‘a e ngaahi faka‘ilonga ni ‘i honau ‘ao: 2pea koe‘uhi ke ke ‘a‘au ‘i he telinga ‘o ho‘o fānau mo e fānau ‘a ho‘o fānau ‘a ‘eku fai tūkuingata ‘i ‘Isipite, mo e ngaahi faka‘ilonga kuo u fokotu‘u ‘i honau lotolotonga; ke mou ‘ilo ko Sihova au.
3Pea hū mai ‘a Mōsese mo ‘Ēlone kia Felo, ‘o na pehē kiate ia, Ko eni ‘a e folofola ‘a Sihova ko e ‘Otua ‘o ha‘a Hepelū, ‘E ngata ‘afē ho‘o ta‘efie fakavaivai‘i koe? Tukuange hoku kakai ke nau tauhi kiate au. 4He kapau te ke fakafisi ke tukuange hoku kakai, ko au eni te u ‘omi ‘apongipongi ‘a e he‘e ki ho tafafonua: 5pea te nau ‘ufi‘ufi ‘a e mata ‘o e fonua, pea ‘e ‘ikai lava ke sio ki he kelekele: pea te nau kai hono toe kuo hao, ‘a ia na‘e fakahaofi ma‘amoutolu mei he ‘uha maka, pea te nau keina ‘a e ‘akau kotoa pē, ‘a ia kuo tupu ma‘amoutolu ‘i he vao: 6pea te nau fakafonu ho ngaahi fale mo e ngaahi fale ‘o ho‘o kau tamaio‘eiki fuli pē, mo e ngaahi fale ‘o e kakai ‘Isipite kotoa pē; ha me‘a kuo te‘eki ke mamata ki ai ho‘o ngaahi tamai, pe ko e ngaahi tamai ‘a ho‘o ngaahi tamai, talu e ‘aho ‘o ‘enau tu‘u mai ki he kelekele ni, ‘o a‘u ki he ‘aho ko eni. Pea ne tafoki ‘o hū kitu‘a meia Felo.
7Pea fakatau folofola ‘a e kau tamaio‘eiki ‘a Felo ki he‘ene ‘Afio, ‘E ngata ‘afē ‘a e ‘iate kitautolu ‘a e siana ni mo ‘ene tauhele mai? Tukuange mu‘a ‘a e kau tangata, ke nau tauhi kia Sihova ko honau ‘Otua. Kuo te‘eki ke ke mea‘i kuo ‘auha ‘a ‘Isipite?
8Pea na‘e fakafoki mai ‘a Mōsese mo ‘Ēlone kia Felo: pea ne folofola kiate kinaua: Mo ō pē, ‘o tauhi ‘a Sihova ko homou ‘Otua.
9Ko hai mo hai ‘e ‘alu? Pea tali ‘e Mōsese, Te mau ‘alu mo ‘emau kau talavou, mo ‘emau mātu‘a, mo ‘emau fānau tangata, mo ‘emau fānau fefine, mo ‘emau fanga sipi, mo ‘emau fanga manu lalahi: he ‘oku ‘i ai ‘emau kātoanga kia Sihova.
10Pea folofola kiate kinaua, ‘E tatau ‘a e ‘iate kimoutolu ‘a Sihova pea mo ha‘aku tuku atu kimoutolu mo ho‘omou tamaiki; vakai he ko e kovi ‘oku mou sio ki ai. ‘E ‘ikai ia. 11Pe‘i ‘alu ‘a kimoutolu tangata, ‘o tauhi kia Sihova; he ko ia ia na‘a mou kole ki ai. Pea na‘e kapusi kinaua mei he ‘ao ‘o Felo.
12Pea folofola ‘a Sihova kia Mōsese, Mafao atu ho nima ki he fonua ‘o ‘Isipite ki he he‘e, ke nau ‘alu hake ki he fonua ‘o ‘Isipite, ‘o keina ‘a e mohuku kotoa ‘o e fonua, ‘a ia kotoa na‘e hao ‘i he ‘uha maka. 13Pea mafao atu ‘e Mōsese hono tokotoko ki he fonua ‘o ‘Isipite, pea na‘e fakaangi ‘e Sihova ‘a e matangi hahake ki he fonua ‘i he ‘aho kotoa ko ia mo e pō kotoa; pongipongi hake kuo ‘omi ‘e he matangi hahake ‘a e he‘e. 14Pea na‘e ‘alu hake ‘a e he‘e ki he fonua kotoa ‘o ‘Isipite, ‘o tālolo ‘i hono ngaahi feitu‘u kotoa: ko e me‘a mamafa ‘aupito; na‘e ‘ikai ha he‘e pehē ‘i mu‘a, pea ‘e ‘ikai pehē ki mui.#Fkhā 9.2-3 15He na‘a nau ‘ufi‘ufi ‘a e mata ‘o e fonua kotoa, pea na‘e fakapo‘uli ‘a e fonua; pea na‘a nau kai ‘a e mohuku kotoa ‘o e fonua, pea mo e fua kotoa ‘o e ‘akau na‘e toe mei he ‘uha maka: pea na‘e ‘ikai toe ha momo‘i me‘a mata ‘i he ‘akau pe ‘i he mohuku ‘o e vao ‘i he ngaahi feitu‘u kotoa pē ‘o ‘Isipite.
16Pea fakato‘oto‘o ‘e Felo ke ui mai ‘a Mōsese mo ‘Ēlone, ‘o ne pehē, Kuo u angahala kia Sihova ko homou ‘Otua, pea kiate kimoua. 17Ka ko eni ke mo fakamolemole mu‘a ‘a ‘eku angahala, ‘a e tā tu‘o taha ni pē, ‘o mo hūfia kia Sihova ko homo ‘Otua ke ne ‘ave meiate au ‘a e mate pē ko eni. 18Pea na‘a ne hū kitu‘a meia Felo, ‘o ne hū kia Sihova. 19Pea ne liliu ‘e Sihova ‘a e matangi ko e matangi lulunga mālohi ‘aupito, pea ne ‘ave ‘a e he‘e, ‘o laku ki he Tahi Kulokula;#10.19 Vakai ki he 13.18. na‘e ‘ikai toe ha he‘e ‘i he ngaahi feitu‘u kotoa pē ‘o ‘Isipite. 20Ka ka fakafefeka ‘e Sihova ‘a e loto ‘o Felo, pea na‘e ‘ikai te ne fie tukuange ‘a ‘Isileli.
Ko e Fakapo‘uli
21Pea folofola ‘a Sihova kia Mōsese, Mafao atu ho nima ki langi, pea ‘e hoko ha fakapo‘uli ki he fonua ‘o ‘Isipite; ‘io, ha po‘uli ‘e ala faa‘i. 22Pea mafao atu ‘e Mōsese hono nima ki langi, pea na‘e hoko ki he ngaahi feitu‘u ‘o ‘Isipite ha po‘uli ‘o e po‘uli, ‘o ‘aho tolu.#Saame 105.28; Fkhā 16.10 23Na‘e ‘ikai sio ‘a e taha ki he taha, pe tu‘u ha taha mei hono ta‘utu‘anga ‘i he ‘aho ‘e tolu: ka ko ha‘a ‘Isileli kotoa na‘e ‘i ai ha maama ‘i honau ngaahi nofo‘anga.
24Pea ui mai ‘e Felo ‘a Mōsese mo ‘Ēlone ‘o ne folofola ange, Ō, ‘o tauhi ‘a Sihova, ngata pē ‘i ho‘omou fanga sipi mo ho‘omou manu lalahi ‘e talifaki: ke mou ō foki mo ho‘omou tamaiki.
25Ka ka tali ‘e Mōsese, Ka te ke tuku mai foki ke mau ‘ave ha ngaahi feilaulau mo ha ngaahi feilaulau tutu ke mau ngaohi ma‘a Sihova ko homau ‘Otua. 26‘Io, ‘e ‘alu mo kimautolu ‘emau fanga manu foki; ‘e ‘ikai tuku ha fo‘i pesipesi; he te mau to‘o mei ai ha me‘a ke tauhi ‘aki ‘a Sihova ko homau ‘Otua; pea tala‘ehai ‘oku mau ‘ilo pe ko e hā te mau tauhi ‘aki ‘a Sihova, kae‘oua ke mau a‘u ki he potu.
27Ka na‘e fakafefeka ‘e Sihova ‘a e loto ‘o Felo, pea na‘e ‘ikai te ne fie tukuange kinautolu. 28Pea folofola ‘a Felo kiate ia, ‘Alu meiate au, tokanga kia koe ke ‘oua na‘a ke toe sio ki hoku mata; he ko e ‘aho te ke sio ai ki hoku mata te ke mate ai.
29Pea tali ‘e Mōsese, Ko ia pē kuo ke folofola ki ai, ‘e ‘ikai te u toe sio ki ho fofonga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.