KO ‘EKISOTO 9
9
Ko e Mate ‘a e Monumanu
1PEA folofola ‘a Sihova kia Mōsese, Hū atu kia Felo, pea ke lea kiate ia ‘o pehē, Ko eni ‘a e lea ‘a Sihova ko e ‘Otua ‘o ha‘a Hepelū, Tukuange hoku kakai ke nau tauhi kiate au. 2He kapau te ke fakafisi ki hono tukuange, ka ke kei puke pē ki ai. 3Ko eni ‘e ala ‘e Sihova ki ho‘o fanga manu ‘a ia ‘oku ‘i he vao, ki he fanga hoosi, ki he fanga ‘asi, ki he fanga kāmeli, ki he pulu mo e sipi; ko e mahaki faka‘auha lahi ‘aupito. 4Pea ‘e vahe‘i ‘e Sihova ‘a e fanga manu ‘a ‘Isileli mei he fanga manu ‘a e kau ‘Isipite; ‘e ‘ikai mate ha momo‘i me‘a ‘i he koloa ‘a ha‘a ‘Isileli. 5Pea na‘e tu‘utu‘uni ‘e Sihova ha taimi he‘ene pehē, Ko e ‘apongipongi ‘e fai ‘e Sihova ‘a e me‘a ko ia ‘i he fonua ni.
6Pea na‘e fai ‘e Sihova ‘a e me‘a ko ia ‘i he ‘apongipongi, pea na‘e mate kotoa pē ‘a e fanga manu ‘i ‘Isipite; ka ‘i he fanga manu ‘a ha‘a ‘Isileli na‘e ‘ikai mate ai ha taha. 7Pea fekau atu ‘e Felo ke vakai, pea tā ‘i he fanga manu ‘a ‘Isileli kuo ‘ikai mate ha momo‘i toko taha. Pea na‘e fakafefeka ‘a e loto ‘o Felo, pea na‘e ‘ikai te ne tukuange ‘a e kakai ke ‘alu.
Ko e ngaahi Hangatāmaki
8Pea folofola ‘a Sihova kia Mōsese mo ‘Ēlone, Hanga ‘o to‘o ‘a e ngaahi falukunga efuefu ‘o e fōnise, pea ke fakapuna ia ki langi ‘e Mōsese ‘i he ‘ao ‘o Felo. 9Pea ‘e hoko ia ko e efu valevale, ‘o tō ki he feitu‘u kotoa pē ‘o ‘Isipite, pea ‘e tō ki he tangata mo e manu, ‘o hoko ko e hangatāmaki ‘oku fuhifuhi; ‘e pehē ‘i he fonua kotoa ‘o ‘Isipite. 10Pea na‘a na to‘o ‘a e efuefu ‘o e fōnise, ‘o na tutu‘u ‘i he ‘ao ‘o Felo; pea na‘e fakapuna ia ‘e Mōsese ki langi, pea na‘e hoko ia ko e hangatāmaki fuhifuhi na‘e fisiki mai ‘i he tangata mo e manu.#Fkhā 16.2 11Pea na‘e ‘ikai lava ‘e he kau maki ke tu‘u ‘i he ‘ao ‘o Mōsese koe‘uhi ko e hangatāmaki; he na‘e mo‘ua ‘a e kau maki ‘i he hangatāmaki, mo e kau ‘Isipite kotoa. 12Pea na‘e fakafefeka ‘e Sihova ‘a e loto ‘o Felo, pea na‘e ‘ikai te ne tokanga kiate kinaua; ‘o hangē ko ia na‘e fakahā ‘e Sihova kia Mōsese.
Ko e ‘Uha maka
13Pea folofola ‘a Sihova kia Mōsese, Ke ke tu‘u hengihengi hake, pea ‘alu ‘o tu‘u ‘i he ‘ao ‘o Felo, pea ke lea kiate ‘ia ‘o pehē, Ko eni ‘a e lea ‘a Sihova ko e ‘Otua ‘o ha‘a Hepelū, Tukuange hoku kakai ke nau tauhi kiate au. 14He ko e taimi ko eni te u ‘ai atu ‘eku ngaahi tā kotoa pē ki ho loto, mo ho‘o kau tamaio‘eiki pea mo ho kakai; koe‘uhi ke ke ‘ilo ‘oku ‘ikai ha taha hangē ko au ‘i māmani kātoa. 15He ko eni na‘a ku mei mafao atu hoku nima, ‘o u taa‘i koe mo ho kakai ‘aki ‘a e mahaki faka‘auha, kae tu‘usi koe mei māmani. 16Ka koe‘uhi na‘a ku fokotu‘u koe ki he me‘a ko eni, ke u fakahā ‘iate koe hoku ivi, pea koe‘uhi ke ongoongoa hoku hingoa ‘i māmani kātoa.#Lom 9.17 17Tā ‘oku ke kei fakamofuta mai ki hoku kakai, ‘o ‘ikai te ke tukuange? 18Vakai, ‘i he taimi ni ‘apongipongi ‘e lolo hifo ha ‘uha maka mamafa ‘aupito, ‘a ia kuo te‘eki ha‘ane pehē ‘i ‘Isipite talu hono fokotu‘u ‘o a‘u mai. 19Pea ko ia ke ke fekau atu ke fakahū ho‘o fanga manu mo ho‘o me‘a kātoa ‘oku ‘i he vao; ‘ilonga ‘a e tangata mo e manu ‘e ‘iloa ‘i he vao, ‘o ‘ikai ‘omi ki ‘api, ‘e ‘alu hifo ki ai ‘a e ‘uha maka, pea te nau mate. 20‘Ilonga ‘a ia ‘i he kau tamaio‘eiki ‘a Felo na‘a ne toka‘i ‘a e folofola ‘a Sihova na‘a ne fekau ke hola ki fale ‘ene kau tamaio‘eiki mo ‘ene fanga manu; 21pea ‘ilonga ‘a ia na‘e ‘ikai mamafa ki hono loto ‘a e folofola ‘a Sihova na‘a ne tuku ‘ene kau tamaio‘eiki mo ‘ene fanga manu ‘i he vao.
22Pea folofola ‘a Sihova kia Mōsese, Mafao ho nima ki langi, pea ‘e hoko ha ‘uha maka ‘i he fonua kotoa ‘o ‘Isipite, ‘o tō ki he kelekele mo e manu mo e mohuku kotoa ‘o e vao ‘i he fonua kotoa ‘o ‘Isipite. 23Pea mafao atu ‘e Mōsese hono tokotoko ki he langi; pea na‘e tuku mai ‘e Sihova ha fa‘a mana mo e ‘uha maka, pea lele holo ‘a e afi ‘i he kelekele; ‘io, na‘e faka‘uha hifo ‘e Sihova ‘a e ‘uha maka ki he fonua ko ‘Isipite. 24Pea na‘e hoko mai ‘a e ‘uha maka, pea fiofio takainga afi ‘a e ‘uha maka, ko e me‘a lahi ‘aupito, te‘eki hano tatau ‘i ha feitu‘u ‘e taha ‘o ‘Isipite talu ‘ene hoko ko e kakai.#Fkhā 8.7; 16.21 25Pea na‘e taa‘i ‘e he ‘uha maka, ‘i he ngaahi feitu‘u ‘o ‘Isipite, ‘a e me‘a kātoa na‘e ‘i he vao, ‘o fai mei he tangata ki he manu; pea ko e mohuku kotoa pē ‘o e vao na‘e te‘ia ‘e he ‘uha maka, ‘o ne fesi‘i ‘a e ‘akau kotoa ‘o e vao. 26Ngata pē ‘i he fonua ko Kōseni, ‘a ia na‘e ‘i ai ‘a ha‘a ‘Isileli, na‘e ‘ikai ai ha ‘uha maka.
27Pea fekau atu ‘e Felo ke ui mai ‘a Mōsese mo ‘Ēlone, ‘o ne pehē kiate kinaua, Tā kuo u angahala mo‘oni eni: tonuhia ‘a Sihova, ka ko au mo hoku kakai kuo hia. 28Mo hūfia kia Sihova ke ma‘u ā ‘a e le‘o ‘o ‘Elohimi mo e ‘uha maka, pea te u tuku atu kimoutolu, pea ‘e ‘ikai te mau toe tatali.
29Pea tali ki ai ‘e Mōsese, Ka u ka ‘alu ki tua‘ā kolo, te u fola hoku nima ni kia Sihova: ko e fa‘a mana ‘e tuku, pea ko e ‘uha maka ‘e ‘ikai kei ‘i ai; koe‘uhi ke ke mea‘i ‘oku ‘ia Sihova ‘a e fonua. 30Ka ko e me‘a kiate koe mo ho‘o kau tamaio‘eiki, ‘oku ou ‘ilo ‘e ‘ikai te mou ‘apasia leva kia Sihova ‘Otua.
31Pea na‘e te‘ia ‘a e falākisi mo e pa‘ale, he kuo fua ‘a e pa‘ale, 32pea kuo moto ‘a e falākisi; ka ko e uite mo e kusemi na‘e ‘ikai te‘ia, he na‘e tokamui.
33Pea ‘alu atu ‘a Mōsese meia Felo kitua‘ā, ‘o ne folahi hono nima kia Sihova: pea na‘e tuku ‘a e fa‘a mana, mo e ‘uha maka, pea na‘e ‘ikai kei tō ‘a e ‘uha ki he kelekele. 34Pea ‘i he vakai ‘e Felo kuo tuku ‘a e ‘uha mo e ‘uha maka mo e fa‘a mana, na‘a ne toe angahala, ‘o ne fakapepe‘e hono loto, ‘e ia mo ‘ene kau tamaio‘eiki. 35Pea na‘e fakafefeka ‘a e loto ‘o Felo, pea na‘e ‘ikai te ne tukuange ‘a ha‘a ‘Isileli, ‘o hangē ko e folofola ‘a Sihova na‘e fakafai ‘ia Mōsese.
Currently Selected:
KO ‘EKISOTO 9: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 9
9
Ko e Mate ‘a e Monumanu
1PEA folofola ‘a Sihova kia Mōsese, Hū atu kia Felo, pea ke lea kiate ia ‘o pehē, Ko eni ‘a e lea ‘a Sihova ko e ‘Otua ‘o ha‘a Hepelū, Tukuange hoku kakai ke nau tauhi kiate au. 2He kapau te ke fakafisi ki hono tukuange, ka ke kei puke pē ki ai. 3Ko eni ‘e ala ‘e Sihova ki ho‘o fanga manu ‘a ia ‘oku ‘i he vao, ki he fanga hoosi, ki he fanga ‘asi, ki he fanga kāmeli, ki he pulu mo e sipi; ko e mahaki faka‘auha lahi ‘aupito. 4Pea ‘e vahe‘i ‘e Sihova ‘a e fanga manu ‘a ‘Isileli mei he fanga manu ‘a e kau ‘Isipite; ‘e ‘ikai mate ha momo‘i me‘a ‘i he koloa ‘a ha‘a ‘Isileli. 5Pea na‘e tu‘utu‘uni ‘e Sihova ha taimi he‘ene pehē, Ko e ‘apongipongi ‘e fai ‘e Sihova ‘a e me‘a ko ia ‘i he fonua ni.
6Pea na‘e fai ‘e Sihova ‘a e me‘a ko ia ‘i he ‘apongipongi, pea na‘e mate kotoa pē ‘a e fanga manu ‘i ‘Isipite; ka ‘i he fanga manu ‘a ha‘a ‘Isileli na‘e ‘ikai mate ai ha taha. 7Pea fekau atu ‘e Felo ke vakai, pea tā ‘i he fanga manu ‘a ‘Isileli kuo ‘ikai mate ha momo‘i toko taha. Pea na‘e fakafefeka ‘a e loto ‘o Felo, pea na‘e ‘ikai te ne tukuange ‘a e kakai ke ‘alu.
Ko e ngaahi Hangatāmaki
8Pea folofola ‘a Sihova kia Mōsese mo ‘Ēlone, Hanga ‘o to‘o ‘a e ngaahi falukunga efuefu ‘o e fōnise, pea ke fakapuna ia ki langi ‘e Mōsese ‘i he ‘ao ‘o Felo. 9Pea ‘e hoko ia ko e efu valevale, ‘o tō ki he feitu‘u kotoa pē ‘o ‘Isipite, pea ‘e tō ki he tangata mo e manu, ‘o hoko ko e hangatāmaki ‘oku fuhifuhi; ‘e pehē ‘i he fonua kotoa ‘o ‘Isipite. 10Pea na‘a na to‘o ‘a e efuefu ‘o e fōnise, ‘o na tutu‘u ‘i he ‘ao ‘o Felo; pea na‘e fakapuna ia ‘e Mōsese ki langi, pea na‘e hoko ia ko e hangatāmaki fuhifuhi na‘e fisiki mai ‘i he tangata mo e manu.#Fkhā 16.2 11Pea na‘e ‘ikai lava ‘e he kau maki ke tu‘u ‘i he ‘ao ‘o Mōsese koe‘uhi ko e hangatāmaki; he na‘e mo‘ua ‘a e kau maki ‘i he hangatāmaki, mo e kau ‘Isipite kotoa. 12Pea na‘e fakafefeka ‘e Sihova ‘a e loto ‘o Felo, pea na‘e ‘ikai te ne tokanga kiate kinaua; ‘o hangē ko ia na‘e fakahā ‘e Sihova kia Mōsese.
Ko e ‘Uha maka
13Pea folofola ‘a Sihova kia Mōsese, Ke ke tu‘u hengihengi hake, pea ‘alu ‘o tu‘u ‘i he ‘ao ‘o Felo, pea ke lea kiate ‘ia ‘o pehē, Ko eni ‘a e lea ‘a Sihova ko e ‘Otua ‘o ha‘a Hepelū, Tukuange hoku kakai ke nau tauhi kiate au. 14He ko e taimi ko eni te u ‘ai atu ‘eku ngaahi tā kotoa pē ki ho loto, mo ho‘o kau tamaio‘eiki pea mo ho kakai; koe‘uhi ke ke ‘ilo ‘oku ‘ikai ha taha hangē ko au ‘i māmani kātoa. 15He ko eni na‘a ku mei mafao atu hoku nima, ‘o u taa‘i koe mo ho kakai ‘aki ‘a e mahaki faka‘auha, kae tu‘usi koe mei māmani. 16Ka koe‘uhi na‘a ku fokotu‘u koe ki he me‘a ko eni, ke u fakahā ‘iate koe hoku ivi, pea koe‘uhi ke ongoongoa hoku hingoa ‘i māmani kātoa.#Lom 9.17 17Tā ‘oku ke kei fakamofuta mai ki hoku kakai, ‘o ‘ikai te ke tukuange? 18Vakai, ‘i he taimi ni ‘apongipongi ‘e lolo hifo ha ‘uha maka mamafa ‘aupito, ‘a ia kuo te‘eki ha‘ane pehē ‘i ‘Isipite talu hono fokotu‘u ‘o a‘u mai. 19Pea ko ia ke ke fekau atu ke fakahū ho‘o fanga manu mo ho‘o me‘a kātoa ‘oku ‘i he vao; ‘ilonga ‘a e tangata mo e manu ‘e ‘iloa ‘i he vao, ‘o ‘ikai ‘omi ki ‘api, ‘e ‘alu hifo ki ai ‘a e ‘uha maka, pea te nau mate. 20‘Ilonga ‘a ia ‘i he kau tamaio‘eiki ‘a Felo na‘a ne toka‘i ‘a e folofola ‘a Sihova na‘a ne fekau ke hola ki fale ‘ene kau tamaio‘eiki mo ‘ene fanga manu; 21pea ‘ilonga ‘a ia na‘e ‘ikai mamafa ki hono loto ‘a e folofola ‘a Sihova na‘a ne tuku ‘ene kau tamaio‘eiki mo ‘ene fanga manu ‘i he vao.
22Pea folofola ‘a Sihova kia Mōsese, Mafao ho nima ki langi, pea ‘e hoko ha ‘uha maka ‘i he fonua kotoa ‘o ‘Isipite, ‘o tō ki he kelekele mo e manu mo e mohuku kotoa ‘o e vao ‘i he fonua kotoa ‘o ‘Isipite. 23Pea mafao atu ‘e Mōsese hono tokotoko ki he langi; pea na‘e tuku mai ‘e Sihova ha fa‘a mana mo e ‘uha maka, pea lele holo ‘a e afi ‘i he kelekele; ‘io, na‘e faka‘uha hifo ‘e Sihova ‘a e ‘uha maka ki he fonua ko ‘Isipite. 24Pea na‘e hoko mai ‘a e ‘uha maka, pea fiofio takainga afi ‘a e ‘uha maka, ko e me‘a lahi ‘aupito, te‘eki hano tatau ‘i ha feitu‘u ‘e taha ‘o ‘Isipite talu ‘ene hoko ko e kakai.#Fkhā 8.7; 16.21 25Pea na‘e taa‘i ‘e he ‘uha maka, ‘i he ngaahi feitu‘u ‘o ‘Isipite, ‘a e me‘a kātoa na‘e ‘i he vao, ‘o fai mei he tangata ki he manu; pea ko e mohuku kotoa pē ‘o e vao na‘e te‘ia ‘e he ‘uha maka, ‘o ne fesi‘i ‘a e ‘akau kotoa ‘o e vao. 26Ngata pē ‘i he fonua ko Kōseni, ‘a ia na‘e ‘i ai ‘a ha‘a ‘Isileli, na‘e ‘ikai ai ha ‘uha maka.
27Pea fekau atu ‘e Felo ke ui mai ‘a Mōsese mo ‘Ēlone, ‘o ne pehē kiate kinaua, Tā kuo u angahala mo‘oni eni: tonuhia ‘a Sihova, ka ko au mo hoku kakai kuo hia. 28Mo hūfia kia Sihova ke ma‘u ā ‘a e le‘o ‘o ‘Elohimi mo e ‘uha maka, pea te u tuku atu kimoutolu, pea ‘e ‘ikai te mau toe tatali.
29Pea tali ki ai ‘e Mōsese, Ka u ka ‘alu ki tua‘ā kolo, te u fola hoku nima ni kia Sihova: ko e fa‘a mana ‘e tuku, pea ko e ‘uha maka ‘e ‘ikai kei ‘i ai; koe‘uhi ke ke mea‘i ‘oku ‘ia Sihova ‘a e fonua. 30Ka ko e me‘a kiate koe mo ho‘o kau tamaio‘eiki, ‘oku ou ‘ilo ‘e ‘ikai te mou ‘apasia leva kia Sihova ‘Otua.
31Pea na‘e te‘ia ‘a e falākisi mo e pa‘ale, he kuo fua ‘a e pa‘ale, 32pea kuo moto ‘a e falākisi; ka ko e uite mo e kusemi na‘e ‘ikai te‘ia, he na‘e tokamui.
33Pea ‘alu atu ‘a Mōsese meia Felo kitua‘ā, ‘o ne folahi hono nima kia Sihova: pea na‘e tuku ‘a e fa‘a mana, mo e ‘uha maka, pea na‘e ‘ikai kei tō ‘a e ‘uha ki he kelekele. 34Pea ‘i he vakai ‘e Felo kuo tuku ‘a e ‘uha mo e ‘uha maka mo e fa‘a mana, na‘a ne toe angahala, ‘o ne fakapepe‘e hono loto, ‘e ia mo ‘ene kau tamaio‘eiki. 35Pea na‘e fakafefeka ‘a e loto ‘o Felo, pea na‘e ‘ikai te ne tukuange ‘a ha‘a ‘Isileli, ‘o hangē ko e folofola ‘a Sihova na‘e fakafai ‘ia Mōsese.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.