KO ‘EKISOTO 12
12
Ko e Pāsová
1PEA folofola ‘a Sihova kia Mōsese mo ‘Ēlone ‘i he fonua ko ‘Isipite ‘o pehē, 2Ko e māhina ko eni ko e ‘ulu ‘o e ngaahi māhina kiate kimoutolu, ko e ‘uluaki ia ‘i he ngaahi māhina ‘o homou ta‘u. 3Mo lea ki he Fakataha kātoa ‘o ‘Isileli, ‘o pehē, ‘I hono ‘aho hongofulu ‘o e māhina ni ke to‘o ‘e he tangata takitaha ha‘ane lami, ‘o fakafāmili pē, ko e lami ki he fāmili. 4Pea kapau ‘oku toko si‘i ‘a e fāmili ki he lami, pea ke kau ‘i hono to‘o ‘a ia ‘oku nofo vāofi mo hono fale, ‘o fakatatau ki he tokolahi ‘o e kakai: te mou lau ‘a e lami ‘o fakatatau ki he kai ‘a e tangata takitaha. 5‘E haohaoa ho‘omou lami, ko e manu tangata ‘oku ta‘u taha: te mou to‘o mei he sipi pe mei he kosi. 6Pea ‘e ‘iate kimoutolu ke tauhi ‘o a‘u ki hono hongofulu mā fā ‘o e ‘aho ‘i he māhina ni: pea te mou toki tāmate‘i ia efiafi hifo, ‘a hono kotoa ‘o e Fakataha ‘a ‘Isileli kātoa. 7Pea te nau to‘o ha toto mei ai, ‘o ‘ai ki he ongo pou matapā, mo e ‘akau fakalava ‘o e ngaahi fale ‘oku nau kai ai ia. 8Pea te nau kai ‘a e kakano ‘i he pō ko ia, kuo tunu ‘aki ‘a e afi, pea ai mo e mā ta‘elēvani; te nau kiki ‘aki ‘a e lou‘akau konokona. 9‘E ‘ikai te nau kai ia ‘oku ‘ota, pe momo‘i haka ‘i ha vai, ka ko e tunu pē ‘i he afi; ‘a hono ‘ulu mo e ngaahi alanga mo hono to‘oto‘onga. 10Pea ‘e ‘ikai te nau fakatoe ha me‘a mei ai ki he ‘apongipongi; pea ka ai hano me‘a ‘e toe ki he ‘apongipongi te nau tutu ‘aki ‘a e afi. 11Pea ko e anga eni ‘o ho‘omou kai ia; kuo ‘osi no‘o homou kongaloto, pea kuo ‘ai sū homou va‘e, ‘o ma‘u puke homou tokotoko: ‘io, te mou kai ia hangē ha teu ke hola: ko e Pāsova ia kia Sihova.
12He te u ‘asi atu ‘i ‘Isipite ‘i he pō ko ia, pea te u taa‘i ‘a e ‘uluaki tama kotoa pē ‘i he fonua ko ‘Isipite, ‘o fai mei he tangata ki he manu; pea te u fakaai ‘a e fakamaau ‘o e ngaahi ‘otua ‘o ‘Isipite: ko Sihova au. 13Pea ko e toto ko e faka‘ilonga ma‘amoutolu ‘i he ngaahi fale ‘oku mou ‘i ai; pea ka u ka mamata ki he toto te u lakai kimoutolu, pea ‘e ‘ikai tō kiate kimoutolu ‘a e tautea ke faka‘auha ‘i he‘eku fai ‘eku tā ‘i he fonua ko ‘Isipite. 14Pea ko e ‘aho ko ia ‘e hoko kiate kimoutolu ko e ‘aho ke manatua; pea te mou tauhi ia ko e kātoanga kia Sihova ‘i homou ngaahi to‘utangata; ko e tu‘utu‘uni ta‘engata, te mou tauhi ia ko e kātoanga.#‘Eki 23.15; 34.18; Lev 23.6-8; Nōm 28.17-25; Teu 16.3-8
Ko e Kātoanga Mā Ta‘eLēvani
15Ko e ‘aho ‘e fitu te mou kai mā ta‘elēvani; ‘io, ko e ‘uluaki ‘aho te mou li‘aki ‘a e lēvani mei homou ngaahi fale: he ‘ilonga ha kai me‘a lēvani, mei he ‘uluaki ‘aho ‘o a‘u ki hono fitu, ‘e tu‘usi ‘a e laumālie ko ia mei ‘Isileli. 16Pea ‘i he ‘uluaki ‘aho ‘e fai ha‘amou fakataha tapu, pea mo ha fakataha tapu ‘i hono fitu ‘o e ‘aho; ‘e ‘ikai fai ai ha momo‘i fatongia, ngata pē ‘i ha me‘akai ma‘a e kakai; ko ia pē te mou ngaohi. 17‘Io, te mou tauhi ‘a e Tapu-lēvani; he ‘i he fo‘i ‘aho ko ia ne u ‘omi homou ngaahi matatau mei he fonua ko ‘Isipite; ko ia te mou tauhi ‘a e ‘aho ko ia ‘o laui to‘utangata: ko e tu‘utu‘uni ta‘engata ia. 18‘I he ‘uluaki māhina mo hono hongofulu mā fā ‘o e ‘aho, efiafi, te mou kai mā ta‘elēvani, ‘o a‘u ki hono uofulu mā taha ‘o e ‘aho, efiafi. 19Ko e ‘aho ‘e fitu ‘e ‘ikai ‘iloa ‘a e lēvani ‘i homou ngaahi fale; he ‘ilonga ha kai mā lēvani, ‘e tu‘usi ‘a e laumālie ko ia mei he Fakataha ‘a ‘Isileli, pe ko ha muli ia, pe ko ha tupu ‘i he fonua. 20‘E ‘ikai te mou momo‘i kai ha me‘a lēvani; ‘i homou ngaahi nofo‘anga kotoa pē te mou kai mā ta‘elēvani.
Ko e ‘Uluaki Pāsová
21Pea ui mai ‘e Mōsese ‘a e kau Mātu‘a ‘o ‘Isileli, ‘o ne lea kiate kinautolu, ‘o pehē, Mou mātuku atu, ‘o to‘o lami ma‘a homou ngaahi fa‘ahinga, ‘o tāmate‘i ‘a e Pāsova. 22Pea te mou to‘o ha ‘ū ‘īsope, ‘o unu ki he toto ‘oku ‘i he pēsoni, ‘o pani ‘a e ‘akau fakalava mo e ongo pou matapā ‘aki ‘a e toto ‘oku ‘i he pēsoni; pea ‘e ‘ikai hū kitu‘a hamou toko taha ‘i he matapā ‘o hono fale, ‘o a‘u ki he ‘apongipongi. 23Koe‘uhi ‘e hā‘ele atu ‘a Sihova ke tautea ‘a e kau ‘Isipite; pea ‘oka ne ka ‘afio‘i ‘a e toto ‘i he ‘akau fakalava mo e ongo pou matapā, ‘e lakai ‘e Sihova ‘a e matapā, ‘o ‘ikai te ne tuku ‘a faka‘auha ke hū ki homou ngaahi fale ke tautea. 24Pea te mou tauhi ‘a e folofola ko ia ko e tu‘utu‘uni kiate koe mo ho hako ‘o ta‘engata. 25Pea ka faifai, ‘o mou hū ki he fonua ‘a ia ‘e ‘atu ‘e Sihova kiate kimoutolu, ‘o hangē ko ‘ene folofola, pea te mou tauhi ‘a e feinga ngāue ko eni. 26Pea ka faifai pea lea kiate kimoutolu ‘e ho‘omou fānau, ‘o pehē, Ko e hā ‘a e feinga ngāue ni kiate kimautolu? 27Pea te mou tali, Ko e feilaulau Pāsova ia kia Sihova, koe‘uhi ko ‘ene lakai ‘a e ngaahi fale ‘o ha‘a ‘Isileli ‘i ‘Isipite, ‘i he‘ene tautea ‘a e kau ‘Isipite, ka ne fakahaofi hotau ngaahi fale. Pea na‘e punou ‘a e kakai ‘o hū.
28Pea na‘e ‘alu ‘a ha‘a ‘Isileli ‘o fai hangē ko e tu‘utu‘uni ‘a Sihova ‘ia Mōsese mo ‘Ēlone, na‘e pehē ‘enau fai.
Ko e Mavahe ‘a e Kakai ‘Isilelí mei ‘Isipité
29Pea ‘iloange, ‘i he tu‘uapō, na‘e te‘ia ‘e Sihova ‘a e ‘uluaki tama kotoa pē ‘i he fonua ko ‘Isipite, ‘o fai mei he ‘uluaki ‘o Felo na‘e ‘afio ‘i hono taloni, ‘o a‘u ki he ‘uluaki ‘o e pōpula na‘e ‘i he pilīsone; pea mo e ‘uluaki tama kotoa pē ‘a e manu. 30Pea tu‘u hake po‘uli ‘a Felo, ‘a ia mo ‘ene kau tamaio‘eiki, mo e kau ‘Isipite kātoa; pea na‘e ai ha fu‘u tangi ‘i ‘Isipite, he na‘e ‘ikai ha fale ‘a ia kuo ‘ikai pekia ai ha taha. 31Pea ne ui ange po‘uli ‘a Mōsese mo ‘Ēlone, ‘o ne pehē ange, Tu‘u, ‘alu atu mei he lotolotonga ‘o hoku kakai, ‘a kimoua mo ha‘a ‘Isileli, ‘o mou ‘alu ‘o tauhi ‘a Sihova ‘o hangē ko ho‘omou fa‘a lau. 32‘Ave foki ho‘omou fanga manu iiki mo ho‘omou fanga manu lalahi, hangē ko ho‘omou lea, pea mou ō ā; pea tāpuaki‘i au foki.
33Pea na‘e fai mālohi ‘a e kau ‘Isipite ki he kakai ka nau fai vave, kae tukuange kinautolu mei he fonua; he na‘a nau pehē, Ko e koto mate pē kitautolu. 34Pea na‘e ‘ave ‘e he kakai ‘enau takaonga mā kuo te‘eki lēvani, kuo ha‘i ‘enau ngaahi natu‘anga mā ‘i honau pulupulu, ‘o hilifaki ki honau uma. 35Pea na‘e fai ‘e ha‘a ‘Isileli ‘o hangē ko e lea ‘a Mōsese, ‘o nau kole teunga siliva mo teunga koula mo ha ngaahi kofu mei he kau ‘Isipite: 36pea na‘e faka‘ofeina ‘a e kakai ‘e Sihova ‘i he ‘ao ‘o e kau ‘Isipite, ‘o nau fakanoo‘i kinautolu ke kole; ko ia na‘a nau mātu‘aki vete ‘a e kau ‘Isipite.
37Pea na‘e tuku fononga atu ‘a ‘Isileli mei Lamesisi ki Sūkote, ‘oku nau fe‘unga mo e toko ono kilu ‘a e kakai hā‘ele; ko e kau tangata ia, tukukehe ‘a e fānau. 38Pea na‘e ‘alu hake mo kinautolu ha koto fa‘ahinga kakai; kae‘uma‘ā ha fanga sipi mo ha fanga pulu, ko e fu‘u fanga manu tokolahi. 39Pea na‘a nau tunu keke ‘aki ‘a e takaonga mā na‘e ha‘u mo kinautolu mei ‘Isipite, he kuo te‘eki lēvani; he ne kapusi kinautolu mei ‘Isipite, pea na‘e ‘ikai te nau lava ke tatali, pea na‘e ‘ikai foki hanau ‘oho ‘e ngaohi.
40Pea ko e nofo ‘a ha‘a ‘Isileli ‘a ia na‘a nau fai ‘i ‘Isipite, ko e ta‘u ‘e fāngeau mā tolungofulu.#Sēn 15.13; Kal 3.17 41Pea ‘i he ‘osi ‘a e ta‘u ‘e fāngeau mā tolungofulu, ‘i he ‘aho pē ko ia na‘e ‘alu atu mei ‘Isipite ‘a e ngaahi matatau ‘o Sihova. 42Ko e pō ia ke mātu‘aki tauhi kia Sihova koe‘uhi ko ‘ene ‘omi kinautolu mei ‘Isipite; ko e pō eni ia ‘o Sihova ke mātu‘aki tauhi ‘e ha‘a ‘Isileli kotoa, ‘o laui to‘utangata.
Ko e ngaahi Tu‘utu‘uni ‘o e Pāsová
43Pea folofola ‘a Sihova kia Mōsese mo ‘Ēlone, ‘o pehē, Ko eni ‘a e tu‘utu‘uni ki he Pāsova. ‘Ilonga ‘a ha‘a muli ‘e ‘ikai te ne kai ai; 44ka ka ‘ilonga ha tamaio‘eiki ‘a ha tangata, ha taha kuo fakatau pa‘anga ka kuo ne kamu ia, te ne toki kai ai. 45Ko e nofo hili mai mo e unga ngāue ‘e ‘ikai kai ai. 46‘E kai ‘o ‘osi ‘i he fale pē ko ia; ‘e ‘ikai te mou ‘ave kitu‘a mei he fale ha me‘a mei he kakano; pea ‘e ‘ikai te mou fesi‘i hano hui ‘e taha ‘o‘ona.#Nōm 9.12; Sioné 19.36 47‘E fai ia ‘e he Fakataha kotoa ‘o ‘Isileli. 48Pea kapau ‘e nofo kiate kimoutolu ha muli, pea ‘oku ne fie fai ‘a e Pāsova kia Sihova, ke kamu mu‘a hono kakai ‘oku tangata, pea ka ne toki ‘unu‘unu mai ke fai; pea te ne tatau mo ha tupu ‘i he fonua; ka ‘e ‘ikai momo‘i kai ai ha tokotaha kuo ta‘ekamu. 49‘E taha tofu pē ‘a e lao ki he tupu ‘i he fonua, pea ki he muli ‘oku nofo hili mai. 50Pea na‘e fai ‘e ha‘a ‘Isileli kotoa ‘o hangē ko e tu‘utu‘uni ‘a Sihova ‘ia Mōsese mo ‘Ēlone na‘e pehē ‘enau fai. 51Pea na‘e hoko ‘i he ‘aho pē ko ia na‘e ‘oatu kitu‘a ‘e Sihova ‘a ha‘a ‘Isileli mei ‘Isipite faka-‘enau-ngaahi-matatau.
Currently Selected:
KO ‘EKISOTO 12: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 12
12
Ko e Pāsová
1PEA folofola ‘a Sihova kia Mōsese mo ‘Ēlone ‘i he fonua ko ‘Isipite ‘o pehē, 2Ko e māhina ko eni ko e ‘ulu ‘o e ngaahi māhina kiate kimoutolu, ko e ‘uluaki ia ‘i he ngaahi māhina ‘o homou ta‘u. 3Mo lea ki he Fakataha kātoa ‘o ‘Isileli, ‘o pehē, ‘I hono ‘aho hongofulu ‘o e māhina ni ke to‘o ‘e he tangata takitaha ha‘ane lami, ‘o fakafāmili pē, ko e lami ki he fāmili. 4Pea kapau ‘oku toko si‘i ‘a e fāmili ki he lami, pea ke kau ‘i hono to‘o ‘a ia ‘oku nofo vāofi mo hono fale, ‘o fakatatau ki he tokolahi ‘o e kakai: te mou lau ‘a e lami ‘o fakatatau ki he kai ‘a e tangata takitaha. 5‘E haohaoa ho‘omou lami, ko e manu tangata ‘oku ta‘u taha: te mou to‘o mei he sipi pe mei he kosi. 6Pea ‘e ‘iate kimoutolu ke tauhi ‘o a‘u ki hono hongofulu mā fā ‘o e ‘aho ‘i he māhina ni: pea te mou toki tāmate‘i ia efiafi hifo, ‘a hono kotoa ‘o e Fakataha ‘a ‘Isileli kātoa. 7Pea te nau to‘o ha toto mei ai, ‘o ‘ai ki he ongo pou matapā, mo e ‘akau fakalava ‘o e ngaahi fale ‘oku nau kai ai ia. 8Pea te nau kai ‘a e kakano ‘i he pō ko ia, kuo tunu ‘aki ‘a e afi, pea ai mo e mā ta‘elēvani; te nau kiki ‘aki ‘a e lou‘akau konokona. 9‘E ‘ikai te nau kai ia ‘oku ‘ota, pe momo‘i haka ‘i ha vai, ka ko e tunu pē ‘i he afi; ‘a hono ‘ulu mo e ngaahi alanga mo hono to‘oto‘onga. 10Pea ‘e ‘ikai te nau fakatoe ha me‘a mei ai ki he ‘apongipongi; pea ka ai hano me‘a ‘e toe ki he ‘apongipongi te nau tutu ‘aki ‘a e afi. 11Pea ko e anga eni ‘o ho‘omou kai ia; kuo ‘osi no‘o homou kongaloto, pea kuo ‘ai sū homou va‘e, ‘o ma‘u puke homou tokotoko: ‘io, te mou kai ia hangē ha teu ke hola: ko e Pāsova ia kia Sihova.
12He te u ‘asi atu ‘i ‘Isipite ‘i he pō ko ia, pea te u taa‘i ‘a e ‘uluaki tama kotoa pē ‘i he fonua ko ‘Isipite, ‘o fai mei he tangata ki he manu; pea te u fakaai ‘a e fakamaau ‘o e ngaahi ‘otua ‘o ‘Isipite: ko Sihova au. 13Pea ko e toto ko e faka‘ilonga ma‘amoutolu ‘i he ngaahi fale ‘oku mou ‘i ai; pea ka u ka mamata ki he toto te u lakai kimoutolu, pea ‘e ‘ikai tō kiate kimoutolu ‘a e tautea ke faka‘auha ‘i he‘eku fai ‘eku tā ‘i he fonua ko ‘Isipite. 14Pea ko e ‘aho ko ia ‘e hoko kiate kimoutolu ko e ‘aho ke manatua; pea te mou tauhi ia ko e kātoanga kia Sihova ‘i homou ngaahi to‘utangata; ko e tu‘utu‘uni ta‘engata, te mou tauhi ia ko e kātoanga.#‘Eki 23.15; 34.18; Lev 23.6-8; Nōm 28.17-25; Teu 16.3-8
Ko e Kātoanga Mā Ta‘eLēvani
15Ko e ‘aho ‘e fitu te mou kai mā ta‘elēvani; ‘io, ko e ‘uluaki ‘aho te mou li‘aki ‘a e lēvani mei homou ngaahi fale: he ‘ilonga ha kai me‘a lēvani, mei he ‘uluaki ‘aho ‘o a‘u ki hono fitu, ‘e tu‘usi ‘a e laumālie ko ia mei ‘Isileli. 16Pea ‘i he ‘uluaki ‘aho ‘e fai ha‘amou fakataha tapu, pea mo ha fakataha tapu ‘i hono fitu ‘o e ‘aho; ‘e ‘ikai fai ai ha momo‘i fatongia, ngata pē ‘i ha me‘akai ma‘a e kakai; ko ia pē te mou ngaohi. 17‘Io, te mou tauhi ‘a e Tapu-lēvani; he ‘i he fo‘i ‘aho ko ia ne u ‘omi homou ngaahi matatau mei he fonua ko ‘Isipite; ko ia te mou tauhi ‘a e ‘aho ko ia ‘o laui to‘utangata: ko e tu‘utu‘uni ta‘engata ia. 18‘I he ‘uluaki māhina mo hono hongofulu mā fā ‘o e ‘aho, efiafi, te mou kai mā ta‘elēvani, ‘o a‘u ki hono uofulu mā taha ‘o e ‘aho, efiafi. 19Ko e ‘aho ‘e fitu ‘e ‘ikai ‘iloa ‘a e lēvani ‘i homou ngaahi fale; he ‘ilonga ha kai mā lēvani, ‘e tu‘usi ‘a e laumālie ko ia mei he Fakataha ‘a ‘Isileli, pe ko ha muli ia, pe ko ha tupu ‘i he fonua. 20‘E ‘ikai te mou momo‘i kai ha me‘a lēvani; ‘i homou ngaahi nofo‘anga kotoa pē te mou kai mā ta‘elēvani.
Ko e ‘Uluaki Pāsová
21Pea ui mai ‘e Mōsese ‘a e kau Mātu‘a ‘o ‘Isileli, ‘o ne lea kiate kinautolu, ‘o pehē, Mou mātuku atu, ‘o to‘o lami ma‘a homou ngaahi fa‘ahinga, ‘o tāmate‘i ‘a e Pāsova. 22Pea te mou to‘o ha ‘ū ‘īsope, ‘o unu ki he toto ‘oku ‘i he pēsoni, ‘o pani ‘a e ‘akau fakalava mo e ongo pou matapā ‘aki ‘a e toto ‘oku ‘i he pēsoni; pea ‘e ‘ikai hū kitu‘a hamou toko taha ‘i he matapā ‘o hono fale, ‘o a‘u ki he ‘apongipongi. 23Koe‘uhi ‘e hā‘ele atu ‘a Sihova ke tautea ‘a e kau ‘Isipite; pea ‘oka ne ka ‘afio‘i ‘a e toto ‘i he ‘akau fakalava mo e ongo pou matapā, ‘e lakai ‘e Sihova ‘a e matapā, ‘o ‘ikai te ne tuku ‘a faka‘auha ke hū ki homou ngaahi fale ke tautea. 24Pea te mou tauhi ‘a e folofola ko ia ko e tu‘utu‘uni kiate koe mo ho hako ‘o ta‘engata. 25Pea ka faifai, ‘o mou hū ki he fonua ‘a ia ‘e ‘atu ‘e Sihova kiate kimoutolu, ‘o hangē ko ‘ene folofola, pea te mou tauhi ‘a e feinga ngāue ko eni. 26Pea ka faifai pea lea kiate kimoutolu ‘e ho‘omou fānau, ‘o pehē, Ko e hā ‘a e feinga ngāue ni kiate kimautolu? 27Pea te mou tali, Ko e feilaulau Pāsova ia kia Sihova, koe‘uhi ko ‘ene lakai ‘a e ngaahi fale ‘o ha‘a ‘Isileli ‘i ‘Isipite, ‘i he‘ene tautea ‘a e kau ‘Isipite, ka ne fakahaofi hotau ngaahi fale. Pea na‘e punou ‘a e kakai ‘o hū.
28Pea na‘e ‘alu ‘a ha‘a ‘Isileli ‘o fai hangē ko e tu‘utu‘uni ‘a Sihova ‘ia Mōsese mo ‘Ēlone, na‘e pehē ‘enau fai.
Ko e Mavahe ‘a e Kakai ‘Isilelí mei ‘Isipité
29Pea ‘iloange, ‘i he tu‘uapō, na‘e te‘ia ‘e Sihova ‘a e ‘uluaki tama kotoa pē ‘i he fonua ko ‘Isipite, ‘o fai mei he ‘uluaki ‘o Felo na‘e ‘afio ‘i hono taloni, ‘o a‘u ki he ‘uluaki ‘o e pōpula na‘e ‘i he pilīsone; pea mo e ‘uluaki tama kotoa pē ‘a e manu. 30Pea tu‘u hake po‘uli ‘a Felo, ‘a ia mo ‘ene kau tamaio‘eiki, mo e kau ‘Isipite kātoa; pea na‘e ai ha fu‘u tangi ‘i ‘Isipite, he na‘e ‘ikai ha fale ‘a ia kuo ‘ikai pekia ai ha taha. 31Pea ne ui ange po‘uli ‘a Mōsese mo ‘Ēlone, ‘o ne pehē ange, Tu‘u, ‘alu atu mei he lotolotonga ‘o hoku kakai, ‘a kimoua mo ha‘a ‘Isileli, ‘o mou ‘alu ‘o tauhi ‘a Sihova ‘o hangē ko ho‘omou fa‘a lau. 32‘Ave foki ho‘omou fanga manu iiki mo ho‘omou fanga manu lalahi, hangē ko ho‘omou lea, pea mou ō ā; pea tāpuaki‘i au foki.
33Pea na‘e fai mālohi ‘a e kau ‘Isipite ki he kakai ka nau fai vave, kae tukuange kinautolu mei he fonua; he na‘a nau pehē, Ko e koto mate pē kitautolu. 34Pea na‘e ‘ave ‘e he kakai ‘enau takaonga mā kuo te‘eki lēvani, kuo ha‘i ‘enau ngaahi natu‘anga mā ‘i honau pulupulu, ‘o hilifaki ki honau uma. 35Pea na‘e fai ‘e ha‘a ‘Isileli ‘o hangē ko e lea ‘a Mōsese, ‘o nau kole teunga siliva mo teunga koula mo ha ngaahi kofu mei he kau ‘Isipite: 36pea na‘e faka‘ofeina ‘a e kakai ‘e Sihova ‘i he ‘ao ‘o e kau ‘Isipite, ‘o nau fakanoo‘i kinautolu ke kole; ko ia na‘a nau mātu‘aki vete ‘a e kau ‘Isipite.
37Pea na‘e tuku fononga atu ‘a ‘Isileli mei Lamesisi ki Sūkote, ‘oku nau fe‘unga mo e toko ono kilu ‘a e kakai hā‘ele; ko e kau tangata ia, tukukehe ‘a e fānau. 38Pea na‘e ‘alu hake mo kinautolu ha koto fa‘ahinga kakai; kae‘uma‘ā ha fanga sipi mo ha fanga pulu, ko e fu‘u fanga manu tokolahi. 39Pea na‘a nau tunu keke ‘aki ‘a e takaonga mā na‘e ha‘u mo kinautolu mei ‘Isipite, he kuo te‘eki lēvani; he ne kapusi kinautolu mei ‘Isipite, pea na‘e ‘ikai te nau lava ke tatali, pea na‘e ‘ikai foki hanau ‘oho ‘e ngaohi.
40Pea ko e nofo ‘a ha‘a ‘Isileli ‘a ia na‘a nau fai ‘i ‘Isipite, ko e ta‘u ‘e fāngeau mā tolungofulu.#Sēn 15.13; Kal 3.17 41Pea ‘i he ‘osi ‘a e ta‘u ‘e fāngeau mā tolungofulu, ‘i he ‘aho pē ko ia na‘e ‘alu atu mei ‘Isipite ‘a e ngaahi matatau ‘o Sihova. 42Ko e pō ia ke mātu‘aki tauhi kia Sihova koe‘uhi ko ‘ene ‘omi kinautolu mei ‘Isipite; ko e pō eni ia ‘o Sihova ke mātu‘aki tauhi ‘e ha‘a ‘Isileli kotoa, ‘o laui to‘utangata.
Ko e ngaahi Tu‘utu‘uni ‘o e Pāsová
43Pea folofola ‘a Sihova kia Mōsese mo ‘Ēlone, ‘o pehē, Ko eni ‘a e tu‘utu‘uni ki he Pāsova. ‘Ilonga ‘a ha‘a muli ‘e ‘ikai te ne kai ai; 44ka ka ‘ilonga ha tamaio‘eiki ‘a ha tangata, ha taha kuo fakatau pa‘anga ka kuo ne kamu ia, te ne toki kai ai. 45Ko e nofo hili mai mo e unga ngāue ‘e ‘ikai kai ai. 46‘E kai ‘o ‘osi ‘i he fale pē ko ia; ‘e ‘ikai te mou ‘ave kitu‘a mei he fale ha me‘a mei he kakano; pea ‘e ‘ikai te mou fesi‘i hano hui ‘e taha ‘o‘ona.#Nōm 9.12; Sioné 19.36 47‘E fai ia ‘e he Fakataha kotoa ‘o ‘Isileli. 48Pea kapau ‘e nofo kiate kimoutolu ha muli, pea ‘oku ne fie fai ‘a e Pāsova kia Sihova, ke kamu mu‘a hono kakai ‘oku tangata, pea ka ne toki ‘unu‘unu mai ke fai; pea te ne tatau mo ha tupu ‘i he fonua; ka ‘e ‘ikai momo‘i kai ai ha tokotaha kuo ta‘ekamu. 49‘E taha tofu pē ‘a e lao ki he tupu ‘i he fonua, pea ki he muli ‘oku nofo hili mai. 50Pea na‘e fai ‘e ha‘a ‘Isileli kotoa ‘o hangē ko e tu‘utu‘uni ‘a Sihova ‘ia Mōsese mo ‘Ēlone na‘e pehē ‘enau fai. 51Pea na‘e hoko ‘i he ‘aho pē ko ia na‘e ‘oatu kitu‘a ‘e Sihova ‘a ha‘a ‘Isileli mei ‘Isipite faka-‘enau-ngaahi-matatau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.