KO ‘EKISOTO 13
13
Ko e Fakatāpui ‘o e ‘Uluaki Tamá
1PEA folofola ‘a Sihova kia Mōsese ‘o pehē, Fakatāpui ma‘aku ‘a e ‘uluaki tama tangata kotoa pē: 2‘ilonga ‘a e ‘olopo‘ou ‘i ha‘a ‘Isileli, ‘i he tangata mo e manu, ‘e ‘o‘oku ia.#Nōm 3.13; Luk 2.23
Ko e Kātoanga Mā Ta‘eLēvaní
3Pea lea ‘a Mōsese ki he kakai, ‘o pehē, Manatu‘i ‘a e ‘aho ko eni, ‘a ia kuo mou omi ai mei ‘Isipite, mei he fale hopoate; he ko e nima mālohi na‘e ‘omi ai kimoutolu ‘e Sihova mei ai: pea ‘e ‘ikai ha mā lēvani ‘e kai. 4Ko e ‘aho ni kuo mou hū ai kitu‘a, ‘i he māhina ni ko ‘Āpipi. 5Pea ka faifai pea fakahū koe ‘e Sihova ki he fonua ‘o ha‘a Kēnani, mo ha‘a Heti, mo ha‘a ‘Āmoli, mo ha‘a Hevi, mo ha‘a Siepusi, ‘a ia na‘a ne fuakava ki ho‘o ngaahi kui ke ‘atu mo‘ou, ko e fonua, ‘oku mahutafea ‘i he hu‘akau mo e honi, pea te ke toki tauhi ‘a e tu‘utu‘uni ‘i he māhina ko eni. 6Ko e ‘aho ‘e fitu te ke kai mā ta‘elēvani, pea ‘i hono fitu ‘o e ‘aho ‘e fai ha kātoanga kia Sihova. 7‘E kai mā ta‘elēvani ‘i he ngaahi ‘aho ‘e fitu; pea ‘e ‘ikai ‘ilo ‘iate koe ha mā lēvani; ‘io, ‘e ‘ikai ‘ilo ‘iate koe ha lēvani ‘i ho ngaahi feitu‘u kotoa pē. 8Pea te ke hīnoi‘i ho foha ‘i he ‘aho ko ia, ‘o pehē, Koe‘uhi ā ko e me‘a na‘e fai ‘e Sihova kiate au ‘i he‘eku hū kitu‘a mei ‘Isipite. 9Pea ‘e ‘iate koe ia mo‘o faka‘ilonga ‘i ho nima, pea mo‘o me‘a fakamanatu ‘i ho vaha‘a mata, koe‘uhi ke ‘i ho ngutu ‘a e lao ‘a Sihova: he ko e nima mālohi kuo ‘omi ai koe kitu‘a ‘e Sihova mei ‘Isipite. 10Ko ia, te ke tauhi ‘a e tu‘utu‘uni ko eni ‘i hono taimi totonu, ‘o laui ta‘u.
Ko e ‘Uluaki Tama
11Pea ko eni, ka faifai pea ‘omi koe ‘e Sihova ki he fonua ‘o ha‘a Kēnani, ‘o hangē ko ‘ene fuakava kiate koe mo ho‘o ngaahi kui, 12pea kuo ne ‘atu ia mo‘ou te ke toki vahe‘i ma‘a Sihova ‘a e ‘olopo‘ou kotoa pē, pea mo e ‘uluaki tama ‘a e manu ‘oku ‘iate koe: ka tangata ‘oku ‘a Sihova ia.#‘Eki 34.19-20; Luk 2.23 13Pea ko e ‘uluaki tama ‘a ha ‘asi te ke huhu‘i ‘aki ha sipi; pea kapau ‘e ‘ikai te ke huhu‘i ia te ke fesi‘i hono kia: ka ka ‘ilonga ha ‘olopo‘ou ‘a e kakai ‘i ho hako te ke huhu‘i pē. 14Pea ka faifai pea fehu‘i kiate koe ‘e ho foha ‘amui, ‘o pehē, Ko e hā ē? Pea te ke tali ki ai, Ko e nima mālohi na‘e ‘omi ai kimautolu ‘e Sihova mei ‘Isipite, mei he fale hopoate; 15pea ‘i he faifai pea fakafaingata‘a ‘e Felo homau tukuange, na‘e hanga ‘e Sihova ‘o tāmate‘i ‘a e ‘uluaki tama kotoa pē ‘i he fonua ‘o ‘Isipite, ‘o fai mei he ‘uluaki tama ‘a e kakai ki he ‘uluaki tama ‘a e manu; ko hono ‘uhinga ia ‘oku ou feilaulau ‘aki ai kia Sihova ‘a e ‘olopo‘ou kotoa pē ‘oku tangata; ka ‘ilonga ha ‘uluaki tama ‘o ‘eku fānau ‘oku ou huhu‘i. 16Pea ‘e ‘iate koe mo‘o faka‘ilonga ‘i ho nima, pea mo‘o failaketeli ki ho vaha‘a mata; he ko e nima mālohi na‘e ‘omi ai koe kitu‘a ‘e Sihova mei ‘Isipite.
Ko e Pou ‘Aó mo e Pou Afí
17Pea ko eni, ‘i he tukuange ‘a e kakai ‘e Felo, na‘e ‘ikai tuku ‘e ‘Elohimi ke nau fou ‘i he hala ‘o e fonua ‘o e kau Filisitia, neongo ko e ofi ia; he na‘e pehē ‘e ‘Elohimi, Na‘a momou ‘a e kakai ‘oka nau ka mamata ki he tau, ‘o nau foki ki ‘Isipite; 18ko ia na‘e fakafoki ‘a e kakai ‘e ‘Elohimi ‘i he hala ‘o e Toafa ‘o e Tahi Kulokula;#13.18 Tahi Kulokulá; (Ko hono faka-Hepelū totonú ko e Tahi Mohuku Vai fq). (1) Ko e ngaahi ano mo e anoano nai ia he vaha‘a ‘o e fakatokelau ‘o e Kōmaki Suesi (Suez) mo e Tahi Meteleniané. ‘Oku lau ‘e he kau mataotao vete Tohitapu meimei kotoa pē ko e feitu‘u ia na‘e hoko ai ‘a e ngaahi me‘a ‘oku fakamatala ki ai ‘a ‘Ekisoto 13. Na‘e ngāue‘aki ai pē ‘a e Tahi Mohuku Vaí ki he (2) Kōmaki Suesí (Suez), pea mo (3) ki he Kōmaki ‘Akapaá (Aqaba). pea na‘e ‘alu hake ‘a ha‘a ‘Isileli mei ‘Isipite kuo teuteu tau.
19Pea na‘e ‘ave ‘e Mōsese ‘a e ngaahi hui ‘o Siosifa; he kuo ne mātu‘aki fakafuakava ‘a ha‘a ‘Isileli, ‘o pehē, Kuo pau ke ‘a‘ahi ‘a e ‘Otua kiate kimoutolu; pea te mou hiki hoku ngaahi hui mei heni ‘i ho‘omou ō.#Sēn 50.25; Sios 24.32
20Pea na‘a nau tuku fononga mei Sūkote, ‘o nau fokotu‘u tēniti ‘i ‘Ētami, ‘i he ve‘e Toafa. 21Pea na‘e hā‘ele mu‘omu‘a ‘a Sihova kiate kinautolu, ka ‘aho ‘i ha pou ‘ao ke taki hala, ka po‘uli ‘i ha pou afi ke fakamaama kiate kinautolu; koe‘uhi ke nau fononga ‘aho mo po‘uli. 22Na‘e ‘ikai te ne ‘ave ‘a e pou ‘ao, ‘aho, pe ko e pou afi, po‘uli, mei he ‘ao ‘o e kakai.
Currently Selected:
KO ‘EKISOTO 13: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 13
13
Ko e Fakatāpui ‘o e ‘Uluaki Tamá
1PEA folofola ‘a Sihova kia Mōsese ‘o pehē, Fakatāpui ma‘aku ‘a e ‘uluaki tama tangata kotoa pē: 2‘ilonga ‘a e ‘olopo‘ou ‘i ha‘a ‘Isileli, ‘i he tangata mo e manu, ‘e ‘o‘oku ia.#Nōm 3.13; Luk 2.23
Ko e Kātoanga Mā Ta‘eLēvaní
3Pea lea ‘a Mōsese ki he kakai, ‘o pehē, Manatu‘i ‘a e ‘aho ko eni, ‘a ia kuo mou omi ai mei ‘Isipite, mei he fale hopoate; he ko e nima mālohi na‘e ‘omi ai kimoutolu ‘e Sihova mei ai: pea ‘e ‘ikai ha mā lēvani ‘e kai. 4Ko e ‘aho ni kuo mou hū ai kitu‘a, ‘i he māhina ni ko ‘Āpipi. 5Pea ka faifai pea fakahū koe ‘e Sihova ki he fonua ‘o ha‘a Kēnani, mo ha‘a Heti, mo ha‘a ‘Āmoli, mo ha‘a Hevi, mo ha‘a Siepusi, ‘a ia na‘a ne fuakava ki ho‘o ngaahi kui ke ‘atu mo‘ou, ko e fonua, ‘oku mahutafea ‘i he hu‘akau mo e honi, pea te ke toki tauhi ‘a e tu‘utu‘uni ‘i he māhina ko eni. 6Ko e ‘aho ‘e fitu te ke kai mā ta‘elēvani, pea ‘i hono fitu ‘o e ‘aho ‘e fai ha kātoanga kia Sihova. 7‘E kai mā ta‘elēvani ‘i he ngaahi ‘aho ‘e fitu; pea ‘e ‘ikai ‘ilo ‘iate koe ha mā lēvani; ‘io, ‘e ‘ikai ‘ilo ‘iate koe ha lēvani ‘i ho ngaahi feitu‘u kotoa pē. 8Pea te ke hīnoi‘i ho foha ‘i he ‘aho ko ia, ‘o pehē, Koe‘uhi ā ko e me‘a na‘e fai ‘e Sihova kiate au ‘i he‘eku hū kitu‘a mei ‘Isipite. 9Pea ‘e ‘iate koe ia mo‘o faka‘ilonga ‘i ho nima, pea mo‘o me‘a fakamanatu ‘i ho vaha‘a mata, koe‘uhi ke ‘i ho ngutu ‘a e lao ‘a Sihova: he ko e nima mālohi kuo ‘omi ai koe kitu‘a ‘e Sihova mei ‘Isipite. 10Ko ia, te ke tauhi ‘a e tu‘utu‘uni ko eni ‘i hono taimi totonu, ‘o laui ta‘u.
Ko e ‘Uluaki Tama
11Pea ko eni, ka faifai pea ‘omi koe ‘e Sihova ki he fonua ‘o ha‘a Kēnani, ‘o hangē ko ‘ene fuakava kiate koe mo ho‘o ngaahi kui, 12pea kuo ne ‘atu ia mo‘ou te ke toki vahe‘i ma‘a Sihova ‘a e ‘olopo‘ou kotoa pē, pea mo e ‘uluaki tama ‘a e manu ‘oku ‘iate koe: ka tangata ‘oku ‘a Sihova ia.#‘Eki 34.19-20; Luk 2.23 13Pea ko e ‘uluaki tama ‘a ha ‘asi te ke huhu‘i ‘aki ha sipi; pea kapau ‘e ‘ikai te ke huhu‘i ia te ke fesi‘i hono kia: ka ka ‘ilonga ha ‘olopo‘ou ‘a e kakai ‘i ho hako te ke huhu‘i pē. 14Pea ka faifai pea fehu‘i kiate koe ‘e ho foha ‘amui, ‘o pehē, Ko e hā ē? Pea te ke tali ki ai, Ko e nima mālohi na‘e ‘omi ai kimautolu ‘e Sihova mei ‘Isipite, mei he fale hopoate; 15pea ‘i he faifai pea fakafaingata‘a ‘e Felo homau tukuange, na‘e hanga ‘e Sihova ‘o tāmate‘i ‘a e ‘uluaki tama kotoa pē ‘i he fonua ‘o ‘Isipite, ‘o fai mei he ‘uluaki tama ‘a e kakai ki he ‘uluaki tama ‘a e manu; ko hono ‘uhinga ia ‘oku ou feilaulau ‘aki ai kia Sihova ‘a e ‘olopo‘ou kotoa pē ‘oku tangata; ka ‘ilonga ha ‘uluaki tama ‘o ‘eku fānau ‘oku ou huhu‘i. 16Pea ‘e ‘iate koe mo‘o faka‘ilonga ‘i ho nima, pea mo‘o failaketeli ki ho vaha‘a mata; he ko e nima mālohi na‘e ‘omi ai koe kitu‘a ‘e Sihova mei ‘Isipite.
Ko e Pou ‘Aó mo e Pou Afí
17Pea ko eni, ‘i he tukuange ‘a e kakai ‘e Felo, na‘e ‘ikai tuku ‘e ‘Elohimi ke nau fou ‘i he hala ‘o e fonua ‘o e kau Filisitia, neongo ko e ofi ia; he na‘e pehē ‘e ‘Elohimi, Na‘a momou ‘a e kakai ‘oka nau ka mamata ki he tau, ‘o nau foki ki ‘Isipite; 18ko ia na‘e fakafoki ‘a e kakai ‘e ‘Elohimi ‘i he hala ‘o e Toafa ‘o e Tahi Kulokula;#13.18 Tahi Kulokulá; (Ko hono faka-Hepelū totonú ko e Tahi Mohuku Vai fq). (1) Ko e ngaahi ano mo e anoano nai ia he vaha‘a ‘o e fakatokelau ‘o e Kōmaki Suesi (Suez) mo e Tahi Meteleniané. ‘Oku lau ‘e he kau mataotao vete Tohitapu meimei kotoa pē ko e feitu‘u ia na‘e hoko ai ‘a e ngaahi me‘a ‘oku fakamatala ki ai ‘a ‘Ekisoto 13. Na‘e ngāue‘aki ai pē ‘a e Tahi Mohuku Vaí ki he (2) Kōmaki Suesí (Suez), pea mo (3) ki he Kōmaki ‘Akapaá (Aqaba). pea na‘e ‘alu hake ‘a ha‘a ‘Isileli mei ‘Isipite kuo teuteu tau.
19Pea na‘e ‘ave ‘e Mōsese ‘a e ngaahi hui ‘o Siosifa; he kuo ne mātu‘aki fakafuakava ‘a ha‘a ‘Isileli, ‘o pehē, Kuo pau ke ‘a‘ahi ‘a e ‘Otua kiate kimoutolu; pea te mou hiki hoku ngaahi hui mei heni ‘i ho‘omou ō.#Sēn 50.25; Sios 24.32
20Pea na‘a nau tuku fononga mei Sūkote, ‘o nau fokotu‘u tēniti ‘i ‘Ētami, ‘i he ve‘e Toafa. 21Pea na‘e hā‘ele mu‘omu‘a ‘a Sihova kiate kinautolu, ka ‘aho ‘i ha pou ‘ao ke taki hala, ka po‘uli ‘i ha pou afi ke fakamaama kiate kinautolu; koe‘uhi ke nau fononga ‘aho mo po‘uli. 22Na‘e ‘ikai te ne ‘ave ‘a e pou ‘ao, ‘aho, pe ko e pou afi, po‘uli, mei he ‘ao ‘o e kakai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.