KO ‘EKISOTO 15
15
Ko e Hiva ‘a Mōsese
1Toki hiva‘aki ‘e Mōsese mo ha‘a ‘Isileli ‘a e hiva ni kia Sihova, ‘o nau pehē,
Te u hiva kia Sihova, he kuo ne lāngilangi‘ia lahi;
Ko e hoosi mo hono angi kuo ne laku ki tahi.
2Ko hoku mālohinga mo ‘eku ta‘anga ‘a IAA;#Saame 118.14; ‘Ais 12.2
Pea kuo ne hoko ko hoku fakamo‘ui‘anga,
Ko hoku ‘Otua eni, pea te u fakamālō‘ia;
Ko e ‘Otua ‘o ‘eku ngaahi kui, pea te u fakahīkihiki‘i ia.
3Ko e pāte‘i tau ‘a Sihova: Ko Sihova hono hingoa.
4Ko e ngaahi sāliote ‘a Felo mo ‘ene hōsitē kuo ne tolo ki tahi na:
‘Io, ko ‘ene kau kapiteni fili kuo pe‘ehi ‘i he Tahi Kulokula.
5‘Oku ‘ufi‘ufi kinautolu ‘e he ngaahi moana:
Na‘a nau ‘alu hifo ki he kilisitahi ‘o hangē ha maka.
6Ko ho nima to‘omata‘u, ‘e Sihova, kuo ongoongo ia ‘i he ivi lahi:
Ko ho nima to‘omata‘u, ‘e Sihova, ‘oku ne laiki ‘a e fili ke lailai.
7Pea ‘i he pehē fau ho lāngilangi‘ia
‘Oku ke tulaki ‘a kinautolu na‘e tu‘u ki he ‘Afiona.
‘Oku ke ‘ai atu ho houhau;
‘Oku ke keina kinautolu ‘o hangē ha kafukafu.
8‘Io, ‘i he mānava ‘o ho fofonga na‘e fokotu‘utu‘u ‘a e ngaahi vai,
Na‘e tu‘u hake ‘a e vai ‘o hangē ha puke,
Na‘e fefeka ‘a e tahi ‘i he loto moana.
9Na‘e pehē ‘e he fili,
Te u tuli, te u ma‘u.
Te u tufa ‘a e vete,
‘E topono hoku loto kiate kinautolu;
Te u unuhi ‘eku heletā,
‘E faka‘auha kinautolu ‘e hoku nima.
10Na‘a ke ifi ‘aki ho‘o mānava,
Na‘e ‘u‘ufi kinautolu ‘e he tahi:
Na‘e ngalo hangē ha pulu ‘i he ngaahi vai lalahi.
11Ko hai ‘i he ngaahi ‘otua ‘oku tatau mo koe, ‘e Sihova?
Ko hai ‘oku tatau mo koe, ko e lāngilangi‘ia ‘i he mā‘oni‘oni,
Ko e manavahē‘ia ‘i he fakamālō, ko e fai me‘a fakaofo?
12Na‘a ke mafao atu ho nima to‘omata‘u,
‘Oku fōngia ‘e he kelekele ‘a kinautolu.
13Kuo ke taki atu ‘i ho‘o ‘alo‘ofa ‘a e kakai ni ne ke huhu‘i;
Kuo ke tataki ‘i ho mālohi ki ho ‘afio‘anga tapu.
14Kuo fanongo ‘a e ngaahi kakai–‘oku nau ilifia:
Kuo puke ‘i he tete ‘a e nofo Filisitia.
15Toki tāfu‘ua ‘a e hou‘eiki ‘o ‘Ītomi ia.
Ko e kau to‘a ‘o Moape kuo nau puke ‘i he fakalīfulifusia:
Kuo vai ‘a e nofo Kēnani kotoa.
16‘Oku tō kiate kinautolu ‘a e tailiili mo e lilika;
‘I he lahi ‘o ho ivi ‘oku nau longo pē hangē ha maka;
Kae‘oua ke laka atu ho kakai, ‘e Sihova,
Kae‘oua ke laka atu ‘a e kakai ni kuo ke huhu‘ia.
17Te ke fakahū kinautolu, ‘o tō ‘i he mo‘unga ‘o ho tofi‘a,
‘A e potu kuo ke teuteu ko ho ‘afio‘anga, ‘e Sihova,
‘A e potu tapu, ‘e ‘Ātonai, kuo fokotu‘u ‘e ho nima.
18Ko Sihova te ne Hau ‘o lauikuonga pea ta‘engata.
19He na‘e hū ‘a e hoosi ‘a Felo mo ‘ene tau sāliote mo ‘ene tau heka hoosi ki tahi, pea na‘e fakafoki mai ‘e Sihova ‘a e ngaahi vai ‘o e tahi kiate kinautolu; ka ko ha‘a ‘Isileli na‘a nau laka ‘i he mōmoa ‘i he loto tahi.
20Pea ko Meliame ko e fefine palōfita, ko e tuofefine ‘o ‘Ēlone, na‘a ne to‘o ha nafa fāngongo, pea muimui kiate ia ‘a e kau fefine kotoa pē, ‘o nau ‘alu mo e ngaahi lali mo e me‘e. 21Pea fai ‘e Meliame ‘a e tali kiate kinautolu, ‘o pehē,
Hiva kia Sihova, he kuo ne lāngilangi‘ia lahi,
Ko e hoosi mo hono angi kuo ne laku ki tahi.
22Pea hiki ‘e Mōsese ‘a ‘Isileli mei he Tahi Kulokula, pea nau hū ai ki he toafa ‘o Sua; pea nau ‘alu ‘i he toafa ‘o ‘aho tolu, ‘o ‘ikai te nau ‘ilo ha vai. 23Pea nau ha‘u ai ki Mala, ka na‘e ‘ikai te nau lava ke inu ‘a e ngaahi vai ‘o Mala, he na‘e kona: ‘ā ē ā na‘e fakahingoa ai ko Mala (Tamala). 24Pea na‘e mumuhu ‘a e kakai kia Mōsese, ‘o pehē, Ko e hā te mau inu? 25Pea tautapa ia kia Sihova, pea fakahā kiate ia ‘e Sihova ha ‘akau, pea ne lī ia ki he vai, pea na‘e melie ‘a e ngaahi vai. Ko e potu ia na‘a ne fokotu‘u ma‘a e kakai ha founga mo ha totonu, pea ko e potu ko ia na‘a ne sivi ai kinautolu.
26‘O ne folofola, ‘o pehē, Kapau te ke mātu‘aki muitala ki he lea ‘a Sihova ko ho ‘Otua, mo ke fai ‘a e me‘a ‘oku hā totonu ki hono ‘ao, pea ke fakaongo ki he‘ene ngaahi fekau, ‘o tauhi ‘ene ngaahi tu‘utu‘uni kotoa pē, ‘e ‘ikai ai te u ‘ai kiate koe ha taha ‘o e ngaahi mahaki ‘a ia na‘a ku ‘ai ki he kau ‘Isipite: he ko au ko Sihova-Faito‘o-koe.
27Pea nau a‘u ai ki ‘Ēlimi, pea ‘i he potu ko ia na‘e ai ha vai ‘e hongofulu mā ua, mo e fu‘u paame ‘e fitungofulu: pea nau fokotu‘u tēniti ‘i ai, ‘o ofi ki he ngaahi vai.
Currently Selected:
KO ‘EKISOTO 15: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 15
15
Ko e Hiva ‘a Mōsese
1Toki hiva‘aki ‘e Mōsese mo ha‘a ‘Isileli ‘a e hiva ni kia Sihova, ‘o nau pehē,
Te u hiva kia Sihova, he kuo ne lāngilangi‘ia lahi;
Ko e hoosi mo hono angi kuo ne laku ki tahi.
2Ko hoku mālohinga mo ‘eku ta‘anga ‘a IAA;#Saame 118.14; ‘Ais 12.2
Pea kuo ne hoko ko hoku fakamo‘ui‘anga,
Ko hoku ‘Otua eni, pea te u fakamālō‘ia;
Ko e ‘Otua ‘o ‘eku ngaahi kui, pea te u fakahīkihiki‘i ia.
3Ko e pāte‘i tau ‘a Sihova: Ko Sihova hono hingoa.
4Ko e ngaahi sāliote ‘a Felo mo ‘ene hōsitē kuo ne tolo ki tahi na:
‘Io, ko ‘ene kau kapiteni fili kuo pe‘ehi ‘i he Tahi Kulokula.
5‘Oku ‘ufi‘ufi kinautolu ‘e he ngaahi moana:
Na‘a nau ‘alu hifo ki he kilisitahi ‘o hangē ha maka.
6Ko ho nima to‘omata‘u, ‘e Sihova, kuo ongoongo ia ‘i he ivi lahi:
Ko ho nima to‘omata‘u, ‘e Sihova, ‘oku ne laiki ‘a e fili ke lailai.
7Pea ‘i he pehē fau ho lāngilangi‘ia
‘Oku ke tulaki ‘a kinautolu na‘e tu‘u ki he ‘Afiona.
‘Oku ke ‘ai atu ho houhau;
‘Oku ke keina kinautolu ‘o hangē ha kafukafu.
8‘Io, ‘i he mānava ‘o ho fofonga na‘e fokotu‘utu‘u ‘a e ngaahi vai,
Na‘e tu‘u hake ‘a e vai ‘o hangē ha puke,
Na‘e fefeka ‘a e tahi ‘i he loto moana.
9Na‘e pehē ‘e he fili,
Te u tuli, te u ma‘u.
Te u tufa ‘a e vete,
‘E topono hoku loto kiate kinautolu;
Te u unuhi ‘eku heletā,
‘E faka‘auha kinautolu ‘e hoku nima.
10Na‘a ke ifi ‘aki ho‘o mānava,
Na‘e ‘u‘ufi kinautolu ‘e he tahi:
Na‘e ngalo hangē ha pulu ‘i he ngaahi vai lalahi.
11Ko hai ‘i he ngaahi ‘otua ‘oku tatau mo koe, ‘e Sihova?
Ko hai ‘oku tatau mo koe, ko e lāngilangi‘ia ‘i he mā‘oni‘oni,
Ko e manavahē‘ia ‘i he fakamālō, ko e fai me‘a fakaofo?
12Na‘a ke mafao atu ho nima to‘omata‘u,
‘Oku fōngia ‘e he kelekele ‘a kinautolu.
13Kuo ke taki atu ‘i ho‘o ‘alo‘ofa ‘a e kakai ni ne ke huhu‘i;
Kuo ke tataki ‘i ho mālohi ki ho ‘afio‘anga tapu.
14Kuo fanongo ‘a e ngaahi kakai–‘oku nau ilifia:
Kuo puke ‘i he tete ‘a e nofo Filisitia.
15Toki tāfu‘ua ‘a e hou‘eiki ‘o ‘Ītomi ia.
Ko e kau to‘a ‘o Moape kuo nau puke ‘i he fakalīfulifusia:
Kuo vai ‘a e nofo Kēnani kotoa.
16‘Oku tō kiate kinautolu ‘a e tailiili mo e lilika;
‘I he lahi ‘o ho ivi ‘oku nau longo pē hangē ha maka;
Kae‘oua ke laka atu ho kakai, ‘e Sihova,
Kae‘oua ke laka atu ‘a e kakai ni kuo ke huhu‘ia.
17Te ke fakahū kinautolu, ‘o tō ‘i he mo‘unga ‘o ho tofi‘a,
‘A e potu kuo ke teuteu ko ho ‘afio‘anga, ‘e Sihova,
‘A e potu tapu, ‘e ‘Ātonai, kuo fokotu‘u ‘e ho nima.
18Ko Sihova te ne Hau ‘o lauikuonga pea ta‘engata.
19He na‘e hū ‘a e hoosi ‘a Felo mo ‘ene tau sāliote mo ‘ene tau heka hoosi ki tahi, pea na‘e fakafoki mai ‘e Sihova ‘a e ngaahi vai ‘o e tahi kiate kinautolu; ka ko ha‘a ‘Isileli na‘a nau laka ‘i he mōmoa ‘i he loto tahi.
20Pea ko Meliame ko e fefine palōfita, ko e tuofefine ‘o ‘Ēlone, na‘a ne to‘o ha nafa fāngongo, pea muimui kiate ia ‘a e kau fefine kotoa pē, ‘o nau ‘alu mo e ngaahi lali mo e me‘e. 21Pea fai ‘e Meliame ‘a e tali kiate kinautolu, ‘o pehē,
Hiva kia Sihova, he kuo ne lāngilangi‘ia lahi,
Ko e hoosi mo hono angi kuo ne laku ki tahi.
22Pea hiki ‘e Mōsese ‘a ‘Isileli mei he Tahi Kulokula, pea nau hū ai ki he toafa ‘o Sua; pea nau ‘alu ‘i he toafa ‘o ‘aho tolu, ‘o ‘ikai te nau ‘ilo ha vai. 23Pea nau ha‘u ai ki Mala, ka na‘e ‘ikai te nau lava ke inu ‘a e ngaahi vai ‘o Mala, he na‘e kona: ‘ā ē ā na‘e fakahingoa ai ko Mala (Tamala). 24Pea na‘e mumuhu ‘a e kakai kia Mōsese, ‘o pehē, Ko e hā te mau inu? 25Pea tautapa ia kia Sihova, pea fakahā kiate ia ‘e Sihova ha ‘akau, pea ne lī ia ki he vai, pea na‘e melie ‘a e ngaahi vai. Ko e potu ia na‘a ne fokotu‘u ma‘a e kakai ha founga mo ha totonu, pea ko e potu ko ia na‘a ne sivi ai kinautolu.
26‘O ne folofola, ‘o pehē, Kapau te ke mātu‘aki muitala ki he lea ‘a Sihova ko ho ‘Otua, mo ke fai ‘a e me‘a ‘oku hā totonu ki hono ‘ao, pea ke fakaongo ki he‘ene ngaahi fekau, ‘o tauhi ‘ene ngaahi tu‘utu‘uni kotoa pē, ‘e ‘ikai ai te u ‘ai kiate koe ha taha ‘o e ngaahi mahaki ‘a ia na‘a ku ‘ai ki he kau ‘Isipite: he ko au ko Sihova-Faito‘o-koe.
27Pea nau a‘u ai ki ‘Ēlimi, pea ‘i he potu ko ia na‘e ai ha vai ‘e hongofulu mā ua, mo e fu‘u paame ‘e fitungofulu: pea nau fokotu‘u tēniti ‘i ai, ‘o ofi ki he ngaahi vai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.