KO ‘EKISOTO 16
16
Ko e Mana mo e Kueli
1PEA nau hiki mei ‘Ēlimi, pea nau a‘u, ‘a e fakataha kātoa ‘o ha‘a ‘Isileli, ki he Toafa ‘o Sini, ‘a ia ‘oku ‘i he vaha‘a ‘o ‘Ēlimi mo Sainai, ‘i hono hongofulu mā nima ‘o e ‘aho, ‘i hono ua ‘o e māhina ‘i he‘enau ‘alu atu mei ‘Isipite. 2Pea na‘e lāunga ‘a e fakataha kotoa ‘o ha‘a ‘Isileli kia Mōsese mo ‘Ēlone ‘i he toafa: 3pea pehē kiate kinaua ‘e ha‘a ‘Isileli, Taumaiā na‘a mau mate ‘i he nima ‘o Sihova ‘i ‘Isipite, lolotonga na‘a mau feangai mo e ngaahi kulo kakano, mo kai mā ‘o mākona; he kuo mo ‘omi kimautolu ki he toafa ni ke tāmate‘i ‘a e fu‘u fakataha ni ‘i he honge.
4Pea folofola ‘a Sihova kia Mōsese, Ko eni te u faka‘uha mā ma‘amoutolu mei langi, pea ‘e ‘alu atu ‘a e kakai ‘o tufi ‘i he ‘aho ‘a e me‘a ‘o e ‘aho ko ia, koe‘uhi ke u sivi kinautolu pe te nau fou ‘i he‘eku lao pe ‘ikai.#Sioné 6.31 5Pea ka hoko mai hono ono ‘o e ‘aho, te nau teuteu ‘a ia te nau ha‘u mo kinautolu; pea ‘e liunga ua ia ‘i he me‘a ‘oku nau tufi ‘i he ngaahi ‘aho kehe.
6Pea lea ‘a Mōsese mo ‘Ēlone ki ha‘a ‘Isileli kātoa. Te mou ‘ilo efiafi kuo ‘omi kimoutolu ‘e Sihova mei ‘Isipite: 7pea te mou mamata pongipongi ki he lāngilangi ‘o Sihova, he‘ene ongo‘i ho‘omou lāunga kiate ia: he ko e hā kimaua ke mou lāunga kiate kimaua? 8Pea lea ‘a Mōsese, Ko e foaki ‘e Sihova kiate kimoutolu efiafi ha kakano ke kai, mo e mā ‘apongipongi ke mou mākona, ko ‘ene fanongo ki ho‘omou lāunga ‘a ia ‘oku mou fai kiate ia; pea ko e hā kimaua? ‘Oku ‘ikai ko kimaua ‘oku mou lāunga ki ai, ka ko Sihova.
9Pea lea ‘a Mōsese kia ‘Ēlone, ‘o pehē, Tala ki he fakataha kotoa ‘o ha‘a ‘Isileli ke nau ‘unu‘unu mai ki he ‘ao ‘o Sihova; he kuo ne ‘afio‘i ‘enau lāunga. 10Pea ‘i he lea ‘a ‘Ēlone ki he fakataha kotoa ‘o ha‘a ‘Isileli, na‘a nau hanga ki he toafa, pea ‘iloange na‘e hā ‘a e Sikaina ‘o Sihova ‘i he ‘Ao. 11Pea na‘e folofola ‘a Sihova kia Mōsese, ‘o pehē, 12Kuo u ongo‘i ‘a e lāunga ‘a ha‘a ‘Isileli: lea kiate kinautolu ‘o pehē, Efiafi hifo te mou kai kakano, pea pongipongi hake te mou mākona ‘i he mā; pea te mou ‘ilo ko Sihova au ko homou ‘Otua.
13Pea ‘i he hoko ‘a e efiafi, na‘e ‘alu hake ‘a e kueili, ‘o ‘ufi‘ufi ‘a e ‘apitanga; pea ‘i he pongipongi hake na‘e ai ha ‘uha hahau ki he ‘apitanga, ‘o takatakai. 14Pea ‘i he ‘alu hake ‘a e ‘uha hahau, tā ko ena ‘i he toafa ha mokimoki‘i me‘a fuopotopoto, ‘o iiki hangē ko e hahau maka ‘oku ‘i he funga kelekele. 15Pea ‘i he mamata ki ai ‘e ha‘a ‘Isileli na‘a nau fepehē‘aki, Ko e mana ia:#16.15 mana: ‘Oku toe hiki ‘a e maná ‘o: ko e hā nai? he na‘e ‘ikai te nau ‘ilo pe ko e hā ia.#1 Kol 10.3 Pea lea ‘a Mōsese kiate kinautolu, Ko ‘ena ia ‘a e mā kuo foaki ‘e Sihova ma‘amou kai.
16Ko eni ‘a e me‘a kuo tu‘utu‘uni ‘e Sihova, Ke tufi mei ai takitaha ‘o fakatatau mo ‘ene kai, ko e oma ki he toko taha, ‘o fakatatau ki he lau ‘a homou kakai. Ke takitaha tufi ma‘anautolu ‘oku ‘i he tēniti.
17Pea na‘e fai pehē ‘a ha‘a ‘Isileli, ‘o nau tufi; lahi ‘a e ni‘ihi, si‘i ‘a e ni‘ihi. 18Pea nau fua oma, pea na‘e ‘ikai hulu atu ‘a ha‘a tufi lahi, pea ‘ikai fusimo‘omo ‘a ha‘a tufi si‘i: kuo nau tufi takitaha fe‘unga mo ‘ene kai.#2 Kol 8.15 19Pea lea ‘a Mōsese kiate kinautolu, ‘E ‘ikai fakatoe ‘e ha taha ha me‘a ki he ‘apongipongi: 20ka na‘e ‘ikai te nau tokanga kia Mōsese, pea na‘e fakatoe ‘e ha ni‘ihi ha me‘a ki he ‘apongipongi, pea na‘e ‘uangahia ia pea namua‘a: pea na‘e ‘ita ‘a Mōsese kiate kinautolu. 21Pea na‘a nau tufi ia ‘i he pongipongi kotoa pē, ‘o takitaha ke fe‘unga mo ‘ene kai; pea ‘i he māfana ‘a e la‘ā na‘e ‘auhia.
22Pea ‘iloange ‘i hono ono ‘o e ‘aho ko e mā na‘a nau tufi na‘e liunga ua, ko e taki oma ‘e ua ki he toko taha: pea na‘e ha‘u ‘a e hou‘eiki kotoa ‘o e kakai, ‘o nau fakahā kia Mōsese. 23Pea ne pehē kiate kinautolu, Ko eni ia na‘e folofola ki ai ‘a Sihova, Ko e ‘apongipongi ko e mālōlō; ko e sāpate tapu kia Sihova: ‘ilonga ha me‘a ke ta‘o, pea ta‘o, ‘ilonga ha me‘a ke haka, pea haka; pea ‘ilonga ha me‘a ‘oku toe, tuku ke tauhi ma‘amoutolu ki he ‘apongipongi.#‘Eki 20.8-11 24Pea na‘a nau tuku ia ki he ‘apongipongi, ‘o hangē ko e tu‘utu‘uni ‘a Mōsese; pea na‘e ‘ikai namua‘a, pea na‘e ‘ikai ha ‘uanga ‘i ai. 25Pea pehē ‘e Mōsese, Mou kai ia he ‘aho ni, he ko e ‘aho ni ko e Sāpate ‘a Sihova; ko e ‘aho ni ‘e ‘ikai te mou ‘ilo ia ‘i he vao. 26Ko e ‘aho ‘e ono te mou tufi ia; ka ‘i hono ‘aho fitu, ‘a ia ko e Sāpate, ‘e ‘ikai ‘i ai.
27Pea ko eni ‘i he ‘aho Sāpate na‘e ‘alu kitua‘ā ha ni‘ihi ‘o e kakai ke tufi, ka na‘e ‘ikai te nau ‘ilo ai. 28Pea folofola ‘a Sihova kia Mōsese, ‘E tuku ‘afē ho‘omou ta‘efie tauhi ‘eku ngaahi tu‘utu‘uni mo ‘eku ngaahi lao? 29Vakai, he kuo ‘atu ‘e Sihova kiate kimoutolu ‘a e Sāpate; ko ia ‘oku ne foaki ia kiate kimoutolu ‘i hono ‘aho ono ‘a e mā ‘o e ‘aho ‘e ua; mou takitaha nofo ‘i hono tangutu‘anga; ‘oua ‘e ‘alu kitu‘a ha taha mei hono feitu‘u ‘i he ‘aho Sāpate. 30Ko ia na‘e nofo ai ‘a e kakai ‘i he ‘aho Sāpate.
31Pea na‘e fakahingoa ia ‘e he fale ‘o ‘Isileli ko e mana:#16.31 mana; ‘Oku vāofi ‘a hono pu‘aki ‘o e fo‘i leá ni mo e faka-Hepelū ‘o e Ko e hā ia? (vakai ki he veesi 15). pea na‘e hangē ia ko e tenga‘i kolianita, ‘o hinehina; pea ko hono ifo na‘e hangē ko e pisikete natu honi.#Nōm 11.7-8 32Pea na‘e pehē ‘e Mōsese, Ko eni ‘a e me‘a kuo tu‘utu‘uni ‘e Sihova, Fakafonu ha oma mei ai ke tauhi ki homou ngaahi to‘utangata, koe‘uhi ke nau mamata ki he me‘a ‘a ia kuo u fafanga ‘aki kimoutolu ‘i he Toafa ‘i he‘eku ‘omi kimoutolu mei ‘Isipite. 33Pea lea ‘a Mōsese kia ‘Ēlone, To‘o ha ‘angame‘a ‘e taha, ‘o ‘ai ki ai ha oma kātoa ‘o e mana, ‘o tuku ‘i he ‘ao ‘o Sihova ke tauhi ki homou ngaahi to‘utangata.#Hep 9.4 34Hangē ko e tu‘utu‘uni ‘a Sihova kia Mōsese, ko ia na‘e tuku ia ‘e ‘Ēlone ‘i he ‘ao ‘o e Fakamo‘oni‘anga ke tauhi. 35Pea na‘e kai mana ‘e ha‘a ‘Isileli ‘i he ta‘u ‘e fāngofulu, kae‘oua ke nau a‘u ki he fonua nofo‘anga; na‘a nau kai mana ‘o a‘u ki he‘enau lava ki he tafafonua ‘o Kēnani. 36Pea ko eni ko e oma ko e vahehongofulu ‘o e efa.
Currently Selected:
KO ‘EKISOTO 16: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 16
16
Ko e Mana mo e Kueli
1PEA nau hiki mei ‘Ēlimi, pea nau a‘u, ‘a e fakataha kātoa ‘o ha‘a ‘Isileli, ki he Toafa ‘o Sini, ‘a ia ‘oku ‘i he vaha‘a ‘o ‘Ēlimi mo Sainai, ‘i hono hongofulu mā nima ‘o e ‘aho, ‘i hono ua ‘o e māhina ‘i he‘enau ‘alu atu mei ‘Isipite. 2Pea na‘e lāunga ‘a e fakataha kotoa ‘o ha‘a ‘Isileli kia Mōsese mo ‘Ēlone ‘i he toafa: 3pea pehē kiate kinaua ‘e ha‘a ‘Isileli, Taumaiā na‘a mau mate ‘i he nima ‘o Sihova ‘i ‘Isipite, lolotonga na‘a mau feangai mo e ngaahi kulo kakano, mo kai mā ‘o mākona; he kuo mo ‘omi kimautolu ki he toafa ni ke tāmate‘i ‘a e fu‘u fakataha ni ‘i he honge.
4Pea folofola ‘a Sihova kia Mōsese, Ko eni te u faka‘uha mā ma‘amoutolu mei langi, pea ‘e ‘alu atu ‘a e kakai ‘o tufi ‘i he ‘aho ‘a e me‘a ‘o e ‘aho ko ia, koe‘uhi ke u sivi kinautolu pe te nau fou ‘i he‘eku lao pe ‘ikai.#Sioné 6.31 5Pea ka hoko mai hono ono ‘o e ‘aho, te nau teuteu ‘a ia te nau ha‘u mo kinautolu; pea ‘e liunga ua ia ‘i he me‘a ‘oku nau tufi ‘i he ngaahi ‘aho kehe.
6Pea lea ‘a Mōsese mo ‘Ēlone ki ha‘a ‘Isileli kātoa. Te mou ‘ilo efiafi kuo ‘omi kimoutolu ‘e Sihova mei ‘Isipite: 7pea te mou mamata pongipongi ki he lāngilangi ‘o Sihova, he‘ene ongo‘i ho‘omou lāunga kiate ia: he ko e hā kimaua ke mou lāunga kiate kimaua? 8Pea lea ‘a Mōsese, Ko e foaki ‘e Sihova kiate kimoutolu efiafi ha kakano ke kai, mo e mā ‘apongipongi ke mou mākona, ko ‘ene fanongo ki ho‘omou lāunga ‘a ia ‘oku mou fai kiate ia; pea ko e hā kimaua? ‘Oku ‘ikai ko kimaua ‘oku mou lāunga ki ai, ka ko Sihova.
9Pea lea ‘a Mōsese kia ‘Ēlone, ‘o pehē, Tala ki he fakataha kotoa ‘o ha‘a ‘Isileli ke nau ‘unu‘unu mai ki he ‘ao ‘o Sihova; he kuo ne ‘afio‘i ‘enau lāunga. 10Pea ‘i he lea ‘a ‘Ēlone ki he fakataha kotoa ‘o ha‘a ‘Isileli, na‘a nau hanga ki he toafa, pea ‘iloange na‘e hā ‘a e Sikaina ‘o Sihova ‘i he ‘Ao. 11Pea na‘e folofola ‘a Sihova kia Mōsese, ‘o pehē, 12Kuo u ongo‘i ‘a e lāunga ‘a ha‘a ‘Isileli: lea kiate kinautolu ‘o pehē, Efiafi hifo te mou kai kakano, pea pongipongi hake te mou mākona ‘i he mā; pea te mou ‘ilo ko Sihova au ko homou ‘Otua.
13Pea ‘i he hoko ‘a e efiafi, na‘e ‘alu hake ‘a e kueili, ‘o ‘ufi‘ufi ‘a e ‘apitanga; pea ‘i he pongipongi hake na‘e ai ha ‘uha hahau ki he ‘apitanga, ‘o takatakai. 14Pea ‘i he ‘alu hake ‘a e ‘uha hahau, tā ko ena ‘i he toafa ha mokimoki‘i me‘a fuopotopoto, ‘o iiki hangē ko e hahau maka ‘oku ‘i he funga kelekele. 15Pea ‘i he mamata ki ai ‘e ha‘a ‘Isileli na‘a nau fepehē‘aki, Ko e mana ia:#16.15 mana: ‘Oku toe hiki ‘a e maná ‘o: ko e hā nai? he na‘e ‘ikai te nau ‘ilo pe ko e hā ia.#1 Kol 10.3 Pea lea ‘a Mōsese kiate kinautolu, Ko ‘ena ia ‘a e mā kuo foaki ‘e Sihova ma‘amou kai.
16Ko eni ‘a e me‘a kuo tu‘utu‘uni ‘e Sihova, Ke tufi mei ai takitaha ‘o fakatatau mo ‘ene kai, ko e oma ki he toko taha, ‘o fakatatau ki he lau ‘a homou kakai. Ke takitaha tufi ma‘anautolu ‘oku ‘i he tēniti.
17Pea na‘e fai pehē ‘a ha‘a ‘Isileli, ‘o nau tufi; lahi ‘a e ni‘ihi, si‘i ‘a e ni‘ihi. 18Pea nau fua oma, pea na‘e ‘ikai hulu atu ‘a ha‘a tufi lahi, pea ‘ikai fusimo‘omo ‘a ha‘a tufi si‘i: kuo nau tufi takitaha fe‘unga mo ‘ene kai.#2 Kol 8.15 19Pea lea ‘a Mōsese kiate kinautolu, ‘E ‘ikai fakatoe ‘e ha taha ha me‘a ki he ‘apongipongi: 20ka na‘e ‘ikai te nau tokanga kia Mōsese, pea na‘e fakatoe ‘e ha ni‘ihi ha me‘a ki he ‘apongipongi, pea na‘e ‘uangahia ia pea namua‘a: pea na‘e ‘ita ‘a Mōsese kiate kinautolu. 21Pea na‘a nau tufi ia ‘i he pongipongi kotoa pē, ‘o takitaha ke fe‘unga mo ‘ene kai; pea ‘i he māfana ‘a e la‘ā na‘e ‘auhia.
22Pea ‘iloange ‘i hono ono ‘o e ‘aho ko e mā na‘a nau tufi na‘e liunga ua, ko e taki oma ‘e ua ki he toko taha: pea na‘e ha‘u ‘a e hou‘eiki kotoa ‘o e kakai, ‘o nau fakahā kia Mōsese. 23Pea ne pehē kiate kinautolu, Ko eni ia na‘e folofola ki ai ‘a Sihova, Ko e ‘apongipongi ko e mālōlō; ko e sāpate tapu kia Sihova: ‘ilonga ha me‘a ke ta‘o, pea ta‘o, ‘ilonga ha me‘a ke haka, pea haka; pea ‘ilonga ha me‘a ‘oku toe, tuku ke tauhi ma‘amoutolu ki he ‘apongipongi.#‘Eki 20.8-11 24Pea na‘a nau tuku ia ki he ‘apongipongi, ‘o hangē ko e tu‘utu‘uni ‘a Mōsese; pea na‘e ‘ikai namua‘a, pea na‘e ‘ikai ha ‘uanga ‘i ai. 25Pea pehē ‘e Mōsese, Mou kai ia he ‘aho ni, he ko e ‘aho ni ko e Sāpate ‘a Sihova; ko e ‘aho ni ‘e ‘ikai te mou ‘ilo ia ‘i he vao. 26Ko e ‘aho ‘e ono te mou tufi ia; ka ‘i hono ‘aho fitu, ‘a ia ko e Sāpate, ‘e ‘ikai ‘i ai.
27Pea ko eni ‘i he ‘aho Sāpate na‘e ‘alu kitua‘ā ha ni‘ihi ‘o e kakai ke tufi, ka na‘e ‘ikai te nau ‘ilo ai. 28Pea folofola ‘a Sihova kia Mōsese, ‘E tuku ‘afē ho‘omou ta‘efie tauhi ‘eku ngaahi tu‘utu‘uni mo ‘eku ngaahi lao? 29Vakai, he kuo ‘atu ‘e Sihova kiate kimoutolu ‘a e Sāpate; ko ia ‘oku ne foaki ia kiate kimoutolu ‘i hono ‘aho ono ‘a e mā ‘o e ‘aho ‘e ua; mou takitaha nofo ‘i hono tangutu‘anga; ‘oua ‘e ‘alu kitu‘a ha taha mei hono feitu‘u ‘i he ‘aho Sāpate. 30Ko ia na‘e nofo ai ‘a e kakai ‘i he ‘aho Sāpate.
31Pea na‘e fakahingoa ia ‘e he fale ‘o ‘Isileli ko e mana:#16.31 mana; ‘Oku vāofi ‘a hono pu‘aki ‘o e fo‘i leá ni mo e faka-Hepelū ‘o e Ko e hā ia? (vakai ki he veesi 15). pea na‘e hangē ia ko e tenga‘i kolianita, ‘o hinehina; pea ko hono ifo na‘e hangē ko e pisikete natu honi.#Nōm 11.7-8 32Pea na‘e pehē ‘e Mōsese, Ko eni ‘a e me‘a kuo tu‘utu‘uni ‘e Sihova, Fakafonu ha oma mei ai ke tauhi ki homou ngaahi to‘utangata, koe‘uhi ke nau mamata ki he me‘a ‘a ia kuo u fafanga ‘aki kimoutolu ‘i he Toafa ‘i he‘eku ‘omi kimoutolu mei ‘Isipite. 33Pea lea ‘a Mōsese kia ‘Ēlone, To‘o ha ‘angame‘a ‘e taha, ‘o ‘ai ki ai ha oma kātoa ‘o e mana, ‘o tuku ‘i he ‘ao ‘o Sihova ke tauhi ki homou ngaahi to‘utangata.#Hep 9.4 34Hangē ko e tu‘utu‘uni ‘a Sihova kia Mōsese, ko ia na‘e tuku ia ‘e ‘Ēlone ‘i he ‘ao ‘o e Fakamo‘oni‘anga ke tauhi. 35Pea na‘e kai mana ‘e ha‘a ‘Isileli ‘i he ta‘u ‘e fāngofulu, kae‘oua ke nau a‘u ki he fonua nofo‘anga; na‘a nau kai mana ‘o a‘u ki he‘enau lava ki he tafafonua ‘o Kēnani. 36Pea ko eni ko e oma ko e vahehongofulu ‘o e efa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.