KO ‘EKISOTO 23
23
Ko e Fakamaau ‘oku Ma‘a mo e Ta‘eFilifilimānako
1‘OUA te ke fakatupu ha ongoongo loi: ‘oua te ke fakakauvaka mo e tangata kovi ke fai ha fakamo‘oni loi.#‘Eki 20.16; Lev 19.11-12; Teu 5.20 2Neongo ko ha tokolahi, ‘oua na‘a ke ō mo kinautolu ke fai ha kovi; ‘oua na‘a ke lea angimui ki ha tokolahi ke piko‘i ha fakamaau: 3pea neongo ko e masiva, ‘e ‘ikai te ke ‘ofa kovi ki ai, ‘o kapau ko hano fakamaau.#Lev 19.15
4Ka ‘iloange te ke ma‘u ‘a e pulu ‘a ho fili, pe ko ‘ene ‘asi, ‘oku ‘alu hē, kuo pau te ke fakafoki ia ki ai.#Teu 22.1-4 5Kapau te ke sio ki he ‘asi ‘a ha taha ‘oku fehi‘a kiate koe ‘oku ta‘omia ‘i he‘ene kavenga, pea ke pehē ke tuku pē kiate ia-‘a! te ke hanga ‘o kau mo ia ke vete.
6‘Oua te ke piko‘i ‘a e fakamaau ‘o si‘i masiva ‘oku ‘iate koe, ‘oka ai ha‘ane hopo.#Lev 19.15; Teu 16.19 7Faka‘ehi‘ehi koe mei he me‘a kākā; pea ko e ta‘ehalaia mo e faitotonu ‘oua te ke tāmate‘i, he tala‘ehai te u fakatonuhia ha taha angahala. 8Pea ko e me‘a‘ofa ‘e ‘ikai te ke tali; he ‘oku fakakui ‘e he me‘a‘ofa ‘a kinautolu ‘oku ‘ā, mo fakakehe ‘a e fakamatala ‘a e tonuhia.
9Pea ko e muli ‘e ‘ikai te ke fai fakamamahi ki ai: he ‘oku mou ‘ilo ‘e kimoutolu ‘a e anga ‘o e loto‘i muli, he na‘a mou nofo muli ‘i he fonua ko ‘Isipite.#‘Eki 22.21; Lev 19.33-34; Teu 24.17-18; 27.19
10Pea ko e ta‘u ‘e ono te ke ngoue‘i ho kelekele, pea utu hono fua.#Lev 25.1-7 11Ka ‘i hono fitu ‘o e ta‘u te ke tuku hifo ke fo‘ou; kae kai mei ai ‘a e kau masiva ‘o ho fonua: pea ka toe ha me‘a, ‘e kai ia ‘e he fanga manu ‘o e vao. Te ke fai pehē foki ki ho‘o ngoue vaine mo ho‘o ngoue ‘ōlive.
12Ko e ‘aho ‘e ono te ke fai ai ho‘o ngāue, ka ‘i hono fitu ‘o e ‘aho te ke tuku: koe‘uhi ke mālōlō ho‘o pulu mo ho‘o ‘asi, pea ke fakamānava hake ‘a e tama ‘a ho‘o kaunanga mo e muli.#‘Eki 20.9-11; 31.15; 34.21; 35.2; Lev 23.3; Teu 5.13-14
13Pea ko e me‘a kotoa pē kuo u lea‘aki kiate kimoutolu te mou tauhi ia: pea ko e hingoa ‘o e ngaahi ‘otua kehe ‘oua te mou momo‘i takua; ‘oua na‘a ongona ha me‘a pehē mei homou ngutu.
Ko e Kātoanga Mamafa ‘e Tolu
(‘Eki 34.18-26; Teu 16.1-17)
14Tu‘o tolu ‘i he ta‘u te ke fai kātoanga kiate au. 15Ko e Kātoanga Tapu-lēvani te ke tauhi ia: ko e ‘aho ‘e fitu te mou kai mā ta‘elēvani ai ‘o hangē ko ‘eku fekau, ‘i hono taimi tu‘utu‘uni ‘i he māhina ko ‘Āpipi (he ko ia ia na‘a ke ha‘u ai mei ‘Isipite); pea ‘e ‘ikai te mou omi mola ki hoku ‘ao.#‘Eki 12.14-20; Lev 23.6-8; Nōm 28.17-25
16Pea ko e Kātoanga ‘o e Polopolo-ta‘u, ko e ‘uluaki fua ‘o ho‘o ngāue, ‘o e me‘a kuo ke tō ‘i ho‘o ngoue. Pea ko e Kātoanga Utu ta‘u ‘oka ‘osi ‘a e ta‘u, ‘i ho‘o fetuku mai ho‘o fita‘a mei he ngoue‘anga.#Lev 23.15-21,39-43; Nōm 28.26-31
17Tu‘o tolu ‘i he ta‘u ‘e hā ho‘o kau tangata kotoa pē ‘i he ‘ao ‘o e ‘Eiki Sihova.
18‘E ‘ikai te ke ‘atu ‘a e toto ‘o ‘eku feilaulau ‘i he ‘i ai ha mā fakalēvani; pea ‘e ‘ikai a‘u ki he ‘apongipongi ‘a e ngako ‘o ‘eku kātoanga.
19Ko e polopolo ‘o e ‘uluaki fua ‘o ho kelekele te ke ‘omi ki he fale ‘o Sihova ko ho ‘Otua. ‘E ‘ikai te ke haka ha ki‘i kosi ‘i he huhu‘a ‘o ‘ene fa‘ē.#‘Eki 34.26; Teu 14.21; 26.2
20Ko eni ‘oku ou fekau atu ha ‘Āngelo ke ‘alu mu‘omu‘a kiate koe ke tauhi koe ‘i he hala, pea ke fakahū ki he potu kuo u teuteu. 21Tokanga telia ia, pea fakaongo ki he‘ene lea; ‘oua ‘e angatu‘u kiate ia, he tala‘ehai te ne fakamolemole ho‘omou angahala; he ko hoku hingoa ‘oku tu‘u ‘iate ia. 22He kapau te ke mātu‘aki fakaongo ki he‘ene lea, ‘o fai hono kotoa ‘o e me‘a te u tala, pea te u toki hoko ko e fili ‘o ho ngaahi fili, mo e fakamamahi ‘o ho kau fakamamahi. 23Pea ko hoku ‘Āngelo te ne ‘alu mu‘omu‘a ‘iate koe, pea te ne a‘utaki koe ki ha‘a ‘Āmoli, mo ha‘a Heti, mo ha‘a Pēlisi, mo ha‘a Kēnani, ki ha‘a Hevi, mo ha‘a Siepusi: pea te u fakaka‘anga kinautolu. 24‘E ‘ikai te ke lotu ki honau ngaahi ‘otua, pea ‘e ‘ikai te ke tauhi ki ai, pea ‘e ‘ikai te ke fai ki he‘enau ngaahi ngāue: ka te ke mātu‘aki faka‘auha kinautolu, pea te ke laiki ‘aupito ‘enau ngaahi pou tapu. 25Pea te mou tauhi ‘a Sihova ko homou ‘Otua, pea te ne tāpuaki ho‘o me‘akai, mo ho‘o me‘ainu; pea te u talafua ‘a e fakamahaki meiate kimoutolu. 26‘E ‘ikai ha me‘a ‘e tamatō pe pa‘a ‘i ho fonua: ko e lau ‘o homou ta‘u te u fakakakato.
27Te u tuku atu hoku ngeia ke mu‘omu‘a ‘iate koe, pea te u have‘i ‘a e kakai fua pē te ke a‘u ki ai, pea te u ngaohi ho ngaahi fili kotoa pē ke sītu‘a kiate koe. 28Pea te u fekau ke mu‘omu‘a atu ‘iate kimoutolu ‘a e langomū-hōneti,#23.28 te u fekau… langomū-hōneti; pe Te u ‘ai ke lelea ‘a e loto ‘o homou ngaahi filí. pea te ne kapusi mei homou ‘ao ‘a ha‘a Hevi, mo ha‘a Kēnani, mo ha‘a Heti. 29‘E ‘ikai te u kapusi atu kinautolu ‘i ha ta‘u pē taha, na‘a ngaongao ‘a e fonua, pea tupu lahi fau kiate koe ‘a e manu ‘o e vao. 30‘E fakakongokonga pē ‘eku kapusi kinautolu mei ho ‘ao, kae‘oua ke ke tokolahi, ‘o nofo‘ia ‘a e fonua. 31Pea te u ‘ai ho ngata‘anga mei he Tahi Kulokula ki he Tahi ‘o e kau Filisitia, pea mei he Toafa ki Vaitafe: he te u tuku ki homou nima ‘a e kakai ‘o e ngaahi fonua; pea te ke kapusi atu kinautolu. 32‘E ‘ikai te ke fai ha taliti mo kinautolu, pe ko honau ngaahi ‘otua. 33‘E ‘ikai te nau nofo ‘i ho fonua; na‘a nau o‘i koe ke fai angahala kiate au: he kapau te ke tauhi honau ngaahi ‘otua, kuo pau ke hoko ia ko e tauhele kiate koe.
Currently Selected:
KO ‘EKISOTO 23: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 23
23
Ko e Fakamaau ‘oku Ma‘a mo e Ta‘eFilifilimānako
1‘OUA te ke fakatupu ha ongoongo loi: ‘oua te ke fakakauvaka mo e tangata kovi ke fai ha fakamo‘oni loi.#‘Eki 20.16; Lev 19.11-12; Teu 5.20 2Neongo ko ha tokolahi, ‘oua na‘a ke ō mo kinautolu ke fai ha kovi; ‘oua na‘a ke lea angimui ki ha tokolahi ke piko‘i ha fakamaau: 3pea neongo ko e masiva, ‘e ‘ikai te ke ‘ofa kovi ki ai, ‘o kapau ko hano fakamaau.#Lev 19.15
4Ka ‘iloange te ke ma‘u ‘a e pulu ‘a ho fili, pe ko ‘ene ‘asi, ‘oku ‘alu hē, kuo pau te ke fakafoki ia ki ai.#Teu 22.1-4 5Kapau te ke sio ki he ‘asi ‘a ha taha ‘oku fehi‘a kiate koe ‘oku ta‘omia ‘i he‘ene kavenga, pea ke pehē ke tuku pē kiate ia-‘a! te ke hanga ‘o kau mo ia ke vete.
6‘Oua te ke piko‘i ‘a e fakamaau ‘o si‘i masiva ‘oku ‘iate koe, ‘oka ai ha‘ane hopo.#Lev 19.15; Teu 16.19 7Faka‘ehi‘ehi koe mei he me‘a kākā; pea ko e ta‘ehalaia mo e faitotonu ‘oua te ke tāmate‘i, he tala‘ehai te u fakatonuhia ha taha angahala. 8Pea ko e me‘a‘ofa ‘e ‘ikai te ke tali; he ‘oku fakakui ‘e he me‘a‘ofa ‘a kinautolu ‘oku ‘ā, mo fakakehe ‘a e fakamatala ‘a e tonuhia.
9Pea ko e muli ‘e ‘ikai te ke fai fakamamahi ki ai: he ‘oku mou ‘ilo ‘e kimoutolu ‘a e anga ‘o e loto‘i muli, he na‘a mou nofo muli ‘i he fonua ko ‘Isipite.#‘Eki 22.21; Lev 19.33-34; Teu 24.17-18; 27.19
10Pea ko e ta‘u ‘e ono te ke ngoue‘i ho kelekele, pea utu hono fua.#Lev 25.1-7 11Ka ‘i hono fitu ‘o e ta‘u te ke tuku hifo ke fo‘ou; kae kai mei ai ‘a e kau masiva ‘o ho fonua: pea ka toe ha me‘a, ‘e kai ia ‘e he fanga manu ‘o e vao. Te ke fai pehē foki ki ho‘o ngoue vaine mo ho‘o ngoue ‘ōlive.
12Ko e ‘aho ‘e ono te ke fai ai ho‘o ngāue, ka ‘i hono fitu ‘o e ‘aho te ke tuku: koe‘uhi ke mālōlō ho‘o pulu mo ho‘o ‘asi, pea ke fakamānava hake ‘a e tama ‘a ho‘o kaunanga mo e muli.#‘Eki 20.9-11; 31.15; 34.21; 35.2; Lev 23.3; Teu 5.13-14
13Pea ko e me‘a kotoa pē kuo u lea‘aki kiate kimoutolu te mou tauhi ia: pea ko e hingoa ‘o e ngaahi ‘otua kehe ‘oua te mou momo‘i takua; ‘oua na‘a ongona ha me‘a pehē mei homou ngutu.
Ko e Kātoanga Mamafa ‘e Tolu
(‘Eki 34.18-26; Teu 16.1-17)
14Tu‘o tolu ‘i he ta‘u te ke fai kātoanga kiate au. 15Ko e Kātoanga Tapu-lēvani te ke tauhi ia: ko e ‘aho ‘e fitu te mou kai mā ta‘elēvani ai ‘o hangē ko ‘eku fekau, ‘i hono taimi tu‘utu‘uni ‘i he māhina ko ‘Āpipi (he ko ia ia na‘a ke ha‘u ai mei ‘Isipite); pea ‘e ‘ikai te mou omi mola ki hoku ‘ao.#‘Eki 12.14-20; Lev 23.6-8; Nōm 28.17-25
16Pea ko e Kātoanga ‘o e Polopolo-ta‘u, ko e ‘uluaki fua ‘o ho‘o ngāue, ‘o e me‘a kuo ke tō ‘i ho‘o ngoue. Pea ko e Kātoanga Utu ta‘u ‘oka ‘osi ‘a e ta‘u, ‘i ho‘o fetuku mai ho‘o fita‘a mei he ngoue‘anga.#Lev 23.15-21,39-43; Nōm 28.26-31
17Tu‘o tolu ‘i he ta‘u ‘e hā ho‘o kau tangata kotoa pē ‘i he ‘ao ‘o e ‘Eiki Sihova.
18‘E ‘ikai te ke ‘atu ‘a e toto ‘o ‘eku feilaulau ‘i he ‘i ai ha mā fakalēvani; pea ‘e ‘ikai a‘u ki he ‘apongipongi ‘a e ngako ‘o ‘eku kātoanga.
19Ko e polopolo ‘o e ‘uluaki fua ‘o ho kelekele te ke ‘omi ki he fale ‘o Sihova ko ho ‘Otua. ‘E ‘ikai te ke haka ha ki‘i kosi ‘i he huhu‘a ‘o ‘ene fa‘ē.#‘Eki 34.26; Teu 14.21; 26.2
20Ko eni ‘oku ou fekau atu ha ‘Āngelo ke ‘alu mu‘omu‘a kiate koe ke tauhi koe ‘i he hala, pea ke fakahū ki he potu kuo u teuteu. 21Tokanga telia ia, pea fakaongo ki he‘ene lea; ‘oua ‘e angatu‘u kiate ia, he tala‘ehai te ne fakamolemole ho‘omou angahala; he ko hoku hingoa ‘oku tu‘u ‘iate ia. 22He kapau te ke mātu‘aki fakaongo ki he‘ene lea, ‘o fai hono kotoa ‘o e me‘a te u tala, pea te u toki hoko ko e fili ‘o ho ngaahi fili, mo e fakamamahi ‘o ho kau fakamamahi. 23Pea ko hoku ‘Āngelo te ne ‘alu mu‘omu‘a ‘iate koe, pea te ne a‘utaki koe ki ha‘a ‘Āmoli, mo ha‘a Heti, mo ha‘a Pēlisi, mo ha‘a Kēnani, ki ha‘a Hevi, mo ha‘a Siepusi: pea te u fakaka‘anga kinautolu. 24‘E ‘ikai te ke lotu ki honau ngaahi ‘otua, pea ‘e ‘ikai te ke tauhi ki ai, pea ‘e ‘ikai te ke fai ki he‘enau ngaahi ngāue: ka te ke mātu‘aki faka‘auha kinautolu, pea te ke laiki ‘aupito ‘enau ngaahi pou tapu. 25Pea te mou tauhi ‘a Sihova ko homou ‘Otua, pea te ne tāpuaki ho‘o me‘akai, mo ho‘o me‘ainu; pea te u talafua ‘a e fakamahaki meiate kimoutolu. 26‘E ‘ikai ha me‘a ‘e tamatō pe pa‘a ‘i ho fonua: ko e lau ‘o homou ta‘u te u fakakakato.
27Te u tuku atu hoku ngeia ke mu‘omu‘a ‘iate koe, pea te u have‘i ‘a e kakai fua pē te ke a‘u ki ai, pea te u ngaohi ho ngaahi fili kotoa pē ke sītu‘a kiate koe. 28Pea te u fekau ke mu‘omu‘a atu ‘iate kimoutolu ‘a e langomū-hōneti,#23.28 te u fekau… langomū-hōneti; pe Te u ‘ai ke lelea ‘a e loto ‘o homou ngaahi filí. pea te ne kapusi mei homou ‘ao ‘a ha‘a Hevi, mo ha‘a Kēnani, mo ha‘a Heti. 29‘E ‘ikai te u kapusi atu kinautolu ‘i ha ta‘u pē taha, na‘a ngaongao ‘a e fonua, pea tupu lahi fau kiate koe ‘a e manu ‘o e vao. 30‘E fakakongokonga pē ‘eku kapusi kinautolu mei ho ‘ao, kae‘oua ke ke tokolahi, ‘o nofo‘ia ‘a e fonua. 31Pea te u ‘ai ho ngata‘anga mei he Tahi Kulokula ki he Tahi ‘o e kau Filisitia, pea mei he Toafa ki Vaitafe: he te u tuku ki homou nima ‘a e kakai ‘o e ngaahi fonua; pea te ke kapusi atu kinautolu. 32‘E ‘ikai te ke fai ha taliti mo kinautolu, pe ko honau ngaahi ‘otua. 33‘E ‘ikai te nau nofo ‘i ho fonua; na‘a nau o‘i koe ke fai angahala kiate au: he kapau te ke tauhi honau ngaahi ‘otua, kuo pau ke hoko ia ko e tauhele kiate koe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.