KO ‘EKISOTO 24
24
Ko e Fakapapau‘i ‘o e Kovinānité
1KA ko Mōsese na‘a ne folofola ki ai, ‘o pehē, ‘Alu hake kia Sihova, ‘a koe mo ‘Ēlone, ‘a Nātapi mo ‘Āpiu, pea mo e toko fitungofulu ‘i he mātu‘a ‘Isileli; pea te mou tu‘u mei he mama‘o, ‘o fai ho‘omou lotu: 2pea ko Mōsese pē toko taha ‘e ‘unu‘unu ke ofi kia Sihova: ka ko kinautolu ‘e ‘ikai te nau ‘unu‘unu mai; pea ‘e ‘ikai ‘alu hake mo ia ha kakai.
3Pea na‘e ha‘u ‘a Mōsese, ‘o ne ‘a‘au ki he kakai ‘a e ngaahi folofola ‘a Sihova, mo e ngaahi kupu‘i konisitūtone: pea na‘e tali le‘o taha ‘a e kakai, ‘o nau pehē, Ko e me‘a kotoa kuo folofola ki ai ‘e Sihova te mau fai. 4Pea tohi ‘e Mōsese ‘a e ngaahi fo‘i folofola ‘a Sihova, pea ne tu‘u hengihengi hake, ‘o ne fokotu‘u ha ‘ōlita ‘i he talalo ‘o e mo‘unga, pea mo ha pou ‘e hongofulu mā ua ke hoa mo e matakali ‘e hongofulu mā ua ‘o ‘Isileli, 5pea na‘a ne fekau ha tu‘unga talavou ‘o ha‘a ‘Isileli, pea na‘a nau ‘atu ha ngaahi feilaulau tutu, mo fai ‘a e ngaahi feilaulau-‘ofa kia Sihova, ko e fanga pulu. 6Pea to‘o ‘e Mōsese hono vaeua ‘o e toto, ‘o ne ‘ai pēsoni; pea ko hono vaeua na‘a ne afuhi ‘aki ‘a e ‘ōlita. 7Pea na‘a ne to‘o ‘a e tohi ‘o e fuakava, ‘o ne lau ia ‘i he ‘ao ‘o e kakai, pea na‘a nau pehē, Ko e me‘a kotoa kuo folofola ki ai ‘a Sihova te mau fai, pea te mau talangofua ki ai.
8Pea to‘o ‘e Mōsese ‘a e toto, ‘o ne afuhi ‘aki ‘a e kakai, ‘o ne pehē, Ko e toto fuakava eni, ‘a e fuakava kuo fai ‘e Sihova mo kimoutolu ‘i he funga ‘o e ngaahi lea ni kotoa.#Māt 26.28; Ma‘ake 14.24; Luk 22.20; 1 Kol 11.25; Hep 9.19-20; 10.29
9Pea na‘e toki ‘alu hake ‘a Mōsese mo ‘Ēlone, ‘a Nātapi mo ‘Āpiu, mo e fitungofulu‘i mātu‘a ‘o ‘Isileli: 10pea na‘a nau mātā ‘a e ‘Otua ‘o ‘Isileli; pea ko hono tu‘ungava‘e na‘e hangē kuo ngaohi ‘aki ‘a e sāfaia ‘asinisini, pea ngingila hangē ko e langi ma‘a. 11Pea na‘e ‘ikai te ne ala ki he hou‘eiki ‘o ha‘a ‘Isileli: pea na‘a nau mo‘usiofia ‘a ‘Elohimi, pea na‘a nau kai mo inu.
12Pea folofola ‘a Sihova kia Mōsese, ‘Alu hake kiate au ki he mo‘unga, ‘o nofo ai, pea te u ‘atu kiate koe ‘a e ngaahi makatohi, mo e lao mo e ngaahi tu‘utu‘uni ‘a ia kuo u tohi ai; koe‘uhi ke ke ako ia kiate kinautolu. 13Pea tu‘u hake ‘a Mōsese mo hono tauhi ko Siosiua: pea ‘alu hake ‘a Mōsese#24.13 pea ‘alu… Mōsese. ‘Oku pehē he hiki fuoloa ‘e taha pea nau ‘alu hake. ki he mo‘unga ‘o ‘Elohimi. 14Ka ka pehē ‘e ia ki he kau mātu‘a, Mou tatali ‘i hē kiate kimaua, kae‘oua ke ma foki mai kiate kimoutolu: pea ko eni ‘oku mou ‘i ai mo ‘Ēlone mo Hua, ‘ilonga ia ‘oku ‘i ai ha‘ane me‘a, ke ne ‘unu‘unu kiate kinaua.
15Pea ‘alu hake ‘a Mōsese ki he mo‘unga, pea na‘e ‘ufi‘ufi ‘a e mo‘unga ‘e he ngaahi ‘ao. 16Pea na‘e toka ‘a e kolōlia ‘o e ‘Eiki ‘i he funga mo‘unga ko Sainai, pea na‘e ‘ufi‘ufi ia ‘e he ‘ao, ‘o ‘aho ono: pea ‘i hono fitu ‘o e ‘aho na‘a ne ui kia Mōsese mei he loto ‘ao. 17Pea ko e hā ‘a e kolōlia ‘o Sihova na‘e hangē ko e afi faka‘auha ‘i he tumutumu‘i mo‘unga ‘i he sio ki ai ‘a ha‘a ‘Isileli. 18Pea hū ‘a Mōsese ki he loto ‘ao, ‘o ne ‘alu hake ki he mo‘unga: pea na‘a ne ‘i he mo‘unga ‘a Mōsese ‘i he ‘aho ‘e fāngofulu mo e pō ‘e fāngofulu.#Teu 9.9
Currently Selected:
KO ‘EKISOTO 24: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 24
24
Ko e Fakapapau‘i ‘o e Kovinānité
1KA ko Mōsese na‘a ne folofola ki ai, ‘o pehē, ‘Alu hake kia Sihova, ‘a koe mo ‘Ēlone, ‘a Nātapi mo ‘Āpiu, pea mo e toko fitungofulu ‘i he mātu‘a ‘Isileli; pea te mou tu‘u mei he mama‘o, ‘o fai ho‘omou lotu: 2pea ko Mōsese pē toko taha ‘e ‘unu‘unu ke ofi kia Sihova: ka ko kinautolu ‘e ‘ikai te nau ‘unu‘unu mai; pea ‘e ‘ikai ‘alu hake mo ia ha kakai.
3Pea na‘e ha‘u ‘a Mōsese, ‘o ne ‘a‘au ki he kakai ‘a e ngaahi folofola ‘a Sihova, mo e ngaahi kupu‘i konisitūtone: pea na‘e tali le‘o taha ‘a e kakai, ‘o nau pehē, Ko e me‘a kotoa kuo folofola ki ai ‘e Sihova te mau fai. 4Pea tohi ‘e Mōsese ‘a e ngaahi fo‘i folofola ‘a Sihova, pea ne tu‘u hengihengi hake, ‘o ne fokotu‘u ha ‘ōlita ‘i he talalo ‘o e mo‘unga, pea mo ha pou ‘e hongofulu mā ua ke hoa mo e matakali ‘e hongofulu mā ua ‘o ‘Isileli, 5pea na‘a ne fekau ha tu‘unga talavou ‘o ha‘a ‘Isileli, pea na‘a nau ‘atu ha ngaahi feilaulau tutu, mo fai ‘a e ngaahi feilaulau-‘ofa kia Sihova, ko e fanga pulu. 6Pea to‘o ‘e Mōsese hono vaeua ‘o e toto, ‘o ne ‘ai pēsoni; pea ko hono vaeua na‘a ne afuhi ‘aki ‘a e ‘ōlita. 7Pea na‘a ne to‘o ‘a e tohi ‘o e fuakava, ‘o ne lau ia ‘i he ‘ao ‘o e kakai, pea na‘a nau pehē, Ko e me‘a kotoa kuo folofola ki ai ‘a Sihova te mau fai, pea te mau talangofua ki ai.
8Pea to‘o ‘e Mōsese ‘a e toto, ‘o ne afuhi ‘aki ‘a e kakai, ‘o ne pehē, Ko e toto fuakava eni, ‘a e fuakava kuo fai ‘e Sihova mo kimoutolu ‘i he funga ‘o e ngaahi lea ni kotoa.#Māt 26.28; Ma‘ake 14.24; Luk 22.20; 1 Kol 11.25; Hep 9.19-20; 10.29
9Pea na‘e toki ‘alu hake ‘a Mōsese mo ‘Ēlone, ‘a Nātapi mo ‘Āpiu, mo e fitungofulu‘i mātu‘a ‘o ‘Isileli: 10pea na‘a nau mātā ‘a e ‘Otua ‘o ‘Isileli; pea ko hono tu‘ungava‘e na‘e hangē kuo ngaohi ‘aki ‘a e sāfaia ‘asinisini, pea ngingila hangē ko e langi ma‘a. 11Pea na‘e ‘ikai te ne ala ki he hou‘eiki ‘o ha‘a ‘Isileli: pea na‘a nau mo‘usiofia ‘a ‘Elohimi, pea na‘a nau kai mo inu.
12Pea folofola ‘a Sihova kia Mōsese, ‘Alu hake kiate au ki he mo‘unga, ‘o nofo ai, pea te u ‘atu kiate koe ‘a e ngaahi makatohi, mo e lao mo e ngaahi tu‘utu‘uni ‘a ia kuo u tohi ai; koe‘uhi ke ke ako ia kiate kinautolu. 13Pea tu‘u hake ‘a Mōsese mo hono tauhi ko Siosiua: pea ‘alu hake ‘a Mōsese#24.13 pea ‘alu… Mōsese. ‘Oku pehē he hiki fuoloa ‘e taha pea nau ‘alu hake. ki he mo‘unga ‘o ‘Elohimi. 14Ka ka pehē ‘e ia ki he kau mātu‘a, Mou tatali ‘i hē kiate kimaua, kae‘oua ke ma foki mai kiate kimoutolu: pea ko eni ‘oku mou ‘i ai mo ‘Ēlone mo Hua, ‘ilonga ia ‘oku ‘i ai ha‘ane me‘a, ke ne ‘unu‘unu kiate kinaua.
15Pea ‘alu hake ‘a Mōsese ki he mo‘unga, pea na‘e ‘ufi‘ufi ‘a e mo‘unga ‘e he ngaahi ‘ao. 16Pea na‘e toka ‘a e kolōlia ‘o e ‘Eiki ‘i he funga mo‘unga ko Sainai, pea na‘e ‘ufi‘ufi ia ‘e he ‘ao, ‘o ‘aho ono: pea ‘i hono fitu ‘o e ‘aho na‘a ne ui kia Mōsese mei he loto ‘ao. 17Pea ko e hā ‘a e kolōlia ‘o Sihova na‘e hangē ko e afi faka‘auha ‘i he tumutumu‘i mo‘unga ‘i he sio ki ai ‘a ha‘a ‘Isileli. 18Pea hū ‘a Mōsese ki he loto ‘ao, ‘o ne ‘alu hake ki he mo‘unga: pea na‘a ne ‘i he mo‘unga ‘a Mōsese ‘i he ‘aho ‘e fāngofulu mo e pō ‘e fāngofulu.#Teu 9.9
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.