KO ‘EKISOTO 25
25
Ko e ngaahi Tukumo‘ui ma‘á e Fale Tapú
(‘Eki 35.4-9)
1PEA folofola ‘a Sihova kia Mōsese, ‘o pehē, 2Lea ki ha‘a ‘Isileli ke nau ‘omi me‘a‘ofa kiate au: ‘ilonga ha taha ‘oku ‘omi loto lelei, te ke tali ‘ene me‘a‘ofa ma‘aku. 3Pea ko eni ‘enau me‘a‘ofa te mou tali; ko e koula mo e siliva mo e kapa; 4mo e me‘a lanu langi mo kula-po‘upo‘uli mo kula-‘aho‘aho, mo e tupenu hina, mo e fulufulu‘i kosi; 5mo e kili‘i sipi tangata kuo fakalanukula, mo e kili‘i tukongi, mo e papa sitimi; 6ko e lolo ki he maama, ko e fa‘ahinga me‘a namu kakala ki he lolo tākai, pea ki he ‘inisēnisi ngangatu; 7ko e ngaahi maka-‘ōnike, mo e ngaahi maka ke fonofono ‘aki ‘a ‘ēfoti#25.7 ‘ēfoti; ‘I he meimei tu‘u kotoa pē ‘a e ‘ēfotí he Tohitapú ko e fa‘ahinga vala ia, pea meimei hangē ha uesiketí. Na‘e ngaohi ‘aki e tupenu mahu‘inga mo lanu faka‘ofo‘ofa, pea na‘e fakapipiki ki ai e fa‘ahinga kato na‘e tauhi ai e ‘Ūlimí mo e Tūlimí, ko e ongo nāunau na‘e fai ‘aki e fekumi pe ko e hā e finangalo ‘o e ‘Otuá. mo e kofu-fatafata. 8Pea ke nau ngaohi mo‘oku ha fale tapu; ke u nofo ‘i honau lotolotonga. 9Hangē tofu pē ‘a e me‘a ‘oku ou tuku ke ke sio ki ai, ‘a e sīpinga ‘o e nofo‘anga, ‘a e sīpinga ‘o hono nāunau kehekehe–‘e pehē ho‘omou ngaohi.
Ko e ‘A‘ake ‘o e Fuakavá
(‘Eki 37.1-9)
10Pea te nau fa‘u ha ‘a‘ake ‘aki ‘a e papa sitimi: ko hono lōloa ko e kiupite ‘e ua mo e haafe, pea ko hono māukupu ko e kiupite ‘e taha mo e haafe, pea ko hono mā‘olunga ko e kiupite ‘e taha mo e haafe. 11Pea te ke ‘aofi ‘aki ia ‘a e koula haohaoa, te ke ‘aofi ‘a loto mo tu‘a, pea te ke ngaohi ‘i hono funga ha teuteu koula takatakai. 12Pea te ke haka ki ai ha kavei koula ‘e fā, ‘o ‘ai ki hono va‘e ‘e fā; pea te ke tau ha ua‘i kavei ‘i hono tafa‘aki ‘e taha mo e ua‘i kavei ‘i hono tafa‘aki ‘e taha. 13Pea te ke ngaohi ‘akau ha‘amo ‘aki ‘a e ‘akau sitimi, ‘o kofu ‘aki ‘a e koula. 14Pea te ke velo ‘a e ‘akau ha‘amo ‘i he ngaahi kavei ‘i he tafa‘aki ‘a‘ake ke kauala ‘aki ‘a e ‘a‘ake. 15‘E tuku ma‘u pē ‘a e ‘akau ha‘amo ‘i he ngaahi kavei ‘o e ‘a‘ake, ‘o ‘ikai to‘o mei ai. 16Pea te ke tuku ki he ‘a‘ake ‘a e fakamo‘oni ‘a ia te u ‘atu.
17Pea te ke ngaohi ha hōifua‘anga ‘aki ‘a e koula haohaoa: ko e kiupite ‘e ua mo e haafe hono lōloa, pea ko e kiupite ‘e taha mo e haafe hono māukupu.#Hep 9.5 18Pea te ke ngaohi ha ongo selupimi koula,#25.18 selupimi; Vakai ki he “Ngaahi Huluhulu”. te ke tuki kinaua ‘i he konga ‘o e hōifua‘anga ‘oku hope atu ‘i potu mo potu. 19‘Io, te ke ngaohi ha selupimi ‘e taha ‘i he potu ko ē mo e selupimi ‘e taha ‘i he potu ko ē, te mou ngaohi ‘a e ongo selupimi ke sino taha mo e hōifua‘anga, ‘o ‘ai ‘i potu mo potu. 20Pea ‘e tu‘u ‘a e ongo selupimi kuo mafola ‘i ‘olunga hona kapakau, ‘o fakamalumalu pē ki he hōifua‘anga; pea te na fehangahangai, ka na hanga foki ki he hōifua‘anga. 21Pea te ke hilifaki ‘a e hōifua‘anga ki he ‘a‘ake; pea te ke tuku ki he ‘a‘ake ‘a e fakamo‘oni te u ‘atu kiate koe. 22Ko e potu ia te u fetaulaki ai mo koe, pea te u alea ai mo koe ‘i he funga hōifua‘anga, mei he vaha‘a ‘o e ongo selupimi ‘a ia ‘oku ‘i he funga ‘o e ‘a‘ake fakamo‘oni‘anga; ‘io, te ta alea ai ki he ngaahi me‘a kehekehe ‘a ia te u tu‘utu‘uni kiate koe ma‘a ha‘a ‘Isileli.
Ko e Tēpile Tuku‘anga Mā Feilaulau
(‘Eki 37.10-16)
23Pea te ke ngaohi ha tēpile ‘aki ‘a e papa sitimi: ko e kiupite ‘e ua hono lōloa, ko e kiupite ‘e taha hono māukupu, pea ko e kiupite ‘e taha mo e haafe hono mā‘olunga. 24Pea te ke ‘aofi ia ‘aki ‘a e koula haohaoa, pea te ke ngaohi hano teuteu koula takatakai. 25Pea te ke ngaohi hano kiato takatakai, ko e ‘aofinima ‘e taha hono laulahi; pea te ke ‘ai ha teuteu koula takatakai ki he kiato. 26Pea te ke ngaohi ki ai ha kavei koula ‘e fā, pea te ke ‘ai ‘a e ngaahi kavei ki he tuliki ‘e fā ‘oku ‘i hono va‘e ‘e fā. 27‘E tu‘u ‘a e ngaahi kavei fe‘unga mo e kiato mo‘o ‘ainga ha‘amo ke kauala ‘aki ‘a e tēpile. 28Pea te ke ngaohi ‘akau ha‘amo ‘aki ‘a e sitimi, ‘o kofu ‘aki ‘a e koula ke kauala ‘aki ‘a e tēpile. 29Pea te ke ngaohi hano ngaahi tisi mo hano ngaahi tatā, pea mo hano ngaahi sioki mo e ipu ke fai‘aki ‘a e fakatau kava: te ke ngaohi kotoa ‘aki ‘a e koula haohaoa. 30Pea te ke hili ki he tēpile ‘a e mā fono ke ‘i hoku ‘ao ma‘u pē.#Lev 24.5-8
Ko e Tu‘unga Maama
(‘Eki 37.17-24)
31Pea te ke ngaohi ha tu‘unga-maama ‘aki ‘a e koula haohaoa: ‘e ngaohi tuki pē ‘a e tu‘unga maama; ko hono tu‘unga mo hono sino, ko hono ngaahi matala, ko hono ngaahi lūpū mo hono ngaahi tangitangi, te nau sino taha ai pē. 32Pea ‘e ‘alu atu mei hono tafa‘aki ha pasanga ‘e ono; ko e pasanga ‘e tolu ‘o e maama ‘e tu‘u mei he potu ‘e taha, pea ko e tolu ‘i he potu ‘e taha: 33‘e tu‘u ‘i he pasanga ‘e taha ‘a e ipu ‘e tolu hangē ko e matala‘i ‘ai, ha lūpū mo ha tangitangi; pea mo ha tolu‘i ipu hangē ko e matala‘i ‘ai ‘i he pasanga ‘e taha, lūpū mo e tangitangi: pehē ‘a e pasanga ‘e ono ‘oku ‘alu atu mei he sino ‘o e maama. 34Pea ‘e tu‘u ‘i he sino‘i maama ha faa‘i ipu faka-e-matala‘i-‘ai, hono ngaahi lūpū mo e tangitangi. 35Pea ko e me‘a ki he pasanga ‘e ono ‘oku ‘alu atu mei he sino‘i maama, ‘e tu‘u ha lūpū ‘e taha ‘i he lalo pasanga ‘e ua, ‘o taha ai pē mo ia, mo e lūpū ‘e taha ‘i he lalo pasanga ‘e ua, ‘o taha ai pē mo ia, mo e lūpū ‘e taha ‘i he lalo pasanga ‘e ua, ko e taha ai pē mo ia. 36Ko hono ngaahi lūpū mo hono ngaahi pasanga, ‘e taha ai pē kotoa pē, ‘o tuki taha pē ‘i he koula haohaoa. 37Pea te ke ngaohi hono ngaahi nge‘esi maama, ko e fitu; pea te nau hilifaki ‘a e ngaahi nge‘esi maama ke fakamaama ki hono potu ki kō. 38Pea ko hono ngaahi helekosi mo hono ngaahi ‘ainga malala ko e koto koula haohaoa pē. 39Ko e taleniti ‘e taha ‘o e koula haohaoa ‘e ngaohi ‘aki ia mo e nāunau kotoa pē ko ē. 40Pea te ke tokanga ke ngaohi ia ‘o tatau mo hono sīpinga, ‘a ia kuo tuku ke ke mamata ki ai ‘i he mo‘unga.#Ngā 7.44; Hep 8.5
Currently Selected:
KO ‘EKISOTO 25: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 25
25
Ko e ngaahi Tukumo‘ui ma‘á e Fale Tapú
(‘Eki 35.4-9)
1PEA folofola ‘a Sihova kia Mōsese, ‘o pehē, 2Lea ki ha‘a ‘Isileli ke nau ‘omi me‘a‘ofa kiate au: ‘ilonga ha taha ‘oku ‘omi loto lelei, te ke tali ‘ene me‘a‘ofa ma‘aku. 3Pea ko eni ‘enau me‘a‘ofa te mou tali; ko e koula mo e siliva mo e kapa; 4mo e me‘a lanu langi mo kula-po‘upo‘uli mo kula-‘aho‘aho, mo e tupenu hina, mo e fulufulu‘i kosi; 5mo e kili‘i sipi tangata kuo fakalanukula, mo e kili‘i tukongi, mo e papa sitimi; 6ko e lolo ki he maama, ko e fa‘ahinga me‘a namu kakala ki he lolo tākai, pea ki he ‘inisēnisi ngangatu; 7ko e ngaahi maka-‘ōnike, mo e ngaahi maka ke fonofono ‘aki ‘a ‘ēfoti#25.7 ‘ēfoti; ‘I he meimei tu‘u kotoa pē ‘a e ‘ēfotí he Tohitapú ko e fa‘ahinga vala ia, pea meimei hangē ha uesiketí. Na‘e ngaohi ‘aki e tupenu mahu‘inga mo lanu faka‘ofo‘ofa, pea na‘e fakapipiki ki ai e fa‘ahinga kato na‘e tauhi ai e ‘Ūlimí mo e Tūlimí, ko e ongo nāunau na‘e fai ‘aki e fekumi pe ko e hā e finangalo ‘o e ‘Otuá. mo e kofu-fatafata. 8Pea ke nau ngaohi mo‘oku ha fale tapu; ke u nofo ‘i honau lotolotonga. 9Hangē tofu pē ‘a e me‘a ‘oku ou tuku ke ke sio ki ai, ‘a e sīpinga ‘o e nofo‘anga, ‘a e sīpinga ‘o hono nāunau kehekehe–‘e pehē ho‘omou ngaohi.
Ko e ‘A‘ake ‘o e Fuakavá
(‘Eki 37.1-9)
10Pea te nau fa‘u ha ‘a‘ake ‘aki ‘a e papa sitimi: ko hono lōloa ko e kiupite ‘e ua mo e haafe, pea ko hono māukupu ko e kiupite ‘e taha mo e haafe, pea ko hono mā‘olunga ko e kiupite ‘e taha mo e haafe. 11Pea te ke ‘aofi ‘aki ia ‘a e koula haohaoa, te ke ‘aofi ‘a loto mo tu‘a, pea te ke ngaohi ‘i hono funga ha teuteu koula takatakai. 12Pea te ke haka ki ai ha kavei koula ‘e fā, ‘o ‘ai ki hono va‘e ‘e fā; pea te ke tau ha ua‘i kavei ‘i hono tafa‘aki ‘e taha mo e ua‘i kavei ‘i hono tafa‘aki ‘e taha. 13Pea te ke ngaohi ‘akau ha‘amo ‘aki ‘a e ‘akau sitimi, ‘o kofu ‘aki ‘a e koula. 14Pea te ke velo ‘a e ‘akau ha‘amo ‘i he ngaahi kavei ‘i he tafa‘aki ‘a‘ake ke kauala ‘aki ‘a e ‘a‘ake. 15‘E tuku ma‘u pē ‘a e ‘akau ha‘amo ‘i he ngaahi kavei ‘o e ‘a‘ake, ‘o ‘ikai to‘o mei ai. 16Pea te ke tuku ki he ‘a‘ake ‘a e fakamo‘oni ‘a ia te u ‘atu.
17Pea te ke ngaohi ha hōifua‘anga ‘aki ‘a e koula haohaoa: ko e kiupite ‘e ua mo e haafe hono lōloa, pea ko e kiupite ‘e taha mo e haafe hono māukupu.#Hep 9.5 18Pea te ke ngaohi ha ongo selupimi koula,#25.18 selupimi; Vakai ki he “Ngaahi Huluhulu”. te ke tuki kinaua ‘i he konga ‘o e hōifua‘anga ‘oku hope atu ‘i potu mo potu. 19‘Io, te ke ngaohi ha selupimi ‘e taha ‘i he potu ko ē mo e selupimi ‘e taha ‘i he potu ko ē, te mou ngaohi ‘a e ongo selupimi ke sino taha mo e hōifua‘anga, ‘o ‘ai ‘i potu mo potu. 20Pea ‘e tu‘u ‘a e ongo selupimi kuo mafola ‘i ‘olunga hona kapakau, ‘o fakamalumalu pē ki he hōifua‘anga; pea te na fehangahangai, ka na hanga foki ki he hōifua‘anga. 21Pea te ke hilifaki ‘a e hōifua‘anga ki he ‘a‘ake; pea te ke tuku ki he ‘a‘ake ‘a e fakamo‘oni te u ‘atu kiate koe. 22Ko e potu ia te u fetaulaki ai mo koe, pea te u alea ai mo koe ‘i he funga hōifua‘anga, mei he vaha‘a ‘o e ongo selupimi ‘a ia ‘oku ‘i he funga ‘o e ‘a‘ake fakamo‘oni‘anga; ‘io, te ta alea ai ki he ngaahi me‘a kehekehe ‘a ia te u tu‘utu‘uni kiate koe ma‘a ha‘a ‘Isileli.
Ko e Tēpile Tuku‘anga Mā Feilaulau
(‘Eki 37.10-16)
23Pea te ke ngaohi ha tēpile ‘aki ‘a e papa sitimi: ko e kiupite ‘e ua hono lōloa, ko e kiupite ‘e taha hono māukupu, pea ko e kiupite ‘e taha mo e haafe hono mā‘olunga. 24Pea te ke ‘aofi ia ‘aki ‘a e koula haohaoa, pea te ke ngaohi hano teuteu koula takatakai. 25Pea te ke ngaohi hano kiato takatakai, ko e ‘aofinima ‘e taha hono laulahi; pea te ke ‘ai ha teuteu koula takatakai ki he kiato. 26Pea te ke ngaohi ki ai ha kavei koula ‘e fā, pea te ke ‘ai ‘a e ngaahi kavei ki he tuliki ‘e fā ‘oku ‘i hono va‘e ‘e fā. 27‘E tu‘u ‘a e ngaahi kavei fe‘unga mo e kiato mo‘o ‘ainga ha‘amo ke kauala ‘aki ‘a e tēpile. 28Pea te ke ngaohi ‘akau ha‘amo ‘aki ‘a e sitimi, ‘o kofu ‘aki ‘a e koula ke kauala ‘aki ‘a e tēpile. 29Pea te ke ngaohi hano ngaahi tisi mo hano ngaahi tatā, pea mo hano ngaahi sioki mo e ipu ke fai‘aki ‘a e fakatau kava: te ke ngaohi kotoa ‘aki ‘a e koula haohaoa. 30Pea te ke hili ki he tēpile ‘a e mā fono ke ‘i hoku ‘ao ma‘u pē.#Lev 24.5-8
Ko e Tu‘unga Maama
(‘Eki 37.17-24)
31Pea te ke ngaohi ha tu‘unga-maama ‘aki ‘a e koula haohaoa: ‘e ngaohi tuki pē ‘a e tu‘unga maama; ko hono tu‘unga mo hono sino, ko hono ngaahi matala, ko hono ngaahi lūpū mo hono ngaahi tangitangi, te nau sino taha ai pē. 32Pea ‘e ‘alu atu mei hono tafa‘aki ha pasanga ‘e ono; ko e pasanga ‘e tolu ‘o e maama ‘e tu‘u mei he potu ‘e taha, pea ko e tolu ‘i he potu ‘e taha: 33‘e tu‘u ‘i he pasanga ‘e taha ‘a e ipu ‘e tolu hangē ko e matala‘i ‘ai, ha lūpū mo ha tangitangi; pea mo ha tolu‘i ipu hangē ko e matala‘i ‘ai ‘i he pasanga ‘e taha, lūpū mo e tangitangi: pehē ‘a e pasanga ‘e ono ‘oku ‘alu atu mei he sino ‘o e maama. 34Pea ‘e tu‘u ‘i he sino‘i maama ha faa‘i ipu faka-e-matala‘i-‘ai, hono ngaahi lūpū mo e tangitangi. 35Pea ko e me‘a ki he pasanga ‘e ono ‘oku ‘alu atu mei he sino‘i maama, ‘e tu‘u ha lūpū ‘e taha ‘i he lalo pasanga ‘e ua, ‘o taha ai pē mo ia, mo e lūpū ‘e taha ‘i he lalo pasanga ‘e ua, ‘o taha ai pē mo ia, mo e lūpū ‘e taha ‘i he lalo pasanga ‘e ua, ko e taha ai pē mo ia. 36Ko hono ngaahi lūpū mo hono ngaahi pasanga, ‘e taha ai pē kotoa pē, ‘o tuki taha pē ‘i he koula haohaoa. 37Pea te ke ngaohi hono ngaahi nge‘esi maama, ko e fitu; pea te nau hilifaki ‘a e ngaahi nge‘esi maama ke fakamaama ki hono potu ki kō. 38Pea ko hono ngaahi helekosi mo hono ngaahi ‘ainga malala ko e koto koula haohaoa pē. 39Ko e taleniti ‘e taha ‘o e koula haohaoa ‘e ngaohi ‘aki ia mo e nāunau kotoa pē ko ē. 40Pea te ke tokanga ke ngaohi ia ‘o tatau mo hono sīpinga, ‘a ia kuo tuku ke ke mamata ki ai ‘i he mo‘unga.#Ngā 7.44; Hep 8.5
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.