KO ‘EKISOTO 35
35
Ko e ngaahi Tu‘utu‘uni ki he Sāpaté
1PEA fakataha ‘e Mōsese ‘a e fakataha kotoa ‘o ha‘a ‘Isileli, ‘o ne pehē kiate kinautolu, Ko eni ‘a e me‘a kuo tu‘utu‘uni ‘e Sihova ke mou fai. 2Ko ha ono‘i ‘aho ‘e fai ngāue ai, ka ko hono ‘aho fitu ko homou Sāpate mālōlō ia tapu kia Sihova: ko ia kotoa pē te ne fai ai ha ngāue te ne mate.#‘Eki 20.8-11; 23.12; 31.15; 34.21; Lev 23.3; Teu 5.12-14 3‘E ‘ikai te mou tutu ha afi ‘i homou ngaahi tangutu‘anga kotoa pē ‘i he ‘aho Sāpate.
Ko e ngaahi Tukumo‘ui ma‘á e Tāpanekalé
(‘Eki 25.1-9)
4Pea lea ‘a Mōsese ki he fakataha kotoa ‘o ha‘a ‘Isileli, ‘o pehē, Ko eni ‘a e me‘a kuo tu‘utu‘uni ‘e he ‘Eiki, 5ke mou to‘o mai ha‘amou me‘a‘ofa kia Sihova: ‘ilonga ha taha ‘oku loto lelei ki ai, ke ke ‘omi ‘ene hapai kia Sihova; ko ha koula, pe siliva, pe kapa; 6mo ha me‘a lanu-langi, mo kula-po‘upo‘uli, mo kula-‘aho‘aho, mo e tupenu hinehina, mo e fulufulu‘i kosi; 7mo e kili‘i sipi tangata kuo fakalanukula, mo e kili‘i tukongi mo e papa sitimi; 8mo e lolo ki he maama, mo e me‘a namu kakala ki he lolo pani mo e ‘inisēnisi ngangatu; 9mo e maka-‘ōnike, pea mo e ngaahi maka koloa ke fonofono ‘aki ‘a e ‘ēfoti mo e sifa.
Ko e ngaahi Nāunau ki he Tāpanekale ‘Afio‘anga ‘o Sihová
(‘Eki 39.32-43)
10Pea ka ‘ilonga ha nima mea‘a ‘iate kimoutolu, ke ne hanga ‘o ngaohi ‘a e ngaahi me‘a kuo tu‘utu‘uni ‘e Sihova; 11‘a e Tāpanekale, ‘a hono tēniti mo hono ‘u‘ufi, ‘a hono ngaahi fakama‘u, mo hono ngaahi holisi, ‘a hono ngaahi kiato, ‘a hono ngaahi pou, mo hono ngaahi tu‘unga; 12‘a e ‘a‘ake mo hono kaufata, ‘a e hōifua‘anga mo e tatau puipui; 13‘a e tēpile mo hono kaufata, mo hono nāunau kotoa, mo e mā fono; 14mo e tu‘unga maama ki he maama, pea mo hono nāunau, mo hono nge‘esi maama, mo e lolo maama; 15mo e ‘ōlita tutu‘anga-‘inisēnisi, mo hono kau-fata, mo e lolo pani, mo e ‘inisēnisi ngangatu, mo e puipui ‘o e matapā ‘i he mata Tāpanekale; 16‘a e ‘ōlita tutu‘anga feilaulau, mo hono tu‘unga kapa ‘oku ‘i ai, ‘a hono kaufata, mo hono nāunau kehekehe, ‘a e pālutu‘anga mo hono tu‘unga; 17‘a e tupenu ke lulu ‘aki ‘a e loto‘ā, ‘a hono ngaahi tokotu‘u, mo honau ngaahi tu‘unga, mo e puipui ki he matapā ‘o e loto‘ā; 18‘a e ngaahi fa‘o ‘o e Tāpanekale, mo e ngaahi fa‘o ‘o e loto‘ā, mo honau ngaahi maea; 19‘a e ngaahi kofu mālohi ke fai‘aki ‘a e ngāue ‘i he Potu Tapu, ‘a e ngaahi kofu tapu ‘o ‘Ēlone ko e taula‘eiki, mo e ngaahi kofu ‘o hono ngaahi foha, ke fai‘aki ‘a e ngāue fakataula‘eiki.
Ko e ‘Omi ‘e he Kakaí ‘Enau Tukumo‘uí
20Pea na‘e tutuku ‘a e fakataha kotoa ‘o ha‘a ‘Isileli mei he ‘ao ‘o Mōsese. 21Pea na‘a nau ha‘u, ‘a kinautolu kotoa pē na‘e o‘i ‘e honau loto, mo kinautolu na‘e fakalotolelei ‘e honau laumālie, ‘o nau ‘omi ‘enau me‘a‘ofa kia Sihova ki he ngāue ‘o e Tēniti Fe‘iloaki‘anga mo hono fatongia kotoa, pea ki he ngaahi kofu tapu. 22‘Io, na‘a nau omi, ‘a tangata mo fafine fakatou‘osi, ‘a kinautolu na‘e loto fie fai, ‘o nau ‘omi pine, mo e mama-ihu, mo ha ngaahi mama-sila, mo e lelu, ha ngaahi teunga koula kehekehe; ‘io, ‘ilonga ha taha kuo ne tākalo ‘aki ha feilaulau koula kia Sihova. 23Pea ‘ilonga ha tangata na‘e ‘iate ia ha me‘a lanu langi, pe kula-po‘upo‘uli, pe kula-‘aho‘aho, pe ha tupenu hinehina, pe fulufulu‘i kosi, pe ha kili‘i sipi tangata kuo fakalanukula, pe ha kili‘i tukongi, na‘a ne ‘omi ia. 24‘Ilonga ha taha kuo ne hapai ha feilaulau siliva pe kapa, na‘a ne ‘omi ia ko e feilaulau kia Sihova, pea ‘ilonga ia na‘a ne ma‘u papa sitimi ‘e ‘aonga ki ha tu‘utu‘uni ‘o e ngāue, na‘a ne ‘omi ia. 25Pea ‘ilonga ha fefine na‘e poto, na‘e ala hono nima ‘o fai ‘a e filo, ‘o nau ‘omi ‘a e me‘a kuo nau filo, ‘a e me‘a lanu-langi, mo kula-po‘upo‘uli, mo kula-‘aho‘aho, pea mo e tupenu hinehina. 26Pea ko e kau fefine kotoa pē na‘e o‘i kinautolu ‘e honau loto ko ‘enau poto, na‘a nau filo ‘a e fulufulu‘i kosi. 27Pea ‘omi ‘e he hou‘eiki ‘a e ngaahi maka-‘ōnike, mo e ngaahi maka koloa ke fonofono ‘aki ‘a e ‘ēfoti mo e sifa: 28pea mo e me‘a namu kakala mo e lolo, ke fai‘aki ‘a e maama mo e lolo pani mo e ‘inisēnisi ngangatu. 29Na‘e ‘omi ‘e ha‘a ‘Isileli ‘enau me‘a‘ofa ‘ata‘atā kia Sihova, ‘a e tangata pe ko e fefine na‘e loto lelei ke ‘omi ha me‘a ki he ngaahi ngāue kehekehe kuo tu‘utu‘uni ‘e Sihova ‘ia Mōsese ke fai. Ko e Kau Ngāue Fokotu‘u Tāpanekale ‘Afio‘anga ‘o Sihová.
(‘Eki 31.1-11)
30Pea lea ‘a Mōsese ki ha‘a ‘Isileli; Vakai, kuo ui hingoa ‘e he ‘Eiki ‘a Pesalili ko e foha ‘o ‘Uli, ko e foha ‘o Hua, ‘i he matakali ‘o Siuta; 31pea kuo ne taumalingi kiate ia ‘a e laumālie#35.31 laumālie; pe ivi. ‘o e ‘Otua ke fakapoto‘i, ke faka‘atamai‘i, ke fakalotomatala mo fakaalafua; 32ke ne fakakaukau‘i foki hano anga ‘o e ngaahi me‘a, ke tufunga‘i ‘a e koula mo e siliva mo e kapa; 33pea ke tongi maka fonofono, pea ke tongi ‘akau, ke fai ‘a e ngāue kotoa pē ‘oku faingata‘a. 34Pea kuo ne tuku ki hono loto ‘a e mafai ke ako, kiate ia mo ‘Aholiapi, ko e foha ‘o ‘Ahisamaki ‘i he matakali ‘o Tani. 35Ko kinaua kuo ne fakapoto‘i hona loto ke fai ‘a e ngaahi ngāue ‘o e tufunga tongitongi, mo e lalanga me‘a pulepule, mo e tuitui poto, ‘i he fai‘aki ‘a e lanu langi mo e kula-po‘upo‘uli mo kula-‘aho‘aho, mo e vavae hinehina, pea mo e ngāue ‘a e lalanga: ‘io, ‘a e ngāue ‘a e faiva kātoa, mo e fakakaukau me‘a faingata‘a. 36Pea ‘e ngāue ‘a Pesalili mo ‘Aholiapi, mo e tangata kotoa pē kuo ‘atamai poto, ha taha kuo ‘ai ki hono loto ‘e he ‘Eiki ‘a e poto mo e loto matala, ke ne ‘ilo ke fai ‘a e me‘a kehekehe ‘o e ngāue ‘o e Fale Tapu, ‘o fakatatau ki he me‘a kotoa pē kuo tu‘utu‘uni ‘e he ‘Eiki.
Currently Selected:
KO ‘EKISOTO 35: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 35
35
Ko e ngaahi Tu‘utu‘uni ki he Sāpaté
1PEA fakataha ‘e Mōsese ‘a e fakataha kotoa ‘o ha‘a ‘Isileli, ‘o ne pehē kiate kinautolu, Ko eni ‘a e me‘a kuo tu‘utu‘uni ‘e Sihova ke mou fai. 2Ko ha ono‘i ‘aho ‘e fai ngāue ai, ka ko hono ‘aho fitu ko homou Sāpate mālōlō ia tapu kia Sihova: ko ia kotoa pē te ne fai ai ha ngāue te ne mate.#‘Eki 20.8-11; 23.12; 31.15; 34.21; Lev 23.3; Teu 5.12-14 3‘E ‘ikai te mou tutu ha afi ‘i homou ngaahi tangutu‘anga kotoa pē ‘i he ‘aho Sāpate.
Ko e ngaahi Tukumo‘ui ma‘á e Tāpanekalé
(‘Eki 25.1-9)
4Pea lea ‘a Mōsese ki he fakataha kotoa ‘o ha‘a ‘Isileli, ‘o pehē, Ko eni ‘a e me‘a kuo tu‘utu‘uni ‘e he ‘Eiki, 5ke mou to‘o mai ha‘amou me‘a‘ofa kia Sihova: ‘ilonga ha taha ‘oku loto lelei ki ai, ke ke ‘omi ‘ene hapai kia Sihova; ko ha koula, pe siliva, pe kapa; 6mo ha me‘a lanu-langi, mo kula-po‘upo‘uli, mo kula-‘aho‘aho, mo e tupenu hinehina, mo e fulufulu‘i kosi; 7mo e kili‘i sipi tangata kuo fakalanukula, mo e kili‘i tukongi mo e papa sitimi; 8mo e lolo ki he maama, mo e me‘a namu kakala ki he lolo pani mo e ‘inisēnisi ngangatu; 9mo e maka-‘ōnike, pea mo e ngaahi maka koloa ke fonofono ‘aki ‘a e ‘ēfoti mo e sifa.
Ko e ngaahi Nāunau ki he Tāpanekale ‘Afio‘anga ‘o Sihová
(‘Eki 39.32-43)
10Pea ka ‘ilonga ha nima mea‘a ‘iate kimoutolu, ke ne hanga ‘o ngaohi ‘a e ngaahi me‘a kuo tu‘utu‘uni ‘e Sihova; 11‘a e Tāpanekale, ‘a hono tēniti mo hono ‘u‘ufi, ‘a hono ngaahi fakama‘u, mo hono ngaahi holisi, ‘a hono ngaahi kiato, ‘a hono ngaahi pou, mo hono ngaahi tu‘unga; 12‘a e ‘a‘ake mo hono kaufata, ‘a e hōifua‘anga mo e tatau puipui; 13‘a e tēpile mo hono kaufata, mo hono nāunau kotoa, mo e mā fono; 14mo e tu‘unga maama ki he maama, pea mo hono nāunau, mo hono nge‘esi maama, mo e lolo maama; 15mo e ‘ōlita tutu‘anga-‘inisēnisi, mo hono kau-fata, mo e lolo pani, mo e ‘inisēnisi ngangatu, mo e puipui ‘o e matapā ‘i he mata Tāpanekale; 16‘a e ‘ōlita tutu‘anga feilaulau, mo hono tu‘unga kapa ‘oku ‘i ai, ‘a hono kaufata, mo hono nāunau kehekehe, ‘a e pālutu‘anga mo hono tu‘unga; 17‘a e tupenu ke lulu ‘aki ‘a e loto‘ā, ‘a hono ngaahi tokotu‘u, mo honau ngaahi tu‘unga, mo e puipui ki he matapā ‘o e loto‘ā; 18‘a e ngaahi fa‘o ‘o e Tāpanekale, mo e ngaahi fa‘o ‘o e loto‘ā, mo honau ngaahi maea; 19‘a e ngaahi kofu mālohi ke fai‘aki ‘a e ngāue ‘i he Potu Tapu, ‘a e ngaahi kofu tapu ‘o ‘Ēlone ko e taula‘eiki, mo e ngaahi kofu ‘o hono ngaahi foha, ke fai‘aki ‘a e ngāue fakataula‘eiki.
Ko e ‘Omi ‘e he Kakaí ‘Enau Tukumo‘uí
20Pea na‘e tutuku ‘a e fakataha kotoa ‘o ha‘a ‘Isileli mei he ‘ao ‘o Mōsese. 21Pea na‘a nau ha‘u, ‘a kinautolu kotoa pē na‘e o‘i ‘e honau loto, mo kinautolu na‘e fakalotolelei ‘e honau laumālie, ‘o nau ‘omi ‘enau me‘a‘ofa kia Sihova ki he ngāue ‘o e Tēniti Fe‘iloaki‘anga mo hono fatongia kotoa, pea ki he ngaahi kofu tapu. 22‘Io, na‘a nau omi, ‘a tangata mo fafine fakatou‘osi, ‘a kinautolu na‘e loto fie fai, ‘o nau ‘omi pine, mo e mama-ihu, mo ha ngaahi mama-sila, mo e lelu, ha ngaahi teunga koula kehekehe; ‘io, ‘ilonga ha taha kuo ne tākalo ‘aki ha feilaulau koula kia Sihova. 23Pea ‘ilonga ha tangata na‘e ‘iate ia ha me‘a lanu langi, pe kula-po‘upo‘uli, pe kula-‘aho‘aho, pe ha tupenu hinehina, pe fulufulu‘i kosi, pe ha kili‘i sipi tangata kuo fakalanukula, pe ha kili‘i tukongi, na‘a ne ‘omi ia. 24‘Ilonga ha taha kuo ne hapai ha feilaulau siliva pe kapa, na‘a ne ‘omi ia ko e feilaulau kia Sihova, pea ‘ilonga ia na‘a ne ma‘u papa sitimi ‘e ‘aonga ki ha tu‘utu‘uni ‘o e ngāue, na‘a ne ‘omi ia. 25Pea ‘ilonga ha fefine na‘e poto, na‘e ala hono nima ‘o fai ‘a e filo, ‘o nau ‘omi ‘a e me‘a kuo nau filo, ‘a e me‘a lanu-langi, mo kula-po‘upo‘uli, mo kula-‘aho‘aho, pea mo e tupenu hinehina. 26Pea ko e kau fefine kotoa pē na‘e o‘i kinautolu ‘e honau loto ko ‘enau poto, na‘a nau filo ‘a e fulufulu‘i kosi. 27Pea ‘omi ‘e he hou‘eiki ‘a e ngaahi maka-‘ōnike, mo e ngaahi maka koloa ke fonofono ‘aki ‘a e ‘ēfoti mo e sifa: 28pea mo e me‘a namu kakala mo e lolo, ke fai‘aki ‘a e maama mo e lolo pani mo e ‘inisēnisi ngangatu. 29Na‘e ‘omi ‘e ha‘a ‘Isileli ‘enau me‘a‘ofa ‘ata‘atā kia Sihova, ‘a e tangata pe ko e fefine na‘e loto lelei ke ‘omi ha me‘a ki he ngaahi ngāue kehekehe kuo tu‘utu‘uni ‘e Sihova ‘ia Mōsese ke fai. Ko e Kau Ngāue Fokotu‘u Tāpanekale ‘Afio‘anga ‘o Sihová.
(‘Eki 31.1-11)
30Pea lea ‘a Mōsese ki ha‘a ‘Isileli; Vakai, kuo ui hingoa ‘e he ‘Eiki ‘a Pesalili ko e foha ‘o ‘Uli, ko e foha ‘o Hua, ‘i he matakali ‘o Siuta; 31pea kuo ne taumalingi kiate ia ‘a e laumālie#35.31 laumālie; pe ivi. ‘o e ‘Otua ke fakapoto‘i, ke faka‘atamai‘i, ke fakalotomatala mo fakaalafua; 32ke ne fakakaukau‘i foki hano anga ‘o e ngaahi me‘a, ke tufunga‘i ‘a e koula mo e siliva mo e kapa; 33pea ke tongi maka fonofono, pea ke tongi ‘akau, ke fai ‘a e ngāue kotoa pē ‘oku faingata‘a. 34Pea kuo ne tuku ki hono loto ‘a e mafai ke ako, kiate ia mo ‘Aholiapi, ko e foha ‘o ‘Ahisamaki ‘i he matakali ‘o Tani. 35Ko kinaua kuo ne fakapoto‘i hona loto ke fai ‘a e ngaahi ngāue ‘o e tufunga tongitongi, mo e lalanga me‘a pulepule, mo e tuitui poto, ‘i he fai‘aki ‘a e lanu langi mo e kula-po‘upo‘uli mo kula-‘aho‘aho, mo e vavae hinehina, pea mo e ngāue ‘a e lalanga: ‘io, ‘a e ngāue ‘a e faiva kātoa, mo e fakakaukau me‘a faingata‘a. 36Pea ‘e ngāue ‘a Pesalili mo ‘Aholiapi, mo e tangata kotoa pē kuo ‘atamai poto, ha taha kuo ‘ai ki hono loto ‘e he ‘Eiki ‘a e poto mo e loto matala, ke ne ‘ilo ke fai ‘a e me‘a kehekehe ‘o e ngāue ‘o e Fale Tapu, ‘o fakatatau ki he me‘a kotoa pē kuo tu‘utu‘uni ‘e he ‘Eiki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.