KO ‘EKISOTO 36
36
1PEA ui ange ‘e Mōsese ‘a Pesalili mo ‘Aholiapi, mo kinautolu kotoa pē na‘e ‘atamai poto, ha taha kuo fakapoto‘i hono loto ‘e he ‘Eiki, pea na‘e o‘i ia ‘e hono loto ke ha‘u ke fai ‘a e ngāue.
Ko e ‘Omi ‘e he Kakaí ‘a e ngaahi Me‘a‘ofa Lahi
2Pea na‘a nau to‘o ‘o ‘ave mei he ‘ao ‘o Mōsese ‘a e me‘a‘ofa kotoa, ‘a ia na‘e ‘omi ‘e ha‘a ‘Isileli ke fai‘aki ‘a e ngāue ‘o e Fale Tapu, mo ngaohi ia. 3Pea na‘e kei ‘omi ‘i he pongipongi kotoa pē ‘a e me‘a‘ofa kiate ia. 4Pea ko e kau poto na‘e fai ‘a e ngāue ‘o e Fale Tapu, na‘a nau ha‘u takitaha mei he ngāue na‘a ne fai; 5pea na‘a nau lea kia Mōsese, ‘o pehē, ‘Oku lahi fau ‘a e me‘a ‘oku ‘omi ‘e he kakai, pea ‘oku hulu atu ‘i he ngāue na‘e tu‘utu‘uni ‘e Sihova ke fai.
6Ko ia na‘e fekau ‘e Mōsese, pea na‘a nau fanongonongo ‘i he ‘apitanga, ‘o pehē, ‘A tangata mo fafine, ‘oua na‘a toe ngaohi ha me‘a ka foaki ki he Fale Tapu. Ko ia na‘e ta‘ofi ‘a e kakai mei he ‘omi me‘a. 7He ko e me‘a kuo ma‘u na‘e fe‘unga mo e fai ‘o e ngāue kotoa pē, ‘o hulu atu.
Ko e Ngaohi ‘o e Tāpanekale ‘Afio‘anga ‘o Sihová
(‘Eki 26.1-37)
8Pea ‘ilonga ‘a kinautolu ‘i he kau ngāue na‘e poto na‘a nau ngāue ki ke Tāpanekale, ‘o nau ngaohi ia ‘aki ‘a e tupenu ‘e hongofulu; ko e vavae hinehina kuo filo, mo e lanu-langi, mo e kula-po‘upo‘uli, mo e kula-‘aho‘aho: na‘e hā ai ‘a e ngaahi selupimi ‘i he fai ‘a e tangata lalanga. 9Ko e lōloa ‘o e tupenu takitaha ko e kiupite ‘e uofulu mā valu, pea ko e māukupu ‘o e tupenu takitaha ko e kiupite ‘e fā: na‘e fua tatau pē ‘a e tupenu kotoa. 10Pea na‘a ne hokohoko ‘a e tupenu mo e tupenu ke matai-nima, pea ne hokohoko ‘a e tupenu mo e tupenu ke matai-nima. 11Pea na‘a ne ngaohi ‘a e ngaahi kavei lanu langi ‘i he tapa ‘o e tupenu ‘e taha ‘i he taupotu ‘o e matai-nima, pea pehē ‘ene fai ‘i he tapa ‘o e tupenu taupotu ‘i he matai-nima ‘e taha. 12Ko e kavei ‘e nimangofulu na‘a ne ngaohi ‘i he tupenu ‘e taha, pea ne ngaohi mo e kavei ‘e nimangofulu ‘i he taupotu ‘o e tupenu ‘i he matai-nima ‘e taha: na‘e fakafeu‘utaki ‘a e ngaahi kavei. 13Pea na‘a ne ngaohi ha fakama‘u koula ‘e nimangofulu, ‘o ne fakahoko ‘aki ‘a e ngaahi fakama‘u ‘a e tupenu ko ē mo ē: pea ko ia na‘e hoko ‘o taha pē ‘a e Tāpanekale.
14Pea na‘a ne ngaohi tupenu fulufulu‘i kosi ki ha tēniti ke pulonga ‘aki ‘a e Tāpanekale: na‘a ne ngaohi ia ko e tupenu ‘e hongofulu mā taha. 15Ko e lōloa ‘o e tupenu ‘e taha ko e kiupite ‘e tolungofulu, pea ko e kiupite ‘e fā hono māukupu; na‘e fua tatau pē ‘a e tupenu ‘e hongofulu mā taha. 16Pea na‘a ne hoko ‘a e ngaahi tupenu ke matai-nima ē matai-ono ē. 17Pea na‘a ne ngaohi ha kavei ‘e nimangofulu ‘i he kapa ‘o e tupenu taupotu ‘i he matai-nima, mo e kavei ‘e nimangofulu ‘i he kapa ‘o e tupenu ‘i he matai-ono. 18Pea na‘a ne ngaohi ha fakama‘u kapa ‘e nimangofulu ke fakahoko ‘aki ‘a e tēniti ke taha pē. 19Pea na‘a ne ngaohi ha ‘u‘ufi ki he tēniti ‘aki ‘a e ngaahi kili‘i sipi tangata kuo fakalanukula, mo ha fakatefisi ‘aki ‘a e ngaahi kili‘i tutu‘u.
20Pea ne ngaohi ‘a e holisi ‘o e Tāpanekale ‘aki ‘a e papa sitimi, ‘o fokotutu‘u. 21Ko e lōloa ‘o e papa ‘e taha ko e kiupite ‘e hongofulu, pea ko e kiupite mo e haafe ‘a e māukupu ‘o e papa. 22Na‘e ai ha ongo ‘elelo ‘e ua ‘i he papa ‘e taha, ‘o fakahoko ‘a e taha mo e taha: na‘e pehē ‘ene fai ki he ngaahi laupapa kotoa pē ‘o e Tāpanekale. 23‘Io, na‘a ne ngaohi ‘a e holisi ‘o e Tāpanekale; ko e papa ‘e uofulu ki he fa‘ahi ki Tonga (‘a e fakato‘omata‘u): 24pea ne ngaohi ha tu‘unga siliva ‘e fāngofulu ke tu‘u ‘i he lalo uofulu‘i papa: ko e tu‘unga ‘e ua ‘i he lalo papa ko ē, ki he ongo ‘elelo ‘o‘ona, mo e tu‘unga ‘e ua ki he lalo papa ko ē ki he ongo ‘elelo ‘o‘ona. 25Pea ki he tafa‘aki ko ē ‘o e Tāpanekale, ‘a e fa‘ahi ki tokelau, na‘a ne ngaohi ha papa ‘e uofulu, mo honau tu‘unga siliva ‘e fāngofulu; 26ko e tu‘unga ‘e ua ki he lalo papa ko ē, mo e tu‘unga ‘e ua ki he lalo papa ko ē. 27Pea ki he tā ‘o e Tāpanekale ki lulunga na‘a ne ngaohi ha papa ‘e ono. 28Pea na‘a ne ngaohi ha ongo papa ki he ngaahi tuliki ‘o e Tāpanekale ‘i he ongo tā. 29Pea na‘a na pikiua ‘i lalo, pea ne fakataha kinaua ‘i ‘olunga ‘i he ‘uluaki kavei: na‘a ne fai pehē ki he ua ko ē foki; ko e me‘a ia ki he ongo tuliki. 30Ko ia na‘e valu ‘a e ngaahi papa, pea ko honau ngaahi tu‘unga siliva ko e tu‘unga ‘e hongofulu mā ono; ko e tu‘unga ‘e ua ki he lalo papa ko ē, mo e tu‘unga ‘e ua ki he lalo papa ko ē.
31Pea na‘a ne ngaohi kiato ‘aki ‘a e ‘akau sitimi; ko e nima ki he ‘ū papa ‘o e fa‘ahi Tāpanekale ko ē, 32pea mo e kiato ‘e nima ki he ‘ū papa ‘o e fa‘ahi Tāpanekale ko ē, pea mo e kiato ‘e nima ki he ‘ū papa ‘o e tā ‘o e Tāpanekale ki lulunga. 33Pea na‘a ne ngaohi ‘a e kiato loto ke a‘u mei potu ki potu ‘i he loto ‘ū laupapa. 34Pea na‘a ne ‘u‘ufi ‘a e ngaahi laupapa ‘aki ‘a e koula, pea ko honau ngaahi kavei na‘a ne ngaohi koula pē, ke velo ai ‘a e ngaahi kiato, pea na‘a ne ‘u‘ufi koula ‘a e ngaahi kiato.
35Pea na‘a ne ngaohi ‘a e Tatau ‘aki ‘a e lanu langi, mo e kula-po‘upo‘uli, mo e kula-‘aho‘aho, mo e vavae hinehina kuo filo: na‘a ne ngaohi ia ke hā ai ha ngaahi selupimi ‘i he lalanga. 36Pea na‘a ne ngaohi ki ai ha pou sitimi ‘e fā, pea ne ‘u‘ufi koula ia: pea na‘e koula mo honau ngaahi tautau‘anga; pea na‘a ne haka ki ai ha tu‘unga siliva ‘e fā. 37Pea na‘a ne ngaohi ha puipui ki he mata tēniti ‘aki ‘a e lanu langi, mo e kula-po‘upo‘uli, mo e kula-‘aho‘aho, mo e vavae hinehina kuo filo, pea na‘e fai ai ha ngāue ‘a e tuitui poto; 38ko hono pou ‘e nima foki mo honau ngaahi tautau‘anga; pea na‘a ne ‘ufi‘ufi koula ‘a e ngaahi ‘ulu‘i pou, mo honau ngaahi ‘akau fakakava: ka ko honau tu‘unga ‘e nima na‘e palasa.
Currently Selected:
KO ‘EKISOTO 36: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 36
36
1PEA ui ange ‘e Mōsese ‘a Pesalili mo ‘Aholiapi, mo kinautolu kotoa pē na‘e ‘atamai poto, ha taha kuo fakapoto‘i hono loto ‘e he ‘Eiki, pea na‘e o‘i ia ‘e hono loto ke ha‘u ke fai ‘a e ngāue.
Ko e ‘Omi ‘e he Kakaí ‘a e ngaahi Me‘a‘ofa Lahi
2Pea na‘a nau to‘o ‘o ‘ave mei he ‘ao ‘o Mōsese ‘a e me‘a‘ofa kotoa, ‘a ia na‘e ‘omi ‘e ha‘a ‘Isileli ke fai‘aki ‘a e ngāue ‘o e Fale Tapu, mo ngaohi ia. 3Pea na‘e kei ‘omi ‘i he pongipongi kotoa pē ‘a e me‘a‘ofa kiate ia. 4Pea ko e kau poto na‘e fai ‘a e ngāue ‘o e Fale Tapu, na‘a nau ha‘u takitaha mei he ngāue na‘a ne fai; 5pea na‘a nau lea kia Mōsese, ‘o pehē, ‘Oku lahi fau ‘a e me‘a ‘oku ‘omi ‘e he kakai, pea ‘oku hulu atu ‘i he ngāue na‘e tu‘utu‘uni ‘e Sihova ke fai.
6Ko ia na‘e fekau ‘e Mōsese, pea na‘a nau fanongonongo ‘i he ‘apitanga, ‘o pehē, ‘A tangata mo fafine, ‘oua na‘a toe ngaohi ha me‘a ka foaki ki he Fale Tapu. Ko ia na‘e ta‘ofi ‘a e kakai mei he ‘omi me‘a. 7He ko e me‘a kuo ma‘u na‘e fe‘unga mo e fai ‘o e ngāue kotoa pē, ‘o hulu atu.
Ko e Ngaohi ‘o e Tāpanekale ‘Afio‘anga ‘o Sihová
(‘Eki 26.1-37)
8Pea ‘ilonga ‘a kinautolu ‘i he kau ngāue na‘e poto na‘a nau ngāue ki ke Tāpanekale, ‘o nau ngaohi ia ‘aki ‘a e tupenu ‘e hongofulu; ko e vavae hinehina kuo filo, mo e lanu-langi, mo e kula-po‘upo‘uli, mo e kula-‘aho‘aho: na‘e hā ai ‘a e ngaahi selupimi ‘i he fai ‘a e tangata lalanga. 9Ko e lōloa ‘o e tupenu takitaha ko e kiupite ‘e uofulu mā valu, pea ko e māukupu ‘o e tupenu takitaha ko e kiupite ‘e fā: na‘e fua tatau pē ‘a e tupenu kotoa. 10Pea na‘a ne hokohoko ‘a e tupenu mo e tupenu ke matai-nima, pea ne hokohoko ‘a e tupenu mo e tupenu ke matai-nima. 11Pea na‘a ne ngaohi ‘a e ngaahi kavei lanu langi ‘i he tapa ‘o e tupenu ‘e taha ‘i he taupotu ‘o e matai-nima, pea pehē ‘ene fai ‘i he tapa ‘o e tupenu taupotu ‘i he matai-nima ‘e taha. 12Ko e kavei ‘e nimangofulu na‘a ne ngaohi ‘i he tupenu ‘e taha, pea ne ngaohi mo e kavei ‘e nimangofulu ‘i he taupotu ‘o e tupenu ‘i he matai-nima ‘e taha: na‘e fakafeu‘utaki ‘a e ngaahi kavei. 13Pea na‘a ne ngaohi ha fakama‘u koula ‘e nimangofulu, ‘o ne fakahoko ‘aki ‘a e ngaahi fakama‘u ‘a e tupenu ko ē mo ē: pea ko ia na‘e hoko ‘o taha pē ‘a e Tāpanekale.
14Pea na‘a ne ngaohi tupenu fulufulu‘i kosi ki ha tēniti ke pulonga ‘aki ‘a e Tāpanekale: na‘a ne ngaohi ia ko e tupenu ‘e hongofulu mā taha. 15Ko e lōloa ‘o e tupenu ‘e taha ko e kiupite ‘e tolungofulu, pea ko e kiupite ‘e fā hono māukupu; na‘e fua tatau pē ‘a e tupenu ‘e hongofulu mā taha. 16Pea na‘a ne hoko ‘a e ngaahi tupenu ke matai-nima ē matai-ono ē. 17Pea na‘a ne ngaohi ha kavei ‘e nimangofulu ‘i he kapa ‘o e tupenu taupotu ‘i he matai-nima, mo e kavei ‘e nimangofulu ‘i he kapa ‘o e tupenu ‘i he matai-ono. 18Pea na‘a ne ngaohi ha fakama‘u kapa ‘e nimangofulu ke fakahoko ‘aki ‘a e tēniti ke taha pē. 19Pea na‘a ne ngaohi ha ‘u‘ufi ki he tēniti ‘aki ‘a e ngaahi kili‘i sipi tangata kuo fakalanukula, mo ha fakatefisi ‘aki ‘a e ngaahi kili‘i tutu‘u.
20Pea ne ngaohi ‘a e holisi ‘o e Tāpanekale ‘aki ‘a e papa sitimi, ‘o fokotutu‘u. 21Ko e lōloa ‘o e papa ‘e taha ko e kiupite ‘e hongofulu, pea ko e kiupite mo e haafe ‘a e māukupu ‘o e papa. 22Na‘e ai ha ongo ‘elelo ‘e ua ‘i he papa ‘e taha, ‘o fakahoko ‘a e taha mo e taha: na‘e pehē ‘ene fai ki he ngaahi laupapa kotoa pē ‘o e Tāpanekale. 23‘Io, na‘a ne ngaohi ‘a e holisi ‘o e Tāpanekale; ko e papa ‘e uofulu ki he fa‘ahi ki Tonga (‘a e fakato‘omata‘u): 24pea ne ngaohi ha tu‘unga siliva ‘e fāngofulu ke tu‘u ‘i he lalo uofulu‘i papa: ko e tu‘unga ‘e ua ‘i he lalo papa ko ē, ki he ongo ‘elelo ‘o‘ona, mo e tu‘unga ‘e ua ki he lalo papa ko ē ki he ongo ‘elelo ‘o‘ona. 25Pea ki he tafa‘aki ko ē ‘o e Tāpanekale, ‘a e fa‘ahi ki tokelau, na‘a ne ngaohi ha papa ‘e uofulu, mo honau tu‘unga siliva ‘e fāngofulu; 26ko e tu‘unga ‘e ua ki he lalo papa ko ē, mo e tu‘unga ‘e ua ki he lalo papa ko ē. 27Pea ki he tā ‘o e Tāpanekale ki lulunga na‘a ne ngaohi ha papa ‘e ono. 28Pea na‘a ne ngaohi ha ongo papa ki he ngaahi tuliki ‘o e Tāpanekale ‘i he ongo tā. 29Pea na‘a na pikiua ‘i lalo, pea ne fakataha kinaua ‘i ‘olunga ‘i he ‘uluaki kavei: na‘a ne fai pehē ki he ua ko ē foki; ko e me‘a ia ki he ongo tuliki. 30Ko ia na‘e valu ‘a e ngaahi papa, pea ko honau ngaahi tu‘unga siliva ko e tu‘unga ‘e hongofulu mā ono; ko e tu‘unga ‘e ua ki he lalo papa ko ē, mo e tu‘unga ‘e ua ki he lalo papa ko ē.
31Pea na‘a ne ngaohi kiato ‘aki ‘a e ‘akau sitimi; ko e nima ki he ‘ū papa ‘o e fa‘ahi Tāpanekale ko ē, 32pea mo e kiato ‘e nima ki he ‘ū papa ‘o e fa‘ahi Tāpanekale ko ē, pea mo e kiato ‘e nima ki he ‘ū papa ‘o e tā ‘o e Tāpanekale ki lulunga. 33Pea na‘a ne ngaohi ‘a e kiato loto ke a‘u mei potu ki potu ‘i he loto ‘ū laupapa. 34Pea na‘a ne ‘u‘ufi ‘a e ngaahi laupapa ‘aki ‘a e koula, pea ko honau ngaahi kavei na‘a ne ngaohi koula pē, ke velo ai ‘a e ngaahi kiato, pea na‘a ne ‘u‘ufi koula ‘a e ngaahi kiato.
35Pea na‘a ne ngaohi ‘a e Tatau ‘aki ‘a e lanu langi, mo e kula-po‘upo‘uli, mo e kula-‘aho‘aho, mo e vavae hinehina kuo filo: na‘a ne ngaohi ia ke hā ai ha ngaahi selupimi ‘i he lalanga. 36Pea na‘a ne ngaohi ki ai ha pou sitimi ‘e fā, pea ne ‘u‘ufi koula ia: pea na‘e koula mo honau ngaahi tautau‘anga; pea na‘a ne haka ki ai ha tu‘unga siliva ‘e fā. 37Pea na‘a ne ngaohi ha puipui ki he mata tēniti ‘aki ‘a e lanu langi, mo e kula-po‘upo‘uli, mo e kula-‘aho‘aho, mo e vavae hinehina kuo filo, pea na‘e fai ai ha ngāue ‘a e tuitui poto; 38ko hono pou ‘e nima foki mo honau ngaahi tautau‘anga; pea na‘a ne ‘ufi‘ufi koula ‘a e ngaahi ‘ulu‘i pou, mo honau ngaahi ‘akau fakakava: ka ko honau tu‘unga ‘e nima na‘e palasa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.