KO SĒNESI 50
50
1PEA fo‘ohifo ‘a Siosifa ki he fofonga ‘o ‘ene tamai, ‘o ne tangi ai, ‘e ne ‘uma kiate ia. 2Pea na‘e fekau ‘e Siosifa ki he‘ene kau tamaio‘eiki na‘e faito‘o ke nau fakatolonga ‘ene tamai; pea na‘e fakatolonga ‘a ‘Isileli ‘e he kau faito‘o. 3Pea na‘a nau fakakakato hono ngaahi ‘aho ‘e fāngofulu; he ko e fuoloa ia ‘a e fai ki he kakai ‘oku fakatolonga: pea na‘e tēngihia ia ‘e he kau ‘Isipite, ‘o ‘aho fitungofulu.
4Pea ‘i he hili ‘a e ngaahi ‘aho ‘o hono tēngihia, na‘e lea ‘a Siosifa ki he fale ‘o Felo, ‘o pehē, Kapau leva ‘oku mou ‘ofa kiate au, ke mou fakatau folofola kia Felo, ‘o pehē, 5Na‘e fakafuakava au ‘e he‘eku tamai ‘o pehē, Ko eni kuo u mate: ko e fonua kuo u keli mo‘oku ‘i Kēnani, ko e potu ko ia te ke tanu ai au. Ko ia, ka u ‘alu hake mu‘a, ‘o tanu ‘eku motu‘a, ka u foki mai.
6Pea folofola ‘a Felo, ‘Alu hake pē, ‘e tanu ho‘o tamai, ‘o hangē ko ‘ene fakafuakava‘i koe.
7Ko ia na‘e ‘alu hake ‘a Siosifa ke tanu ‘ene ‘eiki: pea na‘e ‘alu hake mo ia ‘a e kau tamaio‘eiki kotoa pē ‘a Felo, ‘a e kau mātu‘a ‘o hono fale, pea mo e kau mātu‘a kotoa pē ‘o ‘Isipite, 8mo hono ngaahi tokoua, mo e fale ‘o ‘ene tamai; ko ‘enau tamaiki pē, mo ‘enau fanga manu iiki, mo ‘enau fanga manu lalahi, ko ia pē na‘a nau tuku ‘i Kōseni. 9Pea na‘e ‘alu hake mo ia foki ‘a e ngaahi sāliote mo e kau heka hoosi; pea na‘e tokolahi fakamanavahē ‘a e fononga.
10Pea na‘a nau a‘u ki he ‘au‘au‘anga uite ‘o ‘Ātati, ‘a ia ‘oku ‘i tu‘a Soatani, pea nau fai ai ha fu‘u tēngihia lahi mo fakamamahi ‘aupito: ‘io, na‘a ne fai ‘a e tangi koe‘uhi ko ‘ene tamai, ‘o ‘aho fitu. 11Pea ‘i he vakai ‘e he kakai ‘o e fonua, ‘a e kau Kēnani, ‘a e tangi ni ‘i he ‘au‘au‘anga ‘o ‘Ātati, na‘a nau pehē, Tā ko e tangi fakamamahi eni ki he kau ‘Isipite: ko ia na‘e ui ‘a e potu ko ia ko ‘Ēpelimisilemi (ko Mala‘e-‘a-kau-‘Isipite):#50.11 ‘Ēpelimisilemi; ‘Oku vāofi ‘a hono pu‘aki ‘o e hingoá ni mo e faka-Hepelū ‘o e tēngihia ‘a e kakai ‘Isipité. ‘oku tu‘u ia ‘i Tu‘a-Soatani.
12Pea na‘e fai kiate ia ‘e he‘ene fānau, ‘o hangē ko ‘ene tu‘utu‘uni kiate kinautolu: 13he na‘a nau ‘ave ia ki Kēnani, ‘o nau tanu ia ‘i he ‘ana ‘o e ‘api ko Makipila, ‘a ia na‘e fakatau ‘e ‘Epalahame fakataha mo e ‘api meia ‘Efiloni ko e Heti, ko e tofi‘a mōno fa‘itoka: ‘oku tu‘u ia ‘i he potu hahake ‘o Mamilī.#Ngā 7.16 14Pea hili ‘a e fai ‘o ‘ene tamai na‘e foki ‘a Siosifa ki ‘Isipite, ‘a ia mo hono ngaahi tokoua, mo kinautolu na‘e ‘alu hake mo ia ke tanu ‘ene ‘eiki.
Ko e Fakafiemālie‘i ‘e Siosifa ‘a e Loto ‘o Hono Fanga Tokouá
15Pea ‘i he vakai ‘e he ngaahi tokoua ‘o Siosifa kuo pekia ‘enau tamai, na‘a nau pehē, Na‘a fai ha me‘a ‘e Siosifa kiate kitautolu, ‘io, ‘o mātu‘aki sauni mai ‘a e kovi kotoa na‘a tau fai kiate ia. 16Ko ia na‘a nau fekau atu kia Siosifa ke fakahā, Na‘e tu‘utu‘uni ‘e ho‘o ‘eiki ‘i he te‘eki ke ne pekia, ‘o pehē, 17Ko eni ‘a e lea te mau fai kia Siosifa, Tauange mo koe ke ke fakamolemole ‘a e hia ‘a ho ngaahi tokoua, mo ‘enau angahala, he na‘e kovi mo‘oni ‘a e me‘a na‘a nau fai kiate koe: pea ko ia ke ke fakamolemole mu‘a ‘a e hia ‘a e kau tamaio‘eiki ‘a e ‘Otua ‘o ho‘o ‘eiki. Pea na‘e tangi ‘a Siosifa ‘i he‘enau lea pehē kiate ia.
18Pea na‘e ‘alu foki ‘a hono ngaahi tokoua, ‘o nau fo‘ohifo ‘i hono ‘ao, ‘o nau pehē, Ko eni ko ho‘o kau tamaio‘eiki kimautolu.
19Pea pehē ‘e Siosifa kiate kinautolu, ‘Oua te mou manavahē; he kuo u fetongi ‘a e ‘Otua? 20Ka ko kimoutolu na‘a mou tu‘utu‘uni ha kovi kiate au; ka ko e ‘Otua na‘a ne tu‘utu‘uni ia ko e lelei, koe‘uhi ke hoko ‘a e me‘a kuo hoko ni, ‘a e fakamo‘ui ‘o ha fu‘u kakai. 21Ko ia ‘oua te mou manavahē: te u tauhi kimoutolu mo ho‘omou tamaiki. Pea na‘a ne fakanonga kinautolu, ‘o fakafiemālie honau loto.
Ko e Mate ‘a Siosifá
22Pea na‘e nofo ‘a Siosifa ‘i ‘Isipite, ‘a ia mo e fale ‘o ‘ene tamai: pea ko e fuoloa ‘o Siosifa ko e ta‘u ‘e teau mā hongofulu. 23Pea na‘e mamata ‘e Siosifa ki he hako ‘o ‘Ifalemi, ‘o a‘u ki hono tolu ‘o e to‘utangata; ko e fānau foki ‘a Mākili ko e foha ‘o Manase na‘e fā‘ele‘i ki he funga ‘o Siosifa. 24Pea lea ‘a Siosifa ki hono ngaahi tokoua, Kuo u mate au: ka kuo pau ke ‘a‘ahi ‘a e ‘Otua kiate kimoutolu, pea te ne ‘ohake kimoutolu mei he fonua ni ki he fonua na‘a ne fuakava ai kia ‘Epalahame mo ‘Aisake mo Sēkope. 25Pea na‘e fakafuakava ‘e Siosifa ‘a ha‘a ‘Isileli, ‘o pehē, Kuo pau ke ‘a‘ahi kiate kimoutolu ‘e he ‘Otua, pea te mou toki ‘ohake hoku ‘anga‘anga mei heni.#‘Eki 13.19; Sios 24.32; Hep 11.22 26Pea pekia ‘a Siosifa kuo teau mā hongofulu hono ta‘u: pea na‘a nau fakatolonga ia, ‘o nau ‘ai ki ha puha ‘i ‘Isipite.
Currently Selected:
KO SĒNESI 50: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SĒNESI 50
50
1PEA fo‘ohifo ‘a Siosifa ki he fofonga ‘o ‘ene tamai, ‘o ne tangi ai, ‘e ne ‘uma kiate ia. 2Pea na‘e fekau ‘e Siosifa ki he‘ene kau tamaio‘eiki na‘e faito‘o ke nau fakatolonga ‘ene tamai; pea na‘e fakatolonga ‘a ‘Isileli ‘e he kau faito‘o. 3Pea na‘a nau fakakakato hono ngaahi ‘aho ‘e fāngofulu; he ko e fuoloa ia ‘a e fai ki he kakai ‘oku fakatolonga: pea na‘e tēngihia ia ‘e he kau ‘Isipite, ‘o ‘aho fitungofulu.
4Pea ‘i he hili ‘a e ngaahi ‘aho ‘o hono tēngihia, na‘e lea ‘a Siosifa ki he fale ‘o Felo, ‘o pehē, Kapau leva ‘oku mou ‘ofa kiate au, ke mou fakatau folofola kia Felo, ‘o pehē, 5Na‘e fakafuakava au ‘e he‘eku tamai ‘o pehē, Ko eni kuo u mate: ko e fonua kuo u keli mo‘oku ‘i Kēnani, ko e potu ko ia te ke tanu ai au. Ko ia, ka u ‘alu hake mu‘a, ‘o tanu ‘eku motu‘a, ka u foki mai.
6Pea folofola ‘a Felo, ‘Alu hake pē, ‘e tanu ho‘o tamai, ‘o hangē ko ‘ene fakafuakava‘i koe.
7Ko ia na‘e ‘alu hake ‘a Siosifa ke tanu ‘ene ‘eiki: pea na‘e ‘alu hake mo ia ‘a e kau tamaio‘eiki kotoa pē ‘a Felo, ‘a e kau mātu‘a ‘o hono fale, pea mo e kau mātu‘a kotoa pē ‘o ‘Isipite, 8mo hono ngaahi tokoua, mo e fale ‘o ‘ene tamai; ko ‘enau tamaiki pē, mo ‘enau fanga manu iiki, mo ‘enau fanga manu lalahi, ko ia pē na‘a nau tuku ‘i Kōseni. 9Pea na‘e ‘alu hake mo ia foki ‘a e ngaahi sāliote mo e kau heka hoosi; pea na‘e tokolahi fakamanavahē ‘a e fononga.
10Pea na‘a nau a‘u ki he ‘au‘au‘anga uite ‘o ‘Ātati, ‘a ia ‘oku ‘i tu‘a Soatani, pea nau fai ai ha fu‘u tēngihia lahi mo fakamamahi ‘aupito: ‘io, na‘a ne fai ‘a e tangi koe‘uhi ko ‘ene tamai, ‘o ‘aho fitu. 11Pea ‘i he vakai ‘e he kakai ‘o e fonua, ‘a e kau Kēnani, ‘a e tangi ni ‘i he ‘au‘au‘anga ‘o ‘Ātati, na‘a nau pehē, Tā ko e tangi fakamamahi eni ki he kau ‘Isipite: ko ia na‘e ui ‘a e potu ko ia ko ‘Ēpelimisilemi (ko Mala‘e-‘a-kau-‘Isipite):#50.11 ‘Ēpelimisilemi; ‘Oku vāofi ‘a hono pu‘aki ‘o e hingoá ni mo e faka-Hepelū ‘o e tēngihia ‘a e kakai ‘Isipité. ‘oku tu‘u ia ‘i Tu‘a-Soatani.
12Pea na‘e fai kiate ia ‘e he‘ene fānau, ‘o hangē ko ‘ene tu‘utu‘uni kiate kinautolu: 13he na‘a nau ‘ave ia ki Kēnani, ‘o nau tanu ia ‘i he ‘ana ‘o e ‘api ko Makipila, ‘a ia na‘e fakatau ‘e ‘Epalahame fakataha mo e ‘api meia ‘Efiloni ko e Heti, ko e tofi‘a mōno fa‘itoka: ‘oku tu‘u ia ‘i he potu hahake ‘o Mamilī.#Ngā 7.16 14Pea hili ‘a e fai ‘o ‘ene tamai na‘e foki ‘a Siosifa ki ‘Isipite, ‘a ia mo hono ngaahi tokoua, mo kinautolu na‘e ‘alu hake mo ia ke tanu ‘ene ‘eiki.
Ko e Fakafiemālie‘i ‘e Siosifa ‘a e Loto ‘o Hono Fanga Tokouá
15Pea ‘i he vakai ‘e he ngaahi tokoua ‘o Siosifa kuo pekia ‘enau tamai, na‘a nau pehē, Na‘a fai ha me‘a ‘e Siosifa kiate kitautolu, ‘io, ‘o mātu‘aki sauni mai ‘a e kovi kotoa na‘a tau fai kiate ia. 16Ko ia na‘a nau fekau atu kia Siosifa ke fakahā, Na‘e tu‘utu‘uni ‘e ho‘o ‘eiki ‘i he te‘eki ke ne pekia, ‘o pehē, 17Ko eni ‘a e lea te mau fai kia Siosifa, Tauange mo koe ke ke fakamolemole ‘a e hia ‘a ho ngaahi tokoua, mo ‘enau angahala, he na‘e kovi mo‘oni ‘a e me‘a na‘a nau fai kiate koe: pea ko ia ke ke fakamolemole mu‘a ‘a e hia ‘a e kau tamaio‘eiki ‘a e ‘Otua ‘o ho‘o ‘eiki. Pea na‘e tangi ‘a Siosifa ‘i he‘enau lea pehē kiate ia.
18Pea na‘e ‘alu foki ‘a hono ngaahi tokoua, ‘o nau fo‘ohifo ‘i hono ‘ao, ‘o nau pehē, Ko eni ko ho‘o kau tamaio‘eiki kimautolu.
19Pea pehē ‘e Siosifa kiate kinautolu, ‘Oua te mou manavahē; he kuo u fetongi ‘a e ‘Otua? 20Ka ko kimoutolu na‘a mou tu‘utu‘uni ha kovi kiate au; ka ko e ‘Otua na‘a ne tu‘utu‘uni ia ko e lelei, koe‘uhi ke hoko ‘a e me‘a kuo hoko ni, ‘a e fakamo‘ui ‘o ha fu‘u kakai. 21Ko ia ‘oua te mou manavahē: te u tauhi kimoutolu mo ho‘omou tamaiki. Pea na‘a ne fakanonga kinautolu, ‘o fakafiemālie honau loto.
Ko e Mate ‘a Siosifá
22Pea na‘e nofo ‘a Siosifa ‘i ‘Isipite, ‘a ia mo e fale ‘o ‘ene tamai: pea ko e fuoloa ‘o Siosifa ko e ta‘u ‘e teau mā hongofulu. 23Pea na‘e mamata ‘e Siosifa ki he hako ‘o ‘Ifalemi, ‘o a‘u ki hono tolu ‘o e to‘utangata; ko e fānau foki ‘a Mākili ko e foha ‘o Manase na‘e fā‘ele‘i ki he funga ‘o Siosifa. 24Pea lea ‘a Siosifa ki hono ngaahi tokoua, Kuo u mate au: ka kuo pau ke ‘a‘ahi ‘a e ‘Otua kiate kimoutolu, pea te ne ‘ohake kimoutolu mei he fonua ni ki he fonua na‘a ne fuakava ai kia ‘Epalahame mo ‘Aisake mo Sēkope. 25Pea na‘e fakafuakava ‘e Siosifa ‘a ha‘a ‘Isileli, ‘o pehē, Kuo pau ke ‘a‘ahi kiate kimoutolu ‘e he ‘Otua, pea te mou toki ‘ohake hoku ‘anga‘anga mei heni.#‘Eki 13.19; Sios 24.32; Hep 11.22 26Pea pekia ‘a Siosifa kuo teau mā hongofulu hono ta‘u: pea na‘a nau fakatolonga ia, ‘o nau ‘ai ki ha puha ‘i ‘Isipite.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.