LEVITIKO 3
3
Ko e Feilaulau ‘Ofa
1PEA kapau ko e feilaulau-‘ofa ‘a ‘ene kōpano, ko e ‘omi mei he fanga pulu, pe ko ha manu tangata pe fefine, ‘e ta‘ehano mele, pea te ne ‘atu ia ‘i he ‘ao ‘o Sihova. 2Pea te ne hilifaki hono nima ki he ‘ulu ‘o ‘ene kōpano, pea te ne tāmate‘i ia ‘i he mata Tēniti Fe‘iloaki‘anga; pea ko e ngaahi foha ‘o ‘Ēlone, ‘a ia ‘oku taula‘eiki, te nau luluku ‘aki ‘a e toto ‘a e ‘ōlita takatakai. 3Pea te nau ‘omi mei he feilaulau-‘ofa ha me‘a ke tutu ma‘a Sihova; ‘a e tākai ‘oku ‘ufi‘ufi ‘aki ‘a e to‘oto‘onga, pea mo e loukape kotoa, pea mo e ongo kofuua, mo e ngako ‘oku ‘i ai, ‘a ia ‘oku ‘i he kongaloto. 4Pea mo e milimili ‘oku ‘i he funga ‘ate, fakataha mo e ongo kofuua; te ne hae mai ‘a e ngaahi me‘a ko ia. 5Pea ‘e tutu ia ‘e he ngaahi foha ‘o ‘Ēlone ‘i he ‘ōlita, ‘i he funga ‘o e feilaulau-mōifua ‘a ia kuo hilifaki ki he fefie ‘i he afi: ko e feilaulau fai‘aki ‘a e afi ia, ko e ngangatu fakahōifua kia Sihova.
6Pea kapau ‘oku mei he fanga manu iiki ‘ene kōpano, ko ‘ene feia ha feilaulau-‘ofa kia Sihova, te ne ‘atu ha manu tangata pe fefine kae ta‘ehano mele. 7Kapau ko ‘ene ‘atu ha lami ma‘ane kōpano, te ne ‘omi pē ki he ‘ao ‘o Sihova; 8pea te ne hilifaki hono nima ki he ‘ulu ‘o ‘ene kōpano, pea te ne tāmate‘i ‘i he matapā ‘o e Tēniti Fe‘iloaki‘anga; pea ko e ngaahi foha ‘o ‘Ēlone te nau luluku ‘aki ‘a e toto ‘a e ‘ōlita takatakai. 9Pea te ne ‘omi mei he feilaulau-‘ofa ha me‘a ke tutu kia Sihova; ‘a hono ngako, mo hono kotoa ‘o e tu‘ulāvelo: te ne tu‘usi ia ofi ki he hui tu‘ungaiku; pea mo e tākai ‘oku ‘ufi‘ufi ‘aki ‘a e to‘oto‘onga, pea mo e loukape kotoa, pea mo e ongo kofuua, mo e ngako ‘oku ‘i ai, ‘a ia ‘oku ‘i he kongaloto. 10Pea mo e milimili ‘oku ‘i he funga ‘ate, fakataha mo e ongo kofuua; te ne hae mai ‘a e ngaahi me‘a ko ia. 11Pea ‘e tutu ia ‘e he taula‘eiki ‘i he ‘ōlita ko e me‘akai fai‘aki ‘a e afi ma‘a Sihova.
12Pea kapau ko ‘ene kōpano ko e kosi, te ne ‘omi ki he ‘ao ‘o Sihova, 13pea te ne hilifaki hono nima ki hono ‘ulu, pea te ne tāmate‘i ia ‘i he mata Tēniti Fe‘iloaki‘anga; pea ko e ngaahi foha ‘o ‘Ēlone te nau luluku ‘aki ‘a e toto ‘a e ‘ōlita takatakai. 14Pea te ne ‘omi mei ai ‘ene kōpano ke fai‘aki ‘a e afi kia Sihova; ‘a e tākai ‘oku ‘ufi‘ufi ‘aki ‘a e to‘oto‘onga, pea mo e loukape kotoa, mo e ongo kofuua, mo e ngako ‘oku ‘i ai, ‘a ia ‘oku ‘i he kongaloto, 15pea mo e milimili ‘oku ‘i he funga ‘ate, fakataha mo e ongo kofuua; te ne hae mai ‘a e ngaahi me‘a ko ia. 16Pea ‘e tutu ia ‘e he taula‘eiki ‘i he ‘ōlita, ko e me‘akai fai‘aki ‘a e afi mo‘o ngangatu fakahōifua: ko e ngako kotoa ko e ‘inasi ‘o e ‘Eiki. Ko e tu‘utu‘uni ia ki homou ngaahi to‘utangata ‘o lauikuonga, ‘i homou ngaahi tangutu‘anga kotoa pē, ‘a e ‘ikai te mou kai ‘a e ngako pe ko e toto.
Currently Selected:
LEVITIKO 3: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
LEVITIKO 3
3
Ko e Feilaulau ‘Ofa
1PEA kapau ko e feilaulau-‘ofa ‘a ‘ene kōpano, ko e ‘omi mei he fanga pulu, pe ko ha manu tangata pe fefine, ‘e ta‘ehano mele, pea te ne ‘atu ia ‘i he ‘ao ‘o Sihova. 2Pea te ne hilifaki hono nima ki he ‘ulu ‘o ‘ene kōpano, pea te ne tāmate‘i ia ‘i he mata Tēniti Fe‘iloaki‘anga; pea ko e ngaahi foha ‘o ‘Ēlone, ‘a ia ‘oku taula‘eiki, te nau luluku ‘aki ‘a e toto ‘a e ‘ōlita takatakai. 3Pea te nau ‘omi mei he feilaulau-‘ofa ha me‘a ke tutu ma‘a Sihova; ‘a e tākai ‘oku ‘ufi‘ufi ‘aki ‘a e to‘oto‘onga, pea mo e loukape kotoa, pea mo e ongo kofuua, mo e ngako ‘oku ‘i ai, ‘a ia ‘oku ‘i he kongaloto. 4Pea mo e milimili ‘oku ‘i he funga ‘ate, fakataha mo e ongo kofuua; te ne hae mai ‘a e ngaahi me‘a ko ia. 5Pea ‘e tutu ia ‘e he ngaahi foha ‘o ‘Ēlone ‘i he ‘ōlita, ‘i he funga ‘o e feilaulau-mōifua ‘a ia kuo hilifaki ki he fefie ‘i he afi: ko e feilaulau fai‘aki ‘a e afi ia, ko e ngangatu fakahōifua kia Sihova.
6Pea kapau ‘oku mei he fanga manu iiki ‘ene kōpano, ko ‘ene feia ha feilaulau-‘ofa kia Sihova, te ne ‘atu ha manu tangata pe fefine kae ta‘ehano mele. 7Kapau ko ‘ene ‘atu ha lami ma‘ane kōpano, te ne ‘omi pē ki he ‘ao ‘o Sihova; 8pea te ne hilifaki hono nima ki he ‘ulu ‘o ‘ene kōpano, pea te ne tāmate‘i ‘i he matapā ‘o e Tēniti Fe‘iloaki‘anga; pea ko e ngaahi foha ‘o ‘Ēlone te nau luluku ‘aki ‘a e toto ‘a e ‘ōlita takatakai. 9Pea te ne ‘omi mei he feilaulau-‘ofa ha me‘a ke tutu kia Sihova; ‘a hono ngako, mo hono kotoa ‘o e tu‘ulāvelo: te ne tu‘usi ia ofi ki he hui tu‘ungaiku; pea mo e tākai ‘oku ‘ufi‘ufi ‘aki ‘a e to‘oto‘onga, pea mo e loukape kotoa, pea mo e ongo kofuua, mo e ngako ‘oku ‘i ai, ‘a ia ‘oku ‘i he kongaloto. 10Pea mo e milimili ‘oku ‘i he funga ‘ate, fakataha mo e ongo kofuua; te ne hae mai ‘a e ngaahi me‘a ko ia. 11Pea ‘e tutu ia ‘e he taula‘eiki ‘i he ‘ōlita ko e me‘akai fai‘aki ‘a e afi ma‘a Sihova.
12Pea kapau ko ‘ene kōpano ko e kosi, te ne ‘omi ki he ‘ao ‘o Sihova, 13pea te ne hilifaki hono nima ki hono ‘ulu, pea te ne tāmate‘i ia ‘i he mata Tēniti Fe‘iloaki‘anga; pea ko e ngaahi foha ‘o ‘Ēlone te nau luluku ‘aki ‘a e toto ‘a e ‘ōlita takatakai. 14Pea te ne ‘omi mei ai ‘ene kōpano ke fai‘aki ‘a e afi kia Sihova; ‘a e tākai ‘oku ‘ufi‘ufi ‘aki ‘a e to‘oto‘onga, pea mo e loukape kotoa, mo e ongo kofuua, mo e ngako ‘oku ‘i ai, ‘a ia ‘oku ‘i he kongaloto, 15pea mo e milimili ‘oku ‘i he funga ‘ate, fakataha mo e ongo kofuua; te ne hae mai ‘a e ngaahi me‘a ko ia. 16Pea ‘e tutu ia ‘e he taula‘eiki ‘i he ‘ōlita, ko e me‘akai fai‘aki ‘a e afi mo‘o ngangatu fakahōifua: ko e ngako kotoa ko e ‘inasi ‘o e ‘Eiki. Ko e tu‘utu‘uni ia ki homou ngaahi to‘utangata ‘o lauikuonga, ‘i homou ngaahi tangutu‘anga kotoa pē, ‘a e ‘ikai te mou kai ‘a e ngako pe ko e toto.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.