LEVITIKO 4
4
Ko e Feilaulau Hia Ta‘e‘ilo
1PEA folofola ‘a Sihova kia Mōsese, ‘o pehē, Tala ki ha‘a ‘Isileli, ‘o pehē, 2Kapau ‘e hia ta‘e‘ilo ‘e ha taha, ‘i he ngaahi me‘a na‘e tu‘utu‘uni ‘e Sihova ke ‘oua ‘e fai, ka kuo ne hanga ‘o fai ha me‘a.
3Kapau ko e taula‘eiki kuo pani ‘a ia kuo ne hia, pea kuo halaia ai ‘a e kakai, ke ne ‘omi kia Sihova ki he angahala kuo ne fai, ha pulu mui ‘oku ta‘ehano mele, ma‘ane feilaulau-angahala. 4Pea te ne ‘omi ‘a e pulu ki he matapā ‘o e Tēniti Fe‘iloaki‘anga, ki he ‘ao ‘o Sihova; pea te ne hilifaki hono nima ki he ‘ulu ‘o e pulu, pea te ne tāmate‘i ia ‘i he ‘ao ‘o Sihova. 5Pea ko e taula‘eiki pani te ne to‘o ha me‘a mei he toto ‘o e pulu, pea te ne hū mo ia ki he Tēniti Fe‘iloaki‘anga; 6pea ‘e unu ‘e he taula‘eiki hono tuhu ki he toto, pea te ne afuhi ‘a e toto tu‘o fitu ki he ‘ao ‘o Sihova, ‘i he ‘ao ‘o e Tatau ‘o e Potu Tapu. 7Pea ‘e ‘ai ‘e he taula‘eiki ha me‘i toto ki he ngaahi nifo ‘o e ‘ōlita ‘oku tutu ai ‘a e ‘inisēnisi ngangatu ‘i he ‘ao ‘o Sihova, ‘a ia ‘oku ‘i he Tēniti Fe‘iloaki‘anga; ka ko e toto kotoa ‘o e pulu te ne lilingi ‘i he tefito‘i ‘ōlita tutu‘anga feilaulau, ‘a ia ‘oku ‘i he mata Tēniti Fe‘iloaki‘anga. 8Pea ko hono kotoa ‘o e ngako ‘o e pulu feilaulau-angahala te ne to‘o mei ai; ‘a e tākai ‘oku ‘ufi‘ufi ‘aki ‘a e to‘oto‘onga, pea mo e loukape kotoa, pea mo e ongo kofuua, mo e ngako ‘oku ‘i ai, ‘a ia ‘oku ‘i he kongaloto, 9pea mo e milimili ‘oku ‘i he funga ‘ate, fakataha mo e ongo kofuua; te ne hae mai ‘a e ngaahi me‘a ko ia, 10‘o hangē ko e to‘o mei he pulu feilaulau-‘ofa: pea ‘e tutu ia ‘e he taula‘eiki ‘i he ‘ōlita tutu‘anga-feilaulau. 11Ka ko e kili ‘o e pulu, mo hono kakano kotoa, fakataha mo hono ‘ulu, mo hono ngaahi alanga, mo hono to‘oto‘onga, mo hono kinoha‘a, 12‘io ko e pulu kotoa te ne ‘ave kitu‘a ‘apitanga, ki he potu ma‘a ‘oku lilingi ai ‘a e efuefu, pea te ne faka‘auha ia ‘aki ‘a e afi ‘i ha fefie: ‘io, ‘i he potu ‘oku tuku ai ‘a e efuefu ‘e faka‘auha afi ai ia.
13Pea ka kuo hia ta‘e‘ilo ‘a e fakataha kotoa ‘o ‘Isileli, pea puli ‘a e me‘a mei he ha‘oha‘onga ‘o e Fakataha, ka kuo nau fai ha taha ‘o e ngaahi me‘a na‘e tu‘utu‘uni ‘e Sihova ke ‘oua na‘a fai, pea kuo nau halaia; 14pea ka ‘iloa ‘a e angahala kuo nau fai, pea ‘e toki ‘omi ‘e he Fakataha ha pulu mui ma‘anau feilaulau-angahala, pea te nau taki mai ki he mata Tēniti Fe‘iloaki‘anga. 15Pea ko e mātu‘a ‘o e Fakataha te nau hilifaki honau nima ki he ‘ulu ‘o e pulu ‘i he ‘ao ‘o Sihova, pea te nau tāmate‘i ‘a e pulu ‘i he ‘ao ‘o Sihova. 16Pea ko e taula‘eiki pani te ne hū mo ia ha me‘a mei he toto ‘o e pulu ki he Tēniti Fe‘iloaki‘anga: 17pea ‘e unu ‘e he taula‘eiki hono tuhu ki hano toto, pea te ne afuhi ia tātu‘ofitu ki he ‘ao ‘o Sihova ‘i he ‘ao ‘o e Tatau. 18Pea te ne ‘ai ha me‘i toto ki he nifo ‘o e ‘ōlita ‘oku ‘i he ‘ao ‘o Sihova, ‘a ia ‘oku ‘i he Tēniti Fe‘iloaki‘anga, ka ko e toto kotoa te ne lilingi ‘i he tefito‘i ‘ōlita tutu‘anga-feilaulau, ‘a ia ‘oku ‘i he mata Tēniti Fe‘iloaki‘anga. 19Pea te ne to‘o mei ai hono kotoa ‘o e ngako, pea te ne tutu ‘i he ‘ōlita. 20Pea ko e me‘a te ne fai ki he pulu; hangē ko ia na‘a ne fai ki he pulu feilaulau-angahala ko ē, ‘e pehē ‘ene fai ki heni: pea ‘e fai fakalelei ma‘anautolu ‘e he taula‘eiki, pea ‘e fakamolemole kinautolu. 21Pea te ne ‘ave ‘a e pulu ki tu‘a ‘apitanga, pea te ne faka‘auha ia ‘aki ‘a e afi, ‘o hangē ko ‘ene tutu ‘a e pulu ‘e taha ko ē: ko e feilaulau angahala ia ‘o e Fakataha.
22Ko ha ‘eiki foki, kapau te ne hia he‘ene fai ha taha ‘o e ngaahi me‘a ‘a ia na‘e tu‘utu‘uni ‘e Sihova ko hono ‘Otua ke ‘oua na‘a fai, ka ko e fai ta‘e‘ilo, pea kuo ne halaia; 23ka faka‘ilo kiate ia ‘a e me‘a kuo ne fai angahala ai, te ne toki ha‘u mo ia ‘ene kōpano ko e kosi, ko e manu tangata ta‘ehano mele. 24Pea te ne hilifaki hono nima ki he ‘ulu ‘o e kosi, pea te ne tāmate‘i ia ‘i he potu ‘oku tāmate‘i ai ‘a e feilaulau-mōifua ‘i he ‘ao ‘o Sihova: ko e feilaulau-angahala ia. 25Pea ‘e to‘o ‘e he taula‘eiki ha me‘a mei he toto ‘o e feilaulau-angahala ‘aki hono tuhu, pea te ne ‘ai ki he ngaahi nifo ‘o e ‘ōlita tutu‘anga-feilaulau; ka te ne lilingi ‘a e toto ‘i he tefito‘i ‘ōlita tutu‘anga-feilaulau. 26Pea ko hono kotoa ‘o e ngako te ne tutu ‘i he ‘ōlita, hangē ko e ngako ‘o e feilaulau-‘ofa; pea ‘e fai ‘e he taula‘eiki ‘a e fakalelei ma‘ana koe‘uhi ko ‘ene angahala, pea ‘e fakamolemole ia.
27Pea kapau ‘e hia ta‘e‘ilo ‘e ha taha ‘o e kakai tu‘a, he‘ene fai ha taha ‘o e ngaahi me‘a na‘e tu‘utu‘uni ‘e Sihova ke ‘oua na‘a fai, pea kuo ne halaia; 28ka faka‘ilo kiate ia ‘a e angahala kuo ne fai, te ne toki ha‘u mo ia ‘ene kōpano, ko ha kosi fefine ta‘ehano mele, ma‘a e angahala kuo ne fai.#Nōm 15.27-28 29Pea te ne hilifaki hono nima ki he ‘ulu ‘o e feilaulau-angahala, pea te ne tāmate‘i ia ‘i he potu ‘o e feilaulau-mōifua. 30Pea ‘e to‘o ‘e he taula‘eiki ha me‘i toto mei ai ‘aki hono tuhu, pea te ne ‘ai ki he ngaahi nifo ‘o e ‘ōlita tutu‘anga-feilaulau, ka ko e toto kotoa te ne lilingi ‘i he tefito‘i ‘ōlita. 31Pea te ne hae mai hono ngako kotoa, ‘o hangē ko ‘ene hae ‘a e ngako ‘o e feilaulau-‘ofa, pea ‘e tutu ia ‘e he taula‘eiki ‘i he ‘ōlita mo‘o ngangatu fakahōifua kia Sihova; pea ‘e fakalelei ‘e he taula‘eiki ma‘ana, pea ‘e fakamolemole ia.
32Pea kapau ko e lami te ne ha‘u mo ia ma‘ane kōpano koe‘uhi ko ‘ene angahala, te ne ‘omi ha manu fefine ta‘ehano mele. 33Pea te ne hilifaki hono nima ki he ‘ulu ‘o e feilaulau-angahala, pea te ne tāmate‘i ia ma‘ane feilaulau-angahala ‘i he potu ‘oku tāmate‘i ai ‘a e feilaulau-mōifua. 34Pea ‘e to‘o ‘e he taula‘eiki ha me‘a mei he toto ‘o e feilaulau, angahala ‘aki hono tuhu, pea te ne ‘ai ki he nifo ‘o e ‘ōlita tutu‘anga-feilaulau, ka ko e toto kotoa te ne lilingi ‘i he tefito‘i ‘ōlita: 35pea te ne hae mai hono ngako kotoa, ‘o hangē ko ‘ene hae ‘a e ngako ‘o e lami feilaulau-‘ofa; pea ‘e tutu ia ‘e he taula‘eiki ‘i he ‘ōlita, fakataha mo e ngaahi feilaulau ‘a Sihova fai‘aki ‘a e afi: pea ‘e fai ‘e he taula‘eiki ‘a e fakalelei ma‘ana ‘i he angahala kuo ne fai, pea ‘e fakamolemole ia.
Currently Selected:
LEVITIKO 4: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
LEVITIKO 4
4
Ko e Feilaulau Hia Ta‘e‘ilo
1PEA folofola ‘a Sihova kia Mōsese, ‘o pehē, Tala ki ha‘a ‘Isileli, ‘o pehē, 2Kapau ‘e hia ta‘e‘ilo ‘e ha taha, ‘i he ngaahi me‘a na‘e tu‘utu‘uni ‘e Sihova ke ‘oua ‘e fai, ka kuo ne hanga ‘o fai ha me‘a.
3Kapau ko e taula‘eiki kuo pani ‘a ia kuo ne hia, pea kuo halaia ai ‘a e kakai, ke ne ‘omi kia Sihova ki he angahala kuo ne fai, ha pulu mui ‘oku ta‘ehano mele, ma‘ane feilaulau-angahala. 4Pea te ne ‘omi ‘a e pulu ki he matapā ‘o e Tēniti Fe‘iloaki‘anga, ki he ‘ao ‘o Sihova; pea te ne hilifaki hono nima ki he ‘ulu ‘o e pulu, pea te ne tāmate‘i ia ‘i he ‘ao ‘o Sihova. 5Pea ko e taula‘eiki pani te ne to‘o ha me‘a mei he toto ‘o e pulu, pea te ne hū mo ia ki he Tēniti Fe‘iloaki‘anga; 6pea ‘e unu ‘e he taula‘eiki hono tuhu ki he toto, pea te ne afuhi ‘a e toto tu‘o fitu ki he ‘ao ‘o Sihova, ‘i he ‘ao ‘o e Tatau ‘o e Potu Tapu. 7Pea ‘e ‘ai ‘e he taula‘eiki ha me‘i toto ki he ngaahi nifo ‘o e ‘ōlita ‘oku tutu ai ‘a e ‘inisēnisi ngangatu ‘i he ‘ao ‘o Sihova, ‘a ia ‘oku ‘i he Tēniti Fe‘iloaki‘anga; ka ko e toto kotoa ‘o e pulu te ne lilingi ‘i he tefito‘i ‘ōlita tutu‘anga feilaulau, ‘a ia ‘oku ‘i he mata Tēniti Fe‘iloaki‘anga. 8Pea ko hono kotoa ‘o e ngako ‘o e pulu feilaulau-angahala te ne to‘o mei ai; ‘a e tākai ‘oku ‘ufi‘ufi ‘aki ‘a e to‘oto‘onga, pea mo e loukape kotoa, pea mo e ongo kofuua, mo e ngako ‘oku ‘i ai, ‘a ia ‘oku ‘i he kongaloto, 9pea mo e milimili ‘oku ‘i he funga ‘ate, fakataha mo e ongo kofuua; te ne hae mai ‘a e ngaahi me‘a ko ia, 10‘o hangē ko e to‘o mei he pulu feilaulau-‘ofa: pea ‘e tutu ia ‘e he taula‘eiki ‘i he ‘ōlita tutu‘anga-feilaulau. 11Ka ko e kili ‘o e pulu, mo hono kakano kotoa, fakataha mo hono ‘ulu, mo hono ngaahi alanga, mo hono to‘oto‘onga, mo hono kinoha‘a, 12‘io ko e pulu kotoa te ne ‘ave kitu‘a ‘apitanga, ki he potu ma‘a ‘oku lilingi ai ‘a e efuefu, pea te ne faka‘auha ia ‘aki ‘a e afi ‘i ha fefie: ‘io, ‘i he potu ‘oku tuku ai ‘a e efuefu ‘e faka‘auha afi ai ia.
13Pea ka kuo hia ta‘e‘ilo ‘a e fakataha kotoa ‘o ‘Isileli, pea puli ‘a e me‘a mei he ha‘oha‘onga ‘o e Fakataha, ka kuo nau fai ha taha ‘o e ngaahi me‘a na‘e tu‘utu‘uni ‘e Sihova ke ‘oua na‘a fai, pea kuo nau halaia; 14pea ka ‘iloa ‘a e angahala kuo nau fai, pea ‘e toki ‘omi ‘e he Fakataha ha pulu mui ma‘anau feilaulau-angahala, pea te nau taki mai ki he mata Tēniti Fe‘iloaki‘anga. 15Pea ko e mātu‘a ‘o e Fakataha te nau hilifaki honau nima ki he ‘ulu ‘o e pulu ‘i he ‘ao ‘o Sihova, pea te nau tāmate‘i ‘a e pulu ‘i he ‘ao ‘o Sihova. 16Pea ko e taula‘eiki pani te ne hū mo ia ha me‘a mei he toto ‘o e pulu ki he Tēniti Fe‘iloaki‘anga: 17pea ‘e unu ‘e he taula‘eiki hono tuhu ki hano toto, pea te ne afuhi ia tātu‘ofitu ki he ‘ao ‘o Sihova ‘i he ‘ao ‘o e Tatau. 18Pea te ne ‘ai ha me‘i toto ki he nifo ‘o e ‘ōlita ‘oku ‘i he ‘ao ‘o Sihova, ‘a ia ‘oku ‘i he Tēniti Fe‘iloaki‘anga, ka ko e toto kotoa te ne lilingi ‘i he tefito‘i ‘ōlita tutu‘anga-feilaulau, ‘a ia ‘oku ‘i he mata Tēniti Fe‘iloaki‘anga. 19Pea te ne to‘o mei ai hono kotoa ‘o e ngako, pea te ne tutu ‘i he ‘ōlita. 20Pea ko e me‘a te ne fai ki he pulu; hangē ko ia na‘a ne fai ki he pulu feilaulau-angahala ko ē, ‘e pehē ‘ene fai ki heni: pea ‘e fai fakalelei ma‘anautolu ‘e he taula‘eiki, pea ‘e fakamolemole kinautolu. 21Pea te ne ‘ave ‘a e pulu ki tu‘a ‘apitanga, pea te ne faka‘auha ia ‘aki ‘a e afi, ‘o hangē ko ‘ene tutu ‘a e pulu ‘e taha ko ē: ko e feilaulau angahala ia ‘o e Fakataha.
22Ko ha ‘eiki foki, kapau te ne hia he‘ene fai ha taha ‘o e ngaahi me‘a ‘a ia na‘e tu‘utu‘uni ‘e Sihova ko hono ‘Otua ke ‘oua na‘a fai, ka ko e fai ta‘e‘ilo, pea kuo ne halaia; 23ka faka‘ilo kiate ia ‘a e me‘a kuo ne fai angahala ai, te ne toki ha‘u mo ia ‘ene kōpano ko e kosi, ko e manu tangata ta‘ehano mele. 24Pea te ne hilifaki hono nima ki he ‘ulu ‘o e kosi, pea te ne tāmate‘i ia ‘i he potu ‘oku tāmate‘i ai ‘a e feilaulau-mōifua ‘i he ‘ao ‘o Sihova: ko e feilaulau-angahala ia. 25Pea ‘e to‘o ‘e he taula‘eiki ha me‘a mei he toto ‘o e feilaulau-angahala ‘aki hono tuhu, pea te ne ‘ai ki he ngaahi nifo ‘o e ‘ōlita tutu‘anga-feilaulau; ka te ne lilingi ‘a e toto ‘i he tefito‘i ‘ōlita tutu‘anga-feilaulau. 26Pea ko hono kotoa ‘o e ngako te ne tutu ‘i he ‘ōlita, hangē ko e ngako ‘o e feilaulau-‘ofa; pea ‘e fai ‘e he taula‘eiki ‘a e fakalelei ma‘ana koe‘uhi ko ‘ene angahala, pea ‘e fakamolemole ia.
27Pea kapau ‘e hia ta‘e‘ilo ‘e ha taha ‘o e kakai tu‘a, he‘ene fai ha taha ‘o e ngaahi me‘a na‘e tu‘utu‘uni ‘e Sihova ke ‘oua na‘a fai, pea kuo ne halaia; 28ka faka‘ilo kiate ia ‘a e angahala kuo ne fai, te ne toki ha‘u mo ia ‘ene kōpano, ko ha kosi fefine ta‘ehano mele, ma‘a e angahala kuo ne fai.#Nōm 15.27-28 29Pea te ne hilifaki hono nima ki he ‘ulu ‘o e feilaulau-angahala, pea te ne tāmate‘i ia ‘i he potu ‘o e feilaulau-mōifua. 30Pea ‘e to‘o ‘e he taula‘eiki ha me‘i toto mei ai ‘aki hono tuhu, pea te ne ‘ai ki he ngaahi nifo ‘o e ‘ōlita tutu‘anga-feilaulau, ka ko e toto kotoa te ne lilingi ‘i he tefito‘i ‘ōlita. 31Pea te ne hae mai hono ngako kotoa, ‘o hangē ko ‘ene hae ‘a e ngako ‘o e feilaulau-‘ofa, pea ‘e tutu ia ‘e he taula‘eiki ‘i he ‘ōlita mo‘o ngangatu fakahōifua kia Sihova; pea ‘e fakalelei ‘e he taula‘eiki ma‘ana, pea ‘e fakamolemole ia.
32Pea kapau ko e lami te ne ha‘u mo ia ma‘ane kōpano koe‘uhi ko ‘ene angahala, te ne ‘omi ha manu fefine ta‘ehano mele. 33Pea te ne hilifaki hono nima ki he ‘ulu ‘o e feilaulau-angahala, pea te ne tāmate‘i ia ma‘ane feilaulau-angahala ‘i he potu ‘oku tāmate‘i ai ‘a e feilaulau-mōifua. 34Pea ‘e to‘o ‘e he taula‘eiki ha me‘a mei he toto ‘o e feilaulau, angahala ‘aki hono tuhu, pea te ne ‘ai ki he nifo ‘o e ‘ōlita tutu‘anga-feilaulau, ka ko e toto kotoa te ne lilingi ‘i he tefito‘i ‘ōlita: 35pea te ne hae mai hono ngako kotoa, ‘o hangē ko ‘ene hae ‘a e ngako ‘o e lami feilaulau-‘ofa; pea ‘e tutu ia ‘e he taula‘eiki ‘i he ‘ōlita, fakataha mo e ngaahi feilaulau ‘a Sihova fai‘aki ‘a e afi: pea ‘e fai ‘e he taula‘eiki ‘a e fakalelei ma‘ana ‘i he angahala kuo ne fai, pea ‘e fakamolemole ia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.