Luk 3
3
Jon Baptais kamambuno dungwa
(Matyu 3:1-12; Mak 1:2-8; Jon 1:19-28)
1Taiberias Sisa buglayungu 15 Rom kamun king moglkwa enge, Pontias Pailat ye Judia kamun gavman moglkwa, te Herot Galili kamun king moglkwa. Ye yene angigle Pilip Ituraia kamun ya te Trakonitis kamun king moglkwa, te Lisanias ye Abilini kamun king moglkwa. 2Ana Anas ya Kaiapas pris kande miurka, enge igle Sekaraia wam Jon makan waule suna moglmara God kamo ende ye mina ungwa. 3Ana Jon endpi Jodan Nigle dumo koglkoglo yei omara i pindre dipene ende tongwa, “Ene nomano yake tendre baptais erimbi, God ene tandaglmeno koko ende tenambuka.” 4Propet Aisaia ka muno yegl boglko pangwa:
“Makan waule suna yomba
ta wiyau endungwa,
‘Yaglkande pre konbaunamo
akekun eriyo. Ye unambuka
pre konbo si-ake du endiyo.
5Makan sunguno bengine
ormara sikausi kondiyo,
te makan muglo ya meglmbe
prapra si-ake daudi kondiyo.
Ana konbauna yewe-mawe
yenambuka si-ake du ende
kondiyo. Te konbauna kinde
ormara i si-ake wakai eriyo.
6Ana yomba kanekane
God ere-inagledi orkwa i
mambuno kanaglkwa.’”#Aisaia 40:3-5
7Yomba merkinde kaima ende menda wu Jon moglmara baptais ere norambedi pre wingwa. Ana ye ditongwa, “Ene toki kinde wagle, God dem kumbrukwa ene mina una orkwa. Ira ene dite teke enaglkwa kuno orme dume? 8Sragl yegl prapra ene kinde kondimbi, embriyeno wakai ombuno dinan, i ene kaima tandaglme kindekondo nomano yake teingwa. Ana enene mina suna mambuno bogl Abraham no kowano awano moglme dikraglkwa. Na ene yegl diteinga, God pra we dinan ana kombuglo i Abraham gawamo plau dinaglkwa. 9Dimaima endi prapra mambuno mina yeikondungwa. Ende prapra ta mongo wakai koglkrambuka okuwo boro gundi atne ende ana piyasi donga mina endinambuka.”
10Ana yomba krapogl Jon teingwa, “Ana no sragl eramne?”
11Jon yegl di ikine endungwa, “Yomba ta ye gaglsuna suwo ake ninan ta gugl yomba ta ake-nekrukwa tenambuka, te yomba ta kaiya mokna ta yenan ama yumbu suwondo.”
12Takis ingwa yomba tau ama baptais era pre undre, ye krapeglkwa, “Beke Notnga, no sragl eramne?”
13Ye yegl di ikine ende tongwa, “Ene takis merkinde i kawa tekriyo, gavman ditomere kuno ere i yo.”
14Te kimbirnem tau ama undre krapogl ye teingwa, “Ana no sragl eramne?”
Ye yegl di ikine ende tongwa, “Ene yomba monino yombuglo ere wausi inamunedi erekriyo, mo yomba kakimbi dite ka-tange tekriyo. Ene topono ingwa i pra kuno orkwa.”
15Ana yomba prapra nomano poglodi pirkwa anduglko, ye mambuno bogl nomano suwo yongo, kinano gundo endingwa yongo, “Jon Mesaia moglmedi pirkwa.” 16Yeglpre Jon yomba prapra ditongwa, “Na nigl mina ene baptais ereteinga. Ba okuwo yomba ta unambuka i yombuglomo pai mitna ende na yombura i engrukwa. Na yomba wakai ta moglmbo kade ye kagle towo mina kan tonguma pangwa i na ta pirka sinaglka kuno erekrukwa. Ye ene Holi Spirit ya te donga mina ene baptais ere tenambuka. 17Ye ikanmo sawol ake indre ungwa. Ye wit sundina prapra siplendi menda ende ana wit mongo gande i yene kaiya moknamo yungu yungugl endinambuka. Ba sundina mongo paikrambuka ye donga gongokre aimande depamara gagltenge erambuka.” 18Ana Jon eremogl yomba nomano mina borambedi pre kamambuno wakai tau kanekane dipene ende tongwa.
Herot eremogl Jon kane sungwa
19Ba Jon eremogl gavman Herot ka-tongwa, sraglpre okuna yene angigle embiye Herodias wike indre ana mambuno kinde tau mere ama orkwa. 20Ana Herot sragl kinde orkwa pamara ikra aine pandigl Jon sikane yungu suna endungwa.
Jon eremogl Yesus baptais eretongwa
(Matyu 3:13-17; Mak 1:9-11)
21Yomba prapra baptais ere kondingo, okuwo Yesus ama baptais orkwa. Ye kamange ere moglko, heven audungo, 22Holi Spirit kua yumugl mereyegl ende atne ye moglmara ungwa. Ana heven imbo ka ta yegl dungwa, “Ene nana Wana, na ene wakai kandre nomana wakai ene teinga.”
Yesus kowamo awamo kangino epigl
(Matyu 1:1-17)
23Yesus yene buglayungumo 30 orko, ana yomba ere-inambuka kongun mambuno bogl orkwa. Ye yagl gak moglkwa, yeglpre yomba Josep wam wedi pirkwa,
te Josep Heli wam,
24te Heli Matat wam,
te Matat Levai wam,
te Levai Melki wam,
te Melki Janai wam,
te Janai Josep wam,
25te Josep Matatias wam,
te Matatias Amos wam,
te Amos Nahum wam,
te Nahum Esli wam,
te Esli Nagai wam,
26te Nagai Mat wam,
te Mat Matatias wam,
te Matatias Semen wam,
te Semen Josek wam,
te Josek Joda wam,
27te Joda Joanan wam,
te Joanan Resa wam,
te Resa Serubabel wam,
te Serubabel Sialtiel wam,
te Sialtiel Neri wam,
28te Neri Melki wam,
te Melki Adi wam,
te Adi Kosam wam,
te Kosam Elmadam wam,
te Elmadam Er wam,
29te Er Josua wam,
te Josua Eliser wam,
te Eliser Jorim wam,
te Jorim Matat wam,
te Matat Levai wam,
30te Levai Simeon wam,
te Simeon Juda wam,
te Juda Josep wam,
te Josep Jonam wam,
te Jonam Eliakim wam,
31te Eliakim Melea wam,
te Melea Mena wam,
te Mena Matata wam,
te Matata Natan wam,
te Natan Devit wam,
32te Devit Jesi wam,
te Jesi Obet wam,
te Obet Boas wam,
te Boas Salmon wam,
te Salmon Nason wam,
33te Nason Aminadap wam,
te Aminadap Atmin wam,
te Atmin Arni wam,
te Arni Hesron wam,
te Hesron Peres wam,
te Peres Juda wam,
34te Juda Jekop wam,
te Jekop Aisak wam,
te Aisak Abraham wam,
te Abraham Tera wam,
te Tera Nahor wam,
35te Nahor Serak wam,
te Serak Reu wam,
te Reu Pelek wam,
te Pelek Eber wam,
te Eber Sela wam,
36te Sela Kainan wam,
te Kainan Arpaksat wam,
te Arpaksat Siem wam,
te Siem Noa wam,
te Noa Lamek wam,
37te Lamek Metusela wam,
te Metusela Inok wam,
te Inok Jaret wam,
te Jaret Mahalalel wam,
te Mahalalel Kenan wam,
38te Kenan Inos wam,
te Inos Set wam,
te Set Adam wam,
te Adam God wam.
Currently Selected:
Luk 3: kue
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
