Genesis 42
42
Nan Inmayan Nan Bebsat Jose Id Egipto
42:1-8; 45:3-11, 21-28
1Id Canaan ay ilin da Jacob et ninbitil gedan et idi gintek Jacob ay wada nan pagey id Egipto danat kanan isnan an-akna ay lalalaki, “Dakayon aped menkikiyat? 2Dinngek ay wada kano nan pagey id Egipto. Omey kayo bawet isdi ta enkayo lomako is kanen tako ta adi tako katey.” 3Isonga dat omey san simpoo ay bebsat Jose 4ngem egay inpalobos Jacob ay makkey si Benjamin ay naisned ken Jose tay omegyat modatya waday ngawi abes is ommat ken siya.
5Kaipoipogaw nan naibowegan san an-ak Jacob ay omey lomako is pagey id Egipto. 6Si Jose nan gobilnadol isdi isonga siya nan mangilaklako isnan pagey. Isonga san bebsatna ay inmey isdi et ninlokbobda ay mangdayaw ken siya. 7Inmatonan Jose daida ngem egayna inpapadlaw ay getkena daida. Danat ibibiyad ay mangwani, “Into nan nagapowanyo?” Dadat kanan, “Apo, nagapo kami id Canaan et inmali kami ay lomako koma is pagey.” 8Si Jose et getkena ay daida nan bebsatna ngem daida et egayda naimatonan siya.
Nin-ilako si Jose ken daida is pagey dadat somaa. Idi mabaybayag dadat kasin omey ay lomako is pagey ngem ado on-ona nan inommat esapay menpagtek si Jose ken daida ay siya nan besatda.
Currently Selected:
Genesis 42: xnn
Highlight
Share
Copy
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
