Genesis 45
45
3Kinwanin Jose isnan bebsatna, “Sak-en si Jose. Ay daan obpay si ama?” Ngem issan nangdengan san bebsatna isnan kinwanin Jose et pilmi nan egyatda isonga adida makasongbat. 4Dat kanan pay Jose ken daida, “Akayo. Somag-en kayo pod.” Dadat somag-en. Danat kasin kanan, “Sak-en ya san besatyo ay inlakoyo isdin ipogaw ay omey id Egipto. 5Ngem adi kayo omegyat ya pabasolen nan awakyo isnan nangilakowanyo ken sak-en ay omali id isna tay si Apo Dios nan ostoy nangibaa ken sak-en id isna ta omon-onaak mo dakayo tapno masalakniban nan biyag di adoado ay ipogaw. 6Maikadwa ay tew-en et kedeng nan bitil id wani et wada pay nan lima ay tew-en ay maid polos masama ya maani. 7Ngem inbaan Apo Dios sak-en ay omon-ona id isna ay mangbadang ken dakayo isnan naay ay kaskasdaaw ay om-ommat tapno sigolado ay matago kayo ta waday ap-oyo. 8Isonga baken kayo met-a is tet-ewa ay nangipaali ken sak-en id isna nodi si Apo Dios. Siya nan nang-ikkan isna ta menbalinak ay kangatowan ay opisyal di ali ya apon nan am-in ay wada ken siya ya mentolayak isnan am-in ay sakop nan Egipto.
9Ala ikamoyo bawet ta somagong kayo ken ama ta ibagayo ken siya en siya na nan kanak ay anakna ay si Jose. Kananyo en pinabalin kano Apo Dios si Jose ay mentolay isnan am-in ay sakop nan Egipto et omey tako kano ay dagos. Adi tako kano mentaktataktak. 10Mabalin kano ay menteeka ya nan aan-akmo, nan aap-om, nan talaken tako ya nan tap-in di wada ken sik-a id Gosen ta maisasag-en tako ken siya. 11No wada tako id Gosen et maayowanana datako tay daan pay laeng kano nan lima ay tew-en ay bitil et adina layden ay maowat tako, nan pamilya tako ya nan talaken tako.”
21Inikkan nan an-ak Jacob san inbagan Jose ay ikkanda. Dat agtan Jose daida is loganda tay siya nan inbilin san ali danat agtan daida is baonda ay menbiyahi. 22Inagtana gedan daida is sag-es-a ay mensokatanda ngem si Benjamin ay innodina nan inagtana is toloy gasot ay pilak ya lima ay bado ay mensokatana. 23Inpaw-itana si amana is simpoo ay kabayo ay nawitan is kagagawisan ay wada id Egipto ya simpoo ay kabayo ay nawitan is pagey, tinapay ya nan tap-ina pay ay makan ay pala isnan menbiyahiyanda. 24Danat palobwaten nan bebsatna et ostoy malobwatda dapay kanan Jose ken daida en, “Adi kayo mensapsape isnan daan.”
25Tinaynanda id Egipto et sinmagongda ken amada ay Jacob id Canaan. 26Dadat kanan ken amada, “Daan obpay ay natatago si Jose. Siya nan mentolay isnan am-in ay sakop di Egipto.” Nasngang si Jacob tay kaneg baken kapapati san kinwanida. 27Ngem idi inbagada san am-in ay inbagan Jose ken daida ya idi inilana san inpaw-it Jose ay menloganana ay omey id Egipto daet dadlo gomawis issan nasngangana. 28Danat kanan, “Daan obpay ay natatago nan anakko ay si Jose. Kedeng met di is dawatko. Masapol ay omeyak ay mang-ila ken siya esakpay matey.”
Isonga dat omey da Jacob, nan an-akna ya nan ap-ona id Egipto et pitompooda am-in no maitapi da Jose. Nabayag pay dat matey si Jacob dat isagong nan an-akna nan awakna id Canaan et ippeyda issan liyang ay linakon din si Abraham id Mamre. Dadat somagong kasin id Egipto.
Currently Selected:
Genesis 45: xnn
Highlight
Share
Copy
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
