Genesis 50
50
Nan Nangpatoledan Jose Isnan Bebsatna
50:15-26
15Ngem gapo tay natey si amada isonga omeegyat san bebsat Jose ken siya tay kananda en waay ibaesna din inikkanda ken siya id kasin. 16Isonga nin-ibaada is omey mangibaga ken Jose en, “Esapay matey din ama tako et kinwanina ken dakami en, 17‘Ibagayo ken Jose en gawis no pakawanena nan basolyo ken siya id kasin.’ Isonga menseg-ang kami ken sik-a ta pakawanem dakami ay baan Apo Dios ay Dios ama tako.”
Idi dinngen Jose dat men-aga. 18Dat omey san bebsatna ken siya et menpalintomengda isnan sagangna dadapay kanan, “Inmali kami ta menbaam dakami.” 19Ngem dat kanan Jose, “Adi kayo omegyat tay bakenak si Apo Dios ay mangok-okom is ipogaw. 20Tet-ewa ay ngawi din inikkanyo ay nangilako ken sak-en ta menbalinak ay baa ngem inpalobos Apo Dios ay ikkanyo di tasiyay menbalinena sak-en ay apo tasiyay matago nan kaipoipogaw. 21Isonga adi kayo omegyat tay sak-en nan kigad ken dakayo ya nan an-akyo.” Gawigawis nan inikkana ay nakikalkali ken daida isonga namaid nan egyatda. 22Et ninteeda et id Egipto, daida am-in isnan pamilyan amana.
Sin-gasot et simpoo nan tew-en Jose isnan nateyana 23et inilana nan ap-ona ay an-ak da Efraim ken Manases. Inilana gedan nan maikadwa ay ap-ona ay an-ak Makir ay anak Manases. 24Idi naam-aam-ama si Jose danat kanan isnan bebsatna. “Nganngani ay mateyak ngem getkek ay badangan Apo Dios dakayo ay komaan isna et paeyena dakayo isnan ili ay insapatana isdin si Abraham, din si Isaac ya din si Jacob.” 25Danat kanan isnan bebsatna, an-akda ya nan ap-oda en, “Isapatayo en awnityo ikawit nan ingitko no pasagongen Apo Dios dakayo id Canaan.” 26Nintawen si Jose is sin-gasot et simpoo dat matey id Egipto dadat balsamowen et ippeyda isnan koong dadat idolin.
Currently Selected:
Genesis 50: xnn
Highlight
Share
Copy
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
