Maku 3
3
Jesu omokatu ipo japu'a mã'ẽ remẽwarà
(Mateusi 12.9-14; Rukasi 6.6-11)
1Ãmẽ ãmõ 'ary pè, Jesu oo Janejare'e ayvu rè jimo'ea retã mõ pè oike, jimoava 'arà mẽ. Ãmẽ kwaima'e mõ ipo japu'a mã'ẽ a'e pè tui. 2Ãmẽ ãmõ kõ ve a'e pè tui upa, Pariseu kõ mõ. [A'e kõ opota teãmã nivoi mã'ẽ omo'y Jesu rè ipi.] Ajawyi omã'ẽ jẽ ee kupa upa. Kee e'i ojimogeta kupa:
– Omokatutà põ wãi ipo japu'a mã'ẽ age'e jimoava 'arà mẽ? e'i kupa. A'evo remẽ, nivoi mã'ẽ simo'ytà ee ãmẽ, e'i ojimogeta kupa.
3Ãmẽ omã'ẽ kupa upa remẽ, Jesu kee e'i ipo japu'a mã'ẽ pè:
– Epõ'ã ejo epyri ovake kõ, e'i.
4Ajaire Jesu e'i jane kõ pè, atyry kõ pè:
– Manyvo põkõ nimanyvoi jaiko jimoava 'arà mẽ ipi? I'ete põ jane kõ japãtavõ ipi jimoava 'arà mẽ? I'ete põ imarama mã'ẽ jamokatuoka tomãnõ e'ã? Manyvo pejẽ põ aepo renu? e'i Jesu ijupe kõ.
Nipui kupa ãmẽ. Manyvo ne'i kupa, Jesu otekokuwavay rewarà mõ.
5Ãmẽ Jesu omã'ẽ ee kõ erokwa. Ojimopirai ee kõ, noporoporijauesai kupa rewarà mõ. Ijãgyoay ee kõ omãjã. Ameve kee e'i ipo japu'a mã'ẽ pè:
– Ejipomomojai! e'i.
A'evo wereko ãmẽ. Ameve py'awarà mõ ikatupa.
6Ameve Pariseu kõ ojisyry iwyi oo. Oo ojimoaty ojimogeta ai ee kupa, ãmõ kõ reve, kovenatu Eroti remĩgwai kõ reve.
– Manyvotà põ sirekotà Jesu ijukaoka? e'i e'i ojiupe kupa.
Jesu poromokatu jẽ remẽwarà
7-8Ãmẽ ajaire Jesu ojisyry mijẽ oo, Karireja pãranã gyty. Emimo'earà kõ ve oo upi. Ãmẽ aty wasu kõ ve oo mijẽ akypy rupi, Karireja yvy wãnà kõ.
– Jesu poromokatu ipi! e'i kupa. Ãjãg kõ omoẽ imono wayvukasia rupi ipi! e'i kupa.
Ajawyi aepo wenu kupa paire, ãmõ kõ ve oo Jesu resa ipi. Kejõ oo kupa. Juteja yvy wãnà kõ. Jerusarẽ taa wãnà kõ. Itumeja yvy wãnà kõ. Yy Jotão ovae pewarà kõ. Tiru taa wãnà kõ. Sitõ taa wãnà kõ. Mokopejõ taa wãnà kõ oo Jesu resa. Aty wasu oo ipyri'ĩje'ẽ ãmẽ.
9Ajawyi Jesu e'i wemimo'ekwerà kõ pè:
– Yarà eeru ike, taapy ipupe [poromo'e ajupa remẽ], aty wasu kõ ojimokyrytyty wete ere rewarà mõ, e'i ijupe kõ.
“Hoõ” e'i kupa. Weru ãmẽ Jesu kyty yarà ãmẽ kupa.
10Ji'ite Jesu mõa'ãrõwã jane kõ omokatupa. Ajawyi mõa'ãrõwã itekorã mãe kõ uu uu ipyri ky'y. Uu poromoãjã Jesu rè ojipy kupa.#Mak. 4.1; Ruk. 5.1-3 11Ãjãg ojimoemija ee mãe kõ ve uu ijupe ojiporijauesaoka. A'e kõ ojimoenãpa'ã ovake wapuka pukai kupa.
– Janejare'e Ra'yry tè ene! e'i wapukai rõmõ kupa.
Ãjãgaiwerà kõ a'evo wereko kõ aepo te'i kupa. 12Ajamã'ẽ Jesu ijayvukasi ãjãg kõ pè tipu e'ã kupa. Nojimome'uokari ijupe kõ, nivoi ekoi kupa rewarà mõ.
Jesu opyteporo wemimo'ekwerà kõ remẽwarà
(Mateusi 10.1-4; Rukasi 6.12-16)
13Ajaire Jesu ojisyry oo aty wasu wyi. Yvytyry rè ojiupi. A'e apyte 'aryvo opyta rã'ĩ. A'e pe wyi kwaima'e kõ mõ omuu okoty, wemipyteporo kõ rõmõ. 1412 rõmõ opyteporo opyri toiko rã'ĩ wemimo'ekwerà kõ rõmõ. A'e kõ kãramõ omonotà Janejare'e ayvu e'eay mojenuarà kõ rõmõ. 15Omokasi kõ teve, ãwisõ ãjãgai kõ tomoẽ ojimoemija ee mãe kõ wyi ijayvu rupi. 16Kejõ 12 rõmõ Jesu remipyteporo kõ: Simão. Peturu e'i Jesu Simão pè ajamã'ẽ. Omotee erà. 17Ãmõ, Tiaku, imõmirĩ reve, Juwão eu mã'ẽ. Semeneu ra'yry kõ tè a'e kõ. A'e kõ pè Jesu “ojimopirai mãe kõ” e'i. 18Ãmõ, Aãtere. Ãmõ, Piripi. Ãmõ, Patoromeu. Ãmõ, Mateusi. Ãmõ, Tome. Ãmõ, Tiaku, Aupeu ra'yry. [Mõrijõ Tiaku eu ijupe mãe kõ ãmẽ.] Ãmõ, Tateu. Ãmõ, Simão eu teve mã'ẽ. A'e koiwerà “Juteu kõ yvy rè okãte'ã mã'ẽ” eu ijupe. 19Ãmõ, Jutasi Sikarioti. A'e kãramõ ome'ẽtà Jesu jõvijã kõ po pè karakuri repy rõmõ. Mokopejõ Jesu opyteporo wemimo'ekwerà kõ rõmõ toiko kupa.
Jesu oporegeta ãjãgai rõvijã rè remẽwarà
(Mateusi 12.22-32; Rukasi 11.14-23; 12.10)
20-21Ajaire Jesu ojivy oo wena kyty, [wemimo'ekwerà kõ reve]. Ãmẽ aty wasu ojimoaty mijẽ ikoty oo. Ajawyi manyvo ne'i'ãi ojimiwa rõmõ kupa ipi, aty wasu kõ rewarà mõ. Ajawyi kee e'i aty wasu kõ mõ Jesu pewarà mõ:
– Eawyry mã'ẽ tè Jesu! e'i tite kupa.
Ãmẽ aepo jaa ojenu ijy pè. Ãmõ, imõmirĩ kõ pè ojenu. Ajawyi ootà ipijarà mõ kupa.
22Ãmẽ jakatu tãmõ Moisesi remikusiwarerà rè poromo'e mãe kõ mõ uu, Jerusarẽ taa kyty wyi. A'e kõ kee e'i tite Jesu pewarà mõ:
– Janejare'e kasia rupi rõwã ãjãg kõ omoẽoka imoisyry ipi. Peusepu kasia rupi tè omoẽoka!#3.22 Peusepu eu ãjãgai rõvijã rerà pè. Ãmõ erà pè Satanasi eu teve. Mõrijõ erà kõ. Mat. 9.34; 10.25 e'i tite kupa.
23Ãmẽ Jesu okuwapa ijayvu ai kõ ajamã'ẽ. Ajawyi aty wasu omuu okoty imo'e kõ poromosã'ãgaa rupi. Kee e'i ijupe kõ:
– Satanasi nomomoioka'ãi kuwa wemĩgwai kõ jane kõ wyi imoisyry kõ ipi, e'i. [Omoisyry sõ remẽ, nikasi'ãi kuwa ãmẽ, e'i.] 24Tõvijã rè tè amosã'ãgatà ãjãgai rõvijã tapekuwa sa'u. Tõvijã remĩgwai kõ mõ ojimoãpã sõ oõvijã rè remẽ, ikasi jẽ kuwa põ tõvijã? Ãnĩ! Nikasi'ãi kuwa ãmẽ! Manyvo ne'i'ãi kuwa ojimokasi ovote ky'y. 25A'evo ve tetãrã kõ, jopyriwarà kõ. Ijayvu ai sõ ojeeve kupa remẽ, nojimoena'ãi kuwa ojipyri kupa ky'y, e'i. Ãmõgwerà ojisyry kõrijõ kuwa oo. A'evo ojimosãsãi kuwa ojiwyi ãmẽ kupa. A'evo remẽ tõvijã nikasi'ãi etãrã rõmõ ky'y, e'i. 26Ãwĩvo 'ejẽ ãjãgai rõvijã Satanasi, wemĩgwai ãjãg kõ reve. Opõ'ã põ'ã tè sõ ojee kupa remẽ, manyvo ne'i'ãi kuwa Satanasi ojimokasi rõmõ iko ãmẽ mijã. Opa kuwa ikasia iwyi mijã, e'i ijupe kõ.
27E'i jẽ Jesu:
– Ãmõ mijẽ manyvo tekoua amome'utà tapekuwa, e'i. Imona mã'ẽ mõ oike sõ mirà ikasi mã'ẽ retã wyry pè omona rõmõ remẽ, nimona te'ĩte'ãi kuwa. Kee remẽ tè imona kuwa. Opyytà rã'ĩ kuwa ijarà ipokwa. Ãmẽ tè kuwa manyvo noereko'ãi ijarà! Ãmẽ tè kuwa imoma'e weraapa kuwa ãmẽ, e'i Jesu.
[Aepo e'i Jesu ijupe kõ remẽ, “Ije ywesõ ekasiay ãjãgai rõvijã wyi”, jaa tè aepo e'i.]
28E'i jẽ Jesu ijupe kõ:
– Aje ywete kee a'e pejẽ. Janejare'e “awyjepa” e'ità jane kõ aiwererà pè ky'y! Iteetejẽ joaiwererà mã'ẽ pè “awyjepa” e'ità. Janejare'e rè oporegeta ai remẽ tesõ “awyjepa” e'i jẽ kuwa. 29Ajamã'ẽ ava mõ “ãjãgai” e'i tite sõ Janejare'e 'Ãg pè remẽ, aepo rewarà mõ “awyjepa” ne'i'ãi Janejare'e aepo e'i mã'ẽ pewarà mõ ipi. Omo'y jẽtà aepo ee. Poromoe'yi 'arà mẽ omo'y jẽtà aepo ee. Aekwerà repykarà mõ omomorijautà ãmẽ ky'y, e'i.
30Jane kõ mõ, “Ãjãgaiwerà kõ ojimoemija Jesu rè”, e'i tite kupa rewarà mõ Jesu aepo e'i wayvukasi rõmõ.
Jesu y uu imõmirĩ kõ reve esa remẽwarà
(Mateusi 12.46-50; Rukasi 8.19-21)
31Jesu poromo'e jẽ tetã mõ wyry pè upa remẽ, ãmẽ Jesu y uu. Imõmirĩ kõ reve uu.#3.31 Juse ra'yry kõ pewarà mõ aepo e'i kupa. Tetã ypy pè tè uu kupa. A'e pe wyi ijy “Jesu totuu” e'i imuu. 32Ãmẽ aty wasu kõ Jesu pyri wapy upa, tetã wyry pè. Ãmẽ ava mõ e'i Jesu pè:
– Ney uu neresa, nemõmirĩ kõ reve. Tetã ypy pè uu nerãrõ kupa upa, e'i ijupe.
33Ãmẽ Jesu e'i ijupe kõ:
– Aje ey uu. Ãmõ, emõmirĩ kõ uu. Ajamã'ẽ kee a'e pejẽ tapejipy'amogeta. Ava sipõ ey rõmõ ekoi? Ava sipõ emõmirĩ kõ rõmõ ekoi? e'i.
34Pirujẽ ipyri wapy okwa mãe kõ rè omã'ẽ erokwa. Kee e'i ijupe kõ:
– Pejẽ teve eretãrã kõ vo 'ejẽ peiko. Emã'ẽ. Aã ey kõ vo teve. Ãmõ, emõmirĩ kõ vo teve, e'i Jesu. 35Janejare'e yvapewarà remimota rupi ekoi mãe kõ pirujẽ eretãrã kõ vo teve ekoi. Ajawyi “emõmirĩ kõ” a'e pejẽ. Ãmõ, “ekõjã kõ” a'e pejẽ. Ãmõ, “ey kõ” a'e. Aepo a'e pejẽ, e'i Jesu ijupe kõ.#3.35 Kee jaa tè aepo e'i mã'ẽ: “Ãwitõ ey ãmõ emõmirĩ kõ aau ipi, ãwĩvo ve aau Janejare'e koty rewarà kõ”, jaa tè aepo e'i mã'ẽ.
Currently Selected:
Maku 3: oymNT
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Maku 3
3
Jesu omokatu ipo japu'a mã'ẽ remẽwarà
(Mateusi 12.9-14; Rukasi 6.6-11)
1Ãmẽ ãmõ 'ary pè, Jesu oo Janejare'e ayvu rè jimo'ea retã mõ pè oike, jimoava 'arà mẽ. Ãmẽ kwaima'e mõ ipo japu'a mã'ẽ a'e pè tui. 2Ãmẽ ãmõ kõ ve a'e pè tui upa, Pariseu kõ mõ. [A'e kõ opota teãmã nivoi mã'ẽ omo'y Jesu rè ipi.] Ajawyi omã'ẽ jẽ ee kupa upa. Kee e'i ojimogeta kupa:
– Omokatutà põ wãi ipo japu'a mã'ẽ age'e jimoava 'arà mẽ? e'i kupa. A'evo remẽ, nivoi mã'ẽ simo'ytà ee ãmẽ, e'i ojimogeta kupa.
3Ãmẽ omã'ẽ kupa upa remẽ, Jesu kee e'i ipo japu'a mã'ẽ pè:
– Epõ'ã ejo epyri ovake kõ, e'i.
4Ajaire Jesu e'i jane kõ pè, atyry kõ pè:
– Manyvo põkõ nimanyvoi jaiko jimoava 'arà mẽ ipi? I'ete põ jane kõ japãtavõ ipi jimoava 'arà mẽ? I'ete põ imarama mã'ẽ jamokatuoka tomãnõ e'ã? Manyvo pejẽ põ aepo renu? e'i Jesu ijupe kõ.
Nipui kupa ãmẽ. Manyvo ne'i kupa, Jesu otekokuwavay rewarà mõ.
5Ãmẽ Jesu omã'ẽ ee kõ erokwa. Ojimopirai ee kõ, noporoporijauesai kupa rewarà mõ. Ijãgyoay ee kõ omãjã. Ameve kee e'i ipo japu'a mã'ẽ pè:
– Ejipomomojai! e'i.
A'evo wereko ãmẽ. Ameve py'awarà mõ ikatupa.
6Ameve Pariseu kõ ojisyry iwyi oo. Oo ojimoaty ojimogeta ai ee kupa, ãmõ kõ reve, kovenatu Eroti remĩgwai kõ reve.
– Manyvotà põ sirekotà Jesu ijukaoka? e'i e'i ojiupe kupa.
Jesu poromokatu jẽ remẽwarà
7-8Ãmẽ ajaire Jesu ojisyry mijẽ oo, Karireja pãranã gyty. Emimo'earà kõ ve oo upi. Ãmẽ aty wasu kõ ve oo mijẽ akypy rupi, Karireja yvy wãnà kõ.
– Jesu poromokatu ipi! e'i kupa. Ãjãg kõ omoẽ imono wayvukasia rupi ipi! e'i kupa.
Ajawyi aepo wenu kupa paire, ãmõ kõ ve oo Jesu resa ipi. Kejõ oo kupa. Juteja yvy wãnà kõ. Jerusarẽ taa wãnà kõ. Itumeja yvy wãnà kõ. Yy Jotão ovae pewarà kõ. Tiru taa wãnà kõ. Sitõ taa wãnà kõ. Mokopejõ taa wãnà kõ oo Jesu resa. Aty wasu oo ipyri'ĩje'ẽ ãmẽ.
9Ajawyi Jesu e'i wemimo'ekwerà kõ pè:
– Yarà eeru ike, taapy ipupe [poromo'e ajupa remẽ], aty wasu kõ ojimokyrytyty wete ere rewarà mõ, e'i ijupe kõ.
“Hoõ” e'i kupa. Weru ãmẽ Jesu kyty yarà ãmẽ kupa.
10Ji'ite Jesu mõa'ãrõwã jane kõ omokatupa. Ajawyi mõa'ãrõwã itekorã mãe kõ uu uu ipyri ky'y. Uu poromoãjã Jesu rè ojipy kupa.#Mak. 4.1; Ruk. 5.1-3 11Ãjãg ojimoemija ee mãe kõ ve uu ijupe ojiporijauesaoka. A'e kõ ojimoenãpa'ã ovake wapuka pukai kupa.
– Janejare'e Ra'yry tè ene! e'i wapukai rõmõ kupa.
Ãjãgaiwerà kõ a'evo wereko kõ aepo te'i kupa. 12Ajamã'ẽ Jesu ijayvukasi ãjãg kõ pè tipu e'ã kupa. Nojimome'uokari ijupe kõ, nivoi ekoi kupa rewarà mõ.
Jesu opyteporo wemimo'ekwerà kõ remẽwarà
(Mateusi 10.1-4; Rukasi 6.12-16)
13Ajaire Jesu ojisyry oo aty wasu wyi. Yvytyry rè ojiupi. A'e apyte 'aryvo opyta rã'ĩ. A'e pe wyi kwaima'e kõ mõ omuu okoty, wemipyteporo kõ rõmõ. 1412 rõmõ opyteporo opyri toiko rã'ĩ wemimo'ekwerà kõ rõmõ. A'e kõ kãramõ omonotà Janejare'e ayvu e'eay mojenuarà kõ rõmõ. 15Omokasi kõ teve, ãwisõ ãjãgai kõ tomoẽ ojimoemija ee mãe kõ wyi ijayvu rupi. 16Kejõ 12 rõmõ Jesu remipyteporo kõ: Simão. Peturu e'i Jesu Simão pè ajamã'ẽ. Omotee erà. 17Ãmõ, Tiaku, imõmirĩ reve, Juwão eu mã'ẽ. Semeneu ra'yry kõ tè a'e kõ. A'e kõ pè Jesu “ojimopirai mãe kõ” e'i. 18Ãmõ, Aãtere. Ãmõ, Piripi. Ãmõ, Patoromeu. Ãmõ, Mateusi. Ãmõ, Tome. Ãmõ, Tiaku, Aupeu ra'yry. [Mõrijõ Tiaku eu ijupe mãe kõ ãmẽ.] Ãmõ, Tateu. Ãmõ, Simão eu teve mã'ẽ. A'e koiwerà “Juteu kõ yvy rè okãte'ã mã'ẽ” eu ijupe. 19Ãmõ, Jutasi Sikarioti. A'e kãramõ ome'ẽtà Jesu jõvijã kõ po pè karakuri repy rõmõ. Mokopejõ Jesu opyteporo wemimo'ekwerà kõ rõmõ toiko kupa.
Jesu oporegeta ãjãgai rõvijã rè remẽwarà
(Mateusi 12.22-32; Rukasi 11.14-23; 12.10)
20-21Ajaire Jesu ojivy oo wena kyty, [wemimo'ekwerà kõ reve]. Ãmẽ aty wasu ojimoaty mijẽ ikoty oo. Ajawyi manyvo ne'i'ãi ojimiwa rõmõ kupa ipi, aty wasu kõ rewarà mõ. Ajawyi kee e'i aty wasu kõ mõ Jesu pewarà mõ:
– Eawyry mã'ẽ tè Jesu! e'i tite kupa.
Ãmẽ aepo jaa ojenu ijy pè. Ãmõ, imõmirĩ kõ pè ojenu. Ajawyi ootà ipijarà mõ kupa.
22Ãmẽ jakatu tãmõ Moisesi remikusiwarerà rè poromo'e mãe kõ mõ uu, Jerusarẽ taa kyty wyi. A'e kõ kee e'i tite Jesu pewarà mõ:
– Janejare'e kasia rupi rõwã ãjãg kõ omoẽoka imoisyry ipi. Peusepu kasia rupi tè omoẽoka!#3.22 Peusepu eu ãjãgai rõvijã rerà pè. Ãmõ erà pè Satanasi eu teve. Mõrijõ erà kõ. Mat. 9.34; 10.25 e'i tite kupa.
23Ãmẽ Jesu okuwapa ijayvu ai kõ ajamã'ẽ. Ajawyi aty wasu omuu okoty imo'e kõ poromosã'ãgaa rupi. Kee e'i ijupe kõ:
– Satanasi nomomoioka'ãi kuwa wemĩgwai kõ jane kõ wyi imoisyry kõ ipi, e'i. [Omoisyry sõ remẽ, nikasi'ãi kuwa ãmẽ, e'i.] 24Tõvijã rè tè amosã'ãgatà ãjãgai rõvijã tapekuwa sa'u. Tõvijã remĩgwai kõ mõ ojimoãpã sõ oõvijã rè remẽ, ikasi jẽ kuwa põ tõvijã? Ãnĩ! Nikasi'ãi kuwa ãmẽ! Manyvo ne'i'ãi kuwa ojimokasi ovote ky'y. 25A'evo ve tetãrã kõ, jopyriwarà kõ. Ijayvu ai sõ ojeeve kupa remẽ, nojimoena'ãi kuwa ojipyri kupa ky'y, e'i. Ãmõgwerà ojisyry kõrijõ kuwa oo. A'evo ojimosãsãi kuwa ojiwyi ãmẽ kupa. A'evo remẽ tõvijã nikasi'ãi etãrã rõmõ ky'y, e'i. 26Ãwĩvo 'ejẽ ãjãgai rõvijã Satanasi, wemĩgwai ãjãg kõ reve. Opõ'ã põ'ã tè sõ ojee kupa remẽ, manyvo ne'i'ãi kuwa Satanasi ojimokasi rõmõ iko ãmẽ mijã. Opa kuwa ikasia iwyi mijã, e'i ijupe kõ.
27E'i jẽ Jesu:
– Ãmõ mijẽ manyvo tekoua amome'utà tapekuwa, e'i. Imona mã'ẽ mõ oike sõ mirà ikasi mã'ẽ retã wyry pè omona rõmõ remẽ, nimona te'ĩte'ãi kuwa. Kee remẽ tè imona kuwa. Opyytà rã'ĩ kuwa ijarà ipokwa. Ãmẽ tè kuwa manyvo noereko'ãi ijarà! Ãmẽ tè kuwa imoma'e weraapa kuwa ãmẽ, e'i Jesu.
[Aepo e'i Jesu ijupe kõ remẽ, “Ije ywesõ ekasiay ãjãgai rõvijã wyi”, jaa tè aepo e'i.]
28E'i jẽ Jesu ijupe kõ:
– Aje ywete kee a'e pejẽ. Janejare'e “awyjepa” e'ità jane kõ aiwererà pè ky'y! Iteetejẽ joaiwererà mã'ẽ pè “awyjepa” e'ità. Janejare'e rè oporegeta ai remẽ tesõ “awyjepa” e'i jẽ kuwa. 29Ajamã'ẽ ava mõ “ãjãgai” e'i tite sõ Janejare'e 'Ãg pè remẽ, aepo rewarà mõ “awyjepa” ne'i'ãi Janejare'e aepo e'i mã'ẽ pewarà mõ ipi. Omo'y jẽtà aepo ee. Poromoe'yi 'arà mẽ omo'y jẽtà aepo ee. Aekwerà repykarà mõ omomorijautà ãmẽ ky'y, e'i.
30Jane kõ mõ, “Ãjãgaiwerà kõ ojimoemija Jesu rè”, e'i tite kupa rewarà mõ Jesu aepo e'i wayvukasi rõmõ.
Jesu y uu imõmirĩ kõ reve esa remẽwarà
(Mateusi 12.46-50; Rukasi 8.19-21)
31Jesu poromo'e jẽ tetã mõ wyry pè upa remẽ, ãmẽ Jesu y uu. Imõmirĩ kõ reve uu.#3.31 Juse ra'yry kõ pewarà mõ aepo e'i kupa. Tetã ypy pè tè uu kupa. A'e pe wyi ijy “Jesu totuu” e'i imuu. 32Ãmẽ aty wasu kõ Jesu pyri wapy upa, tetã wyry pè. Ãmẽ ava mõ e'i Jesu pè:
– Ney uu neresa, nemõmirĩ kõ reve. Tetã ypy pè uu nerãrõ kupa upa, e'i ijupe.
33Ãmẽ Jesu e'i ijupe kõ:
– Aje ey uu. Ãmõ, emõmirĩ kõ uu. Ajamã'ẽ kee a'e pejẽ tapejipy'amogeta. Ava sipõ ey rõmõ ekoi? Ava sipõ emõmirĩ kõ rõmõ ekoi? e'i.
34Pirujẽ ipyri wapy okwa mãe kõ rè omã'ẽ erokwa. Kee e'i ijupe kõ:
– Pejẽ teve eretãrã kõ vo 'ejẽ peiko. Emã'ẽ. Aã ey kõ vo teve. Ãmõ, emõmirĩ kõ vo teve, e'i Jesu. 35Janejare'e yvapewarà remimota rupi ekoi mãe kõ pirujẽ eretãrã kõ vo teve ekoi. Ajawyi “emõmirĩ kõ” a'e pejẽ. Ãmõ, “ekõjã kõ” a'e pejẽ. Ãmõ, “ey kõ” a'e. Aepo a'e pejẽ, e'i Jesu ijupe kõ.#3.35 Kee jaa tè aepo e'i mã'ẽ: “Ãwitõ ey ãmõ emõmirĩ kõ aau ipi, ãwĩvo ve aau Janejare'e koty rewarà kõ”, jaa tè aepo e'i mã'ẽ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.