Maku 4
4
Temitã rã'ãigwerà rè tè Jesu poromosã'ãga remẽwarà
(Mateusi 13.1-9; Rukasi 8.4-8)
1Ãmẽ ajaire Jesu poromo'e mijẽ, Karireja pãranã reme pè tè ky'y. Ãmẽ aty wasu kõ ojimoaty wete mijẽ ipyri. Ajawyi yarà pè oo opo wapy mijẽ. A'e pe wyi poromo'età. Ajawyi yarà kuipe'e sa'u tui, pãranã pè. Ãmẽ aty wasu opõ'ã yy reme pè okwa ojapyaka. #Ruk. 5.1-3 2Jesu poromo'e remẽ, moma'e rè tè poromosã'ãga mã'ẽ rupi tè poromo'e ipi. A'e rupi iteetejẽ manyvo tekoua omome'utà ijupe kõ toenu kupa. Kee e'i ijupe kõ:
3– Pejapyaka ikõ eayvu rè nẽ! [Jane kõ Janejare'e ayvu wenu remẽ, ãmõgwerà oryvay enu. Ãmõgwerà naoryi enu. Ãwitõ temitã ory, ãwĩvo ekoi kupa. Manyvo tekoua amome'utà pejẽ tapekuwa sa'u.] Ava mõ oo ojimitã. Moma'eyva rã'ãigwerà omopepei okoo rupi erokwa. 4Ãmẽ omopepei remẽ, ãmõgwerà pee reme rupi okui. A'e wyra kõ o'upa. Ajawyi noẽi. Opaa kõrijõ tè. 5Ãmõgwerà takuru ypy rupi okui. Yvy kejavõigà a'e pè. Ãmẽ a'e kuise'ẽ jẽ oẽ. Ory maevo sõ tite oẽ, ta'yrygà yvy a'e pè rewarà mõ. 6Ajamã'ẽ ojipy a'ugà yvy rè apokwerà. Ajawyi ajaire kwaray aku remẽ, osinĩma omãnõ. 7Ãmẽ ãmõgwerà joõ pytery pè okui. A'e oẽ ipegà mijã. Ajamã'ẽ joõ nomoryokai wyi naoryi. Ajawyi ni'ai. 8Ãmẽ ãmõgwerà yvy e'e pè tè okui ky'y. A'e sõsi ory katu o'a mõ ky'y. I'a katu jome, e'i Jesu poromo'e upa.
9E'i jẽ Jesu:
– Peenu ikõ eayvu nẽ rõnõ, e'i Jesu jane kõ pè.
Jesu poromosã'ãga mã'ẽ rupi poromo'e remẽwarà
(Mateusi 13.10-17; Rukasi 8.9-10)
10Ãmẽ ajaire aty wasu kõ ojivy oo kupa remẽ, emimo'ekwerà kõ uu ikoty, 12 rõmõ mãe kõ. Ãmõ, opyta maekwerà kõ ve 12 mãe kõ reve uu ikoty. Kee e'i Jesu pè kupa:
– Manyvo jaa põ neayvukwerà, moma'e rè tè poromosã'ãga mã'ẽ? e'i kupa. Oremotekokuwa si rejupa! e'i kupa.
11Ãmẽ Jesu e'i:
– Pejẽ pekuwapa manyvo Janejare'e poroerekotà, Jõvijã wasu rõmõ ojikuwa remẽ. Janejare'e ayvu rupi tè aepo a'e. Pirujẽ pè rõwã aepo a'e ajamã'ẽ. Ajawyi moma'e rè tè amosã'ãga imo'e kõ ipi, e'i. 12Ajawyi ekasia rè omã'ẽ ipe kupa. Eayvu rè ojapyaka ipe teve kupa. Ajamã'ẽ nojimotekokuwai ee kupa. Wenu katu sõ eayvu kupa remẽ, otekokuwavay kuwa kupa. Ojirova kuwa Janejare'e kytyre kupa. Ãmẽ tè kuwa Janejare'e oitypypyipaoka kuwa ijaiwererà kõ iwyi kõ mijã, e'i ijupe kõ.#Isa. 6.9-10
Manyvo temitã rã'ãigwerà rewarà jaa tè
(Mateusi 13.18-23; Rukasi 8.11-15)
13Kee e'i Jesu temitã rã'ãigwerà rewarà pè, wemimo'ekwerà kõ pè:
– Haa! Napekuwai sipõ manyvo jaa tè aepo amome'u peupe maekwerà? e'i. Ãmõ tè mijẽ amome'u sõ pejẽ remẽ, napeenu'ãive kuwa. Kee jaa tè aepo a'e. 14Janejare'e ayvu ojenu jane kõ pè remẽ, moma'eyva rã'ãigwerà ojitã mã'ẽ vo 'ejẽ jopy'a pupe, e'i ijupe kõ. 15Jane mõ Janejare'e ayvu wenu ipe sõ remẽ, notekokuwai ee. Ajaire ãjãgai rõvijã Satanasi iporegetakwerà omokãjã ipy'a pupe wyi. Ãwitõ wyra kõ temitã rã'ãigwerà pee rupi o'a mã'ẽ o'upa imokãjã, ãwĩvo 'ejẽ ekoi. Ajawyi earaipa weminuwerà wyi, Janejare'e ayvu wyi. Opa ipy'a pupe wyi, e'i.
16-17– Ãmẽ ãmõgwerà aje ipe sõ Janejare'e ayvu wenu ipe sõ remẽ, ory rã'ĩte ee. “Haa! Janejare'e ayvu rupi aikotà!” e'i rã'ĩte. Ajamã'ẽ nojimokasi ijayvu renu. Ãwitõ temitã rã'ãigwerà takuru ypy rupi o'a ejõi remẽ nikasi, naapoi rewarà mõ. A'evo 'ejẽ nikasi Janejare'e ayvu rè ojipy mã'ẽ. Ajawyi ajaire ojimomorijau Janejare'e ayvu rewarà mõ remẽ, kuise'ẽ opoità iwyi, e'i.
18-19– Ãmõgwerà wenu ipe Janejare'e ayvu remẽ, noja'ari ee. Wekokwerà ikewarà règà oja'a. Ãmõ, karakuri moatya règà oja'a. Ãmõ, wemimotarà kõ règà oja'a. Ajawyi nojipy'amogetai Janejare'e ayvu rè. Noja'a'ãi ee. Ãwitõ joõ wyi naoryi temitã rã'ãigwerà ejõi epe remẽ, ãwĩvo ve oja'a ee mãe kõ apy'a oporakapa ipy'a. Ajawyi Janejare'e ayvu rè noja'ai ywe'e tite, e'i.
20– Ãmõgwerà yvy e'e pè o'a mã'ẽ vo 'ejẽ. A'e sõsi ory katu Janejare'e ayvu renu. Opy'a pupe tè ijayvukwerà wereko karuaru ereko, wãi ajaire toerovija katu ereko. Oja'a karuaru weminuwerà rè iko. Naearai'ãi iwyi. Nopoi'ãi teve iwyi. Upi katu ekoità aja paire, e'i Jesu imogeta kõ.
Poroyape mã'ẽ rè tè Jesu poromosã'ãga remẽwarà
(Rukasi 8.16-18)
21E'i jẽ Jesu ijupe kõ:
– [Janejare'e omojikuwaokapa peupe mã'ẽ tapemojenu ãmõ kõ pè erokwa. “Tokuwa e'ã kupa”, tapejẽ tite e'ã.] Poroyape mã'ẽ rè tè amosã'ãgatà Janejare'e ayvu tapekuwa sa'u. Poroyape mã'ẽ jamoeny remẽ, ikatu kuwa põ moma'e wyry pè jainõ tojisa e'ã? Niĩ! Nivo'ãi ãmẽ. Kujau pè tè katu jainõ tojisa katu, pirujẽ toyape katu. A'evo 'ejẽ tapereko Janejare'e ayvu.#Mat. 5.15; Ruk. 11.33 22Ãwitõ poroyape mã'ẽ oyape katu janeupe, ãwĩvo ve Janejare'e penemikuwa e'ã omojikuwa katutà wayvukwerà rupi pejẽ ipi. Pirujẽ omojikuwaokatà pejẽ ipi.#Mat. 10.26; Ruk. 12.2 23Pejipy'amogeta ikõ eayvu rè nẽ, pepota pejimotekokuwavay remẽ, e'i ijupe kõ.
24– Tapeewe katu peneminuwerà rè pejimotekokuwa, Janejare'e ayvu rè. Ãmẽ ywesõ petekokuwavaytà ee ãmẽ. Napeeweri ee remẽ, napetekokuwa'ãi ãmẽ ee.#Mat. 7.2; Ruk. 6.38 25Napejapyaka ywe'ei tite aepo a'e mã'ẽ rè remẽ, peenu mã'ẽ wyi penearaipatà ãmẽ. Ajawyi peenu ikõ eayvu nẽ rõnõ, a'e pejẽ. Upi katu ikõ peiko nẽ. Ãmẽ ywesõ Janejare'e pemotekokuwavaytà penereko, e'i Jesu imogeta kõ.#Mat. 13.12; 25.29; Ruk. 19.26
Moma'e rã'ãigwerà ejõi mã'ẽ rè tè poromosã'ãga mijẽ remẽwarà
26Jesu e'i jẽ ijupe kõ:
– Manyvo tekoua amome'u tarà mijẽ pemotekokuwaa rõmõ, tapekuwa manyvo Janejare'e jane kõ Rõvijã wasu rõmõ ojikuwaoka remẽ, e'i. Ava mõ omoẽoka ypy Janejare'e o'arà kyty remẽ, a'evoa nojimoikatu'ãi ve ãmõ kõ pè ipi. Ajaire tè ojikuwatà Janejare'e remĩgwai rõmõ. Ãwitõ moma'e rã'ãigwerà jaõtã remẽ, nijamã'ẽive ee ejõi sikaepo yvy kwarà pupe remẽ ipi. 27Pya jake remẽ tè sikaepo ejõi. Aryvo japosiko jaiko remẽ teve ejõi sikaepo. Nijamã'ẽi ajamã'ẽ ejõia rè. Nijakuwai manyvo e'i põ oẽma mã'ẽ. 28Ovote a'evo ekoi. Ajaire oẽmokopa ky'y. Ajaire ojimovijapa. Ajaire ipotypa. Ajaire i'apa. Ajaire ipopa. 29Ãmẽ si japo'o ky'y, otãrõma remẽ. A'evo 'ejẽ jane kõ ekoi. Janejare'e ojimojõvijã ypy jane kõ rè remẽ, nomã'ẽytyi rã'ĩ ee. Ajamã'ẽ ajaire ojikuwatà. Janejare'e ayvu rupi ekoi remẽ tè katu ojikuwatà. “Aje Janejare'e remĩgwai tè ãwĩ”, eutà ky'y, e'i Jesu imogeta kõ.#J.Jim. 14.15
Yvyra'akwerà rã'ãigwerà rè tè Jesu poromosã'ãga remẽwarà
(Mateusi 13.31-32; Rukasi 13.18-19)
30Ãmẽ Jesu e'i jẽ:
– Ãmõ tè mijẽ amome'utà peupe tapekuwa manyvotà Janejare'e jane kõ rõvijã rõmõ ojikuwaoka remẽ. [Age'e pe'ĩpe'ĩ jane kõ omoẽoka Janejare'e o'arà kyty ereko. Ajamã'ẽ kãramõ jane kõ mõa'ãrõwã a'evotà ekoi ky'y.] 31-32Ãwitõ yvyra ojimovija ã'ãigwerà wyi, ãwĩvo 'ejẽ ekoità kupa. Yvyra rã'ãigwerà ojitã remẽ, kejavõigà teipe. Ajaire ojitã maire, oẽ. Ajaire isakykyru tesõ ojimovija. Ajaire ojimovijapa. Ãkãma ky'y. Ajaate ãkã mevu tesõ ky'y. Ãmẽ a'e rãkã rè wyra kõ ojiowaitynõ ky'y, i'ãgwerà wyry pè ky'y. A'evo 'ejẽ jane kõ omojõvijã Janejare'e o'arà kyty remẽ, e'i.#4.31-32 Kee jaa tè aepo e'i mã'ẽ. Jane kõ pe'ĩpe'ĩ ypy omojõvijã Janejare'e o'arà kyty. Ajaire ijaty sa'u. Ajaate mõa'ãrõwã jane kõ omojõvijãtà o'arà kyty ky'y, jaa tè aepo e'i mã'ẽ.
Moma'e rupi tè poromosã'ãga poromo'e remẽwarà
(Mateusi 13.34-35)
33-34Ãwĩvo Jesu poromo'e ipi, aty wasu kõ omo'e ipi remẽ. Manyvo tekoua omojenu ijupe kõ ipi. Oterẽ jẽ rõwã poromo'e ipi. Moma'e rè tè kõrijõ tè poromosã'ãga ipi.
– A'evo 'evo Janejare'e ojimojõvijã remẽ jane'arà kyty remẽ, e'i imo'e kõ ipi.
Notekokuwai kupa wyi ãwĩvo mewe tè omo'e ypy kõ ipi. Wenutà kupa mã'ẽ rè kõrijõ tè omo'e kõ ipi. Ajamã'ẽ wemimo'ekwerà kõ reve rõmõ'ĩte ekoi remẽ, pirujẽ omome'u katu ijupe kõ ipi, oterẽ jẽ.
Jesu yvytu ai omomi remẽwarà
(Mateusi 8.23-27; Rukasi 8.22-25)
35Ãmẽ karumẽ Jesu e'i wemimo'ekwerà kõ pè:
– Ja'yasa jajipota jaa pãranã ovae kyty! e'i ijupe kõ.#4.35 Kwaray ẽma kytyre.
36Ãmẽ ojisyry oo aty wasu kõ pytery pe wyi kupa. Opo yarà pupe oo kupa, Jesu pyri. Ãmẽ ãmõ kõ ve oo ve upi kõ, oyarà rupi.
37Ãmẽ yy mytery pè oo iko kupa remẽ, py'awarà mõ yvytu ai wasu ovãe ijupe kõ. Omopipo pipo tesõ yy. Ajawyi yy ojeẽ jeẽ tesõ yarà pupe ky'y. Ojipypy taray yarà upa.
38Ãmẽ Jesu oke upa, yarà ropyta pè. Ipyu mã'ẽ 'aryvo ojeãkãinõ oke upa.
Ajawyi emimo'ekwerà kõ oo imõtã.
– Oremo'earà, emã'ẽ! Japatà maevo yy pupe! Nimanyvoi põ neupe japatà yy pè remẽ? e'i kupa.
39Ãmẽ Jesu opõ'ã wayvukasi rõmõ yvytu ai pè. Ãmõ, yy opipo pipo mã'ẽ pè teve ijayvukasi.
– Epi! e'i.
Ameve opi yvytu. Yy rova'arà ojimovoropa katu teve ijayvukasia rupi ky'y.
40Ãmẽ Jesu e'i wemimo'ekwerà kõ pè:
– Pekyje rõwã ipõ! e'i. “Aje” napejẽive sipõ eayvukasia pè? e'i ijupe kõ.
41Ojimonyi wete jẽ emimo'ekwerà kõ a'evoa rè omãjã. Ajawyi e'i ojiupe kupa:
– Haa! Ava sipõ awi janerõvijã, ãwĩvo tesõ tijayvukasiay wete? Emã'ẽ. “Epi!” e'i yvytu ai pè remeve opi! Yy a'evo ve. Omomi wayvukasia rupi! [Ãwitõ janeremĩgwai mõ janererovija, “teene” eu ijupe remẽ, ãwĩvo yvytu ai janerõvijã pè, e'i kupa.]
Currently Selected:
Maku 4: oymNT
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Maku 4
4
Temitã rã'ãigwerà rè tè Jesu poromosã'ãga remẽwarà
(Mateusi 13.1-9; Rukasi 8.4-8)
1Ãmẽ ajaire Jesu poromo'e mijẽ, Karireja pãranã reme pè tè ky'y. Ãmẽ aty wasu kõ ojimoaty wete mijẽ ipyri. Ajawyi yarà pè oo opo wapy mijẽ. A'e pe wyi poromo'età. Ajawyi yarà kuipe'e sa'u tui, pãranã pè. Ãmẽ aty wasu opõ'ã yy reme pè okwa ojapyaka. #Ruk. 5.1-3 2Jesu poromo'e remẽ, moma'e rè tè poromosã'ãga mã'ẽ rupi tè poromo'e ipi. A'e rupi iteetejẽ manyvo tekoua omome'utà ijupe kõ toenu kupa. Kee e'i ijupe kõ:
3– Pejapyaka ikõ eayvu rè nẽ! [Jane kõ Janejare'e ayvu wenu remẽ, ãmõgwerà oryvay enu. Ãmõgwerà naoryi enu. Ãwitõ temitã ory, ãwĩvo ekoi kupa. Manyvo tekoua amome'utà pejẽ tapekuwa sa'u.] Ava mõ oo ojimitã. Moma'eyva rã'ãigwerà omopepei okoo rupi erokwa. 4Ãmẽ omopepei remẽ, ãmõgwerà pee reme rupi okui. A'e wyra kõ o'upa. Ajawyi noẽi. Opaa kõrijõ tè. 5Ãmõgwerà takuru ypy rupi okui. Yvy kejavõigà a'e pè. Ãmẽ a'e kuise'ẽ jẽ oẽ. Ory maevo sõ tite oẽ, ta'yrygà yvy a'e pè rewarà mõ. 6Ajamã'ẽ ojipy a'ugà yvy rè apokwerà. Ajawyi ajaire kwaray aku remẽ, osinĩma omãnõ. 7Ãmẽ ãmõgwerà joõ pytery pè okui. A'e oẽ ipegà mijã. Ajamã'ẽ joõ nomoryokai wyi naoryi. Ajawyi ni'ai. 8Ãmẽ ãmõgwerà yvy e'e pè tè okui ky'y. A'e sõsi ory katu o'a mõ ky'y. I'a katu jome, e'i Jesu poromo'e upa.
9E'i jẽ Jesu:
– Peenu ikõ eayvu nẽ rõnõ, e'i Jesu jane kõ pè.
Jesu poromosã'ãga mã'ẽ rupi poromo'e remẽwarà
(Mateusi 13.10-17; Rukasi 8.9-10)
10Ãmẽ ajaire aty wasu kõ ojivy oo kupa remẽ, emimo'ekwerà kõ uu ikoty, 12 rõmõ mãe kõ. Ãmõ, opyta maekwerà kõ ve 12 mãe kõ reve uu ikoty. Kee e'i Jesu pè kupa:
– Manyvo jaa põ neayvukwerà, moma'e rè tè poromosã'ãga mã'ẽ? e'i kupa. Oremotekokuwa si rejupa! e'i kupa.
11Ãmẽ Jesu e'i:
– Pejẽ pekuwapa manyvo Janejare'e poroerekotà, Jõvijã wasu rõmõ ojikuwa remẽ. Janejare'e ayvu rupi tè aepo a'e. Pirujẽ pè rõwã aepo a'e ajamã'ẽ. Ajawyi moma'e rè tè amosã'ãga imo'e kõ ipi, e'i. 12Ajawyi ekasia rè omã'ẽ ipe kupa. Eayvu rè ojapyaka ipe teve kupa. Ajamã'ẽ nojimotekokuwai ee kupa. Wenu katu sõ eayvu kupa remẽ, otekokuwavay kuwa kupa. Ojirova kuwa Janejare'e kytyre kupa. Ãmẽ tè kuwa Janejare'e oitypypyipaoka kuwa ijaiwererà kõ iwyi kõ mijã, e'i ijupe kõ.#Isa. 6.9-10
Manyvo temitã rã'ãigwerà rewarà jaa tè
(Mateusi 13.18-23; Rukasi 8.11-15)
13Kee e'i Jesu temitã rã'ãigwerà rewarà pè, wemimo'ekwerà kõ pè:
– Haa! Napekuwai sipõ manyvo jaa tè aepo amome'u peupe maekwerà? e'i. Ãmõ tè mijẽ amome'u sõ pejẽ remẽ, napeenu'ãive kuwa. Kee jaa tè aepo a'e. 14Janejare'e ayvu ojenu jane kõ pè remẽ, moma'eyva rã'ãigwerà ojitã mã'ẽ vo 'ejẽ jopy'a pupe, e'i ijupe kõ. 15Jane mõ Janejare'e ayvu wenu ipe sõ remẽ, notekokuwai ee. Ajaire ãjãgai rõvijã Satanasi iporegetakwerà omokãjã ipy'a pupe wyi. Ãwitõ wyra kõ temitã rã'ãigwerà pee rupi o'a mã'ẽ o'upa imokãjã, ãwĩvo 'ejẽ ekoi. Ajawyi earaipa weminuwerà wyi, Janejare'e ayvu wyi. Opa ipy'a pupe wyi, e'i.
16-17– Ãmẽ ãmõgwerà aje ipe sõ Janejare'e ayvu wenu ipe sõ remẽ, ory rã'ĩte ee. “Haa! Janejare'e ayvu rupi aikotà!” e'i rã'ĩte. Ajamã'ẽ nojimokasi ijayvu renu. Ãwitõ temitã rã'ãigwerà takuru ypy rupi o'a ejõi remẽ nikasi, naapoi rewarà mõ. A'evo 'ejẽ nikasi Janejare'e ayvu rè ojipy mã'ẽ. Ajawyi ajaire ojimomorijau Janejare'e ayvu rewarà mõ remẽ, kuise'ẽ opoità iwyi, e'i.
18-19– Ãmõgwerà wenu ipe Janejare'e ayvu remẽ, noja'ari ee. Wekokwerà ikewarà règà oja'a. Ãmõ, karakuri moatya règà oja'a. Ãmõ, wemimotarà kõ règà oja'a. Ajawyi nojipy'amogetai Janejare'e ayvu rè. Noja'a'ãi ee. Ãwitõ joõ wyi naoryi temitã rã'ãigwerà ejõi epe remẽ, ãwĩvo ve oja'a ee mãe kõ apy'a oporakapa ipy'a. Ajawyi Janejare'e ayvu rè noja'ai ywe'e tite, e'i.
20– Ãmõgwerà yvy e'e pè o'a mã'ẽ vo 'ejẽ. A'e sõsi ory katu Janejare'e ayvu renu. Opy'a pupe tè ijayvukwerà wereko karuaru ereko, wãi ajaire toerovija katu ereko. Oja'a karuaru weminuwerà rè iko. Naearai'ãi iwyi. Nopoi'ãi teve iwyi. Upi katu ekoità aja paire, e'i Jesu imogeta kõ.
Poroyape mã'ẽ rè tè Jesu poromosã'ãga remẽwarà
(Rukasi 8.16-18)
21E'i jẽ Jesu ijupe kõ:
– [Janejare'e omojikuwaokapa peupe mã'ẽ tapemojenu ãmõ kõ pè erokwa. “Tokuwa e'ã kupa”, tapejẽ tite e'ã.] Poroyape mã'ẽ rè tè amosã'ãgatà Janejare'e ayvu tapekuwa sa'u. Poroyape mã'ẽ jamoeny remẽ, ikatu kuwa põ moma'e wyry pè jainõ tojisa e'ã? Niĩ! Nivo'ãi ãmẽ. Kujau pè tè katu jainõ tojisa katu, pirujẽ toyape katu. A'evo 'ejẽ tapereko Janejare'e ayvu.#Mat. 5.15; Ruk. 11.33 22Ãwitõ poroyape mã'ẽ oyape katu janeupe, ãwĩvo ve Janejare'e penemikuwa e'ã omojikuwa katutà wayvukwerà rupi pejẽ ipi. Pirujẽ omojikuwaokatà pejẽ ipi.#Mat. 10.26; Ruk. 12.2 23Pejipy'amogeta ikõ eayvu rè nẽ, pepota pejimotekokuwavay remẽ, e'i ijupe kõ.
24– Tapeewe katu peneminuwerà rè pejimotekokuwa, Janejare'e ayvu rè. Ãmẽ ywesõ petekokuwavaytà ee ãmẽ. Napeeweri ee remẽ, napetekokuwa'ãi ãmẽ ee.#Mat. 7.2; Ruk. 6.38 25Napejapyaka ywe'ei tite aepo a'e mã'ẽ rè remẽ, peenu mã'ẽ wyi penearaipatà ãmẽ. Ajawyi peenu ikõ eayvu nẽ rõnõ, a'e pejẽ. Upi katu ikõ peiko nẽ. Ãmẽ ywesõ Janejare'e pemotekokuwavaytà penereko, e'i Jesu imogeta kõ.#Mat. 13.12; 25.29; Ruk. 19.26
Moma'e rã'ãigwerà ejõi mã'ẽ rè tè poromosã'ãga mijẽ remẽwarà
26Jesu e'i jẽ ijupe kõ:
– Manyvo tekoua amome'u tarà mijẽ pemotekokuwaa rõmõ, tapekuwa manyvo Janejare'e jane kõ Rõvijã wasu rõmõ ojikuwaoka remẽ, e'i. Ava mõ omoẽoka ypy Janejare'e o'arà kyty remẽ, a'evoa nojimoikatu'ãi ve ãmõ kõ pè ipi. Ajaire tè ojikuwatà Janejare'e remĩgwai rõmõ. Ãwitõ moma'e rã'ãigwerà jaõtã remẽ, nijamã'ẽive ee ejõi sikaepo yvy kwarà pupe remẽ ipi. 27Pya jake remẽ tè sikaepo ejõi. Aryvo japosiko jaiko remẽ teve ejõi sikaepo. Nijamã'ẽi ajamã'ẽ ejõia rè. Nijakuwai manyvo e'i põ oẽma mã'ẽ. 28Ovote a'evo ekoi. Ajaire oẽmokopa ky'y. Ajaire ojimovijapa. Ajaire ipotypa. Ajaire i'apa. Ajaire ipopa. 29Ãmẽ si japo'o ky'y, otãrõma remẽ. A'evo 'ejẽ jane kõ ekoi. Janejare'e ojimojõvijã ypy jane kõ rè remẽ, nomã'ẽytyi rã'ĩ ee. Ajamã'ẽ ajaire ojikuwatà. Janejare'e ayvu rupi ekoi remẽ tè katu ojikuwatà. “Aje Janejare'e remĩgwai tè ãwĩ”, eutà ky'y, e'i Jesu imogeta kõ.#J.Jim. 14.15
Yvyra'akwerà rã'ãigwerà rè tè Jesu poromosã'ãga remẽwarà
(Mateusi 13.31-32; Rukasi 13.18-19)
30Ãmẽ Jesu e'i jẽ:
– Ãmõ tè mijẽ amome'utà peupe tapekuwa manyvotà Janejare'e jane kõ rõvijã rõmõ ojikuwaoka remẽ. [Age'e pe'ĩpe'ĩ jane kõ omoẽoka Janejare'e o'arà kyty ereko. Ajamã'ẽ kãramõ jane kõ mõa'ãrõwã a'evotà ekoi ky'y.] 31-32Ãwitõ yvyra ojimovija ã'ãigwerà wyi, ãwĩvo 'ejẽ ekoità kupa. Yvyra rã'ãigwerà ojitã remẽ, kejavõigà teipe. Ajaire ojitã maire, oẽ. Ajaire isakykyru tesõ ojimovija. Ajaire ojimovijapa. Ãkãma ky'y. Ajaate ãkã mevu tesõ ky'y. Ãmẽ a'e rãkã rè wyra kõ ojiowaitynõ ky'y, i'ãgwerà wyry pè ky'y. A'evo 'ejẽ jane kõ omojõvijã Janejare'e o'arà kyty remẽ, e'i.#4.31-32 Kee jaa tè aepo e'i mã'ẽ. Jane kõ pe'ĩpe'ĩ ypy omojõvijã Janejare'e o'arà kyty. Ajaire ijaty sa'u. Ajaate mõa'ãrõwã jane kõ omojõvijãtà o'arà kyty ky'y, jaa tè aepo e'i mã'ẽ.
Moma'e rupi tè poromosã'ãga poromo'e remẽwarà
(Mateusi 13.34-35)
33-34Ãwĩvo Jesu poromo'e ipi, aty wasu kõ omo'e ipi remẽ. Manyvo tekoua omojenu ijupe kõ ipi. Oterẽ jẽ rõwã poromo'e ipi. Moma'e rè tè kõrijõ tè poromosã'ãga ipi.
– A'evo 'evo Janejare'e ojimojõvijã remẽ jane'arà kyty remẽ, e'i imo'e kõ ipi.
Notekokuwai kupa wyi ãwĩvo mewe tè omo'e ypy kõ ipi. Wenutà kupa mã'ẽ rè kõrijõ tè omo'e kõ ipi. Ajamã'ẽ wemimo'ekwerà kõ reve rõmõ'ĩte ekoi remẽ, pirujẽ omome'u katu ijupe kõ ipi, oterẽ jẽ.
Jesu yvytu ai omomi remẽwarà
(Mateusi 8.23-27; Rukasi 8.22-25)
35Ãmẽ karumẽ Jesu e'i wemimo'ekwerà kõ pè:
– Ja'yasa jajipota jaa pãranã ovae kyty! e'i ijupe kõ.#4.35 Kwaray ẽma kytyre.
36Ãmẽ ojisyry oo aty wasu kõ pytery pe wyi kupa. Opo yarà pupe oo kupa, Jesu pyri. Ãmẽ ãmõ kõ ve oo ve upi kõ, oyarà rupi.
37Ãmẽ yy mytery pè oo iko kupa remẽ, py'awarà mõ yvytu ai wasu ovãe ijupe kõ. Omopipo pipo tesõ yy. Ajawyi yy ojeẽ jeẽ tesõ yarà pupe ky'y. Ojipypy taray yarà upa.
38Ãmẽ Jesu oke upa, yarà ropyta pè. Ipyu mã'ẽ 'aryvo ojeãkãinõ oke upa.
Ajawyi emimo'ekwerà kõ oo imõtã.
– Oremo'earà, emã'ẽ! Japatà maevo yy pupe! Nimanyvoi põ neupe japatà yy pè remẽ? e'i kupa.
39Ãmẽ Jesu opõ'ã wayvukasi rõmõ yvytu ai pè. Ãmõ, yy opipo pipo mã'ẽ pè teve ijayvukasi.
– Epi! e'i.
Ameve opi yvytu. Yy rova'arà ojimovoropa katu teve ijayvukasia rupi ky'y.
40Ãmẽ Jesu e'i wemimo'ekwerà kõ pè:
– Pekyje rõwã ipõ! e'i. “Aje” napejẽive sipõ eayvukasia pè? e'i ijupe kõ.
41Ojimonyi wete jẽ emimo'ekwerà kõ a'evoa rè omãjã. Ajawyi e'i ojiupe kupa:
– Haa! Ava sipõ awi janerõvijã, ãwĩvo tesõ tijayvukasiay wete? Emã'ẽ. “Epi!” e'i yvytu ai pè remeve opi! Yy a'evo ve. Omomi wayvukasia rupi! [Ãwitõ janeremĩgwai mõ janererovija, “teene” eu ijupe remẽ, ãwĩvo yvytu ai janerõvijã pè, e'i kupa.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.