Salmau 114
114
SALM 114
Cryned y ddaear gerbron Duw
Camberwell 65.65.D
1-2Pan ddaeth Israel allan
Gynt o wlad yr Aifft,
O blith pobl estron,
Rhai â dieithr iaith,
Rhoes yr Arglwydd Jwda’n
Gysegr iddynt hwy,
A thir Israel ydoedd
Eu harglwyddiaeth mwy.
3-4O weld hyn, fe giliodd
Tonnau’r môr, a throdd
Yr Iorddonen hithau
Yn ei hôl o’i bodd.
Neidiodd y mynyddoedd
Megis hyrddod ffôl;
Pranciodd yr holl fryniau
Megis ŵyn ar ddôl.
5-6Beth sydd arnoch, donnau’r
Môr, eich bod yn ffoi?
Tithau, li’r Iorddonen,
Pam dy fod yn troi?
Pam yr ydych, fryniau,
A’r mynyddoedd mwy’n
Neidio megis hyrddod,
Prancio megis ŵyn?
7-8Cryna di, O ddaear,
Rhag yr Arglwydd Dduw;
Cryna rhag Duw Jacob,
Cans ofnadwy yw.
Ef yw’r Un sy’n gallu
Troi y graig yn llyn,
Ac o’r gallestr galed
Ddwyn ffynhonnau gwyn.
Currently Selected:
Salmau 114: SCN
Highlight
Share
Copy
Want to have your highlights saved across all your devices? Sign up or sign in
© Gwynn ap Gwilym 2008