Salmau 121
121
SALM 121
Cymorth gan Dduw
Altona MS
1-2Tua’r mynyddoedd syllu a wnaf;
P’le y caf gymorth hawddgar?
Fe’i caf oddi wrth yr Arglwydd; ef
A greodd nef a daear.
3-4Nid yw yn goddef llithro o’th droed;
Ni fu erioed yn huno.
Nid ydyw ceidwad Israel gu
Yn cysgu na gorffwyso.
5-6Fe geidw’r Arglwydd dy holl fod;
Rhydd gysgod rhag dy lethu.
Ni chaiff haul llethol y prynhawn
Na lleuad lawn d’anafu.
7-8Fe geidw’r Arglwydd d’einioes di
Rhag pob drygioni beunydd;
Fe wylia dros dy fynd a’th ddod,
A’th warchod yn dragywydd.
Currently Selected:
Salmau 121: SCN
Highlight
Share
Copy
Want to have your highlights saved across all your devices? Sign up or sign in
© Gwynn ap Gwilym 2008