Psalmyn 145
145
PSALM CXLV.
1Ard-voylley dhyt, O Hiarn my ree,
Ard-ooashley dhyt dy bra;
2Dy choyrt dhyt booise choud as vee’m bio
My churrym kainlt gagh-laa.
3Dty ghloyr, O Hiarn, cha vod my ghlare
’Chur magh lesh ooashley feeu;
4Dty ooashley t’eh erskyn my phooar,
Dy chormal lesh my ghoo.
5Dty obbraghyn bee cooinaght jeu
Gys earishyn gyn kione;
6Ooashley dty ghloyr ta soilshit magh
Ayns firrinys dty ghoan.
7Tra vees dty voylley as dty gloyr
Ayns bingys soilshit magh;
Lhig dagh sheeloghe lesh un arrane
Goaill ayrn ’sy chiaulleeaght.
8Dty ghraih hymmoil as surranse liauyr
T’ad gerjaghey sheelnaue;
9Dty vyghin veigh dy bragh er skyn
Eer obbraghyn dty laue.
10Dty obbraghyn t’ad fockley magh
Dty voylley as dty ghloyr;
11Dty nooghyn taggloo jeh dty niart,
Dty vieys as dty phooar.
12Dty stoyl reeoil ayns stayd te soit
Te stoamit magh dy lhean,
13Reill dty reeriaght te farraghtyn,
As rish dty phooar co-beayn.
14-15T’ou sheeyney magh dty laue, O Hiarn,
As troggal seose y boght;
16-20T’ou cooney lesh dagh ymmyrchagh
Ta ceau e hraa gyn loght.
21Lesh rere my phooar nee’m goaill arrane
Dy voylley hoods, O Hiarn,
As lhig dy chooilley eill cur booise
Choud as vees seihll er-mayrn.
Currently Selected:
Psalmyn 145: PS1761
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
