Psalmyn 90
90
PSALM XC.
1Hiarn, nyn saualtagh niartal rieau,
D’endeil dty reih hioltane;
Veih eash dy eash t’ou er ny ve
Yn sauchys shickyr ain.
2Roish my ren sleïtyn cheet er-ash,
Roish ren oo’n seihll y chroo:
V’ou uss yn ooilley-niartal Jee,
Nish yn Jee cheddin oo.
3T’ou caghlaa’n dooinney, Hiarn, gys joan,
Ass ren oo ’chummey eh;
Cha leah’s ta’n sarey raït, Chyndaa,
Sheign biallys y ve.
4Son ayns dty hilley thousane bleïn
Cha vel agh myr un laa;
Ny myr oor ceaut er dromm ny hoie,
Nagh vel mooar geill ain da.
5Goit myr lesh thooilley, ta shin stroit,
As chea myr dreamal oie:
Gaase seose ’sy voghrey, goll-rish blaa,
Rere myr ta’n ghrian ceau bree.
6-9Agh cre-erbee cha glass as te,
Cre-wooads yn aalid t’ayn:
Te giarit sheese, fiojit, as creen,
My jig y laa gys kione.
10Seihll dooinney three feed bleïn as jeih,
Stiark ta goll seose er shen;
As my ta fer erbee cha trean
Dy heet gys kiare feed blein.
E hroshid eisht cha bee eh veg
Agh trimshey as angaish;
Snaih’n vea (ta faase) vees brisht, as eisht,
Geyre farkiaght er ta’n baase.
Currently Selected:
Psalmyn 90: PS1761
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
