Exodus 4
4
Agayutem Moses-aaq Piniliraa Irr'inarqelriamek
1Moses-aam kiugaa Ataneq, “Ukveqngaitaatnga niisngaunii-llu. Waten-llu qanruciiqaatnga, ‘Atanrem alairvikellrunritaaten.’”
2Tua-llu Atanrem aptaa, “Cauga tauna tegumian?”
Kiugaa, “Ayaruuguq.”
3 Atanrem-llu pia, “Egesgu nunamun.” Egcani-llu ayaruq ciissirpaurtuq Moses-aam-llu qimagluku. 4Cali-llu pia, “Yaggluten teguu pamyuakun.” Tua-i Moses-aam yaggluni tegua ataam-llu ayaruurrluni. 5Qanrutaa-llu Atanrem, “Waten piluten Israel-aanun nallunaiqiu Ataneq Agayutiit ciuliarita, Agayutii Abraham-aam, Isaac-aam, Jacob-aam-llu alaillrucia elpenun.”
6 Ataneq cali elliinun qanertuq, “Unateten aturarpet ilulirneratnun elliki.” Moses-aam tua-i unatni aturami ilulirneratnun pii. Maaten antai mamyuilngurmek apqucingartellinilriit qaterluteng qanikcartun. 7Tua-llu Agayun qanertuq, “Ataam elliki aturarpet iluatnun.” Tuaten-llu piuq maaten antai assirillinilriit allatun qaingatun ayuqluteng. 8Agayun qanertuq. “Ukveqenrilkatgen wall'u umyugaat pektenrilkan ciuqlirmun irr'inarqellriamun, uum tayima asgurayunrirceciiqai. 9Ukveqerkaunrilkatkek ukuk malruk irr'inarqelriik, niitarkaunrilkatgu-llu qanellren, mermek Nile-amek piluten nunamun kuvkiu augurrniartuq.”
10Tau͡gaam Moses-aaq qanertuq, “Qang'a, Ataneq, ayagcecaqunii. Puqilriarunritua, puqigeksaunii-llu qanellgutkengrraanerpenek. Qanyuliunritua, cukaunani-llu qanelqa.”
11 Atanrem qanrutaa, “Kia-mi piliaqellruagu yuum qanra wall'u qanyuirutelluku wall'u niicuirutelluku wall'u tangerrsaurtelluku wall'u cikmirtelluku? Wang'unrituq-qaa Ataneq? 12Kitak ayii, ikayurciqamken qanerkiurluten-llu qallacet'larciqamken.”
13Tau͡gaam Moses-aam kiugaa, “Qang'a Ataneq, ataki allamek ayagceci.”
14Wani Atanrem qenqerrutaa Moses-aaq qanerluni, “Anelguten-mi Aaron-aaq Levite-aq? Nallunritaqa assirluni qantuuq. Atam wani-wa, paircartuqiiten angnirciquq-llu tangerquniten. 15Qanellgutekniaran qanrulluku-llu camek qallatarkaucianek. Ikayurciqamtek tamarpetek qanrutkarkarpetegnek, qanruciiqamtek-llu qaillun pillerkarpetegnek. 16Ellii qanertekciqan qalaruciiqai-llu yuut. Elpet-llu Agayutetun ayuqeciquten elliinun, qanerkiuraqluku. 17Man'a ayaruq malikniaran; aturluku irr'inarqellrianek pilarciquten.”
Moses-aaq Utertuq Egypt-aamun
18Tua-llu Moses-aaq utertuq cakiminun Jethro-mun qanrulluku-llu, “Ataki utercessnga tungayamnun Eqypt-aami paqluku cali unguvaciat.” Jethro-m tua-i pisqaa tua-ingunrituurluku-llu.
19Moses-aaq cali Midian-aamelnginanrani Atanrem qanrutaa, “Uterten Egypt-aamun imkut tuqutessaagteten tamarmeng tuquut.” 20Tua-i Moses-aam nuliani qetunrani-llu malikluki, ciulviit qaingitnun piluki, ayagtut Egypt-aamun ayaruq tegumiaqluku Agayutem ang'aqesqellra.
21Cali Agayutem qanrutaa Moses-aaq, “Ut'reskuvet Egypt-aamun pinritevkenak irr'inarqellrianek piniartuten Pharaoh-m ciuqerrani, pinimek cikillrucimtun tuaten pisqelluten. Tau͡gaam Pharaoh asvairuceciiqaqa yuut-llu ayagcessngaitai. 22Waten, Wii Ataneq, qanernilua Pharaoh qanrutniaran, ‘Israel-aaq wii yung'eqarraarutkaqa. 23Qanrutellruyaaqamken qetunraqa ayagcetesqelluku, elliinun kevgiuresqellua, tau͡gaam niitellrunritarpenga. Taumek yung'eqarraaruten wani-wa tuquciiqekeka.’”
24Egypt-aamun ayallrani qavartaqarraarvigmi Atanrem Moses-aaq pairtaa tuqutessaagluku-llu. 25-26Tau͡gaam nulirran Zipporah-m ipellriamek teggalqumek tegulluni qetunrani nuugirraarluku tauna agtuutaa Moses-aam it'gainun.#4.25-26: It'gat: Una it'ganek qanrumalria ilaita umyuartequtelaraat apenrilkurutnguyukluku yuum amelganun. Piciryaraa nuugiryaram pitekluku qanrutaa Moses-aaq, “Ilumun augkun uinguuten wangnun.” Tua-i Atanrem Moses-aaq tuqutenricen̄araa.
27Tuani Ataneq qanellruuq Aaron-aamun, “Ayii maramun ullagluku Moses-aaq.” Tua-i ullagaa tangerrsarturluku kenciknarqellriami ingrimi tangrramiu-llu cingarluku. 28Moses-aam-llu canek tamalkuitnek qanrutaa Atanrem qanellrinek Egypt-aamun utertesqellerminiu; qanrulluku-llu irr'inarqellrianek Atanrem pisqellrinek. 29Tua-i Moses-aankuk Aaron-aaq-llu ayagtuk Egypt-aamun quyurtelluki-llu tamalkuita Israel-aat ciuliqagtait. 30Nutaan-llu Aaron-aam qanrutai canek tamalkuitnek Atanrem qanellrinek Moses-aamun. Cali-llu Moses-aam tamalkuita irr'inarqellriit piluki ciuqerratni yuut. 31Yuut ellait ukvertut, niicamegteggu-llu Atanermun paqtellrucirteng, tangellrucia-llu nangcimacirteng cikluteng nanraraat Ataneq.
Currently Selected:
Exodus 4: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Exodus 4
4
Agayutem Moses-aaq Piniliraa Irr'inarqelriamek
1Moses-aam kiugaa Ataneq, “Ukveqngaitaatnga niisngaunii-llu. Waten-llu qanruciiqaatnga, ‘Atanrem alairvikellrunritaaten.’”
2Tua-llu Atanrem aptaa, “Cauga tauna tegumian?”
Kiugaa, “Ayaruuguq.”
3 Atanrem-llu pia, “Egesgu nunamun.” Egcani-llu ayaruq ciissirpaurtuq Moses-aam-llu qimagluku. 4Cali-llu pia, “Yaggluten teguu pamyuakun.” Tua-i Moses-aam yaggluni tegua ataam-llu ayaruurrluni. 5Qanrutaa-llu Atanrem, “Waten piluten Israel-aanun nallunaiqiu Ataneq Agayutiit ciuliarita, Agayutii Abraham-aam, Isaac-aam, Jacob-aam-llu alaillrucia elpenun.”
6 Ataneq cali elliinun qanertuq, “Unateten aturarpet ilulirneratnun elliki.” Moses-aam tua-i unatni aturami ilulirneratnun pii. Maaten antai mamyuilngurmek apqucingartellinilriit qaterluteng qanikcartun. 7Tua-llu Agayun qanertuq, “Ataam elliki aturarpet iluatnun.” Tuaten-llu piuq maaten antai assirillinilriit allatun qaingatun ayuqluteng. 8Agayun qanertuq. “Ukveqenrilkatgen wall'u umyugaat pektenrilkan ciuqlirmun irr'inarqellriamun, uum tayima asgurayunrirceciiqai. 9Ukveqerkaunrilkatkek ukuk malruk irr'inarqelriik, niitarkaunrilkatgu-llu qanellren, mermek Nile-amek piluten nunamun kuvkiu augurrniartuq.”
10Tau͡gaam Moses-aaq qanertuq, “Qang'a, Ataneq, ayagcecaqunii. Puqilriarunritua, puqigeksaunii-llu qanellgutkengrraanerpenek. Qanyuliunritua, cukaunani-llu qanelqa.”
11 Atanrem qanrutaa, “Kia-mi piliaqellruagu yuum qanra wall'u qanyuirutelluku wall'u niicuirutelluku wall'u tangerrsaurtelluku wall'u cikmirtelluku? Wang'unrituq-qaa Ataneq? 12Kitak ayii, ikayurciqamken qanerkiurluten-llu qallacet'larciqamken.”
13Tau͡gaam Moses-aam kiugaa, “Qang'a Ataneq, ataki allamek ayagceci.”
14Wani Atanrem qenqerrutaa Moses-aaq qanerluni, “Anelguten-mi Aaron-aaq Levite-aq? Nallunritaqa assirluni qantuuq. Atam wani-wa, paircartuqiiten angnirciquq-llu tangerquniten. 15Qanellgutekniaran qanrulluku-llu camek qallatarkaucianek. Ikayurciqamtek tamarpetek qanrutkarkarpetegnek, qanruciiqamtek-llu qaillun pillerkarpetegnek. 16Ellii qanertekciqan qalaruciiqai-llu yuut. Elpet-llu Agayutetun ayuqeciquten elliinun, qanerkiuraqluku. 17Man'a ayaruq malikniaran; aturluku irr'inarqellrianek pilarciquten.”
Moses-aaq Utertuq Egypt-aamun
18Tua-llu Moses-aaq utertuq cakiminun Jethro-mun qanrulluku-llu, “Ataki utercessnga tungayamnun Eqypt-aami paqluku cali unguvaciat.” Jethro-m tua-i pisqaa tua-ingunrituurluku-llu.
19Moses-aaq cali Midian-aamelnginanrani Atanrem qanrutaa, “Uterten Egypt-aamun imkut tuqutessaagteten tamarmeng tuquut.” 20Tua-i Moses-aam nuliani qetunrani-llu malikluki, ciulviit qaingitnun piluki, ayagtut Egypt-aamun ayaruq tegumiaqluku Agayutem ang'aqesqellra.
21Cali Agayutem qanrutaa Moses-aaq, “Ut'reskuvet Egypt-aamun pinritevkenak irr'inarqellrianek piniartuten Pharaoh-m ciuqerrani, pinimek cikillrucimtun tuaten pisqelluten. Tau͡gaam Pharaoh asvairuceciiqaqa yuut-llu ayagcessngaitai. 22Waten, Wii Ataneq, qanernilua Pharaoh qanrutniaran, ‘Israel-aaq wii yung'eqarraarutkaqa. 23Qanrutellruyaaqamken qetunraqa ayagcetesqelluku, elliinun kevgiuresqellua, tau͡gaam niitellrunritarpenga. Taumek yung'eqarraaruten wani-wa tuquciiqekeka.’”
24Egypt-aamun ayallrani qavartaqarraarvigmi Atanrem Moses-aaq pairtaa tuqutessaagluku-llu. 25-26Tau͡gaam nulirran Zipporah-m ipellriamek teggalqumek tegulluni qetunrani nuugirraarluku tauna agtuutaa Moses-aam it'gainun.#4.25-26: It'gat: Una it'ganek qanrumalria ilaita umyuartequtelaraat apenrilkurutnguyukluku yuum amelganun. Piciryaraa nuugiryaram pitekluku qanrutaa Moses-aaq, “Ilumun augkun uinguuten wangnun.” Tua-i Atanrem Moses-aaq tuqutenricen̄araa.
27Tuani Ataneq qanellruuq Aaron-aamun, “Ayii maramun ullagluku Moses-aaq.” Tua-i ullagaa tangerrsarturluku kenciknarqellriami ingrimi tangrramiu-llu cingarluku. 28Moses-aam-llu canek tamalkuitnek qanrutaa Atanrem qanellrinek Egypt-aamun utertesqellerminiu; qanrulluku-llu irr'inarqellrianek Atanrem pisqellrinek. 29Tua-i Moses-aankuk Aaron-aaq-llu ayagtuk Egypt-aamun quyurtelluki-llu tamalkuita Israel-aat ciuliqagtait. 30Nutaan-llu Aaron-aam qanrutai canek tamalkuitnek Atanrem qanellrinek Moses-aamun. Cali-llu Moses-aam tamalkuita irr'inarqellriit piluki ciuqerratni yuut. 31Yuut ellait ukvertut, niicamegteggu-llu Atanermun paqtellrucirteng, tangellrucia-llu nangcimacirteng cikluteng nanraraat Ataneq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.