Exodus 7
7
1 Ataneq qanertuq, “Agayucetun ayuqlirivkarciqamken Pharaoh-mun anelgutvet-llu Aaron-aam qalaruciiqaa prophet-aarpetun. 2Qanrusgu Aaron-aaq tamalkuitnek pisqellemnek, elliin-llu Pharaoh qanrutniaraa Israel-aat ayagcetesqelluki nuniinek. 3-4Tau͡gaam Pharaoh asvairuceciiqaqa niicugningaitaatek-llu qaillun pitalrianek alingnarqellrianek irr'inarqelrialing'e'rma Egypt-aami. Nutaan-llu arcaqalriamek anucimirqecetaarutmek piciqaqa Egypt-aaq, anulluki-llu yuunka tamaaken nunamek. 5Egypt-aarmiut nutaan tangerciqaat Atanruciqa talliqa nalukumku inglulirluki, anulluki-llu Israel-aat tamaaken nuniitnek.” 6Tua-i Moses-aankuk Aaron-aaq-llu piuk Atanrem pisquciatun. 7Qalarutellragnek nalliini Moses-aaq allrakungellruuq yuinarnek cetamanek (80) Aaron-aaq-llu yuinaat cetaman pingayunek cipluku (83).
Aaron-aam Ayarua
8Moses-aankugnun Ataneq qanertuq, 9“Pharaoh-m qanruskatek nallunairesqellutek irr'inarqelrialiarpetegnegun, Aaron-aaq qanruskiu ayarua egtesqelluku Pharaoh-m ciuqerranun, ciissiurrniartuq.” 10Tua-i-llu Moses-aankuk ayagtuk Pharaoh-mun Atanrem-llu pisquciatun pilutek. Aaron-aam-llu ayaruni egtaa ciuqerratnun Pharaoh-m atanerruarin-llu, ciissiurrluni-llu. 11Tua-llu Pharaoh-m taisqai umyuartulriit irr'inartaatulit-llu, taukut-llu caqtaarluteng Aaron-aankuk pillrak ayuqeliluku. 12Ayaruteng egtait, ciissiurrluteng-llu, tau͡gaam Aaron-aam ayaruan igai ayaruit. 13Tau͡gaam cali Pharaoh asvaituq. Atanrem tua-i qanellratun Pharaoh-m niicunritak Moses-aankuk.
Cangerliit Tutaat Egypt-aaq
Mer'em Augurtellra
14 Atanrem Moses-aaq qanrutaa, “Pharaoh nutaan asvairutuq, ayagcecuumiinaki yuut. 15Ullakit'gu Pharaoh unuakumi Kuigmun Nile-amun atraqan ang'aqluku ayaruq ciissiurtelleq, utaqaniartek kuigem cen̄iini. 16Waten qanerniartuten elliinun, ‘Atanrem Hebrews-aat Agayutiita taivkallruanga qanrutesqelluten yun'i ayagcetesqelluki kevgiuresqelluni ellaitnun yuilqumi. Elpet tau͡gaam una tekilluku niicunrituten. 17Waten Ataneq qanertuq, nallunrirciqan-gguq Atanrucia maaggun waten pillratun: wiinga kaugturciqaqa Nile-am mer'a tegumiamnek ayarumek, augurtelluku. 18Neqet tuquciqut, Kuik-llu Nile-aq cakneq tepngiciquq, tepii anagucan Egypt-aarmiut merciigaciiqut tamaaken.’”
19 Ataneq cali qanertuq Moses-aamun, “Aaron-aaq qanrusgu, ‘Ayarun teguluku yagusgu quliitnun kuiget, kuiliat, nanvat-llu Egypt-aami, mer'at augurrniartuq; augtangqerciquq tamiini Egypt-aami, tamalkuita-llu assigtani muragni qikuni-llu.’”
20Moses-aankuk-llu piuk Atanrem pisquciatun ciuqerrani Pharaoh-m pistain-llu. Aaron-aam nalugaa ayaruni kaugturluku-llu Nile-am mer'a, mer'a-llu tamarmi augurrluni. 21Neqet kuigmi tuquut tepii-llu cakneq assiilan Egypt-aarmiut merciigatut tamaaken, augtangluni-llu tamiini Egypt-aami. 22Tua-llu Pharaoh-m irr'inartaartai ayuqiinek tuaten piut caqtaaryarateng aturluki, elliin-llu asvaitellra cakaninrituq. Atanrem tua-i qanellruciatun Pharaoh-m niicunritak Moses-aankuk. 23Pharaoh-llu utertuq eneminun umyuarniurutkevkenaku-llu tamana. 24Egypt-aarmiut tua-i elagluteng kuigem mengliikun merkangengnaqut merciigalameng kuigem mer'anek.
25Malrunelgen-llu erenret pellugtut Atanrem augurcetraanranek kuik.
Currently Selected:
Exodus 7: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Exodus 7
7
1 Ataneq qanertuq, “Agayucetun ayuqlirivkarciqamken Pharaoh-mun anelgutvet-llu Aaron-aam qalaruciiqaa prophet-aarpetun. 2Qanrusgu Aaron-aaq tamalkuitnek pisqellemnek, elliin-llu Pharaoh qanrutniaraa Israel-aat ayagcetesqelluki nuniinek. 3-4Tau͡gaam Pharaoh asvairuceciiqaqa niicugningaitaatek-llu qaillun pitalrianek alingnarqellrianek irr'inarqelrialing'e'rma Egypt-aami. Nutaan-llu arcaqalriamek anucimirqecetaarutmek piciqaqa Egypt-aaq, anulluki-llu yuunka tamaaken nunamek. 5Egypt-aarmiut nutaan tangerciqaat Atanruciqa talliqa nalukumku inglulirluki, anulluki-llu Israel-aat tamaaken nuniitnek.” 6Tua-i Moses-aankuk Aaron-aaq-llu piuk Atanrem pisquciatun. 7Qalarutellragnek nalliini Moses-aaq allrakungellruuq yuinarnek cetamanek (80) Aaron-aaq-llu yuinaat cetaman pingayunek cipluku (83).
Aaron-aam Ayarua
8Moses-aankugnun Ataneq qanertuq, 9“Pharaoh-m qanruskatek nallunairesqellutek irr'inarqelrialiarpetegnegun, Aaron-aaq qanruskiu ayarua egtesqelluku Pharaoh-m ciuqerranun, ciissiurrniartuq.” 10Tua-i-llu Moses-aankuk ayagtuk Pharaoh-mun Atanrem-llu pisquciatun pilutek. Aaron-aam-llu ayaruni egtaa ciuqerratnun Pharaoh-m atanerruarin-llu, ciissiurrluni-llu. 11Tua-llu Pharaoh-m taisqai umyuartulriit irr'inartaatulit-llu, taukut-llu caqtaarluteng Aaron-aankuk pillrak ayuqeliluku. 12Ayaruteng egtait, ciissiurrluteng-llu, tau͡gaam Aaron-aam ayaruan igai ayaruit. 13Tau͡gaam cali Pharaoh asvaituq. Atanrem tua-i qanellratun Pharaoh-m niicunritak Moses-aankuk.
Cangerliit Tutaat Egypt-aaq
Mer'em Augurtellra
14 Atanrem Moses-aaq qanrutaa, “Pharaoh nutaan asvairutuq, ayagcecuumiinaki yuut. 15Ullakit'gu Pharaoh unuakumi Kuigmun Nile-amun atraqan ang'aqluku ayaruq ciissiurtelleq, utaqaniartek kuigem cen̄iini. 16Waten qanerniartuten elliinun, ‘Atanrem Hebrews-aat Agayutiita taivkallruanga qanrutesqelluten yun'i ayagcetesqelluki kevgiuresqelluni ellaitnun yuilqumi. Elpet tau͡gaam una tekilluku niicunrituten. 17Waten Ataneq qanertuq, nallunrirciqan-gguq Atanrucia maaggun waten pillratun: wiinga kaugturciqaqa Nile-am mer'a tegumiamnek ayarumek, augurtelluku. 18Neqet tuquciqut, Kuik-llu Nile-aq cakneq tepngiciquq, tepii anagucan Egypt-aarmiut merciigaciiqut tamaaken.’”
19 Ataneq cali qanertuq Moses-aamun, “Aaron-aaq qanrusgu, ‘Ayarun teguluku yagusgu quliitnun kuiget, kuiliat, nanvat-llu Egypt-aami, mer'at augurrniartuq; augtangqerciquq tamiini Egypt-aami, tamalkuita-llu assigtani muragni qikuni-llu.’”
20Moses-aankuk-llu piuk Atanrem pisquciatun ciuqerrani Pharaoh-m pistain-llu. Aaron-aam nalugaa ayaruni kaugturluku-llu Nile-am mer'a, mer'a-llu tamarmi augurrluni. 21Neqet kuigmi tuquut tepii-llu cakneq assiilan Egypt-aarmiut merciigatut tamaaken, augtangluni-llu tamiini Egypt-aami. 22Tua-llu Pharaoh-m irr'inartaartai ayuqiinek tuaten piut caqtaaryarateng aturluki, elliin-llu asvaitellra cakaninrituq. Atanrem tua-i qanellruciatun Pharaoh-m niicunritak Moses-aankuk. 23Pharaoh-llu utertuq eneminun umyuarniurutkevkenaku-llu tamana. 24Egypt-aarmiut tua-i elagluteng kuigem mengliikun merkangengnaqut merciigalameng kuigem mer'anek.
25Malrunelgen-llu erenret pellugtut Atanrem augurcetraanranek kuik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.