Exodus 8
8
Peleqpelraat
1Tua-llu Atanrem qanrutaa Moses-aaq, “Ullagluku Pharaoh qanrusgu waten Ataneq qanerniluku, ‘Yuunka ayagceski agayularniartut wangnun. 2Tuaten pinrilkuvet nunan cangerlagnun tuc'eciiqaqa, peleqpel'e'rnun patuvkarluku. 3Nile-amun quyurciiqut peleqpelraat tamaaken-llu nugluteng iterciqut enevnun, inarrvigpenun, inglerpenun, enaitnun-llu atanerruarpet, yugpenun-llu uucirivigpenun tuaten, uucissuutnun-llu. 4Qecngaaciqut qaivnun cali-llu yuut atanerruat-llu qaingitnun.’”
5 Ataneq qanertuq Moses-aamun, “Qanrusgu Aaron-aaq, ayarua naluusqelluku quliitnun kuiget, kuiliat, allat-llu mermek imalget, nugevkarluki tamaaken peleqpelraat patuluku tamalkuan Egypt-aaq.” 6Aaron-aam-llu naluaku ayaruq quliitnun mer'et, peleqpelraat nug'ut tamaaken patuluku nuna. 7Angalkut-llu tuunriluteng tuaten cali pillruut peleqpelraat nugevkarluki nunamun.
8Tua-llu Pharaoh-m Moses-aankuk Aaron-aaq-llu taisqak qanrullukek-llu, “Piicagtek Atanermun au͡gaasqelluki makut peleqpelraat wiinga-llu yuut ayagcetnianka, ekuagiluteng elliiniartut Atanermun.”
9Moses-aam kiugaa, “Nallunricetniarpenga tau͡gaam qaku piicaucesqumacirpenek, elpet, yut'en, pisteten-llu, peleqpelraat piunriisqelluki elpecen̄ek enevcen̄ek-llu nangluki, Nile-amelnguut kiingita uitaqertelluki.”
10Pharaoh-m kiugaa, “Unuaqu piicauskia.” Moses-aam-llu pia, “Pisqutacirpetun piciqua nallunriisqelluten allamek agayucetailucianek Atanertun Agayutemcetun ayuqellriamek. 11Peleqpelraat ayagciqut enevcen̄ek nunavcen̄ek-llu, Nile-amelnguut tau͡gaam uitaqerluteng.” 12Tua-llu Moses-aankuk unitaak Pharaoh. Moses-aaq-llu piicagtuq Atanermun au͡gaasqelluki peleqpelraat tuc'etellri Pharaoh-mun. 13Ataneq-llu Moses-aam piicauciatun piuq. Peleqpelraat-llu tuquagut eneni enet-llu avataitni yuilqumi-llu. 14Egypt-aarmiut-llu quyurtait qerturiluki, nuna-llu tepengluni tamakut tepaitnek. 15Egypt-aarmiut angayuqrata tangrramiki peleqpelraat tuqulliniata asvairtuq ataam. Ataneq-llu qanellruciatun niicuumiitak Moses-aankuk.
Melugyaraat
16 Ataneq-llu qanertuq Moses-aamun, “Aaron-aaq qanrusgu ayarua nunamun kaugtuutesqelluku, Egypt-aam nuniini tamalkurmi urr'aq melugyaraurrniartuq.” 17Tua-i Aaron-aam kaugturaa nuna ayaruminek tamarmi-llu Egypt-aami urr'aq melugyaraurtuq patuluki yuut ungungssit-llu. 18Angalkut-llu tuunrilaryaaqut melugya'rnek alaircecingnaqluteng tau͡gaam pisciiganateng. Nani-llu tamiini melugyaraat arenqialiut. 19Angalkut qanertut Pharaoh-mun, “Agayutem man'a pilqaa.” Tau͡gaam Pharaoh umyuamikun asvairiami Atanrem qanellruciatun niitenritak Moses-aankuk Aaron-aaq-llu.
Ciiviit
20 Ataneq qanertuq Moses-aamun, “Makcara'arluten unuaqu utaqakina Egypt-aam atanran atrallerkaanek kuigmun. Tangerquvgu qanrutniaran waten qanerniluku Ataneq, ‘Yuunka ayagceski agayuniartut wangnun. 21Waniwa aarcirturamken. Pinrilkuvet anucimirqecetaarciqamken ayagcecilua ciivagnek elpenun, atanerruarpenun, yugpenun-llu. Egypt-aarmiut enait muirciqut ciivagnek nuna-llu tamalkuan patuluku. 22Goshen-aami tau͡gaam pitangqerrngaituq. Yum'a uitaviat ciivagtangqerrngaituq. Waten piciqua nallunritesqelluci wiinga Ataneq calilriaruciqa maani nunami. 23Maaggun allakaumaciqut yuunka yugpenek. Una irr'inarqelria piciquq unuaqu.’” 24Atanrem-llu ciiviit tekicetai amlleqapiaraat eniinun Egypt-aam angayuqran pistain-llu enaitnun, tamalkuan-llu Egypt-aarmiut nuniit ciiviit navguraat.
25Tua-llu Pharaoh-m taisqak Moses-aankuk Aaron-aaq-llu qanerluni-llu, “Ayagluci ekuagiyarturci Agayutevcen̄un maani nunami.”
26Moses-aaq qanertuq, “Assirngaituq tuaten pikumta. Tua-i-wa Egypt-aarmiut cangayugciqngata ungungssinek ekuagikumta Atanermun Agayutemten̄un. Tuaten pilaucirput tangerqunegteggu teggalqunek miluquluta tuquciiqaitkut. 27Ernerni pingayuni ayayunarqukut yuilqumun ekuagiyarturluta Atanermun Agayutemten̄un pisquciatun elliin.”
28Tua-llu Pharaoh qanertuq, “Ayagceciiqamci ekuagiyarturtelluci Atanermun Agayutevcen̄un yuilqumi yaaqvanun ayagngailkuvci. Piicauskicia.”
29Moses-aam-llu pia, “Ayaumarikumta piicagciqua Atanermun unuaqu ciivagnun unitesqelluten, atanerruaten, yut'en-llu. Tau͡gaam iqluunqigcaqunak ayagcetevkenaki ukut yuut ekuagillerkaatnun Atanermun.”
30Moses-aam-llu unilluku Pharaoh piicagtuq Atanermun. 31Ataneq-llu Moses-aam pisquciatun piuq. Ciiviit unitaat Pharaoh, atanerruari, yui-llu, atauciunge'rmi ciivak uitavkenani. 32Tau͡gaam cali wani Pharaoh ataam asvairtuq yuut-llu ayagcetevkenaki.
Currently Selected:
Exodus 8: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Exodus 8
8
Peleqpelraat
1Tua-llu Atanrem qanrutaa Moses-aaq, “Ullagluku Pharaoh qanrusgu waten Ataneq qanerniluku, ‘Yuunka ayagceski agayularniartut wangnun. 2Tuaten pinrilkuvet nunan cangerlagnun tuc'eciiqaqa, peleqpel'e'rnun patuvkarluku. 3Nile-amun quyurciiqut peleqpelraat tamaaken-llu nugluteng iterciqut enevnun, inarrvigpenun, inglerpenun, enaitnun-llu atanerruarpet, yugpenun-llu uucirivigpenun tuaten, uucissuutnun-llu. 4Qecngaaciqut qaivnun cali-llu yuut atanerruat-llu qaingitnun.’”
5 Ataneq qanertuq Moses-aamun, “Qanrusgu Aaron-aaq, ayarua naluusqelluku quliitnun kuiget, kuiliat, allat-llu mermek imalget, nugevkarluki tamaaken peleqpelraat patuluku tamalkuan Egypt-aaq.” 6Aaron-aam-llu naluaku ayaruq quliitnun mer'et, peleqpelraat nug'ut tamaaken patuluku nuna. 7Angalkut-llu tuunriluteng tuaten cali pillruut peleqpelraat nugevkarluki nunamun.
8Tua-llu Pharaoh-m Moses-aankuk Aaron-aaq-llu taisqak qanrullukek-llu, “Piicagtek Atanermun au͡gaasqelluki makut peleqpelraat wiinga-llu yuut ayagcetnianka, ekuagiluteng elliiniartut Atanermun.”
9Moses-aam kiugaa, “Nallunricetniarpenga tau͡gaam qaku piicaucesqumacirpenek, elpet, yut'en, pisteten-llu, peleqpelraat piunriisqelluki elpecen̄ek enevcen̄ek-llu nangluki, Nile-amelnguut kiingita uitaqertelluki.”
10Pharaoh-m kiugaa, “Unuaqu piicauskia.” Moses-aam-llu pia, “Pisqutacirpetun piciqua nallunriisqelluten allamek agayucetailucianek Atanertun Agayutemcetun ayuqellriamek. 11Peleqpelraat ayagciqut enevcen̄ek nunavcen̄ek-llu, Nile-amelnguut tau͡gaam uitaqerluteng.” 12Tua-llu Moses-aankuk unitaak Pharaoh. Moses-aaq-llu piicagtuq Atanermun au͡gaasqelluki peleqpelraat tuc'etellri Pharaoh-mun. 13Ataneq-llu Moses-aam piicauciatun piuq. Peleqpelraat-llu tuquagut eneni enet-llu avataitni yuilqumi-llu. 14Egypt-aarmiut-llu quyurtait qerturiluki, nuna-llu tepengluni tamakut tepaitnek. 15Egypt-aarmiut angayuqrata tangrramiki peleqpelraat tuqulliniata asvairtuq ataam. Ataneq-llu qanellruciatun niicuumiitak Moses-aankuk.
Melugyaraat
16 Ataneq-llu qanertuq Moses-aamun, “Aaron-aaq qanrusgu ayarua nunamun kaugtuutesqelluku, Egypt-aam nuniini tamalkurmi urr'aq melugyaraurrniartuq.” 17Tua-i Aaron-aam kaugturaa nuna ayaruminek tamarmi-llu Egypt-aami urr'aq melugyaraurtuq patuluki yuut ungungssit-llu. 18Angalkut-llu tuunrilaryaaqut melugya'rnek alaircecingnaqluteng tau͡gaam pisciiganateng. Nani-llu tamiini melugyaraat arenqialiut. 19Angalkut qanertut Pharaoh-mun, “Agayutem man'a pilqaa.” Tau͡gaam Pharaoh umyuamikun asvairiami Atanrem qanellruciatun niitenritak Moses-aankuk Aaron-aaq-llu.
Ciiviit
20 Ataneq qanertuq Moses-aamun, “Makcara'arluten unuaqu utaqakina Egypt-aam atanran atrallerkaanek kuigmun. Tangerquvgu qanrutniaran waten qanerniluku Ataneq, ‘Yuunka ayagceski agayuniartut wangnun. 21Waniwa aarcirturamken. Pinrilkuvet anucimirqecetaarciqamken ayagcecilua ciivagnek elpenun, atanerruarpenun, yugpenun-llu. Egypt-aarmiut enait muirciqut ciivagnek nuna-llu tamalkuan patuluku. 22Goshen-aami tau͡gaam pitangqerrngaituq. Yum'a uitaviat ciivagtangqerrngaituq. Waten piciqua nallunritesqelluci wiinga Ataneq calilriaruciqa maani nunami. 23Maaggun allakaumaciqut yuunka yugpenek. Una irr'inarqelria piciquq unuaqu.’” 24Atanrem-llu ciiviit tekicetai amlleqapiaraat eniinun Egypt-aam angayuqran pistain-llu enaitnun, tamalkuan-llu Egypt-aarmiut nuniit ciiviit navguraat.
25Tua-llu Pharaoh-m taisqak Moses-aankuk Aaron-aaq-llu qanerluni-llu, “Ayagluci ekuagiyarturci Agayutevcen̄un maani nunami.”
26Moses-aaq qanertuq, “Assirngaituq tuaten pikumta. Tua-i-wa Egypt-aarmiut cangayugciqngata ungungssinek ekuagikumta Atanermun Agayutemten̄un. Tuaten pilaucirput tangerqunegteggu teggalqunek miluquluta tuquciiqaitkut. 27Ernerni pingayuni ayayunarqukut yuilqumun ekuagiyarturluta Atanermun Agayutemten̄un pisquciatun elliin.”
28Tua-llu Pharaoh qanertuq, “Ayagceciiqamci ekuagiyarturtelluci Atanermun Agayutevcen̄un yuilqumi yaaqvanun ayagngailkuvci. Piicauskicia.”
29Moses-aam-llu pia, “Ayaumarikumta piicagciqua Atanermun unuaqu ciivagnun unitesqelluten, atanerruaten, yut'en-llu. Tau͡gaam iqluunqigcaqunak ayagcetevkenaki ukut yuut ekuagillerkaatnun Atanermun.”
30Moses-aam-llu unilluku Pharaoh piicagtuq Atanermun. 31Ataneq-llu Moses-aam pisquciatun piuq. Ciiviit unitaat Pharaoh, atanerruari, yui-llu, atauciunge'rmi ciivak uitavkenani. 32Tau͡gaam cali wani Pharaoh ataam asvairtuq yuut-llu ayagcetevkenaki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.