Exodus 9
9
Ungungssiaraat Tuqullrat
1 Ataneq qanertuq Moses-aamun, “Ullagluku Pharaoh qanrusgu wiinga, Hebrews-aat Agayutiitni, waten qanernilua, ‘Yuunka ayagceski agayuniartut wangnun. 2Qunukenqigeskuvki ayagcecuumiinaki 3anucimirqecetaarciqamken, ungungssiuteten cangerlagmun tuknilriamun tut'elluki, elussitarpenun, ciulvagpenun, qulugtellrianun, kuluvagnun, qusnginun, qusngirngalngurnun-llu. 4Allakaumalriatun Israel-aat ungungssiutait piciqut Egypt-aarmiut piitnek; Israel-aam yuin ungungssiutait tuqungaunateng. 5Wiinga Ataneq pillerkiurtua unuaqu man'a piarkauluku.’”
6Unuaquan-llu Ataneq tuaten piuq; tamarmeng Egypt-aarmiut ungungssiit tuquluteng. Israel-aat tau͡gken ungungssiit atauciunge'rmi tuquvkenani. 7Tua-i Pharaoh-m paqcetai, tangerrluku-llu Israel-aat ungungssiit atauciunge'rmi tuqunritlinilria. Tau͡gaam Pharaoh cali asvailami yuut ayagcecunritai.
Aninguat
8Tua-llu Ataneq qanertuq Moses-aankugnun Aaron-aaq-llu, “Amllenrilngurmek unatem imaanek qamllermek teguskitek kaminiamek. Taukut Moses-aam eggniarai qulmun ciuqerrani Pharaoh-m. 9Kavyakinani urraurciiquq cekavvluni Egypt-aam nuniinun tamalkuan, aninguarurrluteng-llu callanrurrluteng qaingitni yuut ungungssit-llu.” 10Qamllermek kaminiamek pirraarlutek, ullagluku nangertuk Egypt-aam atanran ciuqerranun. Moses-aam-llu qamlleq egtaa qulmun, aninguarurrluteng-llu callanrurrluteng qaingitni yuut ungungssit-llu. 11Angalkut-llu taisciigatut ciuqerranun Moses-aam aninguarameng, aninguat naungaceteng Egypt-aarmiut tamarmeng. 12Tau͡gaam cali Atanrem Pharaoh umyugaakun asvairutevkaraa, Atanrem-llu qanellratun niicuumiinakek Moses-aankuk.
Kavtiit
13Moses-aaq cali Atanrem qanrutaa, “Makcara'arluten unuaqu Pharaoh qanruskiu Ataneq, Agayutiit Hebrews-aat, qanerniluku waten, ‘Yuunka ayagceski agayuniartut wangnun. 14Nutaan wani-wa anucimirqecetaarngaitanka kiingita atanerruaten yut'en-llu, tau͡gaam elpet-llu tapqulluten anucimirqecetaarciqanka, nallunritesqelluten allatailucianek wangtun ayuqellriamek ellarpiim iluani. 15Tua-i-wa ak'a cangerlagmun tuc'etellruyaramci tamarpeci piunrircelluci. 16Tau͡gaam una pitekluku unguvavkaramken: pinimnek nasvitnaluten atqa-llu niitnausqelluku nunami tamalkuan. 17Tau͡gaam cali ucuryagtuten ayagcecuumiinaki-llu yuunka. 18Uum nalliini unuaqu cakneq kavcirceciiqaqa, Egypt-aam piurteqarraallranek ayagluni una engelkarrluku tuaten pitaksailngurmek. 19Ellimeqlirluten ungungssiten cat-llu tamalkuita ellamelnguut itertesqelluki talilluki, kavtiit igciiqngata yugnun ungungssinun-llu ellamelngurnun, itrucimanrilnguut tuqulluki.’” 20Atanrem qanellran atanerruat ilait alingenga'arcetai pisteteng-llu ungungssiuteteng-llu itrulluki talilluki. 21Ilaita tau͡gaam pamatekenritait Atanrem aarcirtuutai, teguateng ungungssiteng-llu ellami uitalluki.
22 Ataneq-llu Moses-aamun qanertuq, “Yageski unateten qilatmun kavcirniartuq Egypt-aam nuniinun tamalkuan yugnun, ungungssinun, tamalkuitnun-llu naucetaarvignun.” 23Moses-aam-llu ayaruni yagutaa qilatmun; Atanrem-llu kalliravkaraa kavcirtelluku, kalluk kenerpallagaluni nuna tekitaarluku. 24Atanrem-llu cakneq kavcircetaa kalluk-llu kenerpallagaluni kavtiit akuliitgun, kavcirluni caknerpak, Egypt-aami tuaten pitaksailngurmek atanruviurqaanranek. 25Cat tamalkuita ellamelnguut kavtagpiim iqutai, yuungraata ungungssiungraata-llu; naucetaarvigni-llu naumalriit caunrirluki, napat-llu tamalkuita ayemqelluki. 26Goshen-aam tau͡gaam nunii Israel-aat uitaviat kiimi kavcirpek'nani.
27Tua-llu Pharaoh-m Moses-aankuk Aaron-aaq-llu taisqak qanrullukek-llu, “Wiinga assiilngirtua. Ataneq piciulriamek piuq. Wiinga yuunka-llu alangqaukut. 28Piicagtek Atanermun, amlleriuq kallillra kavcillra-llu. Ayagcetarkaurtamci maanelngairutuci.”
29Moses-aam-llu qanrutaa, “Anumarikumta nunarpagnek unatenka nalugluki piicagciqua Atanermun. Kalluk arulairciquq kavtairulluni nallunriisqelluten nuna Atanermun pikucianek. 30Tau͡gaam nallunritua elpet atanerruaten-llu qigcigyaguteksaitarci Ataneq Agayun.”
31Naunraat-llu malruin ayuqenrilnguut piunrirtut, aipait qecugnariameng aipait-llu naugaarluteng. 32Mukaarkat tau͡gaam piunrinritut kinguqvaggun qecugnarilaameng.
33Moses-aam-llu unitaa Pharaoh anluni nunarpagnek, unatni-llu nalugluki piicagluni Atanermun. Kallinrirtuq kavcinrirluni-llu ellarvanrirluni tuaten. 34Tau͡gaam Pharaoh tangllermini ellallinrian kavcinrirluni-llu kalluk-llu arulairluni, ataam cali assiilngirtuq atanerruartuumarmi umyuamikun asvairiluni. 35Tua-i-am Atanrem ciunguluku qanrutkellruciatun Moses-aakun, Egypt-aam angayuqran Israel-aam yui ayagcecuumiitai.
Currently Selected:
Exodus 9: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Exodus 9
9
Ungungssiaraat Tuqullrat
1 Ataneq qanertuq Moses-aamun, “Ullagluku Pharaoh qanrusgu wiinga, Hebrews-aat Agayutiitni, waten qanernilua, ‘Yuunka ayagceski agayuniartut wangnun. 2Qunukenqigeskuvki ayagcecuumiinaki 3anucimirqecetaarciqamken, ungungssiuteten cangerlagmun tuknilriamun tut'elluki, elussitarpenun, ciulvagpenun, qulugtellrianun, kuluvagnun, qusnginun, qusngirngalngurnun-llu. 4Allakaumalriatun Israel-aat ungungssiutait piciqut Egypt-aarmiut piitnek; Israel-aam yuin ungungssiutait tuqungaunateng. 5Wiinga Ataneq pillerkiurtua unuaqu man'a piarkauluku.’”
6Unuaquan-llu Ataneq tuaten piuq; tamarmeng Egypt-aarmiut ungungssiit tuquluteng. Israel-aat tau͡gken ungungssiit atauciunge'rmi tuquvkenani. 7Tua-i Pharaoh-m paqcetai, tangerrluku-llu Israel-aat ungungssiit atauciunge'rmi tuqunritlinilria. Tau͡gaam Pharaoh cali asvailami yuut ayagcecunritai.
Aninguat
8Tua-llu Ataneq qanertuq Moses-aankugnun Aaron-aaq-llu, “Amllenrilngurmek unatem imaanek qamllermek teguskitek kaminiamek. Taukut Moses-aam eggniarai qulmun ciuqerrani Pharaoh-m. 9Kavyakinani urraurciiquq cekavvluni Egypt-aam nuniinun tamalkuan, aninguarurrluteng-llu callanrurrluteng qaingitni yuut ungungssit-llu.” 10Qamllermek kaminiamek pirraarlutek, ullagluku nangertuk Egypt-aam atanran ciuqerranun. Moses-aam-llu qamlleq egtaa qulmun, aninguarurrluteng-llu callanrurrluteng qaingitni yuut ungungssit-llu. 11Angalkut-llu taisciigatut ciuqerranun Moses-aam aninguarameng, aninguat naungaceteng Egypt-aarmiut tamarmeng. 12Tau͡gaam cali Atanrem Pharaoh umyugaakun asvairutevkaraa, Atanrem-llu qanellratun niicuumiinakek Moses-aankuk.
Kavtiit
13Moses-aaq cali Atanrem qanrutaa, “Makcara'arluten unuaqu Pharaoh qanruskiu Ataneq, Agayutiit Hebrews-aat, qanerniluku waten, ‘Yuunka ayagceski agayuniartut wangnun. 14Nutaan wani-wa anucimirqecetaarngaitanka kiingita atanerruaten yut'en-llu, tau͡gaam elpet-llu tapqulluten anucimirqecetaarciqanka, nallunritesqelluten allatailucianek wangtun ayuqellriamek ellarpiim iluani. 15Tua-i-wa ak'a cangerlagmun tuc'etellruyaramci tamarpeci piunrircelluci. 16Tau͡gaam una pitekluku unguvavkaramken: pinimnek nasvitnaluten atqa-llu niitnausqelluku nunami tamalkuan. 17Tau͡gaam cali ucuryagtuten ayagcecuumiinaki-llu yuunka. 18Uum nalliini unuaqu cakneq kavcirceciiqaqa, Egypt-aam piurteqarraallranek ayagluni una engelkarrluku tuaten pitaksailngurmek. 19Ellimeqlirluten ungungssiten cat-llu tamalkuita ellamelnguut itertesqelluki talilluki, kavtiit igciiqngata yugnun ungungssinun-llu ellamelngurnun, itrucimanrilnguut tuqulluki.’” 20Atanrem qanellran atanerruat ilait alingenga'arcetai pisteteng-llu ungungssiuteteng-llu itrulluki talilluki. 21Ilaita tau͡gaam pamatekenritait Atanrem aarcirtuutai, teguateng ungungssiteng-llu ellami uitalluki.
22 Ataneq-llu Moses-aamun qanertuq, “Yageski unateten qilatmun kavcirniartuq Egypt-aam nuniinun tamalkuan yugnun, ungungssinun, tamalkuitnun-llu naucetaarvignun.” 23Moses-aam-llu ayaruni yagutaa qilatmun; Atanrem-llu kalliravkaraa kavcirtelluku, kalluk kenerpallagaluni nuna tekitaarluku. 24Atanrem-llu cakneq kavcircetaa kalluk-llu kenerpallagaluni kavtiit akuliitgun, kavcirluni caknerpak, Egypt-aami tuaten pitaksailngurmek atanruviurqaanranek. 25Cat tamalkuita ellamelnguut kavtagpiim iqutai, yuungraata ungungssiungraata-llu; naucetaarvigni-llu naumalriit caunrirluki, napat-llu tamalkuita ayemqelluki. 26Goshen-aam tau͡gaam nunii Israel-aat uitaviat kiimi kavcirpek'nani.
27Tua-llu Pharaoh-m Moses-aankuk Aaron-aaq-llu taisqak qanrullukek-llu, “Wiinga assiilngirtua. Ataneq piciulriamek piuq. Wiinga yuunka-llu alangqaukut. 28Piicagtek Atanermun, amlleriuq kallillra kavcillra-llu. Ayagcetarkaurtamci maanelngairutuci.”
29Moses-aam-llu qanrutaa, “Anumarikumta nunarpagnek unatenka nalugluki piicagciqua Atanermun. Kalluk arulairciquq kavtairulluni nallunriisqelluten nuna Atanermun pikucianek. 30Tau͡gaam nallunritua elpet atanerruaten-llu qigcigyaguteksaitarci Ataneq Agayun.”
31Naunraat-llu malruin ayuqenrilnguut piunrirtut, aipait qecugnariameng aipait-llu naugaarluteng. 32Mukaarkat tau͡gaam piunrinritut kinguqvaggun qecugnarilaameng.
33Moses-aam-llu unitaa Pharaoh anluni nunarpagnek, unatni-llu nalugluki piicagluni Atanermun. Kallinrirtuq kavcinrirluni-llu ellarvanrirluni tuaten. 34Tau͡gaam Pharaoh tangllermini ellallinrian kavcinrirluni-llu kalluk-llu arulairluni, ataam cali assiilngirtuq atanerruartuumarmi umyuamikun asvairiluni. 35Tua-i-am Atanrem ciunguluku qanrutkellruciatun Moses-aakun, Egypt-aam angayuqran Israel-aam yui ayagcecuumiitai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.