Genesis 23

Sarah Tuquuq Abraham-aaq-llu Kipulluni Tungmagcivigkamek

1Sarah unguvallruuq allrakungellerminun yuinarnek arvinlegnek malrunlegnek cipluku (127). 2Sarah tuqullruuq Kiriatharba-mi (tauna Hebron-aaruuq) nuniini Canaan-aam. Abraham-aam-llu angniilutkaa qiatekluku-llu Sarah.

3Unilluku nuliami temiin uitallra ayagtuq Hittite-anun qanerluni-llu, 4“Allanrulua uitaunga maani nunavcen̄i; tun'ivikicia nunamek, tungmaggniarqa nulirqa.”

5Taukut kiugut, 6“Usuuq, niiskut. Wangkuta tangvagamteggen pinilriaruluten ciuliqagten͞gucin; tungmagesgu nulian qunguutemta assinratnun. Kia piulriim tengruluni cikiryugngaaten qungurvigkamek nulian tungmagcesqelluku.”

7Abraham-aaq tua-i ciktuq ciuqerratnun 8qanerluni-llu, “Tungmagtesqumakuvciu nulirqa maavet apteqerciu Ephron-aaq Zohar-am qetunraa 9tun'ivikesqellua Machpelah-m Qerranqurranek, nunautiin mengliin canimelkiini uitalriamek. Qanruciu tunesqelluku wangnun akikaa nurtevkenaku, wani ciuqerpecen̄i, wiinga piksagutniarqa tungmagcivigkaqluku.”

10Ephron-aaq aqumgallruuq allat Hittite-at ilalirluki quyurrviatni nunarpagmun iteryarami; kiuguq tamaanelngurnun niitelluni, 11“Usuuq, niicugninga. Nunauteka tamalkuan elpenun cikiutekciqaqa qerranquq-llu tuani uitalria tapqulluku. Wani ukut yum'a ciuqerratni wiinga cikiutekciqaqa, nulian tungmaggniaran.”

12Abraham-aaq-llu ciktuq ciuqerratni Hittite-at 13qanrulluku-llu Ephron-aaq tamalkuita niitelluki, “Apnaamken niicugniqernga. Kipuciiqaqa nuna tamalkuan. Ciuniurru akiliuteka, nulirqa tungmaggniarqa tuavet.”

14Ephron-aaq kiuguq, 15“Nuna akingqerrsugngauq yuinarnek yuinarnek (400) qerrirlinek, tau͡gaam cauciqa tamana wangkugni? Tungmagesgu nulian tuavet.” 16Abraham-aaq maligarutuq naaqiluni-llu akinek Ephron-aam apertullrinek yuut niitelluki yuinarnek yuinarnek akinek kupcaat akilirilauciicetun.

17Tuaten piluni Ephron-aam pikellra Machpelah-mi Mamre-m calaralirnerani piksagutellrua Abraham-aam. Ilakluki carr'ilqaq, qerranquq-llu tuanelnguq, napat-llu tamaanelnguut tamalkuita nunam cuqiin engelii tekilluku. 18Abraham-aamun piksaguyucia nallunritaat tamarmeng Hittite-at tuani quyungqalriani uitallret.

19Abraham-aam tungmagtaa nuliani Sarah qerranqumun Canaan-aam nuniini. 20Tauna carr'ilqaq Hittite-at pikellrat, qerranquq-llu tuanelnguq Abraham-aam piksagutaa tungmagcivigkauluku.

Currently Selected:

Genesis 23: YPK

Highlight

Copy