Genesis 24
24
Isaac-aam Nulirkaa
1Abraham-aaq ak'allaurtuq Atanrem-llu atawaqercecimaluku callra tamalkuan. 2Abraham-aam pistem̄i angutngurtenrat, aklumi tamalkuita qaunqestiit, qanrutaa, “Unateten elliki acianun mecangqama#24.2: elliluku…mecangqak: waten piluteng pilallruut akqiaqameng camek cimirarkaunrilngurmek. akqiluten-llu. 3Akqisqamken Atanrem atrakun Agayutiin qiliim nunam-llu, cucukiarkauvkenak maaken uitavimnek Canaan-aarmiumek nulirkaanek qetunrama. 4Uterrluten tau͡gaam nunamun yuurrvillemnun nulirkaanek qetunraqa Isaac-aaq piniaran tungelquma iliitnek.” 5Pista kiuguq, “Qaillun-mi piciqsia nasaurluum maligcuumiilkanga maavet nunamun. Ayagteskilaku-qaa qetunraan kingunerpenun?”
6Abraham-aaq kiuguq, “Angurrluk qetunraqa tamaavet utercecaqunaku! 7Atanrem, qiliim Agayutiin, ayautestellma atama nuniinek yuurrvillemnek, qanrutestellma akeqlua, ‘Kinguverpenun nuna man'a cikiutekciqaqa.’ An'gilani ciunerpegun ayagceciiqaa, nutaan elpet qetunrama nulirkaanek piniartuten. 8Tau͡gaam arnam maligcuumiilkaten, akqillerpenek angicimaciquten; qetunraqa tau͡gaam angurrluk tamaavet ayaucaqunaku.” 9Pistem unatni Abraham-aam mecangqerran acianun elliluki akqiuq tuaten piarkauluni.
10Pista tauna qulnek ungungssinek qulugnelegnek piami ucilirai assinkacagarnek cikiutnek atanemi ayautesqellrinek; ayagtuq Mesopotamia-mun nunarpagmun Nahor-am uitavianun. 11Tekicami ungungssit qulugnelget aqumevkarai elakam canianun nunarpiim elatiini, atakuyartumi arnat mertaryaraata nalliini. 12Piicagtuq, “Ataneq, Agayutiini angayuqama Abraham-aam, piluaqerceskia unuamek akquten piciurtelluku angayuqamnun. 13Wani uitaunga elakam caniani, nunarpagmek arnat mertaryaraatni. 14Neviarcar waten qanruskeka, ‘Mertarcuuten atrarteqerr'u merniartua.’ Waten-llu qanqan, ‘Mer'a, ungungssiuteten-llu merr'iciiqanka,’ taungukili cucukellren nulirqesqelluku Isaac-aamun. Tuaten pikan wiinga nallunritarkaugaqa akquten Abraham-aamun atuucirpenek.”
15Piicallni iquklipailgaku Rebecca tekituq assigtaminek mertarcuutmek tusegmiarluni. Una panikluku Bethuel-aam, qetunraan Nahor-am, Abraham-aam anelgutiin. Tauna-llu Nahor-aq nuliarluni Milcah-mek. 16Kenegnarluni nasaurluq angutem agtuqsailkii. Atrarluni elakamun imiraa assigtani, ataam-llu mayurluni. 17Pistem aqvaqurluni pairrsaagaa qanrulluku-llu, “Merr'isnga mertarcuutevnek.”
18Arnaq qanertuq, “Mer'a,” egmian-llu tusminek atrarrluku mertarcuutni nayumiqaluku mercetaa. 19Mer'umarian-llu qanertuq, “Ungungssiten-llu merceciiqanka meqsuirnatkaatnun.” 20Egmianun mervini kuvaa ungungssit merviatnun ataam-llu elakamun uterrluni mer'utni imiryarturluku. Tuaten mercetai ungungssiutai tamalkuita. 21Angutem murilkuraraa nepaunani, nallunriryugluni ilumun Atanermun piluaqercessucianek tamaavet ayallni.
22Ungungssit men'ermek taqngata angun tegutuq kulutmek akitulriamek suulutaamek, angelriignek-llu suulutaagnek tallirirluku. 23Qanerluni-llu, “Qanrusnga kia panikaten. Atavet-qaa enii pivingqertuq uitavigkamten̄ek?”
24Taum-llu qanrutaa, “Ataka Bethuel-aaruuq, qetunraak Nahor-am Milkah-m-llu. 25Can'gucirtukut ungungssit-llu neqkaitnek, qavarvigkartarluni-llu.”
26Abraham-aam pistiin ciisqumiggluni piicagvikaa Ataneq, 27qanerluni, “Nanraumali Ataneq, Agayutii angayuqama Abraham-aam, akqutni elliinun atuaku, ciuliqagglua-llu eniinun angayuqama tungelqurrin.”
28Nasaurluq-llu aqvaqurluni utertuq aanami uitavianun, qanemcilluku-llu makunek tamalkuitnek. 29Rebecca anelgutengqertuq tan'gaurlurmek aterluni Laban-aamek. Tauna aqvaqurluni ayagtuq elakamun Abraham-aam pistiin uitallranun. 30Laban-aam tangrramiki kulun tallirat-llu nayagarmi talligkeni, niicamiu-llu Rebecca-m qanellra, “Tuaten angutem qanrutaanga,” Abraham-aam pistii ullagaa nangengqalria ungungssit caniatni elakam nuniini. 31Qanerluni-llu, “Maligesnga enemten̄un. Elpet Atanrem atawaqaasqellruaten. Ciin nangengqasit ellami? Uptellruunga uitavigkarpenek, ungungssiten-llu uitavigkangqertut.”
32Tua-i angun itertuq enemun, Laban-aam-llu atmairai ungungssit neqkaitnek-llu cikirluki, mermek-llu tailluni Abraham-aam, pistiin, maliin-llu it'gaita eruutekaatnek. 33Neqkat taicatki angun qanertuq, “Nerngaitua qanerkaqa qanrutekvailemku.”
Laban-aam-llu pia, “Kitaki qanra.”
34Angutem qanrutaa, “Abraham-aam pistekaanga. 35Atanrem cakneq atawaqercecimaa angayuqaqa tukuurtelluku, cikirluku katngagnek, qusnginek, qusngirngalngurnek, kuluvagnek, qerrirlinek suulutaanek, angutnek arnanek-llu pisten̄ek, ungungssinek qulugnelegnek, ciulvagnek-llu. 36Sarah angayuqama nulirra qetunrangellruuq ak'allaurrluni, angayuqama-llu cani tamalkuita taumun qetunraminun piksagucetellrui. 37Angayuqama-llu akqivkallruanga pisqutni niisngaarkauvkarluku qanerluni, ‘Cucukiyaqunak nasaurlurmek maaken Canaan-aam nuniinek. 38Tau͡gaam ayakina atama yuinun tungayamnun, qetunrama nulirkaanek aqvalluten.’ 39Aptaqa-llu, ‘Qaillun-mi piciqsia nasaurluq qessakan maligcuumiinii?’ 40Kiugaanga, ‘Atanrem kesianek niisngak'ngama an'gilani ayagceciiqaa maliggluten piluaqertelluten. Qetunraqa nulirkaanek piciqan ilamnek atama yuin iliitnek. 41Tungayamnun tekiskuvet, ellaita-llu nasaurluq qunukekatgu, tuaten tau͡gaam pillratgun akqutkellerpenek wangnun angicimaarkauguten.’
42“Unuamek elakamun tekicama piicallruunga, ‘Ataneq, Agayutiini kevgiuqengama Abraham-aam, piluaqercessnga mat'umek calillemni. 43Waniwa nangengqaunga elakam caniani; nasaurluq mertalria waten qanrutarkaqa, “Mervigpenek merriarteqernga,” 44elliin-llu qanruskanga waten, “Mer'a, ungungssiuteten-llu merr'iciiqanka,” taunguvkaqiu cucukellren nulirqesqelluku kevgiuqengama qetunraanun.’ 45Qanenrirpailegma nepaunii piicallemni, Rebecca taiguq mertarcuutellgirluni, atrarluni-llu elakamun mertarluni. Qanrutaqa, ‘Merr'itqernga.’ 46Egmian mertarcuutni atrarrluku tusminek qanertuq, ‘Mer'a, ungungssiten-llu merr'iciiqanka.’ Tua-i mertua, mer'umariama-llu ungungssinka mercetai. 47Tua-llu aptaqa, ‘Kituuga aatan?’ Kiugaanga, ‘Ataka Bethuel-aaruuq, qetunraak Nahor-aankuk Milkah-llu.’ Tua-i qengagken'gun cigviliraqa tallirirluku-llu. 48Ciklua-llu quyavikaqa Ataneq, nanrarluku Ataneq Agayutii kevgiuqengama Abraham-aam, ciuliqagcanga tungelqurranun, tuani-llu nataqullua panianek, Abraham-aam qetunraan nulirkaanek. 49Tua-llu Piciulriakun piarkaukuvet kevgiuqengamnun, qanrusnga; wall'u piarkaunrilkuvet qanrullua, qaillun picirkaqa nallunrirniarqa.”
50Laban-aankuk Bethuel-aaq-llu kiuguk, “Man'a Atanermek kingunengqerran wangkuk picirkamek taqutnarqenritaakuk. 51Waniwa Rebecca, teguluku ayii nuliqsagutelluku angayuqerpet qetunraanun, Atanrem qanellruciatun.” 52Man'a Abraham-aam pistiin niicamiu cikluni Ataneq nanraraa. 53Anciuq-llu aturanek, qerrirlinek, suulutaanek-llu tangnircautnek, Rebecca-mun-llu tunluki. Akitulrianek-llu cikiutnek cikirlukek anelgutii aanii-llu.
54Abraham-aam pistii ilani-llu ner'ut merluteng-llu, tuani-llu unugpak uitaluteng. Unuaquan makcameng qanertuq, “Utercessnga angayuqamnun.”
55Tau͡gaam Rebecca-m anelgutiin aaniin-llu qanrutai, “Nasaurluq maantauraqarraarceciu nitilimi wall'u qulni ernerni, nutaan ayagniartuq.”
56Ellii tau͡gaam qanertuq, “Ayagnaciariinarcetenrilkut, Atanrem maavet ayalqa atawaqercecaku; ayagcessnga uterrnaurtua angayuqamnun.”
57Elkek kiuguk, “Nasaurluq taivkarluku apnaurput.” 58Tua-i Rebecca taisqaat apluku-llu, “Una-qaa angun maligcugan?”
Tauna kiuguq, “Aa-ang, maligciiqaqa.”
59Tua-i Rebecca ayagcetaat pisten͞gullermek ak'a ellmeggni malilirluku, maligutevkarluku Abraham-aam pistiinun, elliin-llu cali pistainun. 60Ellaita-llu Rebecca atawaqercetaat waten qanerluteng,
“Elpet nayagamten̄i aanaureskina yugugarnun naaquciilngurnun!
Kinguverpet piksagutelaqilitki nunarpait inglukestem̄eng!”
61Nutaan Rebecca pisten̄i-llu ayagtut ungungssini qulugnelegni ekumaluteng, maliggluku Abraham-aam pistii ilai-llu.
62Tamaani Isaac-aaq taillruluni yuilqurranun apqiita “Elakaa Unguvalriim Tangertem̄a” uitaluni-llu ungalalirnerani Canaan-aam. 63Atakuarmi Isaac-aaq an'uq umyuangcarluni piyualuni yuilqumi. Kiartellermini-llu tangertuq ungungssinek qulugnelegnek agiirtellrianek. 64Rebecca-m-llu Isaac-aaq tangrramiu atrartuq ungungssim qainganek, 65apluku-llu Abraham-aam pistii, “Kituuga angun tailria pairrsaagluta?”
Kiugaa, “Angayuqaqaqa.” Tua-i pelatuuminek Rebecca-m kegginani patua.
66Pistem-llu qanemcitaa Isaac-aaq tamalkuitnek pillerminek. 67Isaac-aam-llu Rebecca pelatekamun itrutaa, aanami Sarah-m uitalallranun, elliin-llu nuliqsagulluku. Isaac-aam Rebecca kenkaa, qarucimaluni-llu elliikun aanaminek yuarnayullerminek.
Currently Selected:
Genesis 24: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Genesis 24
24
Isaac-aam Nulirkaa
1Abraham-aaq ak'allaurtuq Atanrem-llu atawaqercecimaluku callra tamalkuan. 2Abraham-aam pistem̄i angutngurtenrat, aklumi tamalkuita qaunqestiit, qanrutaa, “Unateten elliki acianun mecangqama#24.2: elliluku…mecangqak: waten piluteng pilallruut akqiaqameng camek cimirarkaunrilngurmek. akqiluten-llu. 3Akqisqamken Atanrem atrakun Agayutiin qiliim nunam-llu, cucukiarkauvkenak maaken uitavimnek Canaan-aarmiumek nulirkaanek qetunrama. 4Uterrluten tau͡gaam nunamun yuurrvillemnun nulirkaanek qetunraqa Isaac-aaq piniaran tungelquma iliitnek.” 5Pista kiuguq, “Qaillun-mi piciqsia nasaurluum maligcuumiilkanga maavet nunamun. Ayagteskilaku-qaa qetunraan kingunerpenun?”
6Abraham-aaq kiuguq, “Angurrluk qetunraqa tamaavet utercecaqunaku! 7Atanrem, qiliim Agayutiin, ayautestellma atama nuniinek yuurrvillemnek, qanrutestellma akeqlua, ‘Kinguverpenun nuna man'a cikiutekciqaqa.’ An'gilani ciunerpegun ayagceciiqaa, nutaan elpet qetunrama nulirkaanek piniartuten. 8Tau͡gaam arnam maligcuumiilkaten, akqillerpenek angicimaciquten; qetunraqa tau͡gaam angurrluk tamaavet ayaucaqunaku.” 9Pistem unatni Abraham-aam mecangqerran acianun elliluki akqiuq tuaten piarkauluni.
10Pista tauna qulnek ungungssinek qulugnelegnek piami ucilirai assinkacagarnek cikiutnek atanemi ayautesqellrinek; ayagtuq Mesopotamia-mun nunarpagmun Nahor-am uitavianun. 11Tekicami ungungssit qulugnelget aqumevkarai elakam canianun nunarpiim elatiini, atakuyartumi arnat mertaryaraata nalliini. 12Piicagtuq, “Ataneq, Agayutiini angayuqama Abraham-aam, piluaqerceskia unuamek akquten piciurtelluku angayuqamnun. 13Wani uitaunga elakam caniani, nunarpagmek arnat mertaryaraatni. 14Neviarcar waten qanruskeka, ‘Mertarcuuten atrarteqerr'u merniartua.’ Waten-llu qanqan, ‘Mer'a, ungungssiuteten-llu merr'iciiqanka,’ taungukili cucukellren nulirqesqelluku Isaac-aamun. Tuaten pikan wiinga nallunritarkaugaqa akquten Abraham-aamun atuucirpenek.”
15Piicallni iquklipailgaku Rebecca tekituq assigtaminek mertarcuutmek tusegmiarluni. Una panikluku Bethuel-aam, qetunraan Nahor-am, Abraham-aam anelgutiin. Tauna-llu Nahor-aq nuliarluni Milcah-mek. 16Kenegnarluni nasaurluq angutem agtuqsailkii. Atrarluni elakamun imiraa assigtani, ataam-llu mayurluni. 17Pistem aqvaqurluni pairrsaagaa qanrulluku-llu, “Merr'isnga mertarcuutevnek.”
18Arnaq qanertuq, “Mer'a,” egmian-llu tusminek atrarrluku mertarcuutni nayumiqaluku mercetaa. 19Mer'umarian-llu qanertuq, “Ungungssiten-llu merceciiqanka meqsuirnatkaatnun.” 20Egmianun mervini kuvaa ungungssit merviatnun ataam-llu elakamun uterrluni mer'utni imiryarturluku. Tuaten mercetai ungungssiutai tamalkuita. 21Angutem murilkuraraa nepaunani, nallunriryugluni ilumun Atanermun piluaqercessucianek tamaavet ayallni.
22Ungungssit men'ermek taqngata angun tegutuq kulutmek akitulriamek suulutaamek, angelriignek-llu suulutaagnek tallirirluku. 23Qanerluni-llu, “Qanrusnga kia panikaten. Atavet-qaa enii pivingqertuq uitavigkamten̄ek?”
24Taum-llu qanrutaa, “Ataka Bethuel-aaruuq, qetunraak Nahor-am Milkah-m-llu. 25Can'gucirtukut ungungssit-llu neqkaitnek, qavarvigkartarluni-llu.”
26Abraham-aam pistiin ciisqumiggluni piicagvikaa Ataneq, 27qanerluni, “Nanraumali Ataneq, Agayutii angayuqama Abraham-aam, akqutni elliinun atuaku, ciuliqagglua-llu eniinun angayuqama tungelqurrin.”
28Nasaurluq-llu aqvaqurluni utertuq aanami uitavianun, qanemcilluku-llu makunek tamalkuitnek. 29Rebecca anelgutengqertuq tan'gaurlurmek aterluni Laban-aamek. Tauna aqvaqurluni ayagtuq elakamun Abraham-aam pistiin uitallranun. 30Laban-aam tangrramiki kulun tallirat-llu nayagarmi talligkeni, niicamiu-llu Rebecca-m qanellra, “Tuaten angutem qanrutaanga,” Abraham-aam pistii ullagaa nangengqalria ungungssit caniatni elakam nuniini. 31Qanerluni-llu, “Maligesnga enemten̄un. Elpet Atanrem atawaqaasqellruaten. Ciin nangengqasit ellami? Uptellruunga uitavigkarpenek, ungungssiten-llu uitavigkangqertut.”
32Tua-i angun itertuq enemun, Laban-aam-llu atmairai ungungssit neqkaitnek-llu cikirluki, mermek-llu tailluni Abraham-aam, pistiin, maliin-llu it'gaita eruutekaatnek. 33Neqkat taicatki angun qanertuq, “Nerngaitua qanerkaqa qanrutekvailemku.”
Laban-aam-llu pia, “Kitaki qanra.”
34Angutem qanrutaa, “Abraham-aam pistekaanga. 35Atanrem cakneq atawaqercecimaa angayuqaqa tukuurtelluku, cikirluku katngagnek, qusnginek, qusngirngalngurnek, kuluvagnek, qerrirlinek suulutaanek, angutnek arnanek-llu pisten̄ek, ungungssinek qulugnelegnek, ciulvagnek-llu. 36Sarah angayuqama nulirra qetunrangellruuq ak'allaurrluni, angayuqama-llu cani tamalkuita taumun qetunraminun piksagucetellrui. 37Angayuqama-llu akqivkallruanga pisqutni niisngaarkauvkarluku qanerluni, ‘Cucukiyaqunak nasaurlurmek maaken Canaan-aam nuniinek. 38Tau͡gaam ayakina atama yuinun tungayamnun, qetunrama nulirkaanek aqvalluten.’ 39Aptaqa-llu, ‘Qaillun-mi piciqsia nasaurluq qessakan maligcuumiinii?’ 40Kiugaanga, ‘Atanrem kesianek niisngak'ngama an'gilani ayagceciiqaa maliggluten piluaqertelluten. Qetunraqa nulirkaanek piciqan ilamnek atama yuin iliitnek. 41Tungayamnun tekiskuvet, ellaita-llu nasaurluq qunukekatgu, tuaten tau͡gaam pillratgun akqutkellerpenek wangnun angicimaarkauguten.’
42“Unuamek elakamun tekicama piicallruunga, ‘Ataneq, Agayutiini kevgiuqengama Abraham-aam, piluaqercessnga mat'umek calillemni. 43Waniwa nangengqaunga elakam caniani; nasaurluq mertalria waten qanrutarkaqa, “Mervigpenek merriarteqernga,” 44elliin-llu qanruskanga waten, “Mer'a, ungungssiuteten-llu merr'iciiqanka,” taunguvkaqiu cucukellren nulirqesqelluku kevgiuqengama qetunraanun.’ 45Qanenrirpailegma nepaunii piicallemni, Rebecca taiguq mertarcuutellgirluni, atrarluni-llu elakamun mertarluni. Qanrutaqa, ‘Merr'itqernga.’ 46Egmian mertarcuutni atrarrluku tusminek qanertuq, ‘Mer'a, ungungssiten-llu merr'iciiqanka.’ Tua-i mertua, mer'umariama-llu ungungssinka mercetai. 47Tua-llu aptaqa, ‘Kituuga aatan?’ Kiugaanga, ‘Ataka Bethuel-aaruuq, qetunraak Nahor-aankuk Milkah-llu.’ Tua-i qengagken'gun cigviliraqa tallirirluku-llu. 48Ciklua-llu quyavikaqa Ataneq, nanrarluku Ataneq Agayutii kevgiuqengama Abraham-aam, ciuliqagcanga tungelqurranun, tuani-llu nataqullua panianek, Abraham-aam qetunraan nulirkaanek. 49Tua-llu Piciulriakun piarkaukuvet kevgiuqengamnun, qanrusnga; wall'u piarkaunrilkuvet qanrullua, qaillun picirkaqa nallunrirniarqa.”
50Laban-aankuk Bethuel-aaq-llu kiuguk, “Man'a Atanermek kingunengqerran wangkuk picirkamek taqutnarqenritaakuk. 51Waniwa Rebecca, teguluku ayii nuliqsagutelluku angayuqerpet qetunraanun, Atanrem qanellruciatun.” 52Man'a Abraham-aam pistiin niicamiu cikluni Ataneq nanraraa. 53Anciuq-llu aturanek, qerrirlinek, suulutaanek-llu tangnircautnek, Rebecca-mun-llu tunluki. Akitulrianek-llu cikiutnek cikirlukek anelgutii aanii-llu.
54Abraham-aam pistii ilani-llu ner'ut merluteng-llu, tuani-llu unugpak uitaluteng. Unuaquan makcameng qanertuq, “Utercessnga angayuqamnun.”
55Tau͡gaam Rebecca-m anelgutiin aaniin-llu qanrutai, “Nasaurluq maantauraqarraarceciu nitilimi wall'u qulni ernerni, nutaan ayagniartuq.”
56Ellii tau͡gaam qanertuq, “Ayagnaciariinarcetenrilkut, Atanrem maavet ayalqa atawaqercecaku; ayagcessnga uterrnaurtua angayuqamnun.”
57Elkek kiuguk, “Nasaurluq taivkarluku apnaurput.” 58Tua-i Rebecca taisqaat apluku-llu, “Una-qaa angun maligcugan?”
Tauna kiuguq, “Aa-ang, maligciiqaqa.”
59Tua-i Rebecca ayagcetaat pisten͞gullermek ak'a ellmeggni malilirluku, maligutevkarluku Abraham-aam pistiinun, elliin-llu cali pistainun. 60Ellaita-llu Rebecca atawaqercetaat waten qanerluteng,
“Elpet nayagamten̄i aanaureskina yugugarnun naaquciilngurnun!
Kinguverpet piksagutelaqilitki nunarpait inglukestem̄eng!”
61Nutaan Rebecca pisten̄i-llu ayagtut ungungssini qulugnelegni ekumaluteng, maliggluku Abraham-aam pistii ilai-llu.
62Tamaani Isaac-aaq taillruluni yuilqurranun apqiita “Elakaa Unguvalriim Tangertem̄a” uitaluni-llu ungalalirnerani Canaan-aam. 63Atakuarmi Isaac-aaq an'uq umyuangcarluni piyualuni yuilqumi. Kiartellermini-llu tangertuq ungungssinek qulugnelegnek agiirtellrianek. 64Rebecca-m-llu Isaac-aaq tangrramiu atrartuq ungungssim qainganek, 65apluku-llu Abraham-aam pistii, “Kituuga angun tailria pairrsaagluta?”
Kiugaa, “Angayuqaqaqa.” Tua-i pelatuuminek Rebecca-m kegginani patua.
66Pistem-llu qanemcitaa Isaac-aaq tamalkuitnek pillerminek. 67Isaac-aam-llu Rebecca pelatekamun itrutaa, aanami Sarah-m uitalallranun, elliin-llu nuliqsagulluku. Isaac-aam Rebecca kenkaa, qarucimaluni-llu elliikun aanaminek yuarnayullerminek.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.